Monday, December 31, 2007

من ورق نتيجة 2007

النهاردة قطعت اخر ورقة من نتيجة 2007
وطبعا الورقة اللي بتتقطع من النتيجة مينفعش ترجع مكانها تاني
بس في الحقيقة النتيجة بتاعتنا كان فيها ميزة حلوة اوي .. مكتوب على ورقها مجموعة من الحكم والأقوال المأثورة والمعاني الرائعة
يعني اه الورقة بتنقطع .. لكن ممكن نستفيد منها
مش كده ولا إييييه؟

ودي بعض الكتابات اللي احتفظت بيها من ورق نتيجة 2007
-- -- --

خير وسيلة للتغلب على الفشل أن ننساه ثم نستأنف الجهاد مُصرين على النجاح بثقة وعز

الدنيا كالماء الملح .. كلما ازددت منه شربا .. ازددت عطشا

أكبر الخطأ ألا تفطن إلى خطيئة نفسك

إذا كنت تبحث عن السعادة فاعلم انها ليست أخذا .. وإنما هي عطاء

إذا أردت أن تحتفظ بصديق فكنت أنت أولا صديق

وأخيرا

قد تنسى إنسانا ضحكت معه، لكن من الصعب أن تنسى إنسانا بكى معك، أو ضحك عليك


-- -- --

وربنا يعيننا بجد على الأيام الجاية من عمرنا إذا بقي لنا عمر

وبجد بشكر من كل قلبي الناس اللي سألت وحاولت تطمن عليا الفترة اللي فاتت

خلاص ان شاء الله امتحاناتي يوم الأحد 6 يناير

ربنا المستعان

وادعولي ربنا يكرمكم اني اقدر احقق السنادي اللي مقدرتش احققه السنة اللي فاتت

وقريب ان شاء الله أرجع من تاني لمتابعة المدونات اللي بجد مفتقدهم جدااا

-- -- --

وكان محدثكم أخوكم محمود من داخل المعسكر المغلق
:D

31 comments:

كرم مسلم said...

السلام عليكم

بجد انا مش مصدق أول تعليق عند المحبب للكثير لأ لأ مش ممكن بس تقول ايه اهى تحققت وأول تعليق
ألحق ادوس ببلش احسن حد من المعجبين يدوس قبلى وبعدين ابقى اعلق

كرم مسلم said...

أضافة

كمان تانى تعليق لأ لأ مش ممكن

المهم
جميلة الحكم دى
أهدى أليك هذه الحكمة

خير وسيلة للتغلب على الفشل أن ننساه ثم نستأنف الجهاد مُصرين على النجاح بثقة وعز

أنت عارف ليه

واللى هيدعى ليه ياريت يدعيلى معاه انا والله معاه فى نفس السنة وفى نفس الكلية

فى القلب said...

حقيقى كلمات رائعه وجميله
ووفقك الله داخل المعسكر

Ahmed Essawy said...

الدنيا كالماء الملح .. كلما ازددت منه شربا .. ازددت عطش

دي بجد حكمه صح...و رغم كدا كلنا عايزين نشرب...
:$:$

===
ربنا معاك و يوفقك و يباركلك في مستقبلك و يجعلك الخير في في كل الي بتتمناه في رعايه الله .

ولــــــــــو said...

ربنا معاك يا صديقي وان شاء الله السنه دي تكون احسن بالنسبه ليك وكميه الحزن ان لم تختفي فعلى الاقل تقل خالص اللي شافوك بيقولوا انك بقيت رفع الابره
ينفع كده؟
شد حيلك وهادعيلك انت وكرم مسلم ربنا يوفقكوا بس ادعي انت ربنا يستجيب
تحياتي واشوفك قريب

رفقة عمر said...

ربنا يوفقك يارب وييسرلك لك كل خير اللهم امين يارب العالمين
ونفرح معاك قريبا يالنجاح

البنت الشلبية said...

كل سنة وانت طيب بمناسبة السنة الهجرية والميلادية
ربنا يجعل ايامنا كلها خير ورضا منه علينا

ربنا يوفقك يارب ويحققلك آمالك كلها

بنت الصالحين said...

ايه ده هو انت لسه مابداتش امتحانات

لا ده انا كنت فاكراك امتحنت

ربنا معاك وباذن الله تحقق كل اللى تتمناه
وتحصل على درجات عاليه باذن الله

وفعلا بحب حيانا اقرا اوراق النتيجه اذا كانت فيها حكم او مواعظ
جوزيت وبوركت
وايدك الله بنصره اللهم امين

šσяšαяαα said...

السلاااااام عليكممم

جزاك الله خيرا على الكلمات القيمة

انا بحب النتايج اللى بتكون فيها امثال
معظمهم بقى يكتبها وجدتى بتحب تحتفظ بيهم اوى

فعلا بيكون فيها كلام حكم زى مابيقولو

تحياتى ليك وربنا يوفقك يااارب

وكل سنة وانت طيب


__??_??
_??___??
_??___??_________????
_??___??_______??___???? H
_??__??_______?___??___??
__??__?______?__??__???__?? A
___??__?____?__??_____??__?_____
____??_??__??_??________??
____??___??__??
___?___________? P
__?_____________?
_?____?_____?____? P
_?____/___@__\\___?
_?____\\__/?\\__/___? Y
___?_____W_____?
_____??_____??
_______????? NEW
YEAR 2008

مـحـمـد مـفـيـد said...

الله هليك يا ابو خليل
بجد بوست تحفه
ربنا معاك ويوفقك وتحقق كل ما تحلم به

mohand said...

السلام عليكم
كل سنه وانت طيب يا محمود

وسنه سعيده عليك ان شاء الله

خمسة فضفضة said...

السلام عليكم ورحمة الله وبركاته

كل سنة وانت طيب يا محمود
ربنا يوفقك في الامتحانات وتحقق كل اللي تتمناه فيالسنه الجديده وتعوض كل اللي فاتك

شد حيلك ولو مش قادر قلنا نيجي نشد معاك
:-D

عصفور المدينة said...

أعانك الله

همسات دافئه said...

:)
على فكره انا واختى برده لازم نقرأ الكلام الى فى النتيجه ومسمينه حكمه اليوم بس يظهر ان نتجتك أحلى من بتاعتنا
ان شاء الله السنه ده تبقى احلى من الى قبلها وتحقق الى انت عايزه وأكتر
انا امتحاناتى 6 برده وخلاص دخلت مرحله الإعتكاف ربنا يعينا ويوفقنا جميعا يارب
تحياتى شيماء:)

Unknown said...

الله .. النتيجة بتاعتك دى حلوة اوى

بس بلاش نجيب سيرة النتيجة الله يكرمك لحسن لحد دلوقتى مشوفتش نتيجة 2008 دى شكلها ايه .. ادعيلى الحق اشوفها قبل ما 2008 نفسها تخلص
:D

خليك جوا المعسكر متخرجش منه ولا حتى للنت .. إنتهى البيان

بالتوفيق والنجاح ياااارب

سلام عليكم

سلوى said...

عام سعيد إن شاء الله
كله خير وصحه وسعاده
لك ولكل من حولك

وتحقق يا رب كل ما تتمناه

تحياااااتي

فرنسا هانم said...

ادعوا لك الله ان ييسر لك امرك
وخليك فى المعسكر المغلق
الى حين اشعار اخر

دنـيـا محيراني(ايناس لطفي said...

ربنا معك و يوفق في الامتحانات
و كل سنه و انت طيب

انكسارات .. احمد البوهى said...

ربنا يعينك ويقويك ويوفقك ويكرمك
اعانك الله على ما فيه الخبر لك
ـــــــ
ولك كل تحياتى

Unknown said...

كل سنة وانت بخير ويارب السنة دة تكون سعيدة عليك وربنا ان شاء الله يوفققك فى الامتحان

خير وسيلة للتغلب على الفشل أن ننساه ثم نستأنف الجهاد مُصرين على النجاح بثقة وعز

عجبتنى قوى الجملة دة شكرا عليها ويارب كلنا نعتقد فيها ونؤمن بيها

Unknown said...

كل سنة وانت طيب

ويارب تكون السنة دي أحسن من اللي فاتت

اسامة يس said...

ربنا يوفقك ويسهلك الامور...
وينجحك يا رب...

حكم جميلة ... ومفيدة..

دمتم بكل ود..
خالص تحياتي

حياة الأحلام said...

السلام عليكم

كل سنه وأنت طيب وسنه جميله وسعيده يارب علينا جميعا
وان شاء الله السنه الجايه تحقق كل اللى بتتمناه

وأسفه على تأخيرى فى الزياره بس الحمد لله عدنا

ربنا معاك فى الأمحتانات وتعدى على خير

والنتجه بتاعتنا برضه كنت دايما اقرى الحكم اللى فيها وفعلا جميله جدا

واللى انت ذكرتها منها حقيقه جدا

الدنيا كالماء الملح .. كلما ازددت منه شربا .. ازددت عطشا

وكمان اذا أردت صديقا حقيقيا كن انت صديق أولا

فعلا حكم صح جدا

مره تانيه سنه ان شاء الله سعيده يارب علينا كلنا

تحياتى

عبد الرحمن مدني said...

ياريت نزور يا جماعه مدونه اخوان ستايل بالاستايل الجديدhttp://ikhwanstyle.blogspot.com/

Anonymous said...

كلمات جميلة جدا يا محمود

ربنا يوفقك في امتحاناتك وتحقق كل

اللي تتمناه


وكل عام وانت بخير بمناسبة السنة

الهجرية الجديدة


دمت بالف خير

غمض عينيك said...

باشا انا جتلك يوم الامتحان
ياترى عملت ايه وايه الاخبار

ربنا يوفقك ان شاء الله
وكل سنة وانت بالف خير وسلامة


محمد سمير

Anonymous said...

Gostei muito desse post e seu blog é muito interessante, vou passar por aqui sempre =) Depois dá uma passada lá no meu site, que é sobre o CresceNet, espero que goste. O endereço dele é http://www.provedorcrescenet.com . Um abraço.

و القادم....أجمل said...

السلام عليكم
فعلا كلمات و حكم رائعه

ربنا يوفقك ان شاء الله
و ييسر لك أمرك
و يجعل من سنه 2008
سنة سعاده و توفيق

بإذن الله

:)

نقطة مية said...

عزيزي صاحب المدونة
عزيزتي صاحبة المدونة
========================
نتشرف بدعوتك لافتتاح
دار الكتب
هي حلم صاحب البوابة الذي تحقق
طريقة مبتكرة لتوثيق الكتب العربية و نشرها بين الناس بكل سهولة و يسر والدمج بين دور النشر المختلفة لسهولة البحث لاي قارىءوالنشر لاي كاتب
الافتتاح يوم الخميس 10-1-2008
في مكتبة البلد 31 شارع محمد محمود امام الجامعة الامريكية
الساعة السادسة مساءا
يلا نشارك مصطفى فرحته بتحقيق الحلم

Hannoda said...

زمانك دلوقت في عز الامتحانات ..ربنا معاك

وكل سنة و انت طيب على راس السنتين
:)

فكرتني بنتيجة كانت عندنا زمان.. كان فيها برضه الحكم ده و كنت بجمعها و أكتبها في كراسة

فكرتني كمان بطرقة بيتنا اللي كنا بنحط فيها النتيجة جنب ال شباك و الستارة الي عليه

يااااه

كل سنة و انت طيب
ويارب تعمل أحسن حاجة في الامتحانات

http://kasperb4.blogspot.com/ said...

نفسي والله اشكركم واحد واحد وواحدة واحدة على زيارتكم اللي دايما منورة المدونة بجد
ربنا يجازيكم كل خير على سؤالكم ودعائكم وربنا يوفقنا جميعا لما يحب ويرضى

شكرا ليكم من كل قلبي
وياريت تفضلو تدعولي كتيييييييييير الله يخليكم
:)

Total Pageviews