.. آلام وآمال

شوية العيال

2011-12-20T13:52:00.001+03:00

عايزين تسموهم بلطجية؟ ومالو بلطجية بلطجية وأولاد شوارع كمان .. فلتكن ثورة أخرى، ثورة البلطجية وأولاد الشوارع الطبقة المسحولة المنسية المظلومة المهدر حقها دايما، فإذا كانت ثورة العقلاء والسياسين تم أو يتم تخديرها او اخمادها فثورة الجياع لن يستطيع أحد أيا كان أن يوقفها أو يقف في طريقها حتى ولو كان الجيش نفسه، فهم بايعين القضية أساسا، لا يفرق معاهم اقتصاد ولا بورصة ولا حتى أمن ولا أمان إذا كانت حياتهم اساسا فقر وضياع وإنكار من الجميع، لا يفرق معاهم تراث ولا تاريخ فليحترق التاريخ وليذهب التراث إلى الجحيم، هؤلاء يريدون من يسمعهم ويفهمهم ويتحاور معهم وبلغتهم يريدون من يشعرهم أن هناك من يسعى لتحقيق أحلامهم بل جزء من أحلامهم حتى، لا من يستهين بهم او يضربهم أو يكهربهم، هم الشوكة التي خلفها النظام المخلوع بكل ظلمه وإهداره لحقوقهم وتهميشهم لتكون دائما سببا لقلق كل من يتصور انهم مجرد (شوية عيال كولجية بتوع برشام وحشاشين) يقدر يخوفهم بالحبس والتعذيب أو حتى القتل.كفاية كلام وكفاية اتهامات وكفاية نقول (محدش بقا فهم حاجة) لا فيه ايد خفية ولا فيه ايد منيلة بستين نيلة، الحقيقة بقت واضحة وضوح الشمس ووضح وظهر الغباء والتعنت والتشويش والتغيير في الحقايق جاي منين، مبقاش فيه حاجة تحتاج فوتوشوب ولا تركيب.أيها القادة .. أستحلفكم بالله أن توقظو ضمائركم وأن تعطو الفرصة لعقولكم وأعينكم أن ترى الصورة دون تشويه أو تبديل.. واحذروا ولا تستهينوا بـ (شوية عيال)ـ.

اقتبــاس

2011-01-25T14:32:00.002+03:00

ـ لماذا عٌدتِ؟
ـ كنت انتظرك

ـ لقد أخبرتك من قبل أني لا أستطيع مساعدتكم
ـ لابد ان نذهب لمساعدة هؤلاء الناس، نحن هنا لإحداث تغيير، نحن نؤمن بأهمية أرواح الناس
ـ بعض الأرواح
ـ حقا؟! لو فكر الجميع مثلك فلن يتغير شيئ
ـ لن يتغير شيء
ـ بالطبع لا، لاشيء يبقى على حاله

ـ عيشي حياتكِ فهي جميلة
ـ هذا ما احاول القيام به
ـ لا إن ما تحاولين القيام به هو تغيير ما هو عليه
ـ وما هو؟؟
ـ ــ صمت ــ

ـ عودي لبيتك
أجل عودي لبيتك

ـ ــ صمت ــ

ـ ربما تكون فقدت ثقتك في الناس، لكن مؤكد أنك لا تزال بحاجة إلى الإخلاص لشيء ما، شيء تعتني به
ربما قد لاتستطيع ان تغير ما هو عليه، ولكن المحاولة لإنقاذ الحياة أفضل بكثير من ألا يكون لك حياة

أليس هذا صحيح؟
... ... ...

مشهد من فيلم جون رامبو ـ الجزء الرابع ـ

عجائب الدنيا .. السبع

2010-10-11T01:41:00.002+03:00

طلبت إحدى المعلمات من طالباتها بحث
في عجائب الدنيا السبع

وبالرغم من اختلاف وجهات النظر بين الطالبات
فقد كان معظم التصويت على المعالم التالية

ـ 1 ـ أهرامات الجيزة بمصر
ـ 2 ـ تاج محل بالهند
ـ 3 ـ الوادي الكبير - كولورادو - الولايات المتحدة الأمريكية
ـ 4 ـ قناة بنما - بنما
ـ 5 ـ بناية امباير ستايت - نيويورك
ـ 6 ـ كاتدرائية بيتر باسيلكا بإيطاليا
ـ 7 ـ سور الصين

وبينما كانت المعلمة تجمع الأصوات من الطالبات

لاحظت أن واحدة منهن لم تُنهي ورقتها
فسألت الفتاة إذا ماكانت تواجه صعوبة في إكمال العجائب السبع

ردت الفتاة قائلة : نعم .. قليلاً لأنني أجدها كثيرة جداً
فقالت لها المعلمة : حسناً اقرئي لنا ما كتبتي وسوف
نساعدك في تحديدها

ترددت الفتاة قليلاً ثم قرأت
أعتقد أن عجائب الدنيا السبع وهي كالتالي

1- أن ترى

2- وتسمع

3- وتلمس

4- وتتذوق

5- وتشعر

6- وتضحك

7- وتحب ,

الأشياء البسيطة التي منحنا الله عز وجل
وتعودنا على وجودها في حياتنا كأمر مُسلم به في نظري
هي عجائب الدنيا السبع التي لايمكن أن تبنى باليد
أو تشترى بالمال

إنها ببساطة داخل قلبك وجوارحك

...

ــ منقـــول ــ

أراك مليكي

2010-09-27T02:00:00.000+03:00

مشاري راشد
-----

أراك مليكي

بخلق الشموس

طوال السنين هي موقدة

بنصب الجبال

بخلق الجمال

برفع السماء بلا أعمدة

------

Download

قدر الله كله خير

2010-09-18T23:47:00.000+03:00

كان لأحد الملوك وزيرٌ حكيم وكان الملك يقربه منه ويصطحبه معه في كل مكان

وكان كلما أصاب الملك ما يكدره قال له الوزير ( لعله خيرا ) فيهدأ الملك

في إحدى المرات قطع إصبع الملك لمرض أصيب به فيه

فقال الوزير: لعله خيرا ,, فغضب الملك غضبا شديدا وقال : ما الخير في ذلك ؟

وأمر بحبس الوزير

فما كان من الوزير المؤمن الحكيم إلا أن قال : ( لعله خيرا )ـ

ومكث الوزير فترة طويلة في السجن

وذات يومٍ خرج الملك للصيد وابتعد عن الحرس يتعقب فريسته

فمر على قومٍ يعبدون صنما لهم

فما إن رأوا الملك حتى انقضوا عليه ليكون قربانا لصنمهم !!ـ

وبينما هم يتفحصونه أتراه خالٍ من العيوب ليكون أهلا لذاك الصنم

حينها اكتشفوا أن إصبعه مقطوعة فتركوه

فانطلق الملك فرحا بعد أن أنقذه الله من الموت تحت قدم صنم لا ينفع ولا يضر

وعند وصوله القصر أمر إطلاق سراح الوزير على الفور

واعتذر له عما صنعه به بعد أن أدرك بالفعل الخير الذي أراده الله به بقطع اصبعه

لكنه سأل الوزير : عندما أمرت بسجنك قلت ( لعله خيرا) ما الخير في ذلك ؟

قال له الوزير: لو لم أسجن لكنت بدلا عنك قربانا للصنم لأني لا أكاد أفارقك

Meaning of FAMILY !

2010-09-15T14:41:00.000+03:00

Here Is The Answer .......... FAMILY =

(Father)

(And)

(Mother)

(I)

(Love)

(You)

(Father And Mother I Love You)

منقـــ :) ــــول

صمت

2010-09-12T18:13:00.000+03:00

فقط أريد أن أصمت طويلا

الشيخ محمد حسان كيفية تحقيق الخشوع في الصلاة

2010-08-29T23:51:00.002+03:00

يعني هـ تقف على صــــوتي؟!!ـ

2010-01-02T04:02:00.004+03:00

لما اشتركت في الجروب ده على فيس بوك عجبتني الفكرة ..ـ

بعد كام يوم جتلي رسالة من الجروب قلت ادخل اشوف إيه الحكاية

وقريت الكلام ده واستفدت منه جدا والموضوع استقر في دماغي تمامااا

وفي نفس اليوم قريت المقال ده، وكان من مدونة أستاذ هشام علاء

وقررت فعلا إني هبدأ في الإجراءات المطلوبة .. وهخلي عندي ـ صوت ـ

طب هتخسر إيه لما تستخرج بطاقتك الانتخابيه وتستغلها صح؟؟

وبلاش تقول إنها مش هـ تقف على صوتك

لا هـ تقف على صوتك

لأن أنا وانت محتاجين

صوتي وصوتك وصوت صاحبك واخوك واختك وزميلك ف الشغل أو زميلتك

وجارك وزوجتك/خطيبتك وأبوك وأمك

مش دول هما إحنا؟ وانا وانت منهم؟ يبقا لو موقفتش علينا اومال حـ تقف على مين؟

واللي منهم مش واخد باله لازم تبلغه

وتعرفه يعمل إيه وتخليه يبقا عنده ـ صوت ـ هو كمان

وخد بالك الوقت مش كتير .. الفرصة لحد آخر شهر يناير

يعني تبدأ من بكرة الصبح .. أو دلوقتي لو تقدر

يعني لازم نخلي عندنا شوية ـ أصوات ـ لأن مفيش وقت

وانشر الموضوع وعرّف ولو حتى ـ واحد من الناس ـ مكانش يعرف

خلي عندك ـ صووووت ـ

ادخل على صفحة الجروب على فيس بوك عشان تعرف كل الخطوات اللي لازم تعملها لأستخراج بطاقتك

برج دبي _ أطول بناء في العالم _ بالأرقام

2009-12-29T21:25:00.003+03:00

من موقع مدونة عالم الإبداع
ـــــــــــ

Burj Dubai

برج دبي الذي يعد أطول برج في العالم، بطوله الذي يصل لأكثر من 800 متر! والذي ظللنا ننتظر اكتمال بنائه منذ بدأ في يناير 2004.

أخيراً وبعد طول انتظار نقف اليوم على بعد أسبوع من افتتاح أطول بناء أنجزه الإنسان في العالمـ

أعلنت شركة إعمار العقارية (مالكة برج دبي) عن موعد الافتتاح الرسمي للبرج في 4 يناير القادم، ليكون بذلك أول مدينة عمودية في العالم، حيث سيكون هذا برج دبي منزلاً لـ100,000 شخص!!ـ

ـ95ـ كيلومتراً
المسافة التي يمكن رؤية قمة برج دبي منها.

124
رقم الطابق الذي توجد فيه شرفة “قمة البرج، برج دبي“، أعلى شرفة مراقبة مفتوحة للجمهور في كافة أنحاء العالم.

160
عدد الغرف والأجنحة الفندقية الفاخرة التي يضمها برج دبي.

ـ605ـ أمتار
الارتفاع الذي وصلت إليه عملية ضخ الإسمنت، وهو رقم قياسي عالمي.

ـ504ـ أمتار
المسافة التي يقطعها مصعد الخدمة الرئيس في “برج دبي“، وهو أيضاً رقم قياسي عالمي.

49
عدد الطوابق المخصصة للمكاتب، منها 12 طابقاً في مبنى المكاتب الملحق بالبرج.

57
عدد المصاعد ضمن البرج.

1044
إجمالي عدد الشقق السكنية ضمن “برج دبي“.ـ

3000
عدد مواقف السيارات الموجودة تحت الأرض.

5500
كيلوجرام- وزن الحمولة التي يستوعبها مصعد الخدمة الرئيس في البرج.

31400
طن متري من القضبان الفولاذية المستخدمة في هيكل “برج دبي“.ـ

28261
عدد الألواح الزجاجية المستخدمة في تنفيذ الواجهة الخارجية لـ”برج دبي” والمبنيين الملحقين به.

15000
لتر- كمية المياه التي يمكن تجميعها من معدات التبريد في برج دبي بغرض إعادة استخدامها في ري الحدائق.

19
هكتار- مساحة الحدائق المحيطة بقاعدة برج دبي.

12000
عدد العمال الذين وجدوا في موقع العمل خلال فترة ذروة تنفيذ الأعمال الإنشائية.

900
قدم- طول نوافير “دبي فاونتن”، أكبر النوافير المجاورة للبرج وأطول النوافير الاستعراضية في العالم.

ــ ـــ ــ ــ ــ

شاهد الموضوع بالصور على مدونة عالم الإبداع

ـ القضاء الإدارى ـ تلغى قرار «منع النقاب» فى المدن الجامعية

2009-12-17T00:21:00.000+03:00

ألزمت دائرة التعليم بمحكمة القضاء الإدارى الدكتور هانى هلال، وزير التعليم العالى، والدكتور أحمد زكى بدر، رئيس جامعة عين شمس، بالسماح لطالبتين منتقبتين بدخول المدينة الجامعية، وقضت بإلغاء القرار الصادر بمنع دخولهما للإقامة فيها، ويعد هذا أول حكم يصدر فى الدعاوى التى أقيمت بعد أزمة النقاب، وصدور قرار وزير التعليم العالى بحظر دخول المنتقبات المدينة الجامعية.

المصدر: جريدة المصري اليوم

الدكتور "محمد سيد طنطاوي" يرد على "شيخ الأزهر" ـ

2009-10-09T17:51:00.004+03:00

كتبه/ عبد المنعم الشحات

الحمد لله والصلاة والسلام على رسول الله، أما بعد؛

فلقد تداولت وسائل الإعلام المقروءة والمرئية واقعة أمر "شيخ الأزهر" لـ"طالبة أزهرية" في الصف الثاني الإعدادي، ونص الخبر كما جاء على موقع "إسلام أون لاين":

"مع افتتاح العام الدراسي الجديد، شهد أحد المعاهد الإعدادية الأزهرية بـ"القاهرة" نقاشا ساخنا بين شيخ الأزهر "محمد سيد طنطاوي" وطالبة منتقبة وإحدى المدرسات حول شرعية وحكم النقاب، انتهى بإعلان "شيخ الأزهر" عزمه منع النقاب بالمعاهد الأزهرية. وفيما يلي نص الحوار الذي دار بينهم، حسبما أوردته صحف مصرية الاثنين 5-10-2009:

شيخ الأزهر للطالبة المنتقبة: "النقاب مجرد عادة لا علاقة لها بالدين الإسلامي لا من قريب أو بعيد، وبعدين أنت قاعدة مع زميلاتك البنات فقط في الفصل لابسة النقاب ليه؟"ـ

الطالبة -بالصف الثاني الإعدادي- تمتثل لأمر شيخ الأزهر وتخلع النقاب.

شيخ الأزهر -81 عامًا-: "لما أنت كده أمال لو كنت جميلة شوية كنت عملتي إيه؟!".ـ

المدرسة: "الطالبة تقوم بخلع نقابها داخل المعهد؛ لأن كل المتواجدات فيه فتيات، ولم تقم بارتدائه إلا حينما وجدت فضيلتك والوفد المرافق تدخلون الفصل، وبعدين النقاب إن لم يكن فرضًا فإنه لا يؤذي أحدًا وهو على الأقل حرية شخصية."ـ

شيخ الأزهر للمدرسة –منفعلا-: "قلت إن النقاب لا علاقة له بالإسلام وهو مجرد عادة، وأنا أفهم في الدين أكتر منك ومن اللي خلفوكي."ـ

شيخ الأزهر: "سأصدر قرارًا رسميًا بمنع ارتداء النقاب داخل المعاهد، ومنع دخول أي طالبة أو مدرسة المعهد مرتدية النقاب."ـ

حدثت هذه الواقعة أثناء زيارة "شيخ الأزهر" السبت 4-10-2009 لمعهد فتيات أحمد الليبي بضاحية "مدينة نصر بالقاهرة"، خلال جولة تفقدية قام بها لمعاهد الأزهر للوقوف على مدى استعدادها لمواجهة انتشار أنفلونزا الخنازير".انتهى الخبر.

وقد وجدت أن أفضل تعليق على تلك المناظرة غير العادلة هو أن أستعين بكتب شيخ أزهري يُدعى الدكتور "محمد سيد طنطاوي" كانت رسالة الدكتوراة الخاصة به عن اليهود، وله تفسير ميسر للقرآن ولحسن الحظ أنه يدرَّس في المعاهد الأزهرية يسمى بـ"التفسير الوسيط"، ومما جاء فيه في تفسير قوله تعالى: (وَلا يُبْدِينَ زِينَتَهُنَّ إِلا مَا ظَهَرَ مِنْهَا) ما يلي:

"وقال ابن عطية: ويظهر لي بحكم ألفاظ الآية أن المرأة مأمورة بألا تبدي وأن تجتهد في الإخفاء لكل ما هو زينة، ووقع الاستثناء فيما يظهر، بحكم ضرورة حركة فيما لا بد منه، أو إصلاح شأن ونحو ذلك، (ما ظهر) على هذا الوجه مما تؤدى إليه الضرورة في النساء فهو المعفو عنه.

قلت -أي القرطبي-: وهذا قول حسن، إلا أنه لما كان الغالب من الوجه والكفين ظهورهما، عادة وعبادة، صح أن يكون الاستثناء راجعا إليهما.

يدل على ذلك ما رواه أبو داود عن عائشة، أن أسماء بنت أبى بكر دخلت على رسول الله -صلى الله عليه وسلم- وعليها ثياب رقاق، فأعرض عنها وقال : (يا أسماء إن المرأة إذا بلغت المحيض لم يصلح أن يرى منها إلا هذا وهذا) وأشار إلى وجهه وكفيه.

وقال بعض علمائنا: "إن المرأة إذا كانت جميلة وخيف من وجهها وكفيها الفتنة فعليها ستر ذلك ".

هذا، وفى هذه المسألة كلام كثير للعلماء فارجع إليه إن شئت." انتهى كلام الدكتور طنطاوي.

وقال الدكتور طنطاوي في قوله تعالى: (يَا أَيُّهَا النَّبِيُّ قُلْ لأَزْوَاجِكَ وَبَنَاتِكَ وَنِسَاءِ الْمُؤْمِنِينَ يُدْنِينَ عَلَيْهِنَّ مِنْ جَلابِيبِهِنَّ) (الأحزاب:59) :

"وقوله: (يُدْنِينَ) من الإِدناه بمعنى التقريب، ولتضمنه معنى السدل والإِرخاء عُدِّىَ بعلى. وهو جواب الأمر، كما في قوله تعالى: (قُلْ لِعِبَادِيَ الَّذِينَ آمَنُوا يُقِيمُوا الصَّلاةَ) (إبراهيم:31) والجلابيب:جلابيب: جمع جلباب، وهو ثوب يستر جميع البدن، تلبسه المرأة، فوق ثيابها.

والمعنى: يأيها النبي قل لأزواجك اللائي في عصمتك، وقل لبناتك اللائي هن من نسلك، وقل لنساء المؤمنين كافة، قل لهن : إذا ما خرجن لقضاء حاجتهن، فعليهن أن يسدلن الجلابيب عليهن، حتى يسترن أجسامهن سترا تاما، من رءوسهن إلى أقدامهن، زيادة في التستر والاحتشام، وبعدا عن مكان التهمة والريبة." انتهى كلام الدكتور طنطاوي.

إن دكتور "محمد سيد طنطاوي" صاحب دراسة "بنو إسرائيل في القران الكريم" لا يمكن أن يكون هو الذي يستقبل الحاخامات ويصافح قتلة الأطفال.

ودكتور "محمد سيد طنطاوي" صاحب "التفسير الوسيط" الذي مال إلى قول من يقول بوجوب ستر وجه المرأة في موضع لا سيما إن كانت جميلة، وذكره قولا واحدًا دون أن يشير إلى الخلاف في موطن آخر، ليس هو بالذي يناظر فتاة صغيرة مدعيًا أن "النقاب عادة لا علاقة لها بالدين".

إذن فلنفترض أنهما شخصان فقد أحدهما يوم تولى الأخر منصب الإفتاء ومن بعده مشيخة الأزهر، ولكن الأول ممثل حقيقي للأزهر وللعلم والعلماء وغير خارق لإجماع الأمة ولا خارج من منهجها.

هذه إجابتنا نيابة عن الفتاة وعن مدرستها اللتين ربما منعهما الحياء أو غيره عن الرد على شيخ الأزهر ليبينوا له أن القول بمشروعية النقاب هو قول كل العلماء الذين يفهمون في الدين وفوق هذا يخافون من رب العالمين، وأن الخلاف بينهم محصور في درجة مشروعيته هل هي الاستحباب أم الوجوب؟ وأن القول بأن النقاب عادة دخيلة هو قول دخيل على الأمة وعلى فقهها، وشاهدنا على ذلك تفسير الدكتور "محمد سيد طنطاوي" نفسه.

وأما سائر المناقشة فنعرض عن ذكرها اكتفاء بما أصاب الناس من وجوم من جرائها.

وبقيت كلمة أخيرة:ـ

إذا كان فضيلته متعطشًا لمناظرة أو راغبًا في مجادلة ففي البلاد كثيرون يطلبون النزال وكثيرات يطلبن المناقشة.

- ففي ديارنا يا شيخ الأزهر امرأة تسمى "نجلاء الإمام" قدمت مشروع قانون للأحوال الشخصية ولما قيل لها: "شيوخ الأزهر لا يوافقون عليه" قالت لهم: "الأزهر مفروض يقعد على جنب" فلما وجدت أن الأزهر ومشيخته أصابهم صمت أصحاب القبور تنصرت مدعية أن أهم أسباب تنصرها تخريفات شيوخ الأزهر و ما زال الأزهر صامتا!

-في ديارنا يا شيخ الأزهر امرأة وابنتها يتزعمن مجموعة من النسوة ومن أشباه الرجال يُردن إلغاء المادة الثانية من الدستور القائلة بـ"أن الشريعة هي المصدر الرئيسي للتشريع"، ويطالبن بنسبة الأولاد إلى أمهاتهن لا آبائهن، ويسخرن من الأزهر، ومن قبله الأئمة الأربعة؛ فهل نطمع في أن تسمعهن إحدى شخطاتك كتلك التي نالت الطلبة المنتقبة وأستاذتها؟!

- في ديارنا يا شيخ الأزهر امرأة تعمل مخرجة أفلام تركز في أفلامها على العرى والفجور استضافها مذيع ماجن يقدم برنامج مضمونه وعنوانه التجرؤ على الدين، وعلى ثوابت الأمة وسألها بخبث متى ترتدين الحجاب؟! فرفعت يديها إلى السماء قائلة "ربنا ما يكتبها عليّ"، وأطمئنك أن هذه المرأة وجواريها التي يمثلن في أفلامها يحتجن إلى أن تأمرهن بالحجاب والنقاب و ليسوا قليلات الحظ من الجمال كالبنت الصغيرة التي رأيت فضيلتك أنها ليست جميلة!

وإن كانت شهادتك قد تكون فيها نظر في هذا الباب إن كان علمك بالجمال من نفس جنس علمك بالدين الذي زعمت أنك تفهم فيه أكثر من "اللي خلفوها" مع أنه من الوارد أن يكون أبويها قد أتيا بهذا العلم الذي تراه فاسدا من كتاب "التفسير الوسيط" الذي يقرره الأزهر على طلابه وهو للدكتور "محمد سيد طنطاوي" سالف الذكر.

- في ديارنا يا شيخ الأزهر تمنح وزارة الثقافة جوائز الدولة التشجيعية لمن يقول "أن الإسلام لم يكن إلا حركة سياسية وضعية" وهو كلام ثار له كل أحد إلا مشيخة الأزهر!

- في ديارنا يا شيخ الأزهر مدرس يهتك عرض 18 تلميذة من تلميذاته في مثل عمر الفتاة التي واجهتها ولا نظن أنهن يفقنها جمالا، ولكنها النار إذا وضعت بجوار الهشيم، والذئب إذا استودعت عنده الغنم، والرائد إذا كذب أهله فأوردهم المهالك ولم ينصح لهم، وعلم المصلحة فلم يأمر بها، وعلم المفسدة فلم ينه عنها!

- في ديارنا يا شيخ الأزهر أخطاء و أخطار تحتاج مثل هذه الوقفات الجريئة، والمناظرات التي تسكت الجاهلين وترد على المشغبين وتنزع البرقع الذي يخفى وجوه الطاعنين في الدين عن الناظرين.

- في ديارنا يا شيخ الأزهر عادات وعادات وبدع ومحدثات ومعاصي ومنكرات تحتاج إلى تلك الوقفة الشجاعة!

ونحن منتظرون !!!!

وأما الفتاة الصغيرة فعذرا إذا ما دفعنا إليها كتاب "التفسير الوسيط" لكي تعلم أن النقاب ليس عادة إسلامية دخيلة ولتستر وجهها عن أعين الناظرين ولتحافظ على حيائها في أعلى ما يكون.

فيا ابنتنا العزيزة التي لا أعرف اسمها ولا اسم والديها -ولكن الله يعرفهم-: لا أملك إلا أن أدعو الله لك أن يجعلك الله قرة عين لهما في الدنيا والآخرة وأن يزينك بزينة الإيمان.

ابنتنا العزيزة:ـ

"لقد اختارك الله لتقولي كلمة الحق فقلتيها، وساعدتك معلمتك أنعم بها من معلمة."

ابنتنا العزيزة:ـ

"لا يصدنك عن نقابك أن قالوا "عادة" بعد إذ علمت أنه في كتاب الله."

ابنتنا العزيزة:ـ

"لا يجرحنك أن قيل لك "اللي خلفوك" لأنهم إن خلفوا فقد خلفوا فتاة مسلمة مقتدية بأمهات المؤمنين في زيها، نسأل الله أن تكوني مقتدية بهم في كل شئونك."

ابنتنا العزيزة:ـ

"لا يغضبنك أن قالوا "ليست بجميلة" فالغواني هم الذين يعجبهن الثناء فمن ثم يزدن في زينتهن أشكالا وألوانا، وأما الفتيات المسلمات فهن يسترن زينتهن."

ابنتنا العزيزة:ـ

"في زماننا كثر التزييف في كل المجالات حتى العلم الشرعي نفسه طاله التزييف، وأما الجمال فقد طغى التزييف فيه حتى صار كأنه هو الأصل، فمن فرط طغيانه نسي البعض الجمال الحقيقي، وأما المصطنع فقلَّ فتاة أرادته إلا وحصلت منه على ما تريد، ومع ذلك فقد أباح الله منه ما أباح للمرأة في بيت زوجها."

ابنتنا العزيزة:ـ

"اعتبري الأمر برمته كأن لم يكن، وتوكلي على الله، وبإذن نراك قريبًَا أمًا لفتيات منقبات ملتزمات بشرع الله."

فاللهم احفظنا من الفتن ما ظهر منها وما بطن.
اللهم يا مقلب القلوب ثبت قلبي على دينك.
اللهم يا مصرف الأبصار صرف قلبي إلى طاعتك.

موقع صوت السلف

الشيطان في ساعاته الأخيرة .. يستعين بكل جنوده

2009-08-06T23:28:00.002+03:00

عارفين أغنية ـ رمضان جانا .. وفرحنابه ـ ؟
طبعا كلنا حافظينها وليها مع كل واحد فينا أحاسيس جميلة

دلوقت انا بقيت أكره الأغنية دي
ومبقتش بحب أسمعها
والسبب انها بقت مرتبطة بكمية رهيبة من الإعلانات عن مسلسلات وبرامج تلفزيونية هاتيجي ف رمضان

هو إيه اللي بيحصل ف القنوات الفضائية ده؟
مش ممكن التحضير والتجهيز لوجع القلب ده ياخد كل المساحة دي من وقتنا
ليه؟

للدرجادي الفلوس والمكسب والتجارة تنسي الناس دي قدسية الشهر المعظم ده؟؟
وتنسيهم وتخليهم يشغلونا ويشغلوا ملايين البشر معاهم بكل التفاهات اللي بتتقدم وبيتجهزلها من سنة فاتت؟

عارفين لو الناس دي مش مسلمين
انا مكونتش اتعجبت وكنت قلت خلاص ليهم مبررهم ف اللي بيعملوه
أو ميفرقش معاهم شهر رمضان من شهر شوال حتى
لكن الغريبة إن 90 % من القائمين على الأعمال دي ناس مسلمين

طيب هما مش فاهمين إن كل واحد هينشغل بحاجة زي دي عن عبادة ربنا .. عليهم مثل ما عليه من الوزر؟
طب كام واحد با هيتفرج؟

ولا حول ولا قوة إلا بالله

يا اجماعة انا بذكر نفسي وبذكركم
لازم نستغل الأيام الجاية دي أحسن استغلال ممكن في طاعة ربنا وعبادته
ومش عايزين نسيب الفرصة للشيطان وأعوانه إنهم يشغلونا
وياخدوا وقتنا اللي ربنا أنعم علينا بيه
..

ربنا يهدينا كلنا لما يحب ويرضى

أحكام تجويد القرآن الكريم - بالصور

2009-07-17T16:22:00.005+03:00

أولا:ـ

ـ1ـ الاستعاذة
ـ2ـ البسملة
ـ3ـ أحكام النون الساكنة والتنوين
ـ4ـ أحكام الميم الساكنة
ـ5ـ المد وأقسامه
ـ6ـ التفخيم والترقيق في الحروف
ـ7ـ أحكام الراء
ـ8ـ أحكام لام اسم الجلالة
ـ9ـ السكت
ـ10ـ مخارج الحروف
ـ 11ـ صفات الحروف
ـ12ـ الوقف والابتداء
ـ13ـ أقسام الوقف
ـ14ـ أقسام الوقف الاختياري

عدد الصور
25 صورة بها جميع الأحكام السابقة
الحجم937 كيلوابايت

التحميــــل
------

ثانيا:ـ

مخارج الحروف
بالرسم التوضيحي لكل حرف ومخرجه

عدد الصور
5
بحجم337 كيلوابايت

التحميـــل
------

ثالثا:ـ

متن تحفة الأطفال ـ بالصوت ـ
عدد المقاطع
10
بحجم 17 ميجابايت

التحميــــل

شرح متن تحفة الأطفال

تحميــــل
..
..
..

عليك يا ذا الجلال معتمدي _ مشاري راشد

2009-06-04T22:47:00.000+03:00

مناجاة بصوت الشيخ مشاري راشد العفاسي
ـ عليك يا ذا الجلال معتمدي ـ
من تسجيلات قناة العفاسي الفضائية

عليك يا ذا الجلال معتمدي .. طوبى لمن كنت أنت مولاهُ
طوبى لمن بات خائفـًا وجلاً .. يشكو لذي الجلال بلواهُ
وما به علة ولا سقم .. أكثر من حبه لمولاهُ
إذا خلا في ظلام الليل مبتهلاً .. أجابه الله ثم لباهُ
ومن ينل ذا من الإله فقد .. فاز بقربٍ تقرُ عيناهُ
--- --- ---

تحميل المقطع صوتي
MP3
إضغط هنــا
الحجم 1.9 ميجابايت

تحميل الفيديو
WMV
إضغط هنــا
الحجم 8.6 ميجابايت

--- --- ---

بركاتك يا أوباما

2009-06-02T14:59:00.002+03:00

يارب يا أوباما ياخويا يجيلك هاتف كده وانت ماشي ف الموكب بتاعك وتقرر انك تعدي على عين شمس تاخدلك لفة عندنا .. ووالله هنستقبلك أحسن استقبال .. وهنعمل معاك أحلى واجب ومتشيلش هم حاجة خالص ـ

احنا اه عندنا شوية مشاكل صغيرة كده بس ميكونش عندك فكرة خااالص، انت راجل كلك بركة بس انتا انوي كده وسيبها لله ـ

احنا اه عندنا طريق بيرصفوا فيه بقالهم ييجي 3 سنين كده .. لكن متشلش هم ابدا .. دي حاجات تافهة كلها وتخلص هوا .. بس زي ما تقول كده هي نفس وصابتنا، أصل كل ما يرصفوا جزء ياعيني يكتشفوا ان فيه بلاعة هنا (ولامؤاخذة يعني) كان مفروض توطى شوية، أو مثلا يتكشفوا فجأتن كده غن فيه كابل كهربا مفروض يمشي من هنا، أو مثلا مثلا لما ييجي البلدوزر عشان يشيل (اكوام الزبالة) اللي على حرف الطريق يقوم شايل نص الأسفلت معاه، واهو حاجات زي كده يعني الأمر ميسلمش، فيضطروا ياعيني انهم يرصفوا من جديد، وهلم جرجر بقى ـ بس انا مش عايزززك تقلق .. وميغركش ان هما مكبرين كده، بس انت انوي وسيبها لله ! ـ

والا العيال بتوع السرفيس اللي مبرطعين براحتهم ولا حد عارف يلمهم، يمكن ياخويا ينصلح حالهم كده ببركة زيارتك الموقرة .. يعملولهم موقف كده ويتنظم خط سيرهم ويتعملهم رخص ويتحاسبوا لو غلطوا ويبقى ليهم ظابط ورابط بدل ماهما طايحين كده !!ـ كل شيء جايز ـ

وعايز اقولك كمان ان عندنا مزلقان اسمه مزلقان عين شمس، مش هحكيلك ع الربكة اللي بتحصل لما قطر يعدي، بس متخافش انت خااالص م الحكاية دي وانت جاي، أكيد يعني هنوقف حركة القطارات بالمرة أثناء مرورك الكريم، الله! ماحنا بردو ولاد بلد ولامؤاخذة ومعندناش مانع خالص ان احنا نعطل كل مصالحنا عشان سيادتك، واحنا يعني عندنا كام أوباما!!ـ

وبعدين يعني ف أسوأ الظروف يعني معلش حتى لو القطر عدى صدقني هما ساعتين تلاتة وكله يبقى تمام، على ما يتكسر كام عربية كده وسط الزحمة وتحصل كام خناقة صغيرة كده مع العيال بتوع السرفيس بردو (جبابرة ياخويا العيال دي) وبعدين بتلاقيها سلكت كده بالبركة، ويمكن واحد ابن حلال كده ينزل من عربيته ويقرر انه ينظم حركة المرور لحد ما الأزمة تعدي، طب اقولك على حاجة احلى من كده بقى؟ والله ساعات بتسلك لوحدها كده بمجرد الدعاء والتضرع!!ـ
إوعى فكرك يروح لبعيد كده وتقولي نوقف ظابط مرور أو حتى عسكري، لالا أزعل منك ياراجل معقول بردو نعمل كده؟؟

بس انا بأكد عليك تاني ومش عايزك تقلق خاالص، أكيد أكيد بركة زيارتك ليها وضع مختلف يا أوباما ياخويا
بس انت إنوي كده

وربنا يجعله عااامر
-- -- --

ألبوم مشاري راشد 2009 _ عناقيد

2009-05-26T18:08:00.013+03:00

ألبوم عناقيد للمنشد مشاري راشد العفاسي
--- --- ---

نشيد الشهيد .. تحميــل

نشيد مع الحبيب ـ يسعد فؤادي ـ .. تحميــل

نشيد لا عاد .. تحميــل

نشيد شكرا يا مصر .. تحميــل

نشيد قطر .. تحميــل

نشيد يا صاحبي .. تحميــل

نشيد دوما لك الحمد .. تحميــل

نشيد الله على الظالم .. تحميــل

نشيد يارب .. تحميــل

نشيد هذي زكاتي .. تحميــل

نشيد جربتها .. تحميــل

نشيد تذكر انت (ريميكس) .. تحميــل

نشيد نختلف .. تحميــل

نشيد أغيب .. تحميــل

--- --- --- ---

:)

أحلام عتريس

2009-05-08T21:52:00.007+03:00

عتريس .. شاب مصري متوسط الحال .. عنده أحلام بسيطة ونفسه يحققها

يحلم ببيت يجمعه مع الإنسانة اللي اختارها قلبه واختار يعيش معاها بقية عمره
يحلم باستقرار وحياة هادية
يقوم من النوم الصبح على خبطة رقيقة من اديها وهي بتصحيه ـ قوم يا عتريس يا حبيبي كفاية نوم بئا ـ ويصطبح بابتسامتها الرقيقة .. وتكون مجهزة الحمام وبعد ما يخلص حمامه يلاقيها محضرة الفطار ويفطروا مع بعض ويشربوا الشاي كمان
يسلم عليها وهو نازل رايح الشغل ويسمع دعوتها اللي تشحن طاقته لبداية يوم جديد
لو اتاخر شوية ف الشغل تتصل بيه وتطمن عليه ويطمنها ويسألها ـ عاملة إيه ع الغدا يا حبيبتي ـ تقوله عاملالك الأكلة اللي بتحبها يا روحي بس انت خللص وارجع بالسلامة
"طفس أوي عتريس ده"

يرجع البيت تستقبله وكأنه غايب عنها من سنة ـ حمدلله على سلامتك يا حبيبي ـ
يقعدوا يتغدوا ويحكيلها وتحكيلوا ويسمعها وتسمعه
لو مشكلة واجهته يضمن إنه هيلاقي حضن حنين يخفف عنه .. وعقل راسي ياخد برأيه ومشورته
لو مشكلة واجهتها يقعد ويسمعها بكل حب وشغف على مساعدتها في حلها

بيحلم بأطفال يملوا عليه حياته
يشوفهم بيكبروا ادام عينه ويفرح بيهم
ويفرح كل ما يعلمهم حاجة جديدة ويبئا هو قدوتهم وصاحبهم .. يسمعهم لما يتكلموا .. يخاف عليهم من الدنيا اللي عمالة تتغير للأسوأ .. يقلق ويسهر هو وأمهم على راحتهم لحد ما يشوفهم في أحسن مكان

بيحلم يعلمهم الدين ـ في زمن قل فيه الدين ـ ويكلمهم عن ربنا ويعرفهم عليه وعلى قدرته وعلى رحمته وعلى حكمته
يكلمهم عن الرسول عليه الصلاة والسلام وعن أصحابه
يلعب معاهم في يوم اجازته ويخرجهم ويفرحهم

بيحلم عتريس يلحق يحقق أحلامه قبل ما تتوه في إعصار الأيام اللي بتجري
ووراها السنين بتلاحقها

عتريس دلوقت سنه ربع قرن من الزمان
ولسة بيجهز نفسه وبيحضر بيته
وياعالم امتا هيقدر يحقق أحلامه

إحلم يا عتريس
إحلم وميهمكش طالما فيه ربنا

إحلم وربنا يسامح كل اللي مصعبين عليك أحلامك
--- --- ---

حقوق الصورة

معذرةَ

2009-05-01T21:49:00.004+03:00

يحاول أن يتجاهل ذلك الشعور الغريب الذي بدأ يتسلل إلى قلبه في الآونة الأخيرة
فهو يدرك يقينا أن قلبه فيه ما يكفيه ولن يتحمل أي أعباء أخرى

ويتمنى ألا تبوء محاولاته بالفشل

داخل "مسجد" الحسين

2009-04-25T23:08:00.009+03:00

في الفترة الأخيرة دي كنت بروح منطقة الحسين في مشاوير شغل
هو من يوم الإنفجار اللي حصل والأمن مكثف في المنطقة دي والتفتيش هناك شيء عادي .. مع العلم ان اللي بيتفتش طبعا هما المصرين بس .. وبالخصوص اللي شايلين شنط .. بصراحة والشهادة لله الناس اللي بتفتش سواء كانوا عساكر او ظباط أمن محترمين جدا ومحدش منهم بيعامل الناس بطريقة وحشة .. بس ممكن مثلا على ما تعدي من البوابة اللي بعد نفق المشاه لحد ما توصل للجامع تكون اتفتشت 3 أو أربع مرات .. عادي

المهم
يوم التلات اللي فات ده كانت الزحمة غير طبيعية وناس واضح ان كلهم من الأقاليم
بسأل واحد إيه الزحمة دي؟ قاللي انتا متعرفش ان النهاردة المولد؟
مولد سيدنا الحسين
ممممممم خلصت مشواري واللي كنت بعمله وانا مروح بصراحة مقدرتش أمشي من غير ما ادخل الجامع أشوف إيه اللي بيحصل جوه والناس دي كلها داخلة ف وقت مش وقت صلاة تعمل إيه
ودخلت وكنت متوقع انا هشوف إيه م اللي كنت بسمعه بيحصل ف الموالد والذي منه
وبدا الفضول يدفعني أكتر وقلت لازم أصور اللي بيحصل
وصورت فعلا ودخلت عند "الضريح" وصورت اللي بيحصل جوه

ولا حول ولا قوة إلا بالله
لسة الناس دي موجودة فعلا .. أيوة موجودين وبيعملوا كده
والمشكلة دلوقت والسؤال اللي هيجنني
فين الأزهر وعلماء الأزهر ومشايخ الأزهر من اللي بيحصل ده؟
فين دار الإفتاء والمفتيين والمؤسسات الدينية
غريبة دي والله
ليه مايتمنعش الجهل ده من عندنا وبأوامر ورقابة من الحكومة أو الأمن
ليه لاء يعني؟؟

الناس بتعتبر إن ده سعي زي اللي بيحصل في مكة المكرمة
لو تلاحظوا الراجل اللي بيتكلم وانا داخل عند الضريح بيقول ـ السعي شمال واللي خارج يمين ـ وواحد بعده بشوية بيقوللي ـ إسعى يا حبيبي إسعى وصلي ع النبي ـ ومهازل بتحصل والله
وإوعى حد يقوللي دي حرية عقيدة
عقيدة إيه يا عم الحاج
ده شيء لا يقبله عقل حتى ولا منطق .. بعيدا عن الدين

وطفل صغير ولا يوعى هو بيعمل إيه واقف ومادد أيده ناحية الضريح وبيدعي .. أهو بيقلد أبوه ولا اخوه وخلاص

انا مش هتكلم أكتر من كده بصراحة
أنا هسيب التعليقات ليكم للي يحب يعلق

-- -- -- -- -- -- --

في ذكرى مذبحة بحر البقر

2009-04-10T12:46:00.002+03:00

الزمان

الساعة التاسعة وعشرون دقيقة من صباح يوم الأربعاء 8 أبريل 1970م، الموافق للثاني من صفر عام 1390 هـ.

المكان

مدرسة بحر البقر الابتدائية المشتركة التي تقع بمركز الحسينية –محافظة الشرقية (شمال شرق القاهرة ، جنوب بورسعيد).

المعتدي

إسرائيل

أداة العدوان

طائرات الفانتوم الأمريكية الصنع

الضحايا

استشهاد 30 طفل اصابة اكثر من 60 طفل

..

مع المدونين ولأول مرة

2009-02-27T11:44:00.006+03:00

إمبارح حضرت حفل توقيع كتاب البنات عايزة إيه
أول مرة أحضر حفل توقيع وأول مرة اقعد مع مدونين
روحت متأخر جدا بس الحمد لله لحقت ناس كتير
قابلت احمد الصباغ والراجل عمل معايا واجب تمام اوي
وقابلت أحمد مهنى سلمنا على بعض ف السريع عشان كان ماشي، ونضال اللي طلع ساكن جمبي وانا معرفش، وزهرة الجنة ـ المفروسة جدا ـ وقامت ييجي سبعتاشر مرة ف عشر دقايق بس، وشوفت إيناس لطفي ـ دنيا محيراني ـ بس متعرفناش على بعض انا كنت عارفها عشان شوفتها كذا مرة ف صورها على فيس بوك لكن هي مكانتش عارفاني، وشوفت كمان عسقول، وطارق عميرة صاحب مدونة كورارث وكتاب ناثر البخور وبردو طلع جاري هو كمان، وسحر غريب صاحبة كتاب حماتي ملاك بس للأسف معرفتش اخد الكتاب عشان كان آخر واحد ف المكتبة على حظي يعني، وحسام شاهين صاحب مدونة عالمي الافتراضي

كانو 3 ساعات حلوين واتشرفت بالناس اللي قابلتها جدا
ولأنها المرة الأولى بالنسبالي
حسيت انه حدث يستحق تدوينة للذكرى

شكر خاص لـ المدونة والصحفية بدرية طه
بجد اتشرفت جدا بمقابلتك
وألف مبروك على الكتاب

آل انتخابات آل

2009-02-11T00:38:00.025+03:00

أتابع أخبار الانتخابات الاسرائيلية
واضرب كف على كف من الدهشة
واقول لنفسي معقول؟
معقول اليهود اصبح ليهم دولة
وبقت أمر مُسلّم بيه للدرجادي؟
وكمان بيعملوا انتخابات بشكل متحضر
زي بقية دول العالم المحترمة؟
!!

حودة يا عسل

2009-02-09T02:41:00.010+03:00

صرح السفير أحمد رزق مساعد وزير الخارجية للشئون القنصلية بأن السلطات الليبية أفرجت عن طاقم مركب الصيد المصرى "حودة يا عسل " والذى كان قد تم القبض عليه فى 27 ديسمبر الماضى بعد دخولهم المياه الإقليمية الليبية للصيد بدون تصريح .

عادي

خبر عادي جدا على مصراوي

بس اسم المركب لفت نظري شوية

قلت اسجله في مدونتي

ونأسف للإزعاج

:D

مســافــات

2009-02-06T03:15:00.001+03:00

لما تتحول الحياة من كونها مجموعة من العلاقات الطبيعية
إلى مجموعة علاقات مشوهة تفرق بينها المسافات
تلك هي المعاناة الحقيقية

حينما توجد مسافات بين الأهل وذويهم
بين الجيران ـ رغم القرب ـ مسافات
بين الصحاب ـ أحيانا ـ تفرض نفسها المسافات
ومسافاااات بين الشعوب والحكام
مسافات بين الناس والمسؤولين
بين الأخ وأخوه ..... المسافات

بل وتكتمل المعاناة في أقسى صورها
حينما يصنع البشر بجهلهم وأخطائهم
مسافات بينهم وبين خالقهم

فكيف تصبح الحياة "حياة"ــ؟؟
----

متي تختفي من حياتنا
كل هذه المسافات؟

عــزاء

2009-02-01T17:10:00.019+03:00

عزاء واجب لـ أميرة صاحبة مدونة أنا ودماغي
في وفاة جدها

ربنا يرحمه ويغفر له
ويجعل قبره روضة من رياض الجنة
ويسكنه الفردوس الأعلى
ويصبر أهله ويرزقهم بـِرّه
-- -- --

ادعوا له بالرحمة والمغفرة

Haleema.. thanks to the Israeli war machine!

2009-01-19T16:58:00.004+03:00

"Hallema" is a palestinian baby girl..

that beautiful pictures taken during her visit to Egypt last year to see her brother who was recovering in a hospital in cairo.

isn't she just a gorgeous baby??

well, she "was" a gorgeous baby.. coz now she's a burnt dead body..
thanks to the Israeli war machine, and she's just one of hundreds of children who killed by the same ugly way in.

"Gaza2008/2009Holocaust"

--- ---
Sources:
Ahmed, Appy, Now in Gaza
--- ---

PUBLISH IT, TELL THE WORLD

<br /><a href="http://4.bp.blogspot.com/_XMmKq3p7VYc/SXQjrUbgePI/AAAAAAAAAsA/PzVPxACxg88/s1600-h/haleema_2.jpg" target="_blank"></a> "<strong><span style="font-size: 120%;">Hallema" is a palestinian baby girl..</span></strong><br /><br /><a href="http://4.bp.blogspot.com/_XMmKq3p7VYc/SXQjlKJpiGI/AAAAAAAAAr4/UQrXgeB1UbU/s1600-h/haleema_5.jpg" target="_blank"></a><span style="font-size: 100%;">that beautiful pictures taken during her visit to Egypt last year to see her brother who was recovering  in a hospital in cairo.</span><br /><br /><span style="font-size: 120%;">isn't she just a gorgeous baby??</span><br /><a href="http://3.bp.blogspot.com/_XMmKq3p7VYc/SXQjgBrsHvI/AAAAAAAAArw/4-yM45RBhtk/s1600-h/haleema_7.jpg" target="_blank"></a><br />well, she "was" a gorgeous baby.. coz now she's a burnt dead body..<br />thanks to the Israeli war machine, and she's just one of hundreds of children who killed by the same ugly way in.<br /><br /><span style="color: rgb(153, 0, 0); font-size: 120%;">"Gaza2008/2009Holocaust"</span><br /><br /><a href="http://1.bp.blogspot.com/_XMmKq3p7VYc/SXQjW6QrOHI/AAAAAAAAAro/wdDz555jYKo/s1600-h/haleema_8.jpg" target="_blank"></a><br />--- ---<br />Sources:<br /><a href="http://yalally.blogspot.com/2009/01/blog-post_2491.html">Ahmed</a>, <a href="http://appyplant.blogspot.com/2009/01/blog-post_18.html">Appy</a>, <a href="http://nowingaza.blogspot.com/2009/01/haleema.html">Now in Gaza</a><br />--- ---<br /><br /><strong>PUBLISH IT, TELL THE WORLD</strong><br />

Holocaust survivors

2009-01-17T17:45:00.008+03:00

الهدف من نشر هذا الموضوع ليس لمشاهدة الصور و"مصمصة الشفايف" ولكنه تدعيما لتوصيل رسالة للعالم كله عن حقيقة الحقد الصهيوني

لمن يريد نشر الموضوع في مدونته
انسخ ما بداخل المربع التالي وضعه في موضوع جديد بمدونتك

<br /><div style="text-align: left;"><span style="font-size: 100%;"> The grandchildren of the holocaust survivors are doing now to Palestinians exactly what was done to them by the Nazi</span></div><br /><br /><a href="http://2.bp.blogspot.com/_4BnnuxpzFz0/SXHWnTppU1I/AAAAAAAAAyg/LijH6b-6nCc/s1600-h/JPEG.dat.jpg" onblur="try {parent.deselectBloggerImageGracefully();} catch(e) {}"></a><br /><a href="http://4.bp.blogspot.com/_4BnnuxpzFz0/SXHVoEy01wI/AAAAAAAAAyQ/DUP5evz7-7s/s1600-h/2.jpg" onblur="try {parent.deselectBloggerImageGracefully();} catch(e) {}"></a><br /><a href="http://3.bp.blogspot.com/_4BnnuxpzFz0/SXHVK9j8szI/AAAAAAAAAyI/pF6ilujcb0A/s1600-h/3.jpg" onblur="try {parent.deselectBloggerImageGracefully();} catch(e) {}"></a><br /><a href="http://3.bp.blogspot.com/_4BnnuxpzFz0/SXHU-YhO4pI/AAAAAAAAAyA/bp8C_IIifbg/s1600-h/4.jpg" onblur="try {parent.deselectBloggerImageGracefully();} catch(e) {}"></a><br /><a href="http://2.bp.blogspot.com/_4BnnuxpzFz0/SXHUzsqI7WI/AAAAAAAAAx4/KSR-klWTE_0/s1600-h/5.jpg" onblur="try {parent.deselectBloggerImageGracefully();} catch(e) {}"></a><br /><a href="http://2.bp.blogspot.com/_4BnnuxpzFz0/SXHUcnGswFI/AAAAAAAAAxw/13CpD88fKdI/s1600-h/6.jpg" onblur="try {parent.deselectBloggerImageGracefully();} catch(e) {}"></a><br /><a href="http://1.bp.blogspot.com/_4BnnuxpzFz0/SXHUV4wq3rI/AAAAAAAAAxo/n01dgdFIIfc/s1600-h/7.jpg" onblur="try {parent.deselectBloggerImageGracefully();} catch(e) {}"></a><br /><a href="http://4.bp.blogspot.com/_4BnnuxpzFz0/SXHULFBIruI/AAAAAAAAAxg/oZYGRC25ze8/s1600-h/8.jpg" onblur="try {parent.deselectBloggerImageGracefully();} catch(e) {}"></a><br /><a href="http://4.bp.blogspot.com/_4BnnuxpzFz0/SXHT9nVm7aI/AAAAAAAAAxY/pPjIzmWHyZM/s1600-h/9.jpg" onblur="try {parent.deselectBloggerImageGracefully();} catch(e) {}"></a><br /><a href="http://3.bp.blogspot.com/_4BnnuxpzFz0/SXHTznRx4yI/AAAAAAAAAxQ/h5kJHUFJOMA/s1600-h/10.jpg" onblur="try {parent.deselectBloggerImageGracefully();} catch(e) {}"></a><br /><a href="http://1.bp.blogspot.com/_4BnnuxpzFz0/SXHTjuJLzlI/AAAAAAAAAxI/CK8J7X4pd_k/s1600-h/11.jpg" onblur="try {parent.deselectBloggerImageGracefully();} catch(e) {}"></a><br /><a href="http://3.bp.blogspot.com/_4BnnuxpzFz0/SXHTXarObtI/AAAAAAAAAxA/vKHn8I_wLRk/s1600-h/12.jpg" onblur="try {parent.deselectBloggerImageGracefully();} catch(e) {}"></a><br /><a href="http://1.bp.blogspot.com/_4BnnuxpzFz0/SXHSzPrtm0I/AAAAAAAAAw4/dbQs-3oEJG0/s1600-h/13.jpg" onblur="try {parent.deselectBloggerImageGracefully();} catch(e) {}"></a><br /><a href="http://3.bp.blogspot.com/_4BnnuxpzFz0/SXHSY2mkWrI/AAAAAAAAAww/ZarUsKPwT7c/s1600-h/14.jpg" onblur="try {parent.deselectBloggerImageGracefully();} catch(e) {}"></a><br /><a href="http://1.bp.blogspot.com/_4BnnuxpzFz0/SXESZWvUhnI/AAAAAAAAAwo/FrdjkuY1Y0c/s1600-h/15.jpg" onblur="try {parent.deselectBloggerImageGracefully();} catch(e) {}"></a><br /><a href="http://1.bp.blogspot.com/_4BnnuxpzFz0/SXESQ5XmR0I/AAAAAAAAAwg/iW9595HSeDY/s1600-h/16.jpg" onblur="try {parent.deselectBloggerImageGracefully();} catch(e) {}"></a><br /><a href="http://4.bp.blogspot.com/_4BnnuxpzFz0/SXER5HD0vGI/AAAAAAAAAwY/RfC0mbkq5ME/s1600-h/17.jpg" onblur="try {parent.deselectBloggerImageGracefully();} catch(e) {}"></a><br /><a href="http://3.bp.blogspot.com/_4BnnuxpzFz0/SXERsAgPtAI/AAAAAAAAAwQ/8bkg-nftW40/s1600-h/18.jpg" onblur="try {parent.deselectBloggerImageGracefully();} catch(e) {}"></a><br /><a href="http://1.bp.blogspot.com/_4BnnuxpzFz0/SXERdW7UyEI/AAAAAAAAAwI/HZhrkoEchHU/s1600-h/19.jpg" onblur="try {parent.deselectBloggerImageGracefully();} catch(e) {}"></a><br /><a href="http://4.bp.blogspot.com/_4BnnuxpzFz0/SXERRoQuIUI/AAAAAAAAAwA/6gV0JJKTh8E/s1600-h/20.jpg" onblur="try {parent.deselectBloggerImageGracefully();} catch(e) {}"></a><br /><a href="http://4.bp.blogspot.com/_4BnnuxpzFz0/SXERLMvEgGI/AAAAAAAAAv4/cJl-LNpUvlI/s1600-h/21.jpg" onblur="try {parent.deselectBloggerImageGracefully();} catch(e) {}"></a><br /><a href="http://3.bp.blogspot.com/_4BnnuxpzFz0/SXEQ6ECzVCI/AAAAAAAAAvw/DvmmrO0NGvw/s1600-h/22.jpg" onblur="try {parent.deselectBloggerImageGracefully();} catch(e) {}"></a><br /><a href="http://4.bp.blogspot.com/_4BnnuxpzFz0/SXEQrdIHrWI/AAAAAAAAAvo/s0vACbEPDh0/s1600-h/23.jpg" onblur="try {parent.deselectBloggerImageGracefully();} catch(e) {}"></a><br /><br /><a href="http://4.bp.blogspot.com/_4BnnuxpzFz0/SXEQXQIb-JI/AAAAAAAAAvY/GOmaiQ64Ce4/s1600-h/24.jpg" onblur="try {parent.deselectBloggerImageGracefully();} catch(e) {}"></a><br /><a href="http://1.bp.blogspot.com/_4BnnuxpzFz0/SXEQKAG5EVI/AAAAAAAAAvQ/MkxbqcicuBc/s1600-h/25.jpg" onblur="try {parent.deselectBloggerImageGracefully();} catch(e) {}"></a><br /><a href="http://1.bp.blogspot.com/_4BnnuxpzFz0/SXEQB6gyB5I/AAAAAAAAAvI/cdDnanz7v1Y/s1600-h/26.jpg" onblur="try {parent.deselectBloggerImageGracefully();} catch(e) {}"></a><br /><a href="http://1.bp.blogspot.com/_4BnnuxpzFz0/SXEPwZu8-SI/AAAAAAAAAvA/0HyrVJtr2Vw/s1600-h/27.jpg" onblur="try {parent.deselectBloggerImageGracefully();} catch(e) {}"></a><br /><a href="http://3.bp.blogspot.com/_4BnnuxpzFz0/SXEPio_p4JI/AAAAAAAAAu4/BLSSkjUGFXE/s1600-h/28.jpg" onblur="try {parent.deselectBloggerImageGracefully();} catch(e) {}"></a><br /><a href="http://2.bp.blogspot.com/_4BnnuxpzFz0/SXEPTBCy2ZI/AAAAAAAAAuw/3C7i6dUTsEM/s1600-h/29.jpg" onblur="try {parent.deselectBloggerImageGracefully();} catch(e) {}"></a><br /><a href="http://1.bp.blogspot.com/_4BnnuxpzFz0/SXEPBFOpPVI/AAAAAAAAAuo/QxD8-YnJvME/s1600-h/30.jpg" onblur="try {parent.deselectBloggerImageGracefully();} catch(e) {}"></a><br /><a href="http://1.bp.blogspot.com/_4BnnuxpzFz0/SXEO0z1qkRI/AAAAAAAAAug/xLxcYctFcgU/s1600-h/31.jpg" onblur="try {parent.deselectBloggerImageGracefully();} catch(e) {}"></a><br /><a href="http://1.bp.blogspot.com/_4BnnuxpzFz0/SXEOoZ30JXI/AAAAAAAAAuY/cL7i-nkhutw/s1600-h/32.jpg" onblur="try {parent.deselectBloggerImageGracefully();} catch(e) {}"></a><br /><a href="http://2.bp.blogspot.com/_4BnnuxpzFz0/SXEOctUcSPI/AAAAAAAAAuQ/3zG88M8lsq0/s1600-h/33.jpg" onblur="try {parent.deselectBloggerImageGracefully();} catch(e) {}"></a><br /><a href="http://1.bp.blogspot.com/_4BnnuxpzFz0/SXEOT_OGiTI/AAAAAAAAAuI/p4m_LDGgvPc/s1600-h/34.jpg" onblur="try {parent.deselectBloggerImageGracefully();} catch(e) {}"></a><br /><a href="http://2.bp.blogspot.com/_4BnnuxpzFz0/SXENx3xnz7I/AAAAAAAAAuA/3w56-NhgvVU/s1600-h/35.jpg" onblur="try {parent.deselectBloggerImageGracefully();} catch(e) {}"></a><br /><a href="http://3.bp.blogspot.com/_4BnnuxpzFz0/SXENaOzveDI/AAAAAAAAAt4/92fqibhURsY/s1600-h/36.jpg" onblur="try {parent.deselectBloggerImageGracefully();} catch(e) {}"></a><br /><a href="http://1.bp.blogspot.com/_4BnnuxpzFz0/SXENKQz4tLI/AAAAAAAAAtw/PGKWeOrxeRs/s1600-h/37.jpg" onblur="try {parent.deselectBloggerImageGracefully();} catch(e) {}"></a><br /><a href="http://4.bp.blogspot.com/_4BnnuxpzFz0/SXEM66GhOoI/AAAAAAAAAto/qoCW7M-d-9w/s1600-h/38.jpg" onblur="try {parent.deselectBloggerImageGracefully();} catch(e) {}"></a><br /><a href="http://4.bp.blogspot.com/_4BnnuxpzFz0/SXEMwViHg4I/AAAAAAAAAtg/OTVfcGKYfys/s1600-h/39.jpg" onblur="try {parent.deselectBloggerImageGracefully();} catch(e) {}"></a><br /><a href="http://1.bp.blogspot.com/_4BnnuxpzFz0/SXEMjodLbyI/AAAAAAAAAtY/UmRDf7MZBss/s1600-h/40.jpg" onblur="try {parent.deselectBloggerImageGracefully();} catch(e) {}"></a><br /><a href="http://4.bp.blogspot.com/_4BnnuxpzFz0/SXEMV5ihUZI/AAAAAAAAAtQ/SWC-J_L7A8s/s1600-h/41.jpg" onblur="try {parent.deselectBloggerImageGracefully();} catch(e) {}"></a><br /><a href="http://4.bp.blogspot.com/_4BnnuxpzFz0/SXEL5EH0QuI/AAAAAAAAAtI/iv2pnUjbo4g/s1600-h/42.jpg" onblur="try {parent.deselectBloggerImageGracefully();} catch(e) {}"></a><br /><div style="text-align: center;"><a href="http://1.bp.blogspot.com/_4BnnuxpzFz0/SXELpJKxNsI/AAAAAAAAAtA/ICx2qF5twBk/s1600-h/43.jpg" onblur="try {parent.deselectBloggerImageGracefully();} catch(e) {}"></a><br /><b><span style="font-size: 100%;">Menachem Begin</span></b><br /><div align="center"><b><span style="font-size: 100%;">(started as a wanted terrorist - ended as a prime minister)<br /><br /></span></b></div></div><div style="text-align: center;"><a href="http://1.bp.blogspot.com/_4BnnuxpzFz0/SXELb9omPCI/AAAAAAAAAs4/WVbitWXQGqs/s1600-h/44.jpg" onblur="try {parent.deselectBloggerImageGracefully();} catch(e) {}"></a><br /><b><span style="font-size: 100%;">Sheikh Yassin</span></b><br /><div align="center"><b><span style="font-size: 100%;">(started as preacher - ended.....<br /><br /></span></b></div></div><a href="http://4.bp.blogspot.com/_4BnnuxpzFz0/SXEK10cFqaI/AAAAAAAAAsw/1vzifYzC-uc/s1600-h/45.jpg" onblur="try {parent.deselectBloggerImageGracefully();} catch(e) {}"></a><br /><div align="center"><b><span style="font-size: 100%;">bombed by Israeli army while praying</span></b></div><div align="center"><b><span style="font-size: 100%;"></span></b></div><br />---- ----<br /><div align="center"><b><span style="font-size: 130%;">Publish </span></b></div><div align="center"><b><span style="font-size: 100%;"></span></b> </div><div align="center"><b><span style="font-size: 100%;">Tell the world</span></b></div><div align="left"><b><span style="font-size: 100%;"></span></b> </div><span style="font-size: 100%;">copyrights reserved for humanity<br /><span style="color: #ccccff; font-family: arial; font-weight: bold;">---------------------</span></span><br />

The grandchildren of the holocaust survivors are doing now to Palestinians exactly what was done to them by the Nazi

Menachem Begin

(started as a wanted terrorist - ended as a prime minister)

Sheikh Yassin

(started as preacher - ended.....

bombed by Israeli army while praying

---- ----

Publish

Tell the world

copyrights reserved for humanity

---------------------

Pause

2009-01-15T18:31:00.005+03:00

حان الوقت
لإجراء "كل" المكالمات المؤجلة

ولتتوقف دوامة الحياة

مؤقتًا

مين يقول ان ده طفل؟

2009-01-12T03:55:00.006+03:00

شارِك

2009-01-06T03:59:00.004+03:00

خطوة حلوة فكر فيها محمد حمدي
ومحتاجة دعم مننا كلنا عشان نشارك معاه في الموقع ده

اقرا التفاصيل على مدونة محمد حمدي من هنـــا
وشارك باللي تقدر عليه
--- ---

ودي فكرة مشابهة عند عاشقة الفردوس
بردو اقرا التفاصيل من هنــــا
وشارك باللي تقدر عليه
--- ---

ويوم الأربع 7/1 إن شاء الله التجمع عند الهلال الأحمر المصري
والتفاصيل هنــــا
وشارك باللي تقدر عليه
--- ---

كفانا بكاء على اللبن المسكوب
ولنعمل بجد
كلُ في ميدانه

وده الوقت اللي مطلوب مننا فيه
إننا نشارك ـ بأكتر ـ من اللي نقدر عليه
--- ---

اللهم تقبل شهدائنا
وانصر اخواننا
وأصلح حالنا واغفر لنا تقصيرنا

تبرعات لغزة

2008-12-29T23:56:00.002+03:00

لو حد عايز يتبرع لغزة
او عايز يجمع تبرعات من اسرته او شركته او الوسط الي حواليه
اعتقد الارقام دي حتنفعه

لجنة اغاثة نقابة أطباء مصر
البنك الوطني المصري
حساب رقم 500555

للإتصال: نقابة الأطباء المصرية
هاتف: 7940738 - 7943812 - 7943166 - 3652006 – 3636366
العنوان: 27 شارع القصر العينى امام معهد السكر
ems_cai@ems.org.eg بريد ألكتروني::ـ

لجنة الإغاثة الطبية التابعة لاتحاد نقابات الأطباء العرب
بنك قناة السويس فرع الدقى
حساب رقم (21090/1)ـ

للإتصال: الدكتور جمال عبد السلام، مدير لجنة الإغاثة باتحاد الأطباء العرب
دار الحكمة 42 شارع القصر العينى
تليفون: 7940738-7943166
فاكس: 7940518

مؤسسة لجنة الإغاثة الإنسانية للعون
الناصرة - الصفافرة ,حي بلال ص.ب 20059
تليفون : 046082095
فاكس : 046082097
info@egatha.com بريد ألكتروني::ـ

الجمعية الشرعية بالقاهرة ::ـ
العنوان: حديقة الخالدين بالدراسة – بجوار دار الإفتاء
تليفون: 02/25910298 - 010/1051859
فاكس: 02/25910298
Info@alshareyah.org : بريد ألكتروني

شكرا أحمد عيسوى على مجهودك

No subject!

2008-12-29T05:19:00.002+03:00

اللي فاااكر ان المظاهرات ممكن تضغط على الحكومة عشان تعمل حاجة
أو ان الهتافات وعبارات التضامن والشعارات هتفيد غزة وفلسطين
أو ان طرد السفير وشتم اليهود هيوقف اسراءيل عن اللي بتعمله
أو ان شتيمتنا ف بعض وجدالنا على التفاهات هيفيد القضية

يبقى وااااهم وبيضيع وقت

كبيرنا ف الوقت الحالي اننا نفضل كده نزعق ونتكلم
وكل واحد يقول اللي ف نفسه وكل واحد يعبر عن رأيه
او حتى اللي بيحاول يعمل حاجة ايجابية ويقاطع
أو يقف ف مظاهرة أو يتبرع بدم أو فلوس أو اتصالات
كل ده حدوده معروفة ومحسوبة
ومش هيطلّع إسراءيل من الأرض

وبأكد على كلامي إن ده كله مش هيغير من الواقع شيء

بلاش نضحك على بعضنا
واللي مش مصدق كلامي وفاكرني بتكلم بانهزامية
ينزل الشارع ويبص ف وشوش البني آدمين
ويشوف الناس اللي عايشة ومطحونة في دوامة الحياة
ومغيبين عن الوعي
واللي قاعد على القهوة قاعد
واللي بيحب ف حبيبته بيحب
واللي بيهزر مع صحابه البنااات
واللي ماسكة المراية وبتظبط ماكياجها ف الشارع
واللي بيتخانق مع التاني عشان جنيه وربع
واللي واللي واللي .. وكلنا عارفين اللي فيها

وقليلين أوي اللي مشغولين بالقضية بجد
أيوة قليلين فعلا

احنا لابسين الطاسة من زمان ياخوانا
واسراءيل ركبت ودلدلت رجليها كمان

احنا عشان يكون لينا كلمة ف العالم ده
أدامنا مش أقل من عشرة خمستاشر سنة لسة
لو اهتمينا بس
و لو بدأنا من دلوقت صح
ولو ربينا الأجيال اللي طالعة صح
وصدقوني انا كده متفائل وانا بقول الرقم ده

والله يرحمك يا صلاح الدين
الله يرحمك يا رجولة

فإن العيش عين الانتحار

2008-12-29T02:12:00.001+03:00

حصارٌ فى حصارٍ فى حصارى .. أموتُ وأقتفى أثرَ انتصارى

أمَاتَ الصمتُ أوطاناً وصمتى .. يميتُ تنهدى عند انكسـارى

وضُيّـعَ فى سنين العمر أقصى .. وأقصى العمرِ يعصفه انهيارى

نهارٌ بات منتقبا بليلٍ .. وليلُ الصامتين بلا نهارِ

إذا ما خنت عهد الموت جبناً .. فإن العيشَ عينُ الانتحارِ

.
فان العيشَ عينُ الانتحارِ

--
كلمات .. أحمد البوهي

أربعتاشر سؤال وإجابتهم

2008-12-22T15:27:00.018+03:00

شكرا للزميل المدون المحترم محمد غالية على انه افتكرني بالتاج ده

ـ1ـ ماهى السعادة من وجهة نظرك؟
أن يحيا الإنسان لهدف ويسعى لتحقيقه، فيفشل مرة ـ أو عدة مرات ـ وينحج في أخرى
فتكون سعادته في النجاح لا يساويها شيء على وجه الأرض

ـ2ـ كيف تصل إلى السعادة؟
أن تتأكد وتوقن وتصدق وتؤمن دائما بأن الله سبحانه وتعالى
خلق كل شيء بقدر وأن ما أصابك لم يكن ليخطئك

ـ3ـ هل السعادة وهم أم أنها حلم صعب؟
لا هي وهم ولا حلم صعب
ولكنها فقط أصبحت في زماننا هذا مثل الصاحب المخلص
نادرا ما نصادفه

ـ4ـ هل السعادة طريق للنجاح ؟وضح؟
سؤال يحير شوية
زي فكرة البيضة الأول ولا الفرخة
بس انا شايف ان السعادة بتكون نتيجة النجاح

ـ5ـ ماهى أكثر اللحظات التى شعرت فيها بالسعادة؟
هي نفس اللحظات التي أشعر فيها أني " بني آدم ليا لزمة، ذو تأثير فيمن وفيما حولي"ـ
ـ كذلك أشعر بالسعادة لما اكون راكب مواصلة وأقوم اقف عشان حد غيري يستريح م الوقفة
ومش شرط يكون راجل كبير او امرأة عجوز
ـ أشعر بالسعادة لما اكون واقف في ميدان ألف مسكن يوم إثنين الساعة تسعة الصبح
والاقي ميكروباص أول عباس، حتى لو اتشعلقت على الباب
ـ أشعر بالسعادة لما افتح الراديو على إذاعة القرآن والاقي صوت المنشاوي بيرتل
وداخل على القلب مباشرة، فأنسى كل شيء وأغمض عيني فأجد نفسي مع الله
:D ـ أشعر بالسعادة لما اشوف اي حيوان صغير (نونو يعني)ـ

ـ6ـ هل ممكن أن تحقق كل شىء؟
مستحيل حد يحقق كل شيء
وإلا متبقاش اللي احنا عايشنها دي اسمها "دنيا"ـ

ـ7ـ السعادة تجعلك تقبل على الحياة أم لا؟
أكيد لما اكون سعيد نظرتي للأمور هتكون أكثر تفاؤلا
لكن أحيانا الحزن والكآبة يخلوني مقبل على الحياة
عندما أستثمرهم في شحن همَتي من جديد

ـ8ـ هل أحسست يوما انك وصلت لقمة السعادة؟
أيوة من حوالي أسبوع بس
لما اطمنت على "أمي" بعد ما خرجت من العناية المركزة وقامت وشوفتها بتمشي ادامي
هي اللي باقيالي في الدنيا دي كلها
ربنا يبارك لي في عمرها
قولو آمين

ـ9ـ لماذا تمر أوقات السعادة بسرعة؟
سألت نفس السؤال ده من حوالي سنة على فيس بوك
كانت أحسن إجابة عليه مش فاكر مين قاللها
بس كانت " عشان منتعلقش بالدنيا أوي"ـ

ـ10ـ هل ترى السعادة فى التدين؟
التدين إذا كان المقصود بيه التزام الشخص بما أمر به الله
وانتهاؤه عما نهى عنه سبحانه وتعالى
فهو بالطبع قمة السعادة
أما التدين المزيف "سواء بالتفريط أو الإفراط"ـ
فيجلب لصاحبه التعاسة والكآبة ـ عاجلا أو آجلا ـ

ـ11ـ هل أنت متفاءل وعندك أمل؟ وضح؟
حاليا يعني
انا متفاءل فعلا، بس حكاية الأمل دي أشك فيها شوية

ـ12ـ إذا شعرت بالحزن ماذا تفعل؟
إذا ؟؟! .. إحم
عموما يعني في الحالة دي طبعا مفيش غير طريق واحد بفكر فيه
وهو اللي بيخرجني من حالة الحزن إلى حالة أفضل بكثير
(أحاول أن اقترب أكثر من الله)
فأنا قليل الشكوى جدا لمن حولي

ـ13ـ هل يستمر معك الحزن فترة ام ينقضى فى الحال؟
والله على حسب الشيء اللي أحزني ومدى تأثيره
إنما الحق يقال
أنا بطيء شوية في إعادة ترتيب أوراقي من جديد
والموضوع أحيانا بياخد مني وقت

ـ14ـ ما رأيك فى الأفراد المتشائمين؟
أشخضاص عاديين
بس أكيد عندهم ظروف جعلتهم متشائمين
أحيانا ينقصهم إيمانهم بالقضاء والقدر
وأحيانا أخرى أكثر تكون مشاكل نفسية وأزمات وعدة مواقف مترسبة

-- -- -- --

أشكركم على صبركم وتحملكم وحسن قراءتكم
:))

ياريت نهدى شوية

2008-12-16T16:34:00.002+03:00

كل اللي احنا فيه دلوقت مش لاقي له إلا تعبير واحد
وهو اللي واقف ف زوري بصراحة ونفسي اطلعه

اللي احنا فيه ده
ـ قُصر ديل ـ

شكلنا وحش اوي واحنا بنعمل زي المثل اللي بيقول
ـ لما العجل يقع بتكتر سكاكينه ـ
ومش فاهم ازاي مش واخدين بالنا من حاجة زي دي
وقد أثبتنا بجدارة أننا شعب وأمة لا تجيد إلا الكلام
والهوجة
وكأن ضرب بوش بالجزمة ده مثلا هيرجعلنا فلسطين
أو هيحرر العراق وبقية الدول العربية من الطغيان الأمريكي
أو يمكن مثلا إسرائيل تخاف على نفسها من جزم العرب
وتقرر إنها تنسحب من غزة بقواتها وبحصارها خوفا من الجزم؟
!!

اه انا شايف إن إهانة بوش على مرأى ومسمع من العالم كله
تعتبر شيء يشفي غليلنا إلى حد ما
لكنها أبدا ليست انتصارا منا على الكيان الأمريكي
أو الصهيوني بمعنى أدق

بيتهيألي نوفر الفرحة العارمة دي لليوم اللي نقدر نعلن فيه للعالم كله
إن احنا امة لا يستهان بها
لافكريا أو علميا
ولا اقتصاديا أو عسكريا
--- --- ---

وده رأيي في الموضوع
مع كامل احترامي لكل المدونين اللي عبروا عن رأيهم واتكلموا عن الموضوع ده

يسعد فؤادي

2008-12-10T22:59:00.006+03:00

يسعد فؤادي كلما .... ذِكرُ الحبيب ترَنَّمَ
ذاك الذي رب العُلى .... صلى عليه وسلمَ
نبيُ رب العالمين .... الصادق الهادي الأمين
الطاهر الدَمِثُ الذي .... للحقِ صار مُعَلِما

ذاك الذي رب العُلى صلى عليه وسلمَ

كالنور في جُنح الظلام .... جاء الحبيبُ إلى الأنام
هديا يضيئ دروبهم .... وكأنه بدر السماء
لمحمد خلق عظيم .... وبحبه من لا يَهيم؟
والله جل جلاله .. صلى عليه وسلم
---- ----

كلمات: أنور المشيري
ألحان وتوزيع: أحمد الهرمي
أداء: مشاري راشد العفاسي

لتحميل النشيد بجودة أفضل
من هنــــا
3.77 MB (MP3)
و موقع العفاسي
لا يفوتكم زيارته
:)

رسالة العيد

2008-12-06T02:17:00.000+03:00

كل سنة وانتم طيبين
وكل عيد والمدونين وغير المدونين بخير
- - - -

الرسالة دي اتبعتتلي امبارح وعجبتني جدا

"""
إن لم تطف بالبيت لأنه عنك بعيد .. فلتقصد رب البيت فإنه أقرب إليك من حبل الوريد
وإن لم تسعى بالصفا والمروة .. فلتسعى في الخير أينما تجده
وإن لم تقف بعرفة .. فلتقم لله بحقه الذي عرَّفه
وإن لم ترجم إبليس بالجمرات .. فلترجمه بفعل الخيرات وترك المنكرات
وإن لم تذبح هديك بمنى .. فلتذبح هواك هاهنا فتبلغ المنى
"""
اللهم آمين

ربنا يتقبل منا أعمالنا وصالح دعائنا
ويرزقنا طاعته على الوجه الذي يرضيه عنا
ويرزقنا حج بيته
وكل اللي ربنا أكرمهم السنادي بزيارة بيته المحرم ربنا يتقبل منهم ويرجعوا لأهلم وديارهم سالمين غانمين بالمغفرة والعتق من النار

قولو آمين
:)

الخمسة وعشرين

2008-11-03T01:52:00.003+03:00

خمسة وعشرين سنة
.
.
خمسة
.
وعشرين
.
سنة

حقيقي والله
انا اتفاجئت بالرقم ده فعلا
من كام يوم كده لما حد قاللي انت عندك كام سنة دلوقت؟
فكرت لحظة وقلتله .. كلها أيام وهكمل الخمسة وعشرين سنة
!

ومن ساعتها
وعلى غير العادة .. السنادي بالذات
عمال افكر واراجع نفسي ف اللي عملته طول العمر اللي فات ده؟
ايه الانجازات اللي عملتها وتستحق اني افرح بيها؟
ايه حصاد اللي اتعلمته لحد دلوقت خلال حياتي دي؟

انا يمكن دلوقت شايف ان خمسة وعشرين سنة دول كتير فعلا
وعارف ان لو ربنا أحياني زيهم هرجع اضحك على كلامي ده
بس المشكلة دلوقت فعلا اني مش حاسس بالسنين دي
مش عارف ليه حاسس انه تلت ارباعهم مش محسوبين من عمري
تخيلو مش حاسس منهم غير بأيام ابتدائي وبس
هي دي الفترة الوحيدة اللي معلمة معايا بذكريات حلوة
وحاسس انها الحقبة الوحيدة ف حياتي اللي كان ليها قيمة بجد
وكان ليها طعم

لو سمحتوا
محدش يقوللي كل سنة وانت طيب

قولولي كل خمسة وعشرين سنة وانت طيب
كل عشرين سنة وانت طيب
كل عشر سنين وانت طيب

أصل كلمة سنة دي بئيت احس انها ساذجة اوي
مصطلح فقد معناه بالفعل
مبقاش ليها قيمة كده زي زمان
مبقتش كلمة رزينة
:(
---

يللا كفاية كآبة كده بجد

انا بشكر من كل قلبي الناس الجميلة اللي افتكرتني وقالتلي كل سنة وانت طيب هنا وعلى فيس بوك وع الموبايل كمان .. بشكركم كلكم اووي

ادعولي إن ربنا احياني كمان سنة انها تكون أفضل من السنادي في كل حاجة
وانها تكون سبب في قربي من ربنا أكتر وأكتر

ادعولي من قلبكم بجد
:)

بهلـــولة

2008-10-28T03:06:00.003+03:00

بعد أيام قليلة سيكون قد مر على وفاتها عام كامل

تذكروها بدعواتكم

ربنا يغفر لها ويرحمها ويسكنها الجنة

ويلحقنا بها على خير

ويحسن ختامنا

<br /><div align="center"><a href="http://www.blogger.com/profile/14581728933613656525" target="_blank"><br /><br /></a></div>

جديد على عالم الكمبيوتر

2008-10-25T02:38:00.001+03:00

كيف تستخدم الاكواد في تنسيق موضوعك وكتابته بشكل يرضيك ويكون قراءته أسهل وأوضح؟ .. بالشرح مع الصور في مدونة عالم الكمبيوتر
اتمنى يفيدكم

إذا قرُبت

2008-10-24T03:21:00.011+03:00

نشيد جميل اوي .. للرائع مشاري راشد
ربنا يبارك فيه وفي صوته

إِذا قَرُبَت ساعَةٌ يا لَها .. وَزُلزِلَتِ الأَرضُ زُلزالَها
تَسيرُ الجِبالُ عَلى سُرعَةٍ .. كَمَرِّ السَحابِ تَرى حالَها

وَتَنفَطِرُ الأَرضُ مِن نَفخةٍ .. هُنالِكَ تُخرِجُ أَثقالَها
وَلا بُدَّ مِن سائِلٍ قائِلٍ .. مِنَ الناسِ يَومَئِذٍ ما لَها

تُحَدِّثُ أَخبارَها رَبَّها .. وَرَبُّكَ لا شَكَّ أَوحى لَها
وَيَصدُرُ كُلٌّ إِلى مَوقِفٍ .. يُقيمُ الكُهولَ وَأَطفالَها

تَرى النَفسُ ما عَلِمَت مُحضَراً .. وَلَو ذَرَّةٌ كانَ مِثقالَها
يُحاسِبُها مَلِكٌ قادِرٌ .. فَإِما عَلَيها وَإِما لَها

ذُنوبي ثِقالٌ فَما حِيلَتي .. إِذا كُنتُ في البَعثِ حَمّالَها
تَرى الناسَ سَكرى بِلا خَمرَةٍ .. وَلَكِن تَرى العَينُ ما هالَها

نَسيتَ المعادَ فَياوَيلَها .. وَأَعطَيتَ لِلنَفسِ آمالَها

----- -----
Download

لو مشتغلش عندك النشيد
يبئا انت محتاج برنامج زي ده
Real Alternative

:)

! سواااق الميكروباص

2008-10-15T01:48:00.010+03:00

صاحبنا كان راكب الميكروباص ف يوم كان زحمة والطريق واقف أو بمعنى أصح كان ماشي بس بسرعة متر ونص كل تقريبا خمس دقايق .. كان يوم الاثنين 7 أكتوبر
حد فاكره؟ .. الطرق يومها كانت واخدة إشارة حمرا طويلة المدى .. الناس مخنوقة من الحر ومخنوقة من الوقفة ومخنوقة من الزحمة ودخان العربيات اللي حرق صدورهم .. أصل احنا عندنا عربيات بئالها قرن من الزمن ماشية على الأرض .. المهم يعني محدش كان طايق نفسه
وفي عز الخنقة دي إذ بصوت من الأصوات الفذة العبقرية من بتوع قياصرة الأغاني الشعبية ينطلق علينا من مذياااع الميكروباص الموقر

ف الأول جرجرتك .. من خيبتك خدرتك
وبئيت تعرف تكدب .. وبتلعب على جارتك
جوجوجوجوجوجو

والسواق منسجم .. على الآخر .. ويرفع صوت الكاسيت .. والتباع يدندن مع الأغنية .. والناس تزيد خنقتها أكتر .. وصاحبنا قاعد هيطق من الغيظ .. نفسه يطلع غيظه ف السواق .. وبدأ يكلم نفسه
أقوم ازعق للراجل ده واخليه يقفل البتاع اللي قارفنا ده .. لالا كلمه بالذوق وبالسياسة متضمنش يمكن يطلع لسانه سليط ولا حاجة ويسمعك مالا ترضى من القول .. ولا على ايه بلا وجع قلب كلها شوية ونازل وخليه يشبع بأغانيه .. يا خبرررر ! إيه الجبن اللي الواحد بئا فيه ده؟ بئا مش قادر تقوم توقف السواق عند حده وتحافظ على حريتك ف إنك متسمعش حاجة تخنقك غصب عنك؟ ايه اللي بئينا فيه ده؟ .. والله ليهم حق ياكلوا فينا وينهبونا طول محنا بنسكت كده
وفجأة يطلع صوت واحد من الركاب يقطع عليه حديثه مع نفسه المترددة
ما توطي ياسطى البتاع ده شوية دماغنا واجعانااا ياا عم
السواق لف كده وبصله من طرفٍ خفي وعنيه مالياها نظرة احتقار وقاله
براحة علينا شوية يا أستاذ وبعدين لو مش عاجب سيادتك اتفضل الطريق واقف ومليان عربيات غير دي
طبعا صاحبنا قاعد وبينه وبين نفسه بيحمد ربنا انه نفد من الضربة الجوية الأولى ومن الهجوم المضاد للسواق .. وحس ان جه وقته بئا ويدخل يهدي الموضوع وياخد السواق بالسياسة (آل يعني بطل بئا وهيدافع عن حريته اهو)ـ
ياسطى الراجل ميقصدش حاجة بس يعني انت معلي الصوت أوي فممكن يعني طالما الأغنية داخلة دماغك خليها على أدك بردو
وصاحبنا في وسط كلامه يلاقي كام واحد تانين بدأو يتكلموا
دي حاجة تقرف والله احنا هنلاقيها من العطلة ولا الحر
ناقصين كمان نسمع الهباب ده؟

طبعا السواق اتكتم غصب عنه وطفى البتاع اللي كان شغال

وصاحبنا اكتشف انه ماكنش لوحده اللي جبان وخايف يتكلم هههههههه
--- ---

حدث بالفعل .. بتصرف في الأحداث
وطبعا صاحبنا ده كان "أنا" .. مش محتاجة فزلكة
وسواق الميكروباص فيه منه كتييير
:D

To Blogger team .. Epitaph lost her blog!

2008-10-13T01:38:00.005+03:00

We are a group of Egyptian bloggers really bothered by the blockage of the two-year-old blog "Epitaph_87" (http://www.epitaph-87.blogspot.com/) along her gmail account (epitaph87@gmail.com), since October, 4th , 2008. She has sent you her problem and requests on Google Help Center and Blogger Support, but in vain. We wish that you'd help us retrieve that blog and account and answer the requests of our fellow blogress, sending you from (epitaph_1987@hotmail.com) , and hopefully ASAP!

Just for notice, we have published this problem on our blogs!!

--------

لمزيد من المعلومات عن الموضوع
عند أحمد الصباغ

وللإستفادة
لعمل نسخة احتياطية من المدونة
عند هــــوندا

ما بين البداية والنهاية

2008-09-30T17:40:00.005+03:00

لما اقترب الإمام من ختام القرآن الكريم في صلاة التراويح حسيت بتغير صوته وبدأت اسمع أنينه مع القراءة وصوته يتخنق وكأنه مش قادر يطلع الآيات من حنجرته .. طبعا الإحساس واصلنا كلنا كمأمومين .. وأكيد كل المسلمين اللي عارفين يعني إيه رمضان حاسيين بنفس الإحساس .. إحساس الوداع لأعظم شهر واللي يا عالم هيكون لينا عمر لحد ما نصومه ونعيشه تاني ولا لاء
مقدرش الإمام يتحمل ويكتم بكاؤه أكتر من كده .. وانفجر في البكاء .. وبكى كل من في المسجد .. وغشيتنا لحظة إيمان وسكينة نادرا ما تتكرر .. وبعد الصلاة بصيت في وشوش الناس وكان سهل اوي تقرا في وشوشهم الابتسامة الصافية المليانة بالإيمان
:) وتأكدت ساعتها ان هناك ثمة وجود ملائكي
اتمنيت ودعيت ربنا سبحانه وتعالى ان اللحظات دي تطول وتطول إلى أن تشمل حياتنا كلها وتنعكس على سلوكياتنا وتصرفاتنا ونستغلها في تغيير حياتنا للأفضل .. ويبئا رمضان ممشيش من غير فايدة ويسيب أثره معانا لحد رمضان الجاي بإذن الله

وفعلا انتهى رمضان .. بكل ما فيه انتهى
صام من صام وأفطر من أفطر
صبر على الطاعة من صبر واستسلم لشهواته من استسلم
قام الليل من قام ونام من نام
تصدق من تصدق وبخل من بخل
قرأ القرآن من قرأ وانشغل عنه من انشغل

وعلى كل حال انتهى الشهر ومر التلاتين يوم بلياليهم
حد متخيل ان تلاتين يوم يعدوا بالسرعة دي؟
يااااااااه

وكذلك العمر كله هيعدي .. بحلوه ومره هيعدي .. بالطاعة والمعصية هيعدي .. على المؤمن وعلى غير المؤمن هيعددددي
بس أكيد النتيجة ف الآخر مش واحدة

-----

كل سنة وانتو طيبين
:)

وجرَّب

2008-09-29T02:11:00.004+03:00

لما تحس ان الموضوع هيتعبك أوووي لو فتحته .. ولاااازم تفتحه
يبئا لازم تاخده ببساطة اوووي .. عشان متتعبش

الرائعــــــــــان

2008-09-12T18:38:00.007+03:00

برنامج جميل جدا يقدمه ابراهيم عيسى على قناة دريم تو
في الحقيقة البرنامج ده عاجبني وجذب انتباهي من اول حلقة شوفتها .. هو بيتكلم عن الرائعين أبو بكر الصديق وعمر بن الخطاب رضي الله عنهما .. وطبعا سيرتهم تجذب الانتباه من غير حاجة .. لكن الجميل ف البرنامج ده ان ابراهيم عيسى يتوغل بشكل جديد وفريد داخل حياتهم من خلال قراءاته في كتب التاريخ والسير .. وبيتكلم عن تفاصيل قلما نجد حد بيتكلم عنها .. بدءا من طفولتهم وقبل طفولتهم كمان .. بيتكلم عن النشأة ومراحل تكوين الشخصية وازاي ابو بكر الصديق بقى ابو بكر الصديق .. وازاي عمر بن الخطاب بقى عمر بن الخطاب .. مرورا بفترة ما قبل إسلامهم وحياة وعلاقات كل منهم وتصرفاتهم في المواقف المختلفة

التحليل الجميل اللي بيتبعه إبراهيم عيسى في تقديم الشخصيتين الرائعتين يخليك تسبح بخيالك وتتجول بحرية داخل كل منهم ويجسدلك الشخصيتين من خلال المواقف اللي بيحكيها وكأنك بالفعل شايفهم أدامك وبتتعلم منهم

وما زلت اتابع البرنامج وبدعوكم انتو كمان لمتابعته وهيعجبكم ان شاء الله

ومن الواضح ان هناك رسالة رائعة وعظيمة البرنامج عايز يوصلها لينا .. ياريت نكتشفها كلنا

البرنامج بيجي ف معادين .. انا بصراحة معرفش المعاد الأول بس بتفرج على الإعادة وبتكون الساعة 3.30 صباحا واحنا بنتسحر
تابعوه معايا وياريت اللي بيشوفه يقوللي رأيه

:)
---- -----
الصورتين اللي فوق دول من فيس بوك

حاجة كده قبل الفطار

2008-09-03T17:00:00.002+03:00

لحد قبل رمضان بيوم واحد بس مكنش حد طايق نفسه م الحر
وسبحان الله اللطيف الكريم الرؤوف .. مع أول يوم ف الصيام درجة الحرارة انخفضت بشكل ملحوظ .. والنهاردة تالت يوم بفضل الله نزلت حوالي خمس أو ست درجات والجو فيه نسمة هوا رائعة
بالله عليكم فيه كرم ولطف ورأفة أكتر من كده ياخوانا؟

---- ---- ----

من الصور المفرحة جدا مع دخول شهر رمضان انك تركب اي مواصلة تلاقي الناس ما شاء الله اللي ماسك المصحف واللي ماسك الموبايل وبيقرا قرآن وحاجة آخر روحانية .. لكن للأسف كعادتنا مبنعرفش نعمل حاجة صح للآخر .. تلاقي واحد من الناس بيقرا بصوت عالي ومش فارق معاه اي حاجة ولا واخد باله انه مشوشر على غيره .. واكيد طبعا هو مش قاصد .. بس ليه متقراش ف سرك أفضل؟
وده واحد تاني فاتح الموبايل وبردو مش مراعي اي اعتبار .. وممكن اوي تكون نيته انه يسمع الناس ويكون فيه ميزان حسناته .. أه ده شيء جميل مفيش كلام .. بس بردو انت مش ضامن غيرك ممكن يكون مركز ف حاجة تانية بيعملها .. بيقول أذكار، بيقرا ف سره، بيفكر ف موضوع شاغله يااخي .. ليه متخليش السماعات ف ودانك وتستمتع بالتركيز ف اللي بتسمعه؟
نفسي تكون تصرفاتنا أسمى من كده ف الحاجات البسيطة دي .. نفسي

--- --- ---

قلبي بيوجعني اوووي لما اكون ماشي ف الشارع قبل التراويح مباشرة والاقي زاوية صغيرة فيها مجموعة من المصليين وبعدها بحوالي خمسة متر ـ والله من غير مبالغة ـ زاوية تانية وفيها بردو مجموعة من المصليين وكل زاوية من الزاويتين فاتحين مكبرات الصوت الخارجية .. متخيلين المنظر؟ .. طب يعني الناس اللي مسؤولة عن الزوايا دي خلاص للدرجادي معندهمش أدنى مستوى من الحكمة؟ ولا بيفكروا ف الموضوع ازاي بس؟ .. بالله عليكم مش حاجة تحسرنا ع اللي احنا فيه .. لا والأعجب من ده كله ان جمب الزاويتين بشارع واحد بس مسجد جامع كبير جداا ويعتبر مسجد المنطقة الأول .. وبردو الناس مصرة على الفرقة .. وإنا لله ونا إليه راجعون

--- --- ---

ماعلينا

كل سنة وانتم طيبين وربنا يتقبل منا رمضان ويكتبنا عنده ممن أعتقهم من النار .. وشكرا بجد من كل قلبي لكل الناس الي لاحظوا غيابي وسألوا عني في المدونة .. ربنا ما يحرمني من سؤالكم ولا زياراتكم وتعليقاتكم

بنات أفكاري
فوكيرة
ولـاء
حــــاتم .. ولــــو
مؤمنة .. براعم الكلمات

:)

--------
معلش يا جماعة الشات بوكس فيه مشكلة ومش عارف أكتب فيه

وتتجدد الآلام

2008-07-26T11:54:00.005+03:00

هل شعرت قبل ذلك أنك غير الشخص الذي كنت تظنه؟
هل تفاجئت بنفسك وبما أنت عليه في موقف من المواقف؟

حينما يصعقك أحدهم بكلمة .. تخترق سمعك .. وتنطلق إلى قلبك فتزلزله .. وتشعر برعشة في صدرك من هول مفاجأة هذه الكلمة .. ثم تأخذ طريقها بداخلك فتستقر بعقلك .. وتظل تفكر .. وتفكر .. وتحدث نفسك

يااااااه .. ده انا كنت واخد مقلب كبير اوي
معقول الوقت ده كله مكنتش واخد بالي من نفسي
مكنتش واخد بالي وكنت فاكر اني صح .. كان فين عقلي
!! هو مكنتش أنا ولا ايه

حسنا حسنا .. فقط إهدئ قليلا

.
.
.

ها؟ بماذا تشعر الآن؟
هل تشعر الآن أنك أحمق؟ أم غبي؟ أم تشعر بالندم على ما فات؟
هل تسترجع ذكريات مضت وتتذكر ما كنت تفعله وكيف كنت تتصرف؟
هل تسخر من نفسك؟ هل تحتقرها؟

مممممم .. أراك تبحث لنفسك عن أعذار ومبررات لتصرفاتك الماضية
هل حقا ترى أنك كنت معذور؟

لا يا صغيري .. دعك من كل هذا .. فما حدث بالأمس حدث وانتهى الأمر .. ولاسبيل للعودة لتصحيحه .. واعلم أنه لو لم يحدث لما كنت وقفت لتحاسب نفسك الآن .. وما دمت تحاسب نفسك فأنت أدركت أن هناك شيء ما خطأ .. أو أشياء
فلتشكر الله أنه أمهلك وعلَّـمك وبصَّـرك بخطأك

كفاك بكـاء على الماء المسكوب .. ارفع رأسك وانهض وفكر كيف تحافظ على ما بقي في الكوب .. فقط اجتهد وابحث عن منبع آخر واملئ الكوب من جديد

واستعن بالله ولا تيأس
:)

أنا وقريني

2008-07-17T08:29:00.002+03:00

من الصعب انك تكون طول الوقت صريح وواضح مع الناس
يعني ايه عايزني أكدب ولا ايه
لا مقلتلكش اكدب .. انتي هتلبسني تهمة يا عم انت
مش انت اللي بتقول اهو ان الصراحة مش نافعة
لا مقلتش مش نافعة انا بقولك صعب تفضل صريح وواضح طول الوقت
اااااااه فهمتك يا لئيم .. يعني عايزني ألف وادور كده واظبط أموري عشان الحياة تمشي
ههههههههههه لا وانت جامد بصراحة وبتعرف تلف وتدور .. يا عم اجري كده
مممممممم ده انت بتتريق بقا وشكلي كده هحبسك تاني وأذلك
طب وحد كان قاللك طلعني؟ .. مانت اللي محتار ومش عارف تتصرف
:( ?/
بص انا مش عايزك تتعب نفسك وتحيرني معااك
انا لا بقولك اكدب ولا لف ودور ولا تعمل حوارات واشتغالات على البشر
انا بس عايزك تمشي أمورك بالعقل

اتصرف بقا

في المسألة التدوينية

2008-07-05T02:30:00.005+03:00

انا خلاص مليت من حكاية المدونات دي بقى وزهقت وشكلي كده هعلن اعتزالي قريب

ليه بس ايه اللي حصل؟

مفيش حاجة حصلت .. بس معظمها بقى كلام ممل وخناقات وده واحد بيهاجم وده واحد بيدافع والواحد بصراحة مش ناقص فقعة مرارة

أيوة كلامك مظبوط .. بس بردو الواحد ساعات بيستفيد من وجهات النظر المختلفة دي

أنا معاك فعلا ومقلتش ان مفيش إفادة .. بس القضية هنا ان معظم الناس اللي بتهاجم فكرة معينة او اللي بيدافع عن نفس الفكرة بيتكلمو بناء على خبرتهم الشخصية .. وده للأسف مش بيكون مفيد في كل الأحيان .. ومش مع كل الأشخاص .. والأخطر من كده ان الموضوع ساعتها لا يقتصر على رأيين وبس او وجهتين نظر وخلاص .. لكن ده بيكون على الملأ

طيب جميل اوي وكلامك فيه جانب كبير من الصحة بس معلش انا عايز اقولك حاجة مهمة

اوي اوي اتفضل يا سيدي

المدونات بالنسبالي انا بشوفها من زاوية تانية خالص

إزاي يعني؟

أقولك ازاي بس صلي على النبي صلى الله عليه وسلم

عليه الصلاة والسلام

انا النهاردة لما ازور مدونة وتعجبني .. هو ف الحقيقة وفي الواقع مش مجرد الكلام اللي على المدونة هو اللي عجبني .. إنما أكيد عجبني أكتر شخصية صاحب المدونة .. طريقة تفكيره .. كده يعني .. ومن هنا بينشأ نوع من أنواع الصداقة الإلكترونية

ايه يا عم الفلسفة والكلام الأفلاطوني ده هههههههه

ههههههه والله ولا فلسفة ولا حاجة .. وعايز اقولك كمان ان الموضوع أحيانا بيكبر وبيوصل عند ناس كتير لأبعد من كده بشوية ويمكن العملية تتطور وتقلب على حب وارتباط وجواز .. وحصلت فعلا أكتر من مرة

اقصد اقولك ان كتير من المدونات مش مجرد كلام على صفحات نت وخلاص .. مش مواقع إخبارية او مجرد تسلية او رغي .. وخلاص .. لاء الموضوع أعمق من كده بكتير .. وانا لما بدخل أزور مدونة انا ف الحقيقة بكون داخل اطمن على صاحبها واشوف ايه اخباره .. إيه الجديد ف حياته .. ايه اللي شاغل تفكيره .. وهكذا

عرفت بقا ان الموضوع أكبر من مجرد خناقات واختلافات في وجهات النظر وشتايم ونفوس مريضة والذي منه؟

ها؟

BUZZ!!!

This person is not available at this time

:S

-------
ملحوظة يعني: المحادثة دي على فكرة حقيقية .. مع بعض الإضافات لزوم الحبكة الدرامية .. بما لا يخل بالفكرة الرئيسية
:D

إلى المحجبة الواعية .. رسالة

2008-06-29T17:22:00.009+03:00

كنت هكتب العنوان رسالة إلى كل محجبة .. لكن فكرت وقلت لاء مينفعش تكون لكل محجبة .. لأن مش كل محجبة عارفة يعني ايه حجاب .. ومش كل محجبة لابسة الحجاب عشان تستر جسدها وتنفذ كلام ربها .. النهاردة كلمة محجبة بقت تطلق على أي واحدة حاطة تحجيبة على راسها وخلاص .. مش مهم بقية لبسها ايه بقى تلبس بادي تلبس حتى بحمالات مش مشكلة .. وياريت كمان تحجيبة أو ايشارب زي الناس .. دول اخترعوا اشكال وألوان تغيظ وتفقع المرارة .. ونفسي حد يفهمني ايه وجه المتعة اللي البنت بتلاقيها لما تمشي تتمنظر بجسدها كده وتستعرضه على الناس .. أنا آسف بجد بس مش لاقي مصطلح غير كده أعبر بيه .. لأنه فعلا استعراض .. والشاب المسكين مننا يا عيني لو عينه وقعت على منظر من دول غصب عنه تلاقي البنت من دول تبصله بصة قرف كده وكأنه مثلا هو اللي أجرم لوحده .. طب منتي كمان يا مسكينة مشتركة معاه في الذنب يعني هو انتي فاكرة انك ملاك بلبسك ده؟

المهم عشان بس الضغط عالي عند ناس كتير اليومين دول والحر كمان عامل عمايله فمحدش طايق مواضيع ترفع الضغط أكتر انا عارف .. وباختصار كده هقول رسالة للأخت المحجبة الصح .. المحجبة اللي عارفة يعني ايه حجاب وفاهمة مواصفاته كويس وعارفة الحكمة من فرضه ايه ومدركة كويس انه طاعة لله .. مش منظرة ولا اجبار من حد ولا ضغط من أب ولا زوج ولا أخ .. ولا قهر وقلة حيلة زي ما كتير من الجهلة فاكرين .. وآسف مرة تانية على كلمة جهلة بس الجهل ف الحالة دي ميعتبرش شتيمة

فإلى كل محجبة ومنتقبة مقتنعة بحجابها ومدركة أهميته .. وفي عز الحر هي صابرة ومتحملة .. وبتسمع الشتيمة عليها والسخرية منها بودانها وتقراها بعنيها .. ومع ذلك بردو هي صابرة ومحتسبة .. وتبكيني والله كلمات من يذمون المحجبة والمنتقبة على صفحات النت والمدونات والفيس بوك .. والله تؤلمني كلماتهم جدا .. ومن لا يفرقون بين المنتقبة وبين المستترة بالنقاب ويتكلموا على النقاب والحجاب على انه جريمة وتخلف ورجعية .. ويؤلمني أكتر وأكتر انهم من المسلمين .. وتتعجب أكتر لمنطقهم العقيم اللي بيدعو فيه انهم أحرار .. طب يا أحرار متسيبوا المحجبة في حالها ماهي بردو حرة وهي اللي اختارت حجابها بإرادتها ومقتنعة بيه .. مش دي حرية بردو ولا ايه؟ .. ووالله عارف ان الكلام في الموضوع ده كتر وبقى ماسخ والرد على الناس دي بقى عامل زي النفخ في اربة مقطوعة للأسف

ولكن في الحقيقة رسالتي موجهة بشكل أكبر لأخت اللي بتحاول انها تكون ملتزمة في زمن قل وندر فيه الملتزمون .. اللي بشوفهم يوميا في طريقي أو في المواصلات وأدعو لهم بالصبر والثبات .. وفي عز الحر وانا واقف ف المترو مش طايق نفسي من الحر ولا طايق حتى حد يكلمني .. وتقع عيني على أخت منتقبة أو أخت لابسة اسدال مثلا وأفكر في كل الكلام اللي قلته من شوية ده .. مش هقول على الإحساس اللي بحسه ساعتها أكيد كلكم عرفتوه

... فقط اقول لهن
أعانكن الله ورزقكن صبرا على صبركن وحسبكن وحسبنا الله ونعم الوكيل

معلش .. أصله فرح وكده

2008-06-26T21:15:00.006+03:00

واحد جارنا قرر انه يعمل فرحه ف الشارع
جمب بيته بقى عشان ينجز أوام أوام
وخمستاشر سماعة دي جي شغالين دلوقت تحت بيتنا
خمستاشر سماعة منهم خمسة بمقاس تلاتين بوصة تقريبا
أيوة والله انا عديتهم .. ومن غير مبالغة
انا بكتب والكيبورد تحت ايدي بيتهز ويترعش
فضلا عن اهتزاز الحيطان اللي جمبي وإزاز الشبابيك

وطبعا مهانش عليا أفوت اللحظة التاريخية دي
من غير ما ادونها
مين عارف .. مش يمكن تكون آخر حاجة اكتبها
وكمان شوية يبقى انا والكمبيوتر تحت الأنقاض ههههههه
وطبعا مش من حقك تعترض .. ده فرح بقى وخليك فريش كده
:S والناس لبعضييها

علامة إكس

2008-06-18T02:04:00.001+03:00

أحيانا نضطر آسفين أن نضع علامة ـ إكس ـ على أحد الأشخاص في حياتنا
أو أن نشطب اسمه إلى الأبد من قائمة معارفنا

الأمر الأكثر ألما وأسفا أن تكون قد وثقت يوما ما في هذا الشخص
وظننت أنه صديق ويعتمد عليه
وتكتشف في النهاية انه لا يستحق هذا الثقة ولا جزء منها حتى

والأصعب من هذا كله

انه بعد المرور بكل ما سبق .. تنسى كل ما فعله

وتعود وتتعامل معه من جديد .. فيلدغك مرة أخرى

! فتكتشف بعدها مباشرة ان المشكلة الآن أصبحت فيك أنت

:)) اتبرع .. ولو بتعليق

2008-06-11T19:06:00.001+03:00

مدونتي التانية مدونة عالم الكمبيوتر
مدونة خدمية من الدرجة الأولى
هدفنا منها هو الإفادة والاستفادة
نفيد غيرنا بأي حاجة جديدة نتعلمها في مجال الكمبيوتر عموما
ونستفيد انها تكون بمثابة تزكية عن العلم اللي اتعلمناه
حتى ولو كان حاجة بسيطة او معلومات عامة
لكن بنرجو من ربنا سبحانه وتعالى انه يكون في ميزان حسناتنا
ويستفيد بيها أكبر عدد من الناس .. ده غير ان انا شخصيا بكون مستمتع جداا بالموضوع ده .. والناس اللي تعرفني من حضراتكم يعرفو كده بردو .. بفضل الله والله بكون مبسوط اوي لما احس اني بفيد غيري بحاجة انا اتعلمتها .. ومفيش شك ان انا كمان بستفيد .. وما زلت بحبي لسة

يمكن البعض يعتبر الشروحات اللي بنشرحها للبرامج فيها شروحات تفصيلية اوي زيادة عن اللزوم
.. ايوة فعلا انا ساعات بتعمد اني ادقق اوي في التفاصيل .. لأن معلش احنا بنحاول نراعي فئة لا بأس بها من مستخدمي النت بصفة عامة والمدونين والمدونات أصدقائنا وحبايبنا بصفة خاصة .. مش كلنا عندنا دراية كاملة بالتعامل مع البرامج والكمبيوتر .. ولاحظت ان فيه ناس فعلا محتاجة للشرح التفصيلي ده .. بس كده

اتمنى تتابعونا هناك وتشجعونا وتدعمونا
واتبرع ولو بدعوة ف التعليق هههههههه
حقيقي بتفرق جامد وبتشجع الواحد انه يكتب اكتر فيها
لكن مثلا لما انزل فيها موضوع واجي ابص عليه بعد يومين الاقي التعليقات لسة صفر .. بكتئب بصراحة ههههههه .. وطبعا مش محتاج اقول ان مش هدفنا الرئيسي هو زيادة التعليقات .. لا الحمد لله مش كده لأن بفضل الله العداد بيسجل زيارات كتيرة للمدونة .. لكن اللي عايز اقوله تشجيع بس مش اكتر
وياريت اللي يحب يضيف معانا فيها اي حاجة او ينتقدها في اي حاجة أو شايف انها ناقصة حاجة يقول واحنا في الخدمة فورااا

آخر موضوع هناك اعتقد انه هيعجب ناس كتير ان شاء الله

انا اسف اني طولت .. ومعلش عارف ان فيه ناس بتسترخم مواضيع الإعلانات دي .. بس ربنا يعلم والله ان دي حاجة نبتغي بيها وجهه سبحانه وتعالى أولا وأخيرا

------

وما زلت اتابع ابداعاتكم في الموضوع السابق هنا
ربنا ميحرمنيش منكم ولا من زياراتكم ابدا
:)

!! يا خبر ابيض .. سنة؟

2008-06-08T06:20:00.004+03:00

في وسط الكلام لقيتها بتقولي خد شوف دي وقوللي رأيك
لقيت شوية كلام زي اللي الواحد بيكتبهم في اجندته
حاجة كده زي الخواطر والأفكار
عجبتني الفكرة وقلت اعمللي اجندة على النت واكتب فيها انا كمان
بس اكتشفت بعد كده ان الموضوع اكبر بكتير من الأجندة

لا ده طلع موضوع كبير فعلا
وشكرا يا مــي
بجد .. شكرا

وعدت سنة .. بقدرة ربنا سبحانه وتعالى
تصدقو ان عدت سنة على مدونتي
ايوة والله سنة ويومين كمان

بجد انا اتفاجئت
ايه ده؟ ايه اللي بيحصل ده
يا خبر ابيض
سنة يا اخواناااا .. سنة
ده انا كنت فاكر ان لسة شوية يعني

كلمة سنة دي الواحد من كام سنة كده كان بيقولها وهو بيمــــد فيها
يا عم ده لسة ســـــنة ربنا يدينا ويديك طووولة العمر
النهاردة اهو انا بقول ان عدت سنة بعد تاريخ كتابة اول موضوع في المدونة

طب مين يصدق ان مر على المدونة دي سنة؟
ده انا بصيت في التاريخ كذا مرة عشان اصدق واستوعب

لكن خلاص ما بليد حيلة .. سنة سنة
بس على فكرة .. معلش يعني
معلش معلش

دي سنة مش زي كل سنة .. بفضل ربنا عليا بجد
دي سنة غيرت فيا حاجات كتير .. مكنتش واخد بالي منها قبل كده
وفهمت حاجات كتير .. مكنتش باخد بالي منها قبل كده
ولقيت نفسي بهتم بحاجات كتير .. مكنتش بهتم بيها قبل كده
:)) واتعرفت على ناس كتير .. أكيد مكنتش اعرفهم قبل كده
ناس حبيتهم بجد .. ونفسي اكتبهم اسم اسم
ومش هيوفيهم حقهم ابداا

شكرا لكل مدون أو مدوِنة دخلت عندهم وطلعلت ولو حتى بابتسامة
-- -- --

ومش قادر انهي الكلام من غير ما ادعي لناس كانوا معانا
ورحلوا عننا وعرفنا خبر رحيلهم من خلال المدونات بس
ربنا يرحمهم ويغفر لهم وينور قبورهم ويلحقنا بهم على خير

ومحدش عارف مين السنة الجاية هيدعي لمين
-- -- --

واعذروني بجد لأن الكلام مش مترتب لأني فعلا اتفاجئت من ساعة بس ان النهاردة المدونة بقالها سنة ويومين .. وانا كنت داخل اصلا اكتب موضوع مختلف تماما .. وبعتذر بردو على غيابي المتكرر الفترة دي .. يادوب خلصت امتحانات ونزلت الشغل على طول .. سخن سخن كده على ودنه

وحااااااااااااااسب عندك
طالما وصلت للسطر ده يبقى كتر الف خيرك والله انك ستحملت وقريت الرغي ده كله .. كمل جميلك بقى وادعيلي دعوة من قلبك كده اني انجح السنادي لحسن بجد انا حاسس اني خللت في الكلية دي ومش قادر استحمل اكتر من كده .. ده لو فيه انصاف كان زماني اخدت الشهادة بالخبرة
:((
----

لأقوياء الملاحظة
شايفين الصورة اللي فوق دي؟ .. قدرا كده والله رفعتها
وجيت اقارن بينها وبين الصورة اللي في أول موضوع فـ المدونة
:) لقيت بينهم وبين مرور سنة على المدونة رابط حلو اوي
اللي يحب يفكر فيهم شوية ييتخيل ويقولي طلع بإيه
:) انا متأكد ان فيه ناس هتبهرني يتخيلاتها

Forgive me

2008-05-29T02:02:00.008+03:00

- - -- - -

- - -- - -

Lyrics
--

Today upon a bus
i saw a girl with golden hair
and wished i was as this fair
when suddenly she rose to leave
i saw her hobbeled on the aisle
she had ONE LEG and wore a crutch
but as she passed, she smiled,,
Oh GOD! forgive me when i whine
I HAVE TWO LEGS, the world is mine.

I stopped to buy, to buy some candy,,
the lad who sold it had such charm
i talked with him, he seemed so glad
"if i were late it do no harm"
and as i left he said to me
"i thank you, you've been so kind,,
you see -he said- i am a BLIND"
Oh GOD! forgive me when i whine
I HAVE TWO EYES, the world is mine.

I saw a child with eyes of blue
he stood and watched the others play
he did not know what to do
i stopped a moment and then i said
"why don't you join the others, dear?"
he looked ahead without a word
and then i knew he COULDN'T HEAR!
Oh GOD! forgive me when i whine
I HAVE TWO EARS,, the world is mine.

with FEET to take me where i go
with EYES to see the sunset's glow
with EARS to hear what i'd know

Oh GOD! forgive me when i whine
I've been blessed indeed,
the world is mine

----

إضغط هنا لتحميل الفيديو على جهازك
12.0 MB .. حجمه

-- --

لازم لازم لازم .. أقول مبرووك

2008-05-25T00:05:00.003+03:00

ايوة لازم أباركلهم
لازم أفرحلهم وأعيش معاهم فرحتهم
فإذا كانت الظروف مساعدتنيش إني أكون معاهم
يبقا على الأقل أشاركهم من هنا
من عالمنا الألكتروني
اللي كان سبب في تجمع المئات من البشر
باختلاف أماكنهم وجنسياتهم وميولهم
واللي كان سبب بردو في كمية الحب الرهيبة اللي اتوجدت في قلوبنا كلنا
من خلال شاشة وكيبورد
وأحاسيس بتتنقل عن طريق الكلمات
واللي كان سبب كمان في خروج فكرة زي فكرة مدونات مصرية للجيب للنور
وبالفعل تحقق حلم أحمد البوهي وأحمد مهنى
واللي بإذن الله متوقع له نجاح أكبر وأكبر

الف مبروك لأصحاب مدونات مصرية للجيب
لأصحاب الفكرة ألف مبرووك
ولأصحاب المضمون ألف ألف مبروك

برغم انشغالي الأيام دي بالامتحانات
ـ ومش بالمذاكرة ولا حاجة عشان محدش يفهمني غلط بس هههههههه ـ
لكن شدة الأعصاب بقا والتوتر والقلق بردو
بيعيشو الواحد ف حالة نفساوية مش ولابد
إلا إني فعلا كنت محضر نفسي اني اكون معاهم يوم الخميس
في حفل توقيع الكتاب .. لكن مقدرتش بردو للأسف
وزعلت جدا اني مروحتش ومشوفتش الناس اللي طالما اتمنيت
اني اشوفهم واسلم عليهم كده

انا حاسس اوي بفرحة كل الناس اللي راحت
وهو أكيد شعور جامد جدا لما تقابل حد كنت بتتواصل انت وهو
من خلال الشاشة وبس بالتعليقات أو الشات
ده بالإضافة بقا لفرحة الناس اللي اتنشرلهم مواضيع من مدوناتهم
أكيد احساس خطير وملوش حل كمان

كان نفسي أوي فعلا أشاركهم في الفرحة دي
لكن قدر الله وما شاء فعل
-- -- --

وشكر خاص جامد جدا بقى بصراحة لـ أحمد الصباغ
الراجل بصراحة عامل مجهود جبار وتغطية هايلة جداا للحفلة في مدونته
يعني محرمناش من حاجة
صور وفيديوهات وحاجة حلوة اوي
شكرا ليك يا أحمد والله

-- -- --

آخر حاجة بقى يا جماعة انا عايز منكم دعاء مكثف الله يخليكم
:(( انا امتحاناتي شغالة
وحياتي كده شبه متعطلة بسبب الامتحانات دي
الله يسامح اللي اخترعها بقى
بس خلاص اهي هانت الحمد لله

ورجعتلي حاجتي من جدييييد

2008-05-03T17:44:00.007+03:00

الحمد لله يا جماعة المشكلة اتحلت
وقدرت ارجع الملفات اللي اختفت من الجهاز
ومبسوط جدااا والله

ونظرا لأن اللي حصل خاص بالكمبيوتر
فكتبت التفاصيل في مدونة عالم الكمبيوتر

:))

:( فـ ثانية .. فـ لحظة .... كله رااح

2008-04-29T20:16:00.005+03:00

في ضغطة ماوس .. في لمح البصر
فقدت كل محتويات الهارد ديسك
بغلطة غير مقصودة
ضاع مني كل البرامج والصوتيات والفيديوهات اللي بجمع فيها من اكتر من سنة
صور عائلية وصور نادرة وتسجيل للحظات لا يمكن تتكرر من تاني
صور كانت تمثل ذكريات شخصية وعائلية
شروحات لبرامج واشياء اخرى كنت بحب احتفظ بيها
واللي كنت محضره لمدونة عالم الكمبيوتر
وأفكار لمواضيع كنت عايز اكتبها
وأناشيد وقرآن كريم بأصوات كتيرة وقراءات مختلفة
... وكتب وكتابات ومحفوظات وأوامر تشغيل و و و

كله خلاص اتبخر
اتمسح
ملهوش وجود
البرتشنات اصبحت خاوية على عروشها

كنت كل ما اغير الهارد مثلا او اعيد تقسيمه من جديد
كنت بنقل المحتويات كلها عند اي حد وارجع اخدها تاني
من حرصي عليها
دلوقت خلاص

الحمد لله .. قدر الله وما شاء فعل

بس هو فعلا احساس مؤلم لما تبص فجأة
تلاقي حاجات غالية عليك ضاعت منك كده في ثواني معدودة

وعلى أد ما جهاز الكمبيوتر ده كنت بحبه وكان بيبهرني بقدراته وامكانياته و و و
إلا اني ف لحظة حسيت انه مجرد حتة حديدة غبية
الغباء والبرود والسذاجة اللي شوفتها منه كل ما افتح بارتشن والاقيه فاضي
:( ولا كأن كان فيه بينا عِشرة ومعاملة
خلتني فاتحه اكتر من خمس ساعات في محاولات لاسترجاع الملفات
وانا نفسي امسكه وارميه من الشباك اللي جمبي

-- -- --

كان المفترض اني اكتب موضوع بحضره من اسبوع
وصور مصورها بنفسي
:(( ودي أول مرة اعملها
لكن للأسف راحت مع اللي راح

شكرا الف شكر للناس الجميلة اللي سألت عليا
انا كويس الحمد لله

واسف اني صدعتكم بكلام زي ده والله
:((( بس مش قادر بصراحة اكتم فـ نفسي أكتر من كده

لكن ده درس لكل حد عنده حاجة خايف عليها
يعمل منها نسخ على اسطوانات او هارد اضافي

ادعولي ان ربنا يوفقني ف محاولاتي لاستعادة الملفات
الغلطة اللي حصلت سايبة وراها احتمال واحد % اني اقدر اصلحها
وارجع اللي راح مني
واديني بحاااول

تغيير كامل

2008-04-11T02:14:00.003+03:00

حاسس ان ربنا سبحانه وتعالى بيعرفني إن الفرج قريب اوى
فبرغم كل الألم والهم
إلا إن هناك دائما شعاع نور
يطمئنك ويبعد عنك شبح اليأس والقنوط

الحمد لله
الحمد لله
الحمد لله

بكرة إن شاء الله .. السبت
أبدأ مرحلة جديدة تماما في حياتي
خطوة انتقالية كبيرة بفضل الله

أسألكم بالله
ادعولي ربنا يوفقني ويرزقني الثبات في الأمر كله
-- -- --

وبقول لكل مهموم
وكل إنسان عايز يكون أفضل
أن يسعى ويجتهد
وميسبش حبل اليأس يخنقه
ويبحث عن شعاع النور في حياته

وأكيد أكيد بإذن الله
وبالإيمان والاجتهاد والصبر

هيلاقيه
-- --

وشكرا .. بل ألف شكر
لكل اللي ساعدوني ووقفو جنبي عشان آخد الخطوة دي
حتى ولو بالكلمة والنصيحة والتشجيع
أو الدعاء

جزاهم الله خيرا
:)
... ...

عاصفة ترابية .. وعدت

2008-04-07T01:07:00.008+03:00

أول مرة قرأت فيها عن فكرة الإضراب دي كان من حوالي شهر أو أقل من خلال رسالة على النت مش فاكر قرأتها فين بالظبط
ومكانش الموضوع منتشر اوي على المستوى العام
سألت ناس من معارفي وقرايبي عن الموضوع كان المعظم بردو معندوش فكرة
فتخيلت ان الموضوع مجرد اشاعة او هوجة وهتعدي

لحد تقريبا قبل أربع أيام من النهاردة
بدأت اسمع الناس بتتكلم عن الاضراب .. الجيران والمعارف وفي المواصلات
وحتى الأطفال الصغيرة كانت بتتكلم عن الإضراب

في الحقيقة لاحظت وكان واضح جدا ان الفكرة كانت مختلطة عند الناس
يعني انا عن نفسي لما قرأت الرسايل والمواضيع اللي بتتكلم عن الاضراب
فهمت ان المطلوب ان الناس تقعد في البيت والكلام اللي سمعناه ده كله
وفي الواقع مكنتش مقتنع بيه تماما
لكن لقيت ان معظم اللي اتكلمت معاهم واللي مش بيدخلو نت
فاهمين ان يوم الحد ده هيكون عبارة عن مظاهرات في الشوارع
والناس هتمشي تكسر في الشوارع وتخيلات غريبة

واهو يوم الحد جه وعدى .. وايه اللي حصل؟

انا عن نفسي نزلت الشغل النهاردة عادي جدا
ودي مش سلبية ولا حاجة .. لكن دي مصالح ومينفعش تتعطل
وبردو على مستوى القرايب والمعارف محدش قعد من شغله
ويادوب بس 95% من أطفال العيلة كان عندهم اجازة من المدرسة النهاردة
:D .. هي فرصة بصراحة متتعوضش
واللي راح منهم رجع نص يوم
:D ابن اخويا بيقول ان المدرسة النهاردة كانت متجمعة في فصل واحد
وبعض المدارس كمان كانت منبهة على الأهالي ان محدش يجيب أولاده يوم الحد
-- -- --

وانا راجع في المترو كان قاعد جنبي واحد بيتكلم في الموبايل
فسمعت طراطيش كلام كده عن تكسير محلات وعربيات ومحلات دهب بالخصوص
بعد ما خلص المكالمة لقيته بيقول لصاحبه
ان اللي كان بيكلمه في التليفون بيقوله خليكم النهاردة وأجلو السفر لبكرة
من باب الفضول اضطريت احشر نفسي وسألته
هو الكلام ده فين؟
.قاللي في المحلة
.قلتله شكراا
-- -- --

أحلى موضوعين قرأتهم واتكلمو عن الإضراب واقتنعت جداا بيهم
موضوع عند الأستاذ أحمد شقير بعنوان (لماذا .. سيفشل إضراب 6 إبريل)ـ
وموضوع عند الباشمهندس عصفور المدينة بعنوان (عن الإضراب ... بهدووء)ـ
ياريت اللي مشافش المواضيع دي يلقي بس نظرة عليهم

وتحية خاصة جداا للباشمهندس ما علينا على توقعاته الرهيبة
:D واللي تقريبا اتحقق معظمها واحنا لسة ف يوم الإضراب

--- ---

حاجة كمان النهاردة كانت مميزة جدا
مع مطلع الشمس وفي بداية اليوم كانت الدنيا كلها تراب
والجو كان صعب شوية والناس كانت مخنوقة

وقبل المغرب بساعة تقريبا .. نزل شوية مطر

وسبحااان الله
! كأن شيء لم يكون

أحزان تتجدد

2008-03-26T04:23:00.006+03:00

منذ صغره وهو يعرف أن هذا الطريق ليس من السهل السير فيه
نعم كان يعرف هذا جيدا .. ولكنه لا يبالي
فكان فكلما تغفو عينيه يفكر فيما سوف يحققه من أحلام
ولا يقف أمام تحقيقها إلا المضي قدما في ذلك الطريق
فيغض فكره عن المخاطر التي سوف تواجهه إذا فقد عزيمته أو تهاون في الأمر
فكان لا يرى إلا الأحلام
... وما أسهل الأحلام

من حوله حذروه .. ونصحوه أن يستعد بالجد

حسنا حسنا لاتقلقوا فالأمر أسهل مما تتصورون

كان مُغيَّب
بل كان أحمق

فسرعان ما مر الوقت
ووصل إلى نهاية الطريق
وإذا به ينظر حوله فزعا
وكأنه كان نائما واستيقظ بضربة على رأسه

!أين أحلامي؟
!أين أنا؟
!أين الطريق؟

يا غبي

ألم تقل أنك تعرف أن الأمر ليس سهلا
ألم يحذرونك
ألم ينصحوك

إذن فلتتحمل وحدك ما صرت إليه
وما صار إليه حالك

وهنا أدرك المسكين المغفل حقيقة الأمر
أدرك وانتبه

.... ولكن

--------

فلتنتبه أيها المغرور بـمعرفته
قبل أن تندم
حين تدرك أن معرفتك لم تغن عنك شيئا

..

! الضمير العربي .. أوبريت

2008-03-20T23:53:00.004+03:00

اتخنقت اوي لما شوفته
وياريتني ما كنت شوفته
ومنصحش حد انه يشوفه

فقط تزيد عندك الحسرة على ما وصلنا إليه
ويزيد عندك الشعور بالذل من كثرة المشاهد المرة
اللي كنا بنشوفها
ومازلنا بنشوفها كل يوم
بس هو جمعهالك كلها في فيلم واحد وسماه عمل فني
اي كانت التسمية اوبريت او عمل فني
مش هتفرق
المهم انه حاجة لا تفيد ولا بيقدم ولا بيأخر

لاء .. فيه حاجة معلش
ده جايب فيه وجوه جديدة
ايوه وجوه جديدة
من المغنيين والمغنيات

أصل احنا ناقصين يعني وجع قلب

فكانت وما زالت كرامتنا تنتهك
وأطفالنا ونساءنا تشرد
على مرأى ومسمع من العالم كله
ولم يتغير شيء
ولن يتغير أي شيء

ما دامت الموازين مقلوبة
ومادام الصح أصبح غلط والغلط بقى هو الصح

ومادمنا لسة بنغني ونقول مواويل

فسيظل الحلم .. مجرد حلم

! وسيظل أيضا الضمير العربي .. مجرد اوبريت

أحلى فقرة في البرنامج

2008-03-16T01:10:00.003+03:00

هموم الناس في رسالة

فقرة يقدمها محمود سعد في برنامج البيت بيتك .. بصراحة يعني برغم السواد اللي شايفينه والحال السيء اللي اصبح واضح وضوح الشمس ومش محتاج أي براهين لإثباته .. إلا إن الفقرة دي بجد لازم نشكر اصحاب البرنامج عليها .. وهي كمان بتعكس حاجات مهمة اوي من وجهة نظري

الفقرة دي للي ميعرفهاش هي عبارة عن ان الناس اللي عندهم شكاوى من حاجة معينة او عندهم مشاكل مرضية او مشاكل اجتماعية ومعندهمش القدرة المادية على حل المشاكل دي (تقريبا تلات ارباع الشعب بلا فخر يعني) بيتصلو بالبرنامج او بيبعتو رسايل او يذهبوا بنفسهم للبرنامج ويعرضو مشكلتهم من خلاله .. وطبعا يا سعده يا هناه اللي يعرف يوصل

البرامج اللي من النوع ده كتير .. لكن انا شخصيا بصراحة بحس بمصداقية كبيرة جدا في الفقرة دي وانها فعلا قريبة اوي من الناس ومن المجتمع المصري بالخصوص .. وبنقعد كلنا نتفرج عليها وبنفرح بجد لما نشوف واحد من الناس دي اتحلت مشكلته في دقايق .. وتنهال الاتصالات من المتبرعين بالآلاف .. او مثلا من السادة المسئولين اللي بيتكفلو بحل المشكلة

طبعا ده بيوضح جدا ان البلد لسة فيها خير (وفيها فلووووس) ولسة فيه ناس كويسة ومستعدين يقدموا يد العون والمساعدة للغير
ولكن .. وما أدراك ما لكن

لو كل واحد من الشعب عنده مشكلة او شكوى لازم يلجأ لبرنامج عشان صوته يوصل والناس تحس بيه معنى كده اننا عايزين برنامج لكل مواطن

انما لو كل واحد من المسئولين شاف شغله بضمير واتقى ربنا فيه
وكل واحد من اللي ربنا كارمهم بنعمة المال شاف الناس اللي محتاجة وبحث عنهم بنفسه .. وده مش صعب ولا مستحيل

اعتقد ان احنا هيكون عندنا برامج من نوع تاني
برامج بدل ما تبحث عن متبرعين
وتناشد المسئولين (اللي هما اصلا واجبهم وشغلهم حل مشاكل الناس)ـ
هنلاقي برامج تنادي المحتاجين واصحاب المشاكل
وتقولهم خطوطنا مفتوحة لكم اربعة وعشرين ساعة
... ونتمنى اتصالكم

!ياترى ده ممكن يحصل ولا احنا بندن في مالطة؟

مدونة جديدة

2008-03-10T12:30:00.004+03:00

اولا بعتذر بشدة على تأخيري كل الوقت ده
بس غصب عني فعلا
وشكرا جزيلا لكل الناس الجميلة اللي سألت عني
:D واللي مسألش كمان

وبدعوكم كلكم لزيارة المدونة الجديدة اللي اشتركت فيها مع سلوى
صاحبة مدونة طوق الحرية و تأملات وقلب

والمدونة المشتركة عالم الكمبيوتر

وطبعا باينه من اسمها انها خاصة بالكمبيوتر
يعني برامج وشروحات وأي حاجة متعلقة بالسوفت ويير عموما

:) بس محتاجين تشجيعكم وطلباتكم عشان نلاقي اللي نقدمه

وادعولنا ربنا يكرمنا فيها ونقدم اللي يفيد وينفعنا كلنا

ومش هوصيكم بقى اللي محتاج اي حاجة يقول على طوووول

وده أول موضوع ليا هناك

وقالها فيلسوف

2008-02-20T08:18:00.005+03:00

لا تمشي في طريق من طرق الحياة إلا ومعك سوط عزيمتك وإرادتك

لتلهب به كل عقبة تتعرض طريقك

-- --

فريدريك نيتشه

!! مش دي حاجة تكسف بردو ؟

2008-02-14T18:16:00.011+03:00

قصة عيد الحب
يعتبر عيد الحب من أعياد الرومان الوثنيين ، إذ كانت الوثنية سائدة عند الرومان قبل ما يزيد على سبعة عشر قرنا . وهو تعبير في المفهوم الوثني الروماني عن الحب الإلهي

ولهذا العيد الوثني أساطير استمرت عند الرومان ، وعند ورثتهم من النصارى ، ومن أشهر هذه الأساطير: أن الرومان كانوا يعتقدون أن ـ رومليوس ـ مؤسس مدينة ـ روما ـ أرضعته ذات يوم ذئبة فأمدته بالقوة ورجاحة الفكر

فكان الرومان يحتفلون بهذه الحادثة في منتصف شهر فبراير من كل عام احتفالا كبيرا وكان من مراسيمه أن يذبح فيه كلب وعنزة ، ويدهن شابان مفتولا العضلات جسميهما بدم الكلب والعنزة ، ثم يغسلان الدم باللبن ، وبعد ذلك يسير موكب عظيم يكون الشابان في مقدمته يطوف الطرقات . ومع الشابين قطعتان من الجلد يلطخان بهما كل من صادفهما ، وكان النساء الروميات يتعرضن لتلك اللطمات مرحبات ، لاعتقادهن بأنها تمنع العقم وتشفيه

ـ علاقة القديس (فالنتين) بهذا العيد ـ
ـ القديس فالنتين اسم التصق باثنين من قدامى ضحايا الكنيسة النصرانية. قيل انهم اثنان ، وقيل بل هو واحد توفي في روما إثر تعذيب القائد القوطي كلوديوس له حوالي عام 296م
وبنيت كنيسة في روما في المكان الذي توفي فيه عام 350م تخليدا لذكره

ولما اعتنق الرومان النصرانية أبقوا على الاحتفال بعيد الحب السابق ذكره لكن نقلوه من مفهومه الوثني الحب الإلهي، إلى مفهوم آخر يعبر عنه بشهداء الحب ، ممثلا في القديس فالنتين الداعية إلى الحب والسلام الذي استشهد في سبيل ذلك حسب زعمهم.ـ
وسمي أيضا عيد العشاق واعتبر القديس فالنتين شفيع العشاق وراعيهم

وكان من اعتقاداتهم الباطلة في هذا العيد أن تكتب أسماء الفتيات اللاتي في سن الزواج في لفافات صغيرة من الورق وتوضع في طبق على منضدة ، ويدعى الشبان الذين يرغبون في الزواج ليخرج كل منهم ورقة ، فيضع نفسه في خدمة صاحبة الاسم المكتوب لمدة عام يختبر كل منهما خلق الآخر ، ثم يتزوجان ، أو يعيدان الكرة في العام التالي يوم العيد أيضا

وقد ثار رجال الدين النصراني على هذا التقليد ، واعتبروه مفسدا لأخلاق الشباب والشابات فتم إبطاله في إيطاليا التي كان مشهورا فيها ، ثم تم إحياؤه في القرنين الثامن عشر والتاسع عشر الميلاديين حيث انتشرت في بعض البلاد الغربية محلات تبيع كتبا صغيرة تسمى كتاب الفالنتين فيها بعض الأشعار الغرامية ليختار منها من أراد أن يرسل إلى محبوبته بطاقة تهنئة وفيها مقترحات حول كيفية كتابة الرسائل الغرامية والعاطفية

ومما قيل في سبب هذا العيد أيضا أنه لما دخل الرومان في النصرانية بعد ظهورها ، وحكم الرومان الإمبراطور الروماني كلوديوس الثاني في القرن الثالث الميلادي منع جنوده من الزواج لأن الزواج يشغلهم عن الحروب التي كان يخوضها ، فتصدى لهذا القرار القديس فالنتين وصار يجري عقود الزواج للجند سرا ، فعلم الإمبراطور بذلك فزج به في السجن ، وحكم عليه بالإعدام. وفي سجنه وقع في حب ابنة السجان ، وكان هذا سراً حيث يحرم على القساوسة والرهبان في شريعة النصارى الزواج وتكوين العلاقات العاطفية ، وإنما شفع له لدى النصارى ثباته على النصرانية حيث عرض عليه الإمبراطور أن يعفو عنه على أن يترك النصرانية ليعبد آلهة الرومان ويكون لديه من المقربين ويجعله صهراً له ، إلا أن فالنتين رفض هذا العرض وآثر النصرانية فنفذ فيه حكم القتل يوم 14 فبراير عام 270 ميلادي ليلة 15 فبراير ، عيد لوبر كيليا ، ومن يومها أطلق عليه لقب قديس

وجاء في كتاب قصة الحضارة : أن الكنيسة وضعت تقويماً كنيسياً جعلت كل يوم فيه عيداً لأحد القديسين وفي إنجلترا كان عيد القديس فالنتين يحدد في آخر فصل الشتاء فإذا حل ذلك اليوم على حد قولهم تزاوجت الطيور بحماسة في الغابات ووضع الشباب الأزهار على أعتاب النوافذ في بيوت البنات اللاتي يحبونهن . قصة الحضارة تأليف ول ديورانت (15 / 23)ـ

نقلا عن موقع الإسلام سؤال وجواب

موضوع ذات صلة عند هوندا .. حكاية عيد الحب

.. ..

!!إزاي تخنق جااارك؟

2008-02-09T22:33:00.000+03:00

ساكن جمبنا انسان تقريبا فاقد الوعي بأنه عايش مع بني آدمين بيحسوا ويقلقوا وينزعجوا .. واحد فاضي مفيش وراه لا شغلة ولا مشغلة .. كل اللي بيعملو في الحياة انه يدايق الناس اللي حواليه .. بقصد أو من غير قصد على حسب ظروفه وعمايله اللي بيعملها .. مش بيفكر في الحاجة قبل ما يعملها هل ممكن تدايق غيره ولا لاء .. عندو كاسيت تقريبا كده مش بيفصله إلا لما ينام .. وياريته بينام ف الوقت اللي كل الناس بتنام فيه .. لا ده يومه أصلا بيبدأ تقريبا من بعد الضهر .. بتبدأ خنقتنا فعلا من صوت الكاسيت ده من بعد الساعة عشرة بالليل وهو مفيش عندو أي مشااااكل .. ولا يبالي .. ولو الغزالة رايقة بئا ومذاجه عال (وده العادي يعني) بيواصل السهرة لحد قبل الفجر استعملنا معاه جميع ألأساليب الودية والغير ودية .. البعض كلمه بالذوق والأدب مرات كتييييير اوي .. والبعض الآخر بصراحة مكانش بيستحمل وكانت بتوصل للزعيق وأحيانا التشابك بالأيدي .. حضراتكم متخيلين معنى ان صوت الأغاني يخرج من شقته ويوصل لحد عندنا وعالي جدااا .. يبئا هو مشغله ازاي؟؟

كنت من ضمن الناس اللي كلمته كذا مرة والله وقلتله بكل هدوء واحترام يا سيدي محدش قالك متشغلش الكاسيت يا عم إذا كنت يعني خلاص مش قادر تستغنى عنه فبراحتك انت حر .. بس معلش بئا احنا مش عايزين نسمع والله خليه على أدك .. مش ضروري يعني تعرفنا إيه اللي بتسمعه .. والشهادة لله يعني بيستقبل الكلام بكل احترام واندهاش ويقوللي ياااه هو الصوت بيوصل عندكو جامد اوي كده معلش والله مش أصدي ومش هعليه تاني والله .. تقريبا كده يستخدم أسلوب (التثبيت) في أثناء الحوار معاه .. لإن مفيش ساعات ويرجع يشغله تاني ولا كأني اتكلمت معاه ولا كأنه كان متأسف للوضع .. مع العلم بإنه انسان بكامل قواه العقلية يعني مش مريض ولا حاجة

بصراحة احتارنا معاه وطفح الكيل يعني .. وحتى الوقت الحالي وانا بكتب التدوينة دي وسامع والله ومش عايز أقولكم صوت الطبلة (البيز) وهو بيرن في شقتنا من شدته ولا كأنه مشغل دي جي

وبرغم اللي بيعمله إلا إنه مش هاين علينا والله نبلغ فيه ونعمله محضر إزعاج

!!بالله عليكم حد عندو حل للبني ده غير كده؟
.. ..

تااااج ورغي كتييير

2008-02-03T15:58:00.001+03:00

التاج ده عندي من فترة كبيرة اوي كانت باعتاهولي المدونة العزيزة منى البارودي

ملحوظة صغيرة قبل البدء
شكر خاص للأخت مها على النشيد الرائع اللي موجود على السايد بار ده

استعنا بالله

اسمك؟
محمود

اسم الدلع المشهور بيه وسط أصحابك
حودا .. وفي واحد تاني مش عارف اصله ايه بصراحة (حوكشة) - ومحدش يتريق يا جماعة - هههههه أخويا اللي طلعه عليا وبيناديني بيه أحيانا ـ بس بئالو فترة مسمعتوش منه ـ

كنت طالب شاطر في المدرسة؟
الحمد لله كنت شاطر بشهادة الجميع .. وكنت واد مجتهد كده ومقبل على التعليم ـ الله يرحم بئا ـ .. وكانو المدرسين كلهم بصراحة بيحبوني .. ـ باستثناء مستر ممدوح بتاع الانجليزي ف اعداي ـ .. اصلي كنت شاطر شوية ف اللغة عن بقية الفصل لأني بحبها فعلا .. فكان فاكرني باخد درس عن حد برة .. لحد ما تأكد اني مش باخد دروس .. ومع ذلك بردو اقنعني اني اخد معاه درس وبالتالي بئا يحبني هو كمان هههههه

مجال دراستك؟
التجارة وادراة الأعمال

ايه كانت أحب مادة ليك في المدرسة و الكلية؟
في المدرسة زي ما قلت الانجليزي بس للأسف مهتمتش بيه بعد المدرسة بس اديني بحاول ارجع اظبطها من تاني .. وفي الكلية بقى بصراحة مبحبش ولا مادة لأني دخلت الكلية دي اصلا وانا مكره عليها بس كله بقدر الله طبعا والحمد لله وربنا المستعان

كنت عايز تطلع ايه و انت صغير؟
ااااااااااااااه كده هنقلب المواجع بقى هههههه
والله انا حاليا اصلا بعيش فترة تدهور تعليمي لا مثيل لها في حياتي من قبل .. وانا برجع سبب الحكاية دي إلى اني مكنتش فعلا حاطط هدف معين ف دماغي وانا صغير أو بمعنى أصح للأسف مكنتش مدرك اوي أهمية ان الواحد يحط ف دماغه هدف ويسعى لتحقيقه .. وبالتالي كنت بتعلم وبعيش كل مرحلة تعليمية دون النظر للي بعدها هيكون ايه .. وانا شايف ان دي مسألة خطيرة جداا حصلتلي وبعاني مررارتها اووووي ف الوقت الحالي .. وعشان كده بقول لكل اب وكل ام وكل اخ وكل اخت انهم دايما يحفزوا اطفالهم بحافز وهدف يخلوه دايما ف دماغهم ويعملو طول حياتهم من أجله

اسم مدونتك؟
آلام وآمال

لماذا اخترته؟ و ما هي نيتك من اختياره؟
هو انا مقبوض عليا ولا ايه هههههه
اخترته طبعا لأنه بيجسد معاني كتير في حياتي .. ويمكن تعمدت اني اخلي الآلام قبل الآمال .. وده راجع شوية لحبة حاجات ملعبكة كده بتحصل معايا الفترة دي

صورتك في المدونة ... رمزيتها؟

عجبني ف الصورة حالة التأمل اللي واضحة اوي والممزوجة بشيء من الألم أو الهم أو الحزن أو الحسرة .. ومع كل ده إلا ان خيال الشخص اللي فيها بيوضح انه باصص للسماء .. يعني لسة الحمد لله الأمل موجود ولم ولن ينقطع بفضل الله طالما ان هناك اسباب لبزوغ فجر جديد

هل فكرت في اغلاق مدونتك؟ والسبب؟
هو مكانتش نية للإغلاق بس كنت فكرت فعلا ف مرة اني اديها اجازة بس معرفتش

لماذا دخلت عالم التدوين من الأساس؟
طبعا عشان ارادة ربنا
ولازم هنا اقول ان اللي كانت سبب في المدونة اللي حضراتكو شايفينها دي من بعد ارادة ربنا سبحانه وتعالى
هي (ملكة الجومة) صاحبة مدونة قلم رصاص وجومة.. هي أقدم مني بشوية ف التدوين بس معندهاش وقت للكتابة .. وبصراحة مكنش فيه ترتيب مسبق لإنشاء مدونة وعشان كده مش هينفع اجاوب على السؤال .. لكن طبعا الأهداف بعد كده تعددت واللي من أهمها الكلمتين اللي كاتبهم ف البروفيل

أحلى جملة قيلت لك في وصف مدونتك؟
والله انا شايف ان انا اللي تشرفت فعلا بمعرفة ناس كتير جامدين جدا من خلال التدوين ومدونتي متجيش ذرة في مدوناتهم

التعليقات بالنسبة لك .. أهميتها؟
التعليقات يعني تفاعل وتواصل وتبادل معلومات ومناقشات .. وطبعا بهتم بيها جداا وبتابعها يوميا ودايما بفضل اني ارد على صاحب التعليق في مدونته هو

ما أحلى بوست كتبته؟ ضع اللينك ثم اذكر لماذا
هو انا تاريخي في التدوين مش طويل اوي يعني
بس طبعا في موضوعات حسيت من كلام الناس عليها انها كويسة
موضوع عجبا لهذا العالم
والموضوع التاني تواصل عبر الأثير
لأن الموضوع ده اتسببلي في حكاية اتعلمت منها حاجات كتيييير اوي

أحلى مدونة قرأتها؟
بصراحة ومن غير مجاملة ولا دبلوماسية يعني كتير مش واحدة بس
وكل مدونة لها تأثير مختلف عليا انا شخصيا

حد قل أدبه في التعليق .. عملت ايه؟
الحمد لله محصلتش

إيه اللي هيحصل لايميلك لما تموت؟
اللي اعرفه ان الاميل لو متفتحش مدة اربع شهور بتتمسح كل الرسايل اللي عليه
وسمعت انه بيتلغي بعد فترة أكبر

اديت الباسورد لحد قبل كدة؟
الايميل لاء لكن المدونة اه اديته لحد

ايه كانت علاقتك بيه؟
كل حب واحترام وصداقة وأخوة وكل حاجة حلوة والله

شخصيتك... نوعها ايه؟
انا م النوع اللي مش بيعرف يحكي عن نفسه .. اسأل حد من صحابي

مودك ايه؟
متقلب أغلب الوقت .. وحاليا الحزن مخيم على الأجواء

الأكلة المفضلة؟
الرز الأبيض مع اللوبيا والفراخ .. وخصوصا لما اكون جعان بجد

السفر بالنسبة لك؟
مجربتش السفر اللي يتقال عيله سفر يعني عشان اقدر احدد

صفات أخدتها من بابا
مش عارف بصراحة

صفات أخدتها من ماما
بردو مش عارف

أكتر 6 حاجات بتكرهها
اليهود الصهاينة
الكدب
السخرية من الغير
السجاير
الست اللي صوتها عالي
أغنية مدد يارسول الله لمحمد منير

أكتر 6 حاجات بتحبها
صلاة الفجر جماعة
يوم الجمعة ولمة العيلة
العيال ولاد اخواتي بشقاوتهم وزنهم

المربى بالقشطة
والبليلة بالعسل
والرقاق باللبن
ولا عزاء لأصحاب الريجيم ههههه

الشغل بالنسبة لك
انا الحمد لله بشتغل مع الدراسة أغلب الوقت .. وبرغم ان الشغل متعب فعلا إلا انه بيحسسني بوجودي واني بعمل حاجة ترضيني عن نفسي

ايه الكمبيوتر و النت بالنسبة لك؟
سلاح ذو حدين .. يا اما يرفعو شأن مستخدمهم ويساعدوه على التغيير للأحسن في كل حاجة .. يا إما يغرق في بحورهم ويضيع في غياهب المعاصي والشر

تمرر التاج لمييييين؟
والله التاج ده قديم اوي ومعظم الناس جاوبته
بس طبعا اللي يحب ياخدو يتفضل بكل سرور
وأخص بالذكر
كرم مسلم
My HoPe$
بنات أفكاري

!! يا مسلمين تذكروا .. نحن أمة واحدة

2008-01-24T03:16:00.000+03:00

حاجة سيئة جداا لما ننسى اننا مسلمين واننا أمة واحدة ونتلكم على بعض كـ دول وجماعات وحدود بتفصل بيننا
شيء محزن للغاية لما تسمع أو تقرا لبعض المصريين بيتكلمو عن اخوانهم المسلمين (المسلميييين) ويقولك ده فلسطينين كذا وكذا ودول عراقيين مش عارف عملوا ايه .. وطبعا يرد عليهم بعض الإخوة العرب بنفس الطريقة
خلاص نسينا اننا امة واحدة .. ربنا واحد وكتابنا واحد ورسولنا واحد وديننا هو الاسلام
ومهما كان ايه اللي حصل (لأن أكيد في ناس دلوقت عندها تبريرات وحجج من اللي بنسمعها) مينفعش ابدا اننا ف المواقف الصعبة نقف ونشتم على بعض وكأننا أعداء وننسى القضية الأصلية .. وننسى بردو أو نتناسى عدونا الأصلي
إيه اللي بيحصل ده يا مسلمين وازاي وصلنا للدرجة دي من الخيبة والخزي
اللي فاكر ان اللي بيحصل ده الغرض منه هو غزة وبس او فلسطين وخلاص يبئا غلطان وواهم
اللي فاكر من المسلمين ان اللي بيجرى لأخواننا ده بعيد عننا او ملناش علاقة بيه يبئا جاهل
اللي بيحصل ده يا مسلم ياللي بتشتم على أخوك المسلم زيك؛ الغرض منه ان ميكونش فيه ولا مسلم على وجه الأرض .. إن ميكونش فيه إسلام أصلا (ومعتقدش ان فيه عاقل متأمل ف اللي بيحصل يقدر ينكر الحكاية دي)
يعني لو فضلنا بالشكل ده من التناحر والتباغض يبئا نجحو فعلا في مخططهم اللي وللأسف ماشيين فيه بنجاح وخطى سريعة
يا مسلمين احنا هـمّنا واحد وقضيتنا واحدة .. حراااام والله اللي بيحصل بيننا ده على مواقع الانترنت من شتايم واحقاد وضغينة
خلينا ايه من كرهنا للصهاينة لما كل ده بيحصل بيننا احنا المسلمين

إنا لله وإنا إليه راجعون

هدايا رأس السنة الهجرية

2008-01-11T17:26:00.002+03:00

بداية احب أوجه شكر كبير اوي لكل اللي بيسألو عني ويدعولي .. حقيقي والله بفرح جدا لما افتح المدونة والاقي تعليق جديد وحد بيدعيلي أو بيسأل عني .. ربنا يكرمكم ويجازيكم خير
وانا الحمد لله باقيلي 3 مواد واخلص ان شاء الله وربنا المستعان

محبتش اعدي مناسبة رأس السنة الهجرية من غير ما اقولكم كلكم كل سنة وبإذن الله تكونو بخير ويارب أصلح أحوالنا وأحوال المسلمين كلهم والسنادي تكون أحسن من اللي فاتت على كل المستويات

ودي شوية حاجات بسيطة كده اتمنى تعجبكم

أدعية بصوت الشيخ الشعراوي جميلة جداااا
تقدر تحملهم كلهم مرة واحدة من هنا
ربنا يرحمه ويجعل مثواه الجنة ويلحقنا به على خير
---

مجموعة أناشيد من مفضلاتي
ومش هتكلم بصراحة عن جمال الكلمات والمعاني والصوت الرائع
واتمنى الكل يحملهم وتسمعوها وتحكمو بنفسكم

أناشيد للشيخ صلاح الهاشم
أتيت إليك
يا أملي - قصدت باب الرضا
أنا الفقير
(تحميل الـ 3 أناشيد)
---

أناشيد للشيخ مشاري راشد
أغيب وذو اللطائف لا يغيب (تحميل)ـ
وأحسن خلق الله (تحميل)ـ
حنيني (تحميل)ـ
قصيدة ليس الغريب مع الكلمات (تحميل)ـ
أيا من يدعي الفهم (تحميل)ـ
---

وبرنامجين لابد من توافرهم على جهازك
وهما عند اغلب الناس بس بردو رفعتهم احتياطي
Real player 11
winrar لفك الضغط
(dowload)
---

وده برنامج صغير جداا بس حلو اوي
بعد التحميل وفك الضغط .. بكليك على ايقونة البرنامج
تخلي جهازك يبدأ بسم الله ويقفل بالحمد لله
بصوت الشيخ مشاري (تحميل)ـ
---

أرجوكم لو حد واجهته مشكلة مع الروابط يقوللي وان شاء الله اظبطها
عشان الموقع ده بصراحة اول مرة اتعامل معاه

وكل سنة وانتو طيبين
واشوفكم بعد الامتحانات بئا ان شاء الله

من ورق نتيجة 2007

2007-12-31T05:51:00.000+03:00

النهاردة قطعت اخر ورقة من نتيجة 2007
وطبعا الورقة اللي بتتقطع من النتيجة مينفعش ترجع مكانها تاني
بس في الحقيقة النتيجة بتاعتنا كان فيها ميزة حلوة اوي .. مكتوب على ورقها مجموعة من الحكم والأقوال المأثورة والمعاني الرائعة
يعني اه الورقة بتنقطع .. لكن ممكن نستفيد منها
مش كده ولا إييييه؟

ودي بعض الكتابات اللي احتفظت بيها من ورق نتيجة 2007
-- -- --

خير وسيلة للتغلب على الفشل أن ننساه ثم نستأنف الجهاد مُصرين على النجاح بثقة وعز

الدنيا كالماء الملح .. كلما ازددت منه شربا .. ازددت عطشا

أكبر الخطأ ألا تفطن إلى خطيئة نفسك

إذا كنت تبحث عن السعادة فاعلم انها ليست أخذا .. وإنما هي عطاء

إذا أردت أن تحتفظ بصديق فكنت أنت أولا صديق

وأخيرا

قد تنسى إنسانا ضحكت معه، لكن من الصعب أن تنسى إنسانا بكى معك، أو ضحك عليك

-- -- --

وربنا يعيننا بجد على الأيام الجاية من عمرنا إذا بقي لنا عمر

وبجد بشكر من كل قلبي الناس اللي سألت وحاولت تطمن عليا الفترة اللي فاتت

خلاص ان شاء الله امتحاناتي يوم الأحد 6 يناير

ربنا المستعان

وادعولي ربنا يكرمكم اني اقدر احقق السنادي اللي مقدرتش احققه السنة اللي فاتت

وقريب ان شاء الله أرجع من تاني لمتابعة المدونات اللي بجد مفتقدهم جدااا

-- -- --

وكان محدثكم أخوكم محمود من داخل المعسكر المغلق
:D

بنحاول نعيّد

2007-12-20T11:54:00.000+03:00

يارب ارزقنا جميعا زيارة بيتك المحرم

.... ....

ما شاء الله لا قوة الا بالله .. عدد المسلمين كتيييييير
... ولكن للأسف

.... ....

الكل بيقول ان كل سنة بتقل بهجة العيد وفرحته عن السنة اللي قبلها
أكيد في أسباب كتير أوي للحكاية دي
وكل واحد فينا عنده أسبابه
بلاش بقى أزود الهم وافضل اسرد في الأسباب
كلنا عارفين اللي فيها

وادينا بنحاول نعيد

الطائفة السامرية

2007-12-05T01:51:00.000+03:00

أول امبارح اتفرجت على فيلم تسجيلي على قناة إخبارية عرفت منه معلومة جديدة عليا تماما وغريبة جدا في نفس الوقت بالنسبالي بردو فحبيت إني اكتب المعلومة دي

الفيلم كان يتحدث عن مجموعة من البشر يسمون أنفسهم بـالطائفة السامرية أو السامريون .. وبعد مشاهدة الفيلم بصراحة أئارني الموضوع بشدة وحبيت اعرف عن الطائفة دي أكتر فبحثت على الإنترنت عنهم وعرفت ما يلي:ـ

السامريون هم أصغر طائفة دينية في العالم حيث لا يتجاوز عددهم 700 نسمة .. يعيشون على جبل جرزيم بمدينة نابلس بفلسطين ويعتبر هذا الجبل هو قبلتهم التي يُصلّون إليها .. وكانو قبل ذلك يعيشون في مصر في صحراء سينا

في الحقيقة لما حبيت اعرف بالظبط إيه هو انتمائهم الديني تحيرت كثيرا .. ومن خلال البحث عرفت أنهم من اليهود إلا انهم يرفضو أن يقال عنهم يهود ويفضلوا أن يطلق عليهم فلسطينيون أو سامريون .. فهم يدعون أنهم يملكون أقدم نسخة من التوارة في العالم كله والتي يبلغ عمرها 3630 سنة على حد زعمهم .. ويعتبرون أن اليهود الإسرائليين حرفوا هذه التوراة وبدلوها ثم زعموا أنها التوراة وأقامو عليها دينهم .. وكذلك يرى السامريون أن هناك سبعة آلاف خلاف بين التوراة السامرية الحقيقية التي بين أيديهم والتوراة اليهودية المحرفة .. أيضا على حد زعمهم

وتقول هذه الطائفة بأنهم أحفاد سيدنا موسى (عليه السلام) ولا يؤمنون بنبي بعده

ومن العجيب والمثير للدهشة أن السامريين يعتقدون أن سيدنا سليمان ملك متمرد وخائن (نعوذ بالله من الكفر) .. فهم يعتقدون أنه غيّر قبلتهم واتخذ القدس بدلا من جبل جرزيم .. وهذا الأمر راسخ بشدة في عقيدتهم .. واتضح لي ان هذا هو الخلاف الرئيسي بين السامرية واليهودية بالإضافة إلى عدة أسباب أخرى

وهم لا يعترفون أصلا بالقدس وبالتالي فهم لا يشغلون أنفسهم بها على الإطلاق

ومما يعرف أيضا عن هذه الطائفة هو التزامهم القوي جدا بدينهم ويهتمون بتعليم أطفالهم أمور دينهم في مقتبل العمر .. ويعتمدون في دينهم على خمس أعمدة أساسية وهي
الإلتزام بالصلاة وقدسية يوم السبت
الوحدانية (واللي ف الحقيقة مقدرتش اوصل لمفهومها عندهم)ـ ،
الإيمان بسيدنا موسى وأنه رسول الله ،
جبل جرزيم الكعبة بالنسبة لهم وهو أقدس مكان عندهم ،
وأخيرا الإيمان بيوم الحساب والعقاب ،
-

تحديث مفيد

عرفت ايضا من خلال البحث أن كلمة سامريون لا ترجع في أصلها إلى "السامري" إلذي اتخذ العجل إلها في عهد سيدنا موسى .. ولكن يرجع هذا الإسم إلى رجل يدعى شامر في عهد الملك عمري ملك يهوذا .. حيث كان يمتلك هذا الرجل جبلا وباعه للملك عمري وسمي جبل شامر نسبة لصاحبه الأصلي ثم حُرف الأسم بعد ذلك حتى صار سامر وبنيت على هذا الجبل بعد ذلك مدينة سميت مدينة السامرة فلذلك يدعون السامريون

ولمن يريد أن يعرف أكثر عن السامرية
من موسوعة ويكيبديا
من موقع العربية

والصور
الصورة الأولى هي لمدينة نابلس ومأخوذة من ويكيبديا
الصورة الثانية لكاهنان سامريان يحملان لفائف التوراة وهي من موقع العربية

وياريت أي حد يمتلك معلومات أكتر عن هذه الطائفة وشايف أن فيه معلومة فيما كتب غير صحيحة أن ينبهني وله جزيل الشكر
-- --

والحمد لله على نعمة الإسلام وكفى بها نعمة

امتحانات وابتلاءات

2007-11-28T02:33:00.000+03:00

السلام عليكم ورحمة الله وبركاته

مبدئيا كده انا ليا رجاء من كل اللي هيشرفوني ف التدوينة دي إنكم تدعولي بالله عليكم إن الفترة دي تعدي على خير واخلص الإمتحانات إن شاء الله من غير أي خسائر مادية أو معنوية وربنا يستر

-- -- --

بجد انا حاولت كتير اكتب مواضيع الفترة دي وأفكار كتير أوي عايز اكتبها بس للأسف فعلا مش قادر اجمع أي حاجة وعندي شبه إكتئاب مؤقت كده عشان قرب الإمتحانات .. في الحقيقة انا عمري ف حياتي ما كنت بخاف من حاجة اسمها امتحان ولله الحمد كان بيبقى عندي هدوء غير طبيعي بفضل الله سواء كنت مذاكر كويس أو نص نص .. السنادي مرعوب وخايف جدا بشكل فظيع زي ما اكون بعوض الهدوء بتاع السنين اللي فاتت دي كلها .. طبعا في شوية أسباب هي الي عاملالي حالة الرعب والتوتر اللي انا فيه ده وربنا يعديها على خير

-- -- --

في موضوع بصراحة مكنتش عايز اكتب عنه دلوقت بس لقيت اني مش هقدر أأجله

في حديث شريف كلنا نعرفه وخدناه في المدرسة زمان واحنا صغيرين في كتاب الدين وتقريبا كل الأطفال والكبار حافظينه .. ولكن للأسف قل من يعمل به وخصوصا في الأيام اللي احنا فيها دي واللي ما يعلم بيها إلا ربنا

عن عبد اللَّه بن مسعود رضي اللَّه عنه : قال رسول الله صلى الله عليه وسلم : « إياكم والكذب فإن الكذب يهدي إلى الفجور، وإن الفجور يهدي إلى النار، وما يزال الرجل يكذب ويتحرى الكذب حتى يكتب عند اللَّه كذابًا ». [رواه البخاري ومسلم ]ـ

كلام النبي صلى الله عليه وسلم واضح طبعا ومش محتاج مني اي تعليق ولا شرح .. انا بس حبيت أذكر به نفسي وإياكم وشخص يعرف نفسه كويس جدا وانا متأكد انه بيقرأ هذه السطور
وأهديه هذه الأبيات

كَذَبْتَ، وَمَنْ يَكْذِبْ فَـإِنَّ جَـزَاءَهُ .. إذَا مَا أَتَى بِالصِّدْقِ أنْ لا يُصَدَّقَا
إذَا عُرِفَ الكذَّابُ بالكِذْبِ لَمْ يَزَلْ .. لَدَى النَّاسِ كَذَّابًا، وَإن كانَ صادِقَا
وَمِنْ آفَةِ الكذَّابِ نِسْـيانُ كِذْبِـهِ .. وتَلْقَاهُ ذَا فِقْـهٍ إذَا كانَ حَـاذِقَا
-- --
كَمْ مِنْ حَسيبٍ كَريمٍ كَانَ ذَا شَرَفٍ .. قَدْ شَانَهُ الكِذْبُ وَسْطَ الحَيِّ إذْ عَمَدَا
وآخَـرٍ كَانَ صُعْلُوكـًا فشَـرَّفَهُ .. صِـدْقُ الحَدِيثِ وَقَوْلٌ جَانَبَ الفَنَـدَا
فصـارَ هَذَا شَـرِيفًا فَوْقَ صَـاحِبِهِ .. وَصَـارَ هَذَا وَضيعًا تَحْتَـهُ أَبَـدَا

فإلى كل من سولت له نفسه انه أذكى من الآخرين بكذبه وتجمله
فإن كنت تكذب عن عمد وانت مُصر على كذبك فقد عرضت نفسك لتحذير النبي صلى الله عليه وسلم وجزاؤك النار يوم القيامة إن لم تتوب .. وإن كنت تكذب وتظن انك معذور بكذبك وان موقف ما فرض عليك كذبتك فقد جعلت من نفسك لعبة للشيطان ليتسلى بها .. وإن كنت تكذب وأنت لا تدري اصلا أنك ترتكب مصيبة وجريمة جسيمة فمصيبتك من أكبر المصائب لأنك مغفل وأسأل الله لك ان تفيق من سباتك قبل فوات الأوان

-- -- --

وأسألكم الدعاء بالله عليكم واشوفكم على خير ان شاء الله

كذا حاجة مدايقاني

2007-11-15T00:22:00.000+03:00

غرق الشبان المصرين

في مثل بيقول اللي ايدو ف المية مش زي اللي ايدو ف النار .. فعلا والله المثل ده جه ف دماغي لما فكرت اني احط نفسي مطرح الشباب دول وافكر في حالهم وحال اهلهم .. كتير مننا يمكن عدى عليه الخبر ده ومر مرور الكرام .. لكن ياريت بعيد عن أي حاجة وبغض النظر عن هما كانو صح ولا غلط ولا شهداء ولا غيرو .. بس نفكر نحط نفسنا مكانهم ونشوف اد ايه معاناتهم وايه اللي بيضطرهم للسفر والمغامرة بحياتهم وبيع اللي وراهم واللي أدامهم .. والأصعب من ده كله معاناة أالأهالي وهما رايحين يستلمو بقايا من جثث ذويهم
-- -- --

هزيمة النادي الأهلي

طبعا انا مش مدايق ان النادي الأهلي خسر ومكنتش هفرح بردو لو كسب .. ولا كنت أعرف اصلا بالماتش ده والله .. لكن اللي خانقني بجد تصرف بعض الناس اللي أقل ما يقال عنهم إنهم عالم فاضية ( معذرة يعني ) .. عايز افهم بس ايه المشكلة النادي الأهلي كسب ولا خسر .. يعني احنا خلاص يعني خلصنا كل مشاكلنا وفضينا بقى لماتشات الكورة .. نموت نفسنا مثلا عشان الأهلي خسر .. لا واللي يفقع المرارة بقى بجد تصرف البعض الآخر بشماته وكره وغل وحقد وكأن مثلا لعيبة النادي الأهلي ومشجعينو من الصهاينة .. إيه يا مسلمين اللي بيحصل بيننا ده .. صور وتعليقات ومواضيع ف المنتديات تبين مدى الخيبة والتخلف اللي بعض الناس بقت فيه .. ربنا يرحمنا
-- -- --

مشهد مقزز

هو منظر أكيد عدى على كتير مننا من اللي بيركب المترو .. شاب أو مجموعة شباب لسة تقريبا أبهاتهم جايبين لهم موبايلات وفرحانين بيها ( معلش انا مضطر اسميهم محدثين ) وتلاقي الواحد منهم مشغل أغنية على موبايلو ومش مكتفي انه يسمعها لوحدو بقى .. لاء ده بيسمع الناس كلها معاه .. طب يا عم واحنا مالنا ذنبنا ايه تسمعنا معاك وتدوشنا بدوشتك .. وطبعا المصيبة الكبيرة انه فرحان وفاكر ان هو لوحده في الدنيا اللي جايب موبايل إم بي ثري .. ربنا يرحمنا
-- -- --

أخيرا وليس آخرا

رسالة إلى كل واحد أو واحدة فاكرين انهم الأذكى
إحذرو ولا تستهينو بغيركم من البشر .. ولا يغرنكم إنصات البعض لكم

وكل لبيبٍ بالإشارة يفهمُ

بيقولو عليه تاج

2007-11-08T19:11:00.000+03:00

السلام عليكم ورحمة الله وبركاته
مبدئيا كده انا بعتذر للكل على طول التاج ده بس حاولت على أد ما اقدر اني اختصر عشان محدش يزهق مني .. وانا اسف بجد اني هاخد من وقتكم لأني ف الحقيقة مستحقش الوقت ده .. و خلي بالكم ما يغركوش فيا بعض الإجابات اللي شكلها حلو

التاج ده جالي مباشرة من عند حياة الأحلام اللي بشكرها جدااا على ذوقها
وانا كنت واخدو قبل كده من عند زوحل حبيب قلبي ومن عند أحلى باشمهندس على بلوجر عصفور المدينة
-- -- --

لو قالولك اختار عصر من عصور مصر علشان تعيش فيه تختار اى عصر و فى عهد اى حاكم ؟

اي عصر و أي عهد احس فيه اني بني آدم وليا كيان واقدر افيد نفسي وبلدي والاقي فيه اللي يساعدني على استخراج طاقتي

اول اولويه فى حياتك عيلتك ولا شغلك ولا اصحابك ؟

في التلاتة دول عيلتي طبعا

ايه اكتر حاجه بتحبها فى رمضان ؟

انه رمضان بكل ما فيه

اوصف ليا اجمل فطار ممكن تفطره ؟

من حيث الصحبة .. بيكون دايما اول يوم في رمضان عندنا كل العيلة متجمعة وبيبقى يوم جميل بجد .. من حيث نوع الأكل بقى .. فأي أكل بتاكله وانت جعان بجد بيكون روعة حتى لو كان عيش وملح فعلا

لو انت حاكم على مجموعه من الافراد هتكون عادل ؟
طب هتعمل ايه عشان تتأكد انك حاكم عادل ؟

محبش اكون حاكم اصلا لأني شخصية غير قيادية .. لكن الموضوع صعب جدا وتحري العدل أصعب طبعا .. ربنا يكون في عون الحكام دنيا وآخرة
:S

اللى بيبوظ الحكام .. نفسهم؟ ولا الشعب؟ ولا الحاشيه المقربه ؟

التلاتة يبوظو والتلاتة بردو يصلحو

مين أكتر اعلامي مصري بتحترمه ؟

بصراحة مش مهتم اوي بالقصة دي .. بس كنت بحب حمدي قنديل وبحترمه جدا ايام ما كنت متابع يعني .. وساعات بحترم محمود سعد لأني بحس انه منصف إلا لما يتكلم في الدين .. أحيانا بيخرف لدرجة بتخليني اكرهه كره العمى

قريت ديوان عمر مصطفى صاحب بلوج تجربه " اسباب وجيهه للفرح" عن دار ملامح و لا لسه ؟؟ لو اه ايه رايك فيه ؟

لا مشوفتوش ولا اعرف المدونة دي للأسف

لو ممكن تشتغل شغلانه تانيه غير اللى انت بتشتغلها او كنت بتشتغلها كنت تتمنى تبقى ايه ؟

انا لسة مشتغلتش
وكنت بتمنى اني ادخل كلية الألسن بس الحمد لله على كل حال

ايه تانى بلد تتمنى تعيش فيها بعد مصر ؟

بعد مصر يبقى المدينة المنورة .. انما بعد القاهرة يبقى اسكندرية على طوووول .. ومن غير ليه
:D

اوصف ليا ترتيبات اجمل فرح ممكن تحضره ؟

يكون فرح في طاعة الله يعني مش نفرح احنا ونغضب ربنا .. انا حضرت اكتر من فرح بيكون في دار مناسبات وغالبا بتكون ملحقة بالمساجد الكبيرة وبيجتمع فيها كل المدعوين ومن غير اختلاط الرجالة بالستات ولا دوشة دي جي ولا وجع ألب .. وبيكون العريس متفق مع شيخ من الشيوخ الأفاضل يقول كلمتين حلوين .. وبنفرح بردو ونشرب الحاجة الساقعة وناكل الجاتو ونظبط المسائل
دي اجمل ترتيبات لفرح يكون في طاعة الله
وان شاء الله ناوي اعمل كده لأن ده هدي النبي صلى الله عليه وسلم

بتراعي كلام الناس والقيل والقال ؟
لو اه او لو لا قول لى ليه ؟

أه طبعا براعي وده شيء احيانا بيتعبني
ممكن اكون انا غلط في الحالة دي بس هو ده اللي حاصل معايا

صحيت من النوم ما لقيتش الموبايل ولا الكمبيوتر ولا الكاميرا الديجيتال ولقيتنا رجعنا لعصر الحمام الزاجل والحصنه هتكون سعيد ؟

طبعا انا مجربتش العيشة دي عشان احكم بين الاتنين
بس اكيد كنت هأقلم نفسي يعني

السعاده هى ؟

الرضا والحب .. على جميع المستويات
وإنك تحقق أهدافك برغم كل المحن والصعوبات

عندك أمل ؟ أسبابك ؟

عندي آمال كتير الحمد لله والسبب اني مؤمن .. لكن للأسف عندي آلام في الوقت الحالي اكتر شوية .. وربنا المستعان

لما تحب تهرب من كل شئ بتروح فين ؟

انا بطبعي بحب التأمل في الأحداث جدا وبالتالي بفضل الوحدة في الحالة دي لأني بفكر مع نفسي بهدوء شديد وغالبا بفضل الله بتحصلي استفادة كبيرة

امتى أول مره خدت فيها نفس طويل كده وقلت بينك وبين نفسك يااااه الظاهر انا فعلا كبرت ؟

بقالي خمس سنين باخد النفس ده لحد ما بقيت عامل زي البلونة
:D

لما بتعمل عمل خيرى بيكون ايه هو دافعك الاول ؟

ربنا يرزقنا الاخلاص في القول والعمل

بتشرب سجاير ؟ لو الاجابه اه ايه شعورك لو شفت ست بتشرب سجاير ؟ وليه ؟

الحمد لله مش بطيقها وربنا يعافي كل مبتلى بالعادة دي .. شوف يا سيدي .. كلنا بنعمل حاجات غلط ومحدش معصوم .. وكل واحد بيتعلق من عرقوبو .. لكن عموما يعني لما اعمل حاجة وانا عارف انها بتضر غيري ابقى بجح وقليل الذوق .. وانا مبحبش البجاحة

بتعرف ايدك اليمين من الشمال ازاي ؟

بكتب بيها على الهوا
اللي بتكتب تبقى اليمين

ايه اكتر اله موسيقيه بتحبها ؟

ولا واحدة الحمد لله .. وبعدين موسيقة إيه بس واحنا حالنا أصلا لا يسر عدو ولا حبيب

فى رأيك ليه الذوق والنخوه اتعدموا ؟

لما بعدنا عن الدين

ايه الحاجه اللى لو حصلتلك تبقى سعيد قوى ؟

حاليا يعني .. اني اخلص جامعة واتحوز بقى
زهقت من الوحدة يا اخواناااا

تختار يبقى عندك ... ارض زراعيه ولا اجنس عربيات و لا كام عماره و لا فلوس فى البنك ؟

التلاتة ان شاء الله
ده ربنا كريم اوي

البحر و لا النيل ؟

الاتنين منقدرش نستغنى عنهم ونعم ربنا علينا

مركب و لا طياره ؟

انا جربت المركب بس مجربتش الطيارة

مجنون و لا عاقل ؟

عادي جداا

تقرأ كتاب و لا تتفرج عليه فيلم ؟

بحب الأفلام الوثائقية جداا

بتمرر التاج لمين ؟

قبل ما اقول لمين احب اقولهم ان مش معنى اني قلت اسامي يبقى مجبرين انهم يجاوبوه .. لاء طبعا اللي مش حابب الفكرة انا مش هزعل لو رفض .. بس اكيد يعني بتمنى اني اشوف اجابات الناس اللي هقول اساميهم

المهاجر ومدونته إحتجاج .. شباب روش طحن .. معاذ اللي بيحب النور .. كرم طريق المسلم ..أستاذ بهلول .. يا مراكبي.. حاول تفتكرني
.. فتاة الجنة .. رفقة عمر .. وحي قلم هدى .. انسانة شوية وشوية
ஐღ. Zo0oZ .ღஐ .. سوكااااا وانتي بقى يا سوكا هتجاوبيه بالإجبار :D
قوت القلوب لاتحــزن .. دكتورة خمسة فضفضة .. سلوى طوق الحرية .. دينا على وورد بريس

وبجد انا بشكر من كل قلبي كل واحد قدر انو يستحملني ويوصل لحد السطر ده

فترة أعاني فيها من نفسي

2007-11-04T22:36:00.000+03:00

ربنا لوحده بس اللي يعلم أد ايه أثر فيا خبر وفاة بهلولة ولسة لحد دلوقتي مفوقتش من الصدمة .. الحمد لله أنا أعلم انه قدر الله ومحدش مخلد في الارض وكلنا هيجي علينا اليوم ده مفيش شك .. لكن المفاجأة هي أصعب ما في الموضوع فعلا .. دلوقتي لما بدخل مدونتها ( في الحقيقة بكون متعمد الدخول ) بفضل ابص على كل اركانها واقرا الكلمات اللي كتبتها بإديها واقرا آخر رد كتبته في التعليقات .. يااااه دي كانت قاعدة زي ما انا قاعد كده وبتكتب زي ما انا بكتب دلوقت .. ربما كانت بتكتب رد على تعليق ومنتظرة رد صاحبه عليها .. ربما كانت محضرة فكرة موضوع في دماغها أو في الدرافت وناوية تنزله بس لما تفضى بقى
وفي لحظة .. يأمر الله ملك الموت بقبض روحها
فيصبح كل ما أعدت له حطاما زائلا
!! لن ينغعها منه إلا ما كان في طاعة الله فقط

يجيلي شعور رهيب بالخوف من الموت .. رهبة .. دهشة .. صمت
بفكر في حالي دلوقتي دلوقتي .. ايه موقفي دلوقت مع ربنا لو قبض روحي في الوقت ده ؟ .. حتى وانا بكتب الكلمات دي .. كشف حسابي هيكون عامل ازاي ؟ .. يمكن اكون بعمل حاجات كويسة .. آه يمكن .. لكن الحاجات الوحشة اكتر واكتر بكتير .. وده طبعا ما أعلمه .. والمصيبة الكبيرة في دنوبي اللي معرفهاش او اللي مزينهالي الشيطان على إنها مش ذنوب وهي كبائر وحاجات تودي ف دهية .. يارب سترك

-------

أنـا الــفقير إلـى رب الـسمـوات أنا المُسيــكين فـي مجموع حالاتي
أنـا الــظلوم لنفسي وهي ظالمتي والخير إن جاءنا من عـنـده ياتي
لا أستطيع لـنفسي جلـب منفعة ولا عن النفس في دفع الـمـضـرات
ولـيـس لـي دونه مـولـى يدبرني ولا شـفيـع إلـى رب البـريات
إلا بإذن من الرحمن خـالقنا رب السماء كما قد جا في الآيـات
ولســت أمـلك شـيـئا دونه أبدا ولا شريك أنا فـي بـعـض ذراتي
انا العُبيد الذي ما زلـت مفتقـرا إليك يا سيدي فارحم مناجاتـي
أنا الذليل أنا المـسكيــن ذو شجن قد جيـت مـرتـجيا تفريج أزماتي
أنت المغيث وأنت المستعـان ولا تخفى عليك إراداتـي وغاياتـي
أنت القدير على جبري بوصلك لي أنت العليــم بأسـرار الخفيات
أنا الكسير أنا المـحتاج يا أملي جد لي بفضلك و اصفح عن خطيئاتي
أنا الغريب فـلا أهـل ولا وطــن أنا الوحيد فكن لي في ملماتـي
أدعوك يا سيدي يا مشتكى حزني يا منقذي يا مغيثـي فـي الـملمات
فانظر إلى غربتي وارحم ضنا جسدي يا راحم الخلق حقق فـيـك رغباتـي
أنت الرحيـم وملجا مـن يلوذ به الكاشف الغم القاضي لحـاجاتي
وعبدك المشتكي والمرتــجي فرجا يا سامع الصوت فاسمع شكايـاتي
وليس إلا إلـى الرحمــن ملتجئي فهو العليم بأحـزاني وآهاتي
وأنت يا سيـدي يا منتهي أملي تدري وتعلم مقصــودي ونـياتي
والحمد لله ملىء الكون أجمـعه ما كان منه وما من بعده ياتي
ثم الصلاة على المختار من مُضر خير البرية من ماضٍ ومن آتي

صدمة

2007-10-31T05:16:00.000+03:00

إنا لله وإنا إليه راجعون

قريت خبر دلوقتي هزني جدا
وصدمني صدمة شديدة اوي
انا لحد دلوقتي مش مستوعب حاجة والله
ومش عارف اقول ايه
وبعتذر مبدئيا لكل اللي هيقرا الخبر ده
لأنه خبر محزن جداا

انتقلت إلى رحمة الله تعالى مدام هدى ( بهلولة )ا
والخبر من مدونة استاذ بهلول

ومن شدة الصدمة رجعت قريت الخبر اربع مرات
والله وقلبي بيرتجف لحد دلوقت

بجد والله حزين حزن لا يعلم مداه إلا الله
والله كم اسعدتنا بخفة ظلها وجمال روحها وطيبتها

ولكن لا أملك إلا الدعاء لها بالرحمة والمغفرة

اللهم اغفر لها وارحمها وتجاوز عن سيئاتها
اللهم أبدلها دارا خيرا من دارها وأهلا خيرا من اهلها
اللهم إنها أمتك وتحتاج إلى رحمتك وأنت غني عن عذابها
فارحمها يا أرحم الراحمين

يارب ارزق اهلها الصبر والسلوان

ارجوكم لا تبخلو بالدعاء لها

وربنا يصبر أهلها ويصبرنا كلنا

إنا لله وإنا إليه راجعون

المعاني هي هي

2007-10-24T11:36:00.000+03:00

كلمات قريتها من حوالي 5 سنين واتأثرت بيها أوي وكنت عايشها فعلا .. ودونتها ساعتها واحتفظت بيها .. ومن كام يوم كده لقيتها وانا بقلب في أوراقي القديمة .. قريتها وسرحت معاها اوي .. فاكتشفت بردو اني عايشها في الوقت الحالي برغم اختلاف الظروف وتغير الأحوال وتغيري انا شخصيا إلا ان المعاني لم تتغير

واكيد كتير مننا عاشها أو عاش بعضها

..:::.:::..

البعض نحبهم
لكن لا نقترب منهم
فهم في البعد أحلى
وهم في البعد أرقى
وهم في البعد أغلى

والبعض نحبهم
ونسعى كي نقترب منهم
ونتقاسم تفاصيل الحياة معهم
ويؤلمنا الابتعاد عنهم
ويصعُب علينا تصور الحياة حين تخلو منهم

والبعض نحبهم
نعيش حكاية جميلة معهم
ونتمنى أن نلتقي بهم
ونفتعل الصدف ونختلق الأسباب كي نراهم
ونعيش في الخيال أكثر من الواقع معهم

والبعض نحبهم
فنملأ الأرض بحبهم ونحدث الدنيا عنهم
ونثرثر بهم في كل الأوقات
ونحتاج إلى وجودهم.. كالماء.. والهواء
ونختنق في غيابهم أو الابتعاد عنهم

والبعض نحبهم
لأننا لا نجد سواهم

وحاجتنا إلى الحب تدفعنا نحوهم
فالأيام تمضي والعمر ينقضي
والزمن لا يقف
ويرعبنا بأن نبقى بلا رفيق

والبعض نحبهم
لأن مثلهم لا يستحق سوى الحب
ولا نملك أمامهم سوى أن نحب
فنتعلم منهم أشياء جميلة
ونرمم معهم أشياء كثيرة
ونعيد طلاء الحياة من جديد
ونسعى صادقين كي نمنحهم بعض السعادة

والبعض نحبهم
لكننا لا نجد صدى لهذا الحب في قلوبهم
فننهار وننكسر ونتخبط في حكايات فاشلة
فلا نكرههم.. ولا ننساهم.. ولا نحب سواهم
نبكيهم بعد كل محاولة فاشلة ونعود

والبعض نحبهم
!! لكن بيننا وبين أنفسنا فقط
فنصمت برغم ألم الصمت
فلا نجاهر بحبهم حتى لهم
لأن العوائق كثيرة والعواقب مخيفة
ومن الأفضل لنا ولهم
أن تبقى الأبواب بيننا وبينهم مغلقة

حركة تمااااااااام

2007-10-21T15:22:00.000+03:00

بعد ما شوفت المصيبة اللي يوسف عملها .. بصراحة ذهلت واندهشت ومبقتش عارف اعمل ايه أو اتصرف ازاي .. والحمد لله ان ابو يوسف اللي هو يبقى اخويا كان اجازة ف اليوم ده بس كان نايم .. وطبعا صحوه وبردو اول ما اتفرج على منظر العربية وهو يا عيني لسة بنومه يعني مش فايق .. مبقاش مصدق ان ابنه الحمل الوديع ( زي ما احنا فاكرين يعني ) يوسف يعمل كده

ناس كتير من اللي علقو البوست اللي فات توقعو ان يوسف هياخد علقة موت .. بس بالعكس .. بصراحة انا مرضيتش اخلي ابوه يمد ايده عليه .. الواد أصلا كان مرعوب بجد ومش سلبطة ولا دلع والله .. فعلا كان عندو حالة هلع فظيعة تخليك برغم المصيبة اللي عملها بس يصعب عليك .. أخدته في حضني لأن ابوه طبعا مكانش شايف ادامه غير المبلغ المحترم اللي اتدبس فيه وهو نايم لا له ولا عليه .. فلو كان اتمكن من الواد كان ممكن يخليه زي ازاز شباك العربية المكسور كده .. وطبعا هو أخد عقابه بعد كده بالحرمان من حاجات معينة وكان منها الكمبيوتر لفترة محددة .. عشان بس محدش يقول ان احنا مدلعين الواد ولا حاجة ههههه

فسألت يوسف براحة كده وقلتله في ايه يا يوسف فهمني ايه اللي حصل

الواد خد نفسه شوية وقاللي :: هو اللي زقني الأول
مين يا يوسف اللي زقك ؟
الواد اللي كان بيلعب معايا .. وطبعا يقصد الواد ابن صاحب العربية الضحية
ها وبعدين يا يوسف
قاللي .. بعد ما زقني روحت لقيت طوبة في الأرض مسكتها وحدفتها عليه
راحت جت في العربية
:S قولت له لا فالح يا ابن خوية يا نشين

وطبعا أكيد الطوبة اللي مسكها يعني مش هتكون صخرة مثلا .. دي حتة طوبة اد البلية .. بس هو قدر ربنا بقى ان الإزاز عمره ينتهي بحدف الطوبة دي عليه والحمد لله

ودلوقت بقى المشكلة الأكبر وهي المواجهة مع الراجل صاحب العربية .. وانا معلوماتي عنه بتقول انه كان في ايطاليا ولسة يا دوبك جايب العربية معاه من هناك ومكملش شهر ولسة بردو ساكن جديد في الشارع .. طبعا ميخفاش على حد انه موقف لا نحسد عليه أبدا .. قمت وقفت في البلكونة عشان اشوف الراجل هيعمل ايه لما يعرف وكده واحاول انا واخويا نظبط الموضوع .. ونزل الراجل فعلا وانتابته هو كمان حالة من الفزع يا عيني اول ما شاف باب العربية مدشدش .. العربية اللي مكملتش شهر لسه بشوكها والله .. لحقناه طبعا قبل مايغمن عليه ولا حاجة ههههههه ونزلناله انا واخويا

وحبة اعتذارات حارة مع شوية طبطبة ( واحنا فعلا زعلانين جدا من الموقف لأن حاجة بردو تكسف ) واحنا مع حضرتك وهنتحمل كل التكاليف لتصليح الازاز .. وركبنا فعلا مع الراجل وبدأنا رحلة البحث عند كل ورش تصليح زجاج السيارات .. وللأسف لأن العربية على حسب ما عرفنا من الراجل بعد كده انها لسة جديدة في مصر( فورد فوكس 2007 ) وقطع غيارها مش متوفرة اوي يعني .. لحد ما ربنا كرمنا بورشة كبيرة الحمد لله وعملولنا اللازم بعد ما اظطرو انهم يفكو ازاز الباب المقابل للمكسور عشان يصبو واحد عليه ف الفرن وكلام فني بقى كده ملناش فيه .. بس طبعا الراجل كان هيجنن وهو شايف العربية بتتفكك ادامه ولسة يا عيني ملحقش حتى يخلص ورقهاااااا .. وطلعت التكلفة بردو مش ضخمة اوي يعني حسبة 180 جندي كده الحمد لله

وبعد ما كان موافق ان احنا اللي هندفع حق الإزاز فجأة كده منعرفش ايه اللي حصل
!! مرضيش انه ياخد من اخوية حاجة أبدا
وأصر فعلا على كده برغم كل محاولات اخوية انه يدفع له الفلوس ( وبقلب والله مش عزومة مراكبية ) بردو مفيش فايدة .. قال لأخويا لاء خلاص كفاية وقفتكم معايا واحنا بردو مهما كان جيران وكده ودي عيال بتلعب والحمد لله انها جت على اد كده
طبعا حركة جميلة منه ( وأكيد اخويا كان مبسوط بردو ههههههه ) وصارت معرفة حلوة فعلا
:) والحمد لله قدر الله وما شاء فعل

.:: ::.

معلش انا عارف اني طولت جدااااا بس في هنا حاجتين وبصراحة هما السبب اللي خلاني اكتب الحكاية دي

الحاجة الأولى .. هي موقف الأب أو الأم من طفلهم لما يعمل حاجة غلط وازاي يتعالج الموقف .. يمكن يكون تصرفنا مع يوسف في الموقف ده بالنسبة لبعض الناس غلط
انا عايز آرائكم بجد في النقطة دي ولأني عارف الحمد لله ان في من حضراتكم ناس أفاضل أبهات وأمهات وبردو اللي لسة زي حالاتي ياريت اسمع آرائكم فعلا

والحاجة التانية .. هي موقف الراجل معانا .. اللي بجد يرفع من روحنا المعنوية ويأكد لنا ان الحمد لله لسة الدنيا بخير فعلا برغم كل اللي بنشوفو ادامنا واللي ميخفاش على حد فيكم إلا إن في لسة ناس فيها خير

وصدق النبي صلى الله عليه وسلم حين قال

" الخير فـيّ وفي أمتي إلى يوم القيامة "

اللهم صلي وسلم وبارك على حبيبنا محمد

:D (ford) يوسف والعربية الـ

2007-10-17T06:24:00.000+03:00

يوسف ده يبقى ابن اخوية عندو حوالي 6 سنين كده بس ما شاء الله عليه واد ذكي اوي .. لما تبصله كده من اول وهلة تحس انه طفل عادي جدا وبريء جدا جدا( او بمعنى تاني يعني تحس انه عبيط )ههههه.. لكن الحقيقة غير كده خالص .. أبوه وأمه ما شاء الله عليهم هما كمان بيسيبوه يقعد ع الكمبوتر والنت تقريبا أكتر من يجي 8 ساعات ف اليوم .. انا عايزكم تتخيلو طفل عندو 6 سنين، ونص يومه تقريبا كمبيوتر ونت .. طبعا هو غلط كبير وانا شخصيا ضد ده .. هو قريب ان شاء الله حنعملو نضارة خلاص

المهم عشان مطولش عليكو بس .. يوسف قرر ف يوم انه ينزل يلعب مع العيال ف الشارع ( وياريته ما قرر ) .. طبعا هو دايما قبل ما ينزل لازم مامته تديله حباية حماية على كام قرص انتي بايوتك ضد العيال اللي تحت وتقوله : ( اللي يضربك اضربه وخد حقك بايدك .. واللي يشتمك قوله ربنا يسامحك .. ومتعملش مشاكل مع حد ) ويبصلها يوسف بزاوية مايلة وهو نازل وكأنه عايز يقولها متخافيش عليا ده انا واد جامد اوي .. وهو أصلا شبه القلم الرصاص اللي لسة مبري ههههههه

نزل يوسف وقعد فترة في الشارع لحد ما نسينا تقريبا انه تحت

وفجأة

لقينا يوسف طالع بيفتح باب الشقة وحاطط وشه في الأرض ومكشر كده وتحس انه عايز يعيط بس نفسه مش مطاوعاه

مالك يا يوسف في ايه

يوسف .. لسة حاطط راسه في الأرض وبيحاول يعيط بس بردو معيطش

يا حبيبي في ايه شكلك عملت مصيبة

يوسف .. بدأ بقى في سيمفونية العياط التمثيلي .. احنا عارفين الأفلام دي كويس اوي
وبدأ يتكلم بس طبعا قال جملة متفهمش منها حاجة عبارة عن مجموعة حروف متقطعة

طب بس تعالى كده واهدى وقوللي في ايه بالراحة

!! يوسف .. كسرت العربية بتاعة الواد

أمه بقى .. عربية مين يا ولا يخرب بيتك وكسرتها ازاي انت كان معاك سواريخ قبل ما تنزل

يوسف .. لا حدفتها بالطوبة

!! امه بردو .. طوبة

المهم انا جريت ع البلكونة عشان اشوف في ايه

واول ما عيني شافت وقعت على المنظر الرهيب

وعشان مطولش عليكو أكتر من كده لأني بصراحة مش بحب المواضيع الطويلة بردو
المرة الجاية اقولكم ايه اللي حصل مع الواد ومع صاحب العربية واللي لسة يا عيني ملحقش يفرح بيها

:D :D

صرخة ندم

2007-10-09T10:18:00.000+03:00

شاب وأمه .. كانوا قاعدين بيتكلموا عادي جدا مع بعض وبيتناقشو في موضوع بردو عادي جدا ويتبادلو بينهم الحوار في أمور عديدة مش مهم ذكر نوعية المواضيع دي ايه

.. وأثناء الكلام

سألت الأم هذا الشاب سؤال .. ويبدو أن السؤال أثار غضبه نوعا ما .. نسي هذا الشاب (أو أنساه الشيطان) في لحظة غضبه ان من تحدثه هي أمه .. وأخذ يرد عليها بصوت مرتفع .. (وفضل يشخط فيها شوية) .. وهي تنظر له بحزن واستغراب ودهشة لردة فعله الغريبة .. فمهما حدث ومهما بدر منها من كلام مينفعش ابدا ان واحد يرد على أمه بالأسلوب ده
وبعد أن انتهى من طلقاته السريعة التي وجهها مباشرة إلى قلب امه وهي ما زالت مندهشة ومتألمة من اسلوبه في الكلام ورده عليها .. دخلت عليهم أخته وسألته : إيه في إيه حصل لده كله ومالك صوتك عالي على أمك ليه كده براحة شوية ميصحش اللي بتعمله ده أبدا مهما كان .. فسكت ولم يرد عليها
نظرت الأخت إلى أمها فوجدتها وقد بدأت قطرات الدموع تتساقط من عينيها .. خلعت الأم نظارتها وجففت دموعها وهي تحاول أن تخفي وجهها عن ابنائها .. فجلست بنتها بجوارها وأخذتها بين ذراعيها وضمتها نحوها بشدة وأخذت تهدهدها فهي تعلم أنها مريضة وقلبها لا يتحمل أي صدمات .. ولكن الأم لم تستطع أن تكتم حزنها أكثر من هذا فانفجرت عيناها بالبكاء وعلا صوت أنفاسها بالنحيب
كل هذا يحدث والابن جالس أمامهم بعد أن استدار بظهره .. ومن داخله يشعر بشيء من الخذلان والندم على ما فعل

.. وفجأة

.. سكتت الأم وسكت صوت نحيبها

قام الشاب وقد عزم على أن يصلح خطأه ويعتذر لأمه بعدما شعر بتأنيب الضمير وأحس بالذنب
نادى عليها وهي في أحضان ابنتها.. أمي أنا آسف ومكنتش اقصد اني ازعلك والله ومش عارف انا عملت كدا ازاي ارجوكي سامحيني
لم ترد الأم عليه
كرر أسفه .. خلاص يا أمي والله انا ادايقت جدا من نفسي وحقيقي مكنش اصدي ازعلك
ردت عليه أخته .. خلاص سيبها دلوقت وشوية كده تكون هديت
ولكن البنت أحست بشيء غريب .. لاحظت أن أمها لم تحرك ساكنا .. فنادت بصوت هادىء .. أمي أمي
ولم ترد الأم
فصرخت البنت .. أمي ايه اللي حصل مالك يا امي ردي عليا
ولكن لا حياة لمن تنادي

فإنها الصدمة الكبرى .. فقد ماتت الأم .. نعم ماتت
ماتت وهي حزينة من ابنها ومما فعله معها
ماتت وهي غاضبة عليه

كل هذا يحدث أمامه وهو في حالة اندهاش ولا يصدق الذي يحدث أمامه .. فمال عليها يأخذها في احضانه ويصرخ أمي أمي ايه اللي حصل سامحيني يا أمي .. وبدأ يصرخ ويصرخ وانتابته حالة هيستيرية شديدة من البكاء والعويل وصدمة قوية جدا لايدري ماذا يفعل
الندم يكاد يقتله على ما فعل .. معقول أمي ماتت وهي غضبانة عليا .. لا لا مش ممكن

ويشعر بصوت عالي جدا كأنه صوت قطار يقترب منه فلم يتمالك نفسه ووضع يديه على أذنيه حتى لا يسمع ذلك الصوت العنيف الذي يهز أركانه .. بدأ الصوت بالارتفاع شيئا فشيء فلم يستطع أن يتحمل اكثر من هذا .. فصرخ صرخة مدوية

واذا به جالس على سريره في غرفة نومه .. إنه صوت المنبــه ! أغلقه ونهض من فراشه مهرولا نحو غرفة امه فوجدها متجهة نحو غرفته فزعة من صوت صراخه وهو نائم
ارتمى في أحضانها باكيا وأخذ يقبل رأسها ويديها ورجليها ويقول لها .. سامحيني يا امي مش حزعلك تاني ابدا أرجوكي سامحيني كان كابوس وحش اوي الحمد لله انه مش حقيقي

قبلت الأم رأسه ونظرت إليه وهي مندهشة ولكن على وجهها ابتسامة رضا هدأت من روعه

فقال لها: اقسم بالله يا أمي من النهاردة صوتي مش ممكن يعلى عليكي تاني

..

(1) رسالة إلى نفسي

2007-10-04T07:17:00.000+03:00

دايما لما بعمل حاجة غلط أو أقدم على عمل شيء معين واكون عارف مسبقا ان الشيء ده مش صح .. ألاقي شيء من جوايا كده عمال ينصح فيا ويقولي يبني عيب عليك ده انتا عارف انه غلط .. افضل اعاند فيه شوية واحاول اطنشه وكأني مش سامع حاجة .. أبص الاقيه يلح عليه ويفضل صوته يرتفع شيئا فشيء .. وبيني وبينكم ساعات كتير تنجح نفسي الأمارة بالسوء في اقناعي بالتنفيض التام لهذا المنادي .. وساعات تانية ربنا يوفقني واستجيب وابعد عن الشيء اللي كنت حعمله

وطبعا كلنا عارفين ايه هو الهاتف اللي دايما ينصحنا كده .. ايوة بالظبط هو الضمير .. والضمير ده بقى بيختلف من شخص للتاني كل على حسب نشأته وثقافته وتربيته وبيئته (مش أصدي ببيئته كلمة وحشة والله) اصدي المحيط اللي عاش فيه يعني .. وعلى اختلاف المسببات دي بيتحدد قوة صوت الضمير من ضعفه

وأكيد في عوامل كتير بتساعدني في اني اسمع واستجيب للصوت المُلح ده وهي كمان اللي بتحدد سرعة من بطىء الاستجابة .. وفي عوامل تانية بردو بتعمل العكس .. حاولت كذا مرة اني ارصد مع نفسي الحكاية دي واشوف ايه هي العوامل دي عشان احاول اني استزيد من الكويسة منها وابتعد على اد ما اقدر عن اللي مش كويسة

وطبعا جاء على رأس هذه العوامل وفي مقدمتها وهو شيء لا يخفى على حد منكم ألا وهو ذكر اللـــه عز وجل ومراقبته .. وقد يتبادر الى ذهن القارىء اول ما يقرا كلمة ذكر الله اني اقصد بيها التسبيح والتكبير والتهليل وغيرها من الأذكار اللي وصانا بيها ربنا سبحانه وتعالى ورسوله الكريم صلى الله عليه وسلم .. ومع أهمية النوع ده من الذكر إلا أن ذكر الله المقصود هنا اوسع وأشمل من مجرد الذكر باللسان .. انت لما حد يسألك مثلا عن واحد صحبك مشوفتوش بقالك فترة بس انت فاكر اخر لقاء بينكم تلاقي نفسك بتجاوب على الشخص ده وتقول ( على افتراض انك هتجاوب بالفصحى يعني )هتقوله انا أذكر آخر مرة شوفتو فيها ساعة كذا كذا .. يعني انت فاكر اخر مرة شوفتو فيها .. انت فاكر اللحظة وهي ف دماغك فعلا ومش بتنطق تفاصيلها كلها بلسانك لكنها في مخيلتك

تمام هو ده ذكر الله المطلوب مننا " ولله المثل الأعلى " .. مطلوب مننا ان احنا دايما يكون ربنا سبحانه وتعالى على بالنا وقبل ما اعمل اي حاجة لازم أكون متأكد وموقن بأن الله سبحانه وتعالى يراني ويراقبني في كل أعمالي .. الله ملك الملوك .. القوي العزيز القهار الوهّاب العفو الغفور الودود .. قيوم السماوات والارض من لا يغفل ولا ينام .. والذي سأقف بين يديه في يوم وسأحاسب على كل كبيرة وصغيرة .. فإن كان خير فخير وإن كان غير ذلك محدش ساعتها هينفعني

اللهم ما أعطيتنا مما تحب .. فاجعله عونا وقوة لنا على ما تحب
وما زويت عنا مما نحب .. اجعله فراغا لنا لما تحب

!انا ليه كده ؟

2007-09-30T06:10:00.000+03:00

ساعات بكون متردد في حاجات مينفعش الواحد يتردد فيها .. مواقف متستحملش تردد لازم الواحد ياخد قرار ايجابي مع نفسه في نفس اللحظة اللي بيحصل فيها الموقف .. لأنه لما بيسكت ويبقى سلبي الموقف بيعدي خلاص ومش ممكن يرجع تاني
والمشكلة ان السكوت في بعض المواقف ممكن يسبب ضرر للغير ومن غير قصد

انا هحاول اوضح عشان بجد عايز حد يقولي ايه العمل في المشكلة دي

ساعات بشوف ادامي اشخاص بيعملو حاجة انا عارف ومتاكد ان الحاجة دي غلط ومش صح سواء اذا كان ناس اعرفهم او معرفهمش لكن ممكن وسهل اوي اني اتكلم معاهم واحاول اوضح لهم الغلط اللي بيعملوه .. وطبعا محدش يفهم من كلامي ده اني انا اللي دايما صح ومش بغلط وكده .. لاء طبعا انا اكتر واحد ف الدنيا دي بيغلط .. بس الفكرة اني باخد المسألة من باب :: من كتم علماً ألجمه الله بلجام من نار :: وده حديث عن النبي صلى الله عليه وسلم ... والمشكلة بقى واللي بيخليني متردد في الحكاية دي اني بخاف اللي ادامي يزعل او ياخد كلامي بشيء من الحساسية والكلام يجي بنتيجة عكسية مع اني الحمد لله بفضل الله سبحانه وتعالى لما بتكلم مع حد في حاجة بيكون اسلوبي هادي جدا ودايما بحاول مخليش اللي ادامي يحس اني احسن ولا اعلم منه لأن بردو الواحد في حاجات كتير اوي بيعملها غلط زي ما قلت
ولسة دلوقت حالا قبل ما اكتب الموضوع ده حصل معايا موقف هو اللي استفذني وخلاني عايز افضفض لأني بجد اتخنقت اوي من نفسي .. كان واحد بيصلي ادامي في المسجد وللأسف في حاجة عملها تخلي صلاته غير صحيحة وعليه الإعادة .. لكن للأسف أحرجت جدااا اني اكلمه وحاولت استجمع شجاعتي بس بردو للأسف مقدرتش
انا عارف ان كده غلط ومش كويس لشخصية الواحد .. وكمان زي ما انا احب ان اللي ادامي ينبهني عن خطأي وينصحني، واجب عليا انا كمان اني اعمل كده مع غيري .. ولا إييييييييييه ؟؟

وانا بصراحة بقى من خلال التدوينة دي بنصح أي حد يحصل معاه موقف يقدر ان يقول رأيه فيه ميعملش زي حضرتي ويتكلم على طول .. وياريت لو حد عنده حل نفساوي وعملي كده يخليني اتخلص من المشكلة دي يقولي .. احنا مش صحاب بردو ولا ايه

:) :)

صحف إبراهيم وموسى

2007-09-22T06:16:00.002+03:00

السلام عليكم ورحمة الله وبركاته

كل عام وأنتم إلى الله أقرب وعلى طاعته أدوم
ويارب منخرجش من رمضان السنادي إلا وقد أعتق الله رقابنا من النار .. قولو آمين
..

حديث سمعته من إمام المسجد ( جزاه اللـه خيرا ) النهاردة بعد صلاة الفجر .. حديث ما شاء الله من الأحاديث الجامعة واستفدت منه كتير الحمد لله .. فبحثت عنه ونقلته على المدونة عسى الله أن ينفعني به وكل من قرأه
------

سأل أبو ذر رضي الله عنه رسول الله صلى الله عليه وسلم عن صحف إبراهيم وموسى فقال
.:::.
قلت يا رسول الله (صلى الله عليه وسلم) ما كانت صحف إبراهيم ؟
:قال ( صلى الله عليه وسلم): كانت أمثالا كلها .. فمنهــا
أيها الملك المسلط المبتلى المغرور إني لم أبعثك لتجمع الدنيا بعضها على بعض ولكني بعثتك لترد عني دعوة المظلوم فإني لا أردها وإن كانت من كافر
وعلى العاقل ما لم يكن مغلوبا على عقله أن يكون له ساعات .. فساعة يناجي فيها ربه .. وساعة يحاسب فيها نفسه .. وساعة يتفكر فيها في صنع الله عز وجل .. وساعة يخلو فيها لحاجته من المطعم والمشرب
وعلى العاقل أن لا يكون ظاعنا إلا لثلاث .. تزود لمعاد .. أو مرمة لمعاش .. أو لذة في غير محرم
وعلى العاقل أن يكون بصيرا بزمانه .. مقبلا على شأنه .. حافظا للسانه .. ومن حسب كلامه من عمله، قل كلامه إلا فيما يعنيه

قلت يا رسول الله (صلى الله عليه وسلم) فما كانت صحف موسى عليه السلام ؟
.. قال: كانت عـبـرا كلها
عجبت لمن أيقن الموت ثم هو يفرح
عجبت لمن أيقن النار ثم هو يضحك
عجبت لمن أيقن القدر ثم هو ينصب أو (يغضب)ا
عجبت لمن رأى الدنيا وتقلبها بأهلها ثم اطمأن إليها
عجبت لمن أيقن بالحساب غدا ثم لا يعمل

قلت يا رسول الله ( صلى الله عليه وسلم) أوصني
قال: أوصيك بتقوى .. الله فإنها رأس الأمر كله

قلت يا رسول الله( صلى الله عليه وسلم) زدني
قال: عليك بتلاوة القرآن وذكر الله عز وجل .. فإنه نور لك في الأرض وذخر لك في السماء

قلت يا رسول الله ( صلى الله عليه وسلم)زدني
قال: إياك وكثرة الضحك .. فإنه يميت القلب ويذهب بنور الوجه

قلت يا رسول الله( صلى الله عليه وسلم) زدني
قال: عليك بالجهاد فإنه رهبانية أمتي

قلت يا رسول الله( صلى الله عليه وسلم) زدني
قال: أحِب المساكين وجالسهم

قلت يا رسول الله( صلى الله عليه وسلم) زدني
قال: انظر إلى من هو تحتك ولا تنظر إلى من هو فوقك .. فإنه أجدر أن لا تزدري نعمة الله عندك

قلت يا رسول الله (صلى الله عليه وسلم) زدني
قال: قل الحق ولو كان مرا

قلت يا رسول الله ( صلى الله عليه وسلم) زدني
قال: ليردك عن الناس ما تعلمه من نفسك ولا تجد عليهم فيما تأتي
وكفى بك عيبا أن تعرف من الناس ما تجهله من نفسك وتجد عليهم فيما تأتي

:: ثم ضرب بيده( صلى الله عليه وسلم) على صدري فقال
يا أبا ذر لا عقل كالتدبير ولا ورع كالكف ولا حسب كحسن الخلق

----

يا اللـــه على جمال وعمق المعاني والقيم الرائعة
اللهم صلي وسلم وبارك على سيدنا وحبيبنا محمد وعلى آله وصحبه وسلم
اللهم لا تحرمنا رؤيته يارب العالمين واجمعنا به وبأصحابه في جنتك يا أكرم الأكرمين

----

الراوي: أبو ذر الغفاري - خلاصة الدرجة: انفرد به إبراهيم بن هاشم بن يحيى الغساني عن أبيه وهو المشهور - المحدث: المنذري - المصدر: الترغيب والترهيب -

دعـــاء

2007-09-15T01:43:00.000+03:00

يـــــارب

كـمـا شـرفـتنـا بالإيمـان بـك

وكرمتنا في أركان الاسلام بـالصيـام لك

أعنـا على طـاعتك فيـه

واجـعل اللهم صفـاء أرواحنـا في استقبالـه
وسيلة للإجـابة في كل ما نسأل مما علمتنـا أن ندعوَك بـه
في قولِك في كتابك الكريم .. ربّنـا .. ربّنـا .. ربّنـا

وأول دعائي فيـه أن أوفـق أنا والمسلمون جـميعـا

بأن نـقيمه على أصفى ما تحب .. وأطهر ما تريـد

وأن تجعل الطاقـة منـه عونـا على كل حركتنا في الحيـاه

وحتى يكون صفـاؤنـا فيـه نورَ كل مكان .. وشعاعَ كل زمـان

وحتى لا تقتصرَ بركـتُــه على رمضــان

بل تشيع ورعـاً في كل الاحيــان

----------

من أدعية الشيخ الشعراوي رحِـمه الله

! .. حينما يشعر بك الألم

2007-09-06T16:29:00.002+03:00

كلمة .. نفسك تقولها وخايف تبوح بيها .. فقط لأنك متأكد إنك مش أدها

وحتى وانت بتتحدى نفسك وبتحاول تقولها وتبقى حاسس بالعجز والخجل .. بردو لأنك بتحاول متضحكش على نفسك

وقلتها فعلا .. عشان يتحول احساسك من احساس بالعجز لإحساس بالندم وخيبة الأمل
....

لما تبني لنفسك دنيا في خيالك وتعيش فيها بأوهامك بس لأنك عاجز إنك تبنيها في الواقع

لما تقف أمام أحلامك وطموحاتك شوية تقاليد وأعراف ملهاش لزمة

لما يكون قصاد عينك جوهرة ومش قادر تظفر بيها فقط لأنك مش معاك تمنها .. فقد يظن البعض أنك تتألم من أجل رغبتك في امتلاكها وبس .. لكن الحقيقة انك بتتألم لأن تمنها هو اللي بيمتلك طموحك
....

بتقول الآه بصوت خافت ملهوش صدى خارجي ولكن صداه يتتردد في اعماقك ولا يشعر به إلا قلبك
وتكتم أنفاسك في صدرك برغم احتراقها .. فلا يشعر بها أيضا إلا أنت

لما تتألم لدرجة إن كلمة الألم تفقد معناها عندك وتصبح جزء من حياتك

فتتنفس ألم .. وتتكلم ألم .. وتتحرك ألم .. وتبكي ألم .. وتضحك ألم .. وتعيش ألم

فتتلفت من حولك لا تجد إلا الألم
.
.

فيشعر بك الألم
.
.

اللهم إني أشكو إليك ضعف حالي وقلة حيلتي

!! الرابط العجيب

2007-08-28T02:38:00.000+03:00

شيء غريب جدا ولم أجد له تفسيرا حتى الان مش عارف ليه دايما كل مناسة ليها عندنا أكلة أو دايما نربطها بالأكل

العاشر من شهر المحرم ...... البليلة

الثاني عشر من ربيع الاول ...... حلاوة المولد

البدعة اللي اسمها شم النسيم ...... الفسيخ

عيد الفطر ...... الكحك والبسكويت

عيد الاضحى ....... الرقاق

بصراحة دول اللي فاكرهم لحد دلوقت

وطبعا شهر رمضان المبارك ( اللهم بلغنا رمضان ) لم يسلم من هذه العادة الغريبة فما أن يقترب الشهر الكريم إلا وتجد الأسر تستعد وتجهز نفسها وتشحن كل مواردها المالية و تبدأ في شراء لوازم الشهر من ياميش وغيره
مع إن المطلوب مننا في الشهر ده غير كده خالص ولا حول ولا قوة إلا بالله

ليه منعتبرش شهر رمضان يعدي زيه زي أي شهر ( من ناحية الأكل طبعا والمصاريف وكده ) بل وان شهر رمضان كمان المفروض انه يعودنا على ترشيد سلوكياتنا وعدم التبذير وعدم الإسراف
وسبحان الله تبص تلاقي المائدة عليها أصناف وأشكال من الأكل والحلويات والعصاير والفواكه والذي منه وتحس انك هتبلع الأكل ده كله مرة واحدة وتفاجىء بعد كده انك يادوب كلت لقمة ولا اتنين وتلاقي نفسك خلاص مش قادر تاكل حاجة تاني
ونفس الموال كل يوم

اتمنى ان بيتنا السنادي يحاولو يتخلو عن فكرة الاسراف دي وانا بحاول جاهدا والله وربنا اللي يعلم اني اغير معاهم المفهوم ده وياريت كل حد قرأ الموضوع وبيعاني من نفس المشكلة انه يتكلم مع أهله ويحاول يوصلهم الفكرة بأسلوب حلو عشان بجد دي حاجة غريبة جداا

------------

وده موضوع مهم عند الباشمهندس عصفور المدينة

نصيحة رمضان

اتمنى الكل يستفيد منه

واللهم بارك لنا في شعبان وبلغنا رمضان

حنـيــن

2007-08-22T15:00:00.000+03:00

سامحيني فقد قصرت في حقك كثيرا وشغلتني دنياي الدنيئة عنك، وزاد انشغالي عنك سرعة مرور الايام والاسابيع والشهور فاتوهم أني كنت معك منذ وقت قليل ولم أدرك أن الأيام قد هرولت وإذا بي أفاجىء أن أخر لقاء بيننا منذ أكثر من شهرين .. يااااااااه كل هذه الأيام ولم أراكِ .. إنني حقا مغفل بل وأكثر من مغفل إنني جاحد ومقصر في حقك .. سامحيني

سامحيني فبالرغم من تقصيري إلا أنني اعترف أنك لم تغيبي عن مخيلتي ولم أنساكي فعلا صدقيني وكما عودتيني بحلمك علي وصبرك على حماقاتي فأنا أطمع في مسامحتك ومتأكد أنك ستلبين رغبتي فما بيننا ليس مجرد أيام وشهور إنه عمر طويل

حضرتني الآن ذكريات جميلة وأيام عشناها سويا من أجمل أيام عمري بحق وأتذكر أيضا حينما كنت أفعل شيء يغضبك بسبب تصرف أحمق بدر مني سواء بقصد أو بغير قصد فما هي إلا ساعات قليلة وبمجرد ما أطلب منك طلب تنسين كل ما حدث وكأن شيء لم يكون .. أتذكر كل هذا ويزداد شعوري بالوحشة والافتقاد .. مفتقد لحنانك وطيبة قلبك وصفاء نفسك وجمال روحك .. إني أفتقدك بحق

سامحيني فربما كان عزائي في غيابي عنك أنني لم أدرك بالفعل سرعة مرور الايام فكأنني كنت أتحدث معك بالأمس

أقسم لك أنني أشعر الآن بفراغ كبير يملأ قلبي وحياتي ولن أتأخر عنك أكثر من هذا .. انتظريني سأكون معك بعد قليل بإذن الله

ليست كلماتي ولكنه شعوري

2007-08-10T16:10:00.000+03:00

لِمأساتـي صدىً فـي عـمق روحـي
يُجـدد ما تَـبدد من جروحـي

وأوردتي تَـبُـث إلى كيانـي
هموم العمر من قلبـي الذبيــحِ

------------

حين يضيع الأمل ولا يبقى إلا الألـم
فـتمسك بكل طريق يسير بك إلى اللــه

..