Wednesday, December 5, 2007

الطائفة السامرية


أول امبارح اتفرجت على فيلم تسجيلي على قناة إخبارية عرفت منه معلومة جديدة عليا تماما وغريبة جدا في نفس الوقت بالنسبالي بردو فحبيت إني اكتب المعلومة دي

الفيلم كان يتحدث عن مجموعة من البشر يسمون أنفسهم بـالطائفة السامرية أو السامريون .. وبعد مشاهدة الفيلم بصراحة أئارني الموضوع بشدة وحبيت اعرف عن الطائفة دي أكتر فبحثت على الإنترنت عنهم وعرفت ما يلي:ـ

السامريون هم أصغر طائفة دينية في العالم حيث لا يتجاوز عددهم 700 نسمة .. يعيشون على جبل جرزيم بمدينة نابلس بفلسطين ويعتبر هذا الجبل هو قبلتهم التي يُصلّون إليها .. وكانو قبل ذلك يعيشون في مصر في صحراء سينا



في الحقيقة لما حبيت اعرف بالظبط إيه هو انتمائهم الديني تحيرت كثيرا .. ومن خلال البحث عرفت أنهم من اليهود إلا انهم يرفضو أن يقال عنهم يهود ويفضلوا أن يطلق عليهم فلسطينيون أو سامريون .. فهم يدعون أنهم يملكون أقدم نسخة من التوارة في العالم كله والتي يبلغ عمرها 3630 سنة على حد زعمهم .. ويعتبرون أن اليهود الإسرائليين حرفوا هذه التوراة وبدلوها ثم زعموا أنها التوراة وأقامو عليها دينهم .. وكذلك يرى السامريون أن هناك سبعة آلاف خلاف بين التوراة السامرية الحقيقية التي بين أيديهم والتوراة اليهودية المحرفة .. أيضا على حد زعمهم




وتقول هذه الطائفة بأنهم أحفاد سيدنا موسى (عليه السلام) ولا يؤمنون بنبي بعده

ومن العجيب والمثير للدهشة أن السامريين يعتقدون أن سيدنا سليمان ملك متمرد وخائن (نعوذ بالله من الكفر) .. فهم يعتقدون أنه غيّر قبلتهم واتخذ القدس بدلا من جبل جرزيم .. وهذا الأمر راسخ بشدة في عقيدتهم .. واتضح لي ان هذا هو الخلاف الرئيسي بين السامرية واليهودية بالإضافة إلى عدة أسباب أخرى

وهم لا يعترفون أصلا بالقدس وبالتالي فهم لا يشغلون أنفسهم بها على الإطلاق

ومما يعرف أيضا عن هذه الطائفة هو التزامهم القوي جدا بدينهم ويهتمون بتعليم أطفالهم أمور دينهم في مقتبل العمر .. ويعتمدون في دينهم على خمس أعمدة أساسية وهي
الإلتزام بالصلاة وقدسية يوم السبت
الوحدانية (واللي ف الحقيقة مقدرتش اوصل لمفهومها عندهم)ـ ،
الإيمان بسيدنا موسى وأنه رسول الله ،
جبل جرزيم الكعبة بالنسبة لهم وهو أقدس مكان عندهم ،
وأخيرا الإيمان بيوم الحساب والعقاب ،
-

تحديث مفيد

عرفت ايضا من خلال البحث أن كلمة سامريون لا ترجع في أصلها إلى "السامري" إلذي اتخذ العجل إلها في عهد سيدنا موسى .. ولكن يرجع هذا الإسم إلى رجل يدعى شامر في عهد الملك عمري ملك يهوذا .. حيث كان يمتلك هذا الرجل جبلا وباعه للملك عمري وسمي جبل شامر نسبة لصاحبه الأصلي ثم حُرف الأسم بعد ذلك حتى صار سامر وبنيت على هذا الجبل بعد ذلك مدينة سميت مدينة السامرة فلذلك يدعون السامريون

ولمن يريد أن يعرف أكثر عن السامرية
من موسوعة ويكيبديا
من موقع العربية

والصور
الصورة الأولى هي لمدينة نابلس ومأخوذة من ويكيبديا
الصورة الثانية لكاهنان سامريان يحملان لفائف التوراة وهي من موقع العربية

وياريت أي حد يمتلك معلومات أكتر عن هذه الطائفة وشايف أن فيه معلومة فيما كتب غير صحيحة أن ينبهني وله جزيل الشكر
-- --

والحمد لله على نعمة الإسلام وكفى بها نعمة

55 comments:

ا بـن عــمــر said...

اول مرة
أقرأ عن هؤلاء
جزاكم الله خيرا
على هذه المعلومات

عصفور المدينة said...

انت جميل يا محمود فعلاساات باتفرج على أفلام وثائقية باشوفها مفيدة وبيبقى نفسي أكتب عنها بس فرق الهمة بقى انت همتك أعلى ربنا يحفظك

محمد عبد الغفار said...

أشكرك

نورت دماغى

هوندا said...

جزاكم الله خيرا انا فعلا اول مرة اسمع عنهم بس اما شفت كلمة السامرى افتكرت حاجة
ان الى كان عمل عجل من ذهب عشان قوم موسى يعبدوه لما كان سيدنا موسى فى جبل الطور كان اسمه السامرى فازاى يعنى يبقو ناس مؤمنة بسيدنا موسى ويبقو واخدين اسم لشخص كان عدو ليهم المفترض
الحمدلله على نعمة الاسلام وكفى بها نعمة

المهـ إلي الله ـاجر said...

جزاكم الله خيرا علي المعولمات الجديدة جدا

بارك الله فيك

موجة said...

معلومات جميلة عن امر كان مجهول لينا
شكرا جزيلا
دا دور جديد للمدونات اللي مش المفروض تقتصر على الخواطر و بس
المعلومات القيمة لازم يكون ليها مكان
تحياتي

mohand said...

السلام عليكم

مش عارف حسيت في تشابة بين انتمائهم وبين اسم السامري

تفتكر فعلا هو كده؟



تحياتي لك

Unknown said...

معلومه جديده اشكرك علي عرضها العرض الجميل

Unknown said...

انا أول مره اعرف حاجه عنهم

بجد شكرا علي المعلومات
(:

http://kasperb4.blogspot.com/ said...

ابن عمر
-----

جزاني الله وإياك خيرا يا ابن عمر والحمد لله


عصفور المدينة
--------
معقولة يا باشمهندس بس ده حضرتك ابو الهمم ربنا يبارك فيك
جزاك الله خيرا على اطرائك اللي بعتبره وسام على صدر المدونة
:)


Mohamed A. Ghaffar
------------------
العفو يا أستاذ محمد ده بعض ما عندكم يافندم


*.* HoNdA *.*
-------------
وجزاكي يا هوندا
وبالنسبة لملاحظتك هي بردو استوقفتني ولكني مكنتش حابب اطول البوست بس عملت تحديث خاص بالنقطة دي اتمنى انك تقرأيه
وشرفتيني بمرورك الجميل

http://kasperb4.blogspot.com/ said...

المهـ إلي الله ـاجر
---------------
جزاني الله واياك خيرا
والحمد لله
وزيارة حضرتك بالنسبة ليا شرف كبير
اتمنى انها تدوم


موجة
-----
أولا حضرتك منوراني في أول زيلرة لمدونتي واتمنى انها تدوم
وكلامك أسعدني والحمد لله اني كنت سبب في توصيل معلومة
جزاكي الله خيرا على كلماتك


mohand
------
أكيد في تشابه يا مهند
وانا اعتقد ان السامري كان واحد من السامريين انذاك
يعني كان موجود وكان يعيش بينهم وقت نزول الآية التي ذكر فيها اسمه


Mohamed_sobhy84
---------------
العفو يا محمد ومرورك هو الأجمل
:)


esraa
-----
طب الحمد لله يا اسراء وانا اللي بشكرك بشدة على تواجدك الدائم في مدونتي المتواضعة
:)

هوندا said...

انا قرأت التحديث بردو جزاكم الله خيرا وكويس انك فعلا كتبت النقطة دى عشان محدش يفكر فيها زيى كده

كراكيب عادل said...

انا مستغرب جداا من الاقليات انهم لازم يكونوا في جبل من الجبال

هتستغرب لما تبحث وتلاقي جميع الاقليات في الدول بيكونوا فوق جبل

زي الدروز والعلويين وغيرهم

شكلهم خاييف

عموما

نحمد الله علي نعمة الاسلام بلا خرابيط

ههههههههههههه

truelove said...

ازيك يامحمود عامل ايه في جو الامتحانات يارب تكون موفق ان شاء الله وربنا يكرمك على المعلومات دي والي ادتني فكرة لموضوع ربنا يكرمك ويجعله في ميزان حسانتك

šσяšαяαα said...

السلاااام عليكمممم
ماشاء الله معلومات جديدة جداااا وغريبة ان يكون فى ناس بالمعتقدات دى فى فلسطين وعايشين فعالم مع نفسهم
بس اللى عجبنى هو اصرارهم على ما يؤمنوا بيه
لو عندنا زيهم ايمان قوى واصرار على الحق اكيد كان حصل تغيرات كتييييييييير اوى لأمتنا
المفروض ناخد من المجتمع الصغير والبسيط دا عظة ونكون كيان واحد عالاقل هما عايشين على جبل واحنا عايشين على قارتين

ربنا يهدينا ويصلح لنا الحال ياااارب

معلش انا يمكن بقول شعارات بس دا فعلا اللى حسيته وانا بقرأ الموضوع

تحياتى لحضرتك

http://kasperb4.blogspot.com/ said...

*.* HoNdA *.*
-------------
نورتيني مرة تانية يا هوندا وشكرا اووي لاهتمامك :)


كراكيب عادل
-----------
هب فعلا ملاحظة غريبة وانا بعتقد لأنهم بيكونو حاسين اصلا من جواهم بالعزلة و بيكونو خايفين شوية من تعامل الناس معاهم

حضرتك شرفتني والله
:)


truelove
--------
انا الحمد لله كويس وزي مانتي عارفة بقى الامتحانات طحن طول عمرها
:D
شكرا على سؤالك والحمد لله اني كنت سبب في توصيل معلومة


ŞoŖśậŖấầ
---------
وعليكم السلام ورحمة الله وبركاته
والله دي مش شعارات ولا حاجة ده هو ده عين العقل وبنتمنى ان ده يحصل فعلا مننا
وكويس جدا ان ده هو اللي حسيتيه وانتي بتقري
و أكيد حاجات كتير هتتغير لو عملنا كده
شرفتيني أول زيارة لمدونتي منك وان شاء الله تدووووم
:)

رفقة عمر said...

معلومه حلوة قوى
سبحان الله فيه ناس عايشين مش عارفين عنهم حاجه خالص
استفدت كتير من البوست دة جزاك الله خيرا

اسكندراني اوي said...

الحمد لله على نعمه الاسلام وكفى بها نعمه

مجهود طيب انك تدور وتبحث
وربنا يثبتنا

ذو النون المصري said...

اشكرك علي المعلومات الجديده
انا اول ما قرات الاسم قلت مباشرة اكيد منسوبين للسامري صاحب العجل الزهبي المشهور

Unknown said...

سبحان الله
كل يوم بكتشف حكمة ربنا انة يجهل فية جنة ونار ثواب وعقاب
لانة طبعا مش ممكن بستوى الى امن بية بحق ولاى حرف بما جاء بة الله
يارب اهدنا ليك يارب

Ahmed Essawy said...

الحمد لله على نعمة الإسلام

Desert cat said...

معلومات قيمة
وبصراحة اول مرة اعرفها
جزاك الله كل خير

بنت الصالحين said...

معلومه جديده فعلا


بس تصدق حلو برده خليهم فى حالهم ماهياش ناقصاهم

الحمد لله على نعمه الاسلام وكفى بها نعمه

حل وسط said...

حلة المعلومات اشكرك
حدثنا ‏ ‏هشام بن عمار ‏ ‏حدثنا ‏ ‏الوليد بن مسلم ‏ ‏حدثنا ‏ ‏أبو عمرو ‏ ‏حدثنا ‏ ‏قتادة ‏ ‏عن ‏ ‏أنس بن مالك ‏ ‏قال ‏
قال رسول الله ‏ ‏صلى الله عليه وسلم ‏ ‏إن ‏ ‏بني إسرائيل ‏ ‏افترقت على إحدى وسبعين فرقة وإن أمتي ستفترق على ثنتين وسبعين فرقة كلها في النار إلا واحدة وهي الجماعة ‏

سنن ابن ماجه

مروة الزارع said...

الحمد لله على نعمة الإسلام
مدونتك جميلة
دى أول زيارة ليها
أتمنى تزورنى فى مدونتى
يارب فى أذدهار ليك دائم

ولــــــــــو said...

مفيدة جدا المعلومات دي
انا بصراحه كنت باسمع عنهم بس مش حاولت اعرفهم بالطريقه المستفيضه دي
متشكرين جدا على المعلومات
فعلا الحمد لله على نعمة الاسلام

غمض عينيك said...

تسلم ايدك وبجد شكرا ع المعلومات القيمة دي

البنت الشلبية said...

الله عليك
انا بحب الابحاث دى اوى
بالذات فى التاريخ الغامض بالنسبة لكتير منا
======
طلب صغنون من فضلك
انا بعمل بحث على النت بقالى فترة عن الحياه الاجتماعية فى الممالك الكورية القديمة لكن مش لاقية بحث وافى يخلينى اقتنع
كلها بضع كلمات بسيطة
انا عايزة اعرف الناس كاون عايشين فى كوريا ازاى زمان اوى
وازاى كان الملك بيحكم وايه النظام الادارى فى المملكة
انا بحب اعرف التاريخ مش اكتر
ياريت لو تقدر تساعدنى
اشكرك

Hannoda said...

نسبة لي معلومة قيمة جدا لإني بصراحة ولا كنت أعرف عنهاأي حاجة

لكن غريب جدا تعدادهم القليل قوي ده بالنسبة لتشددهم و تمسكهم بديانتهم.. فكان بديهي انهم يزيدوا عن كده

بصراحة مجهود جميل
و الاجمل فيه الرغبة في الفايدة و التنوع في التدوين

شكرا على المعلومة وحاتابع الردود هنا عشان أكيد فيه ناس حاتزيد عليها معلومات جديدة

تحياتي

أبو دجانة said...

جزاكم الله خيرا ..
بس أهم حاجة نخلى بالنا .. ونفرق بينهم وبين السامريين الشاميين وأقصد هنا الحضارة السامرية.. ودى كانت حضارة قديمة فى الشام .
وفعلا معلومات قيمة ..

http://kasperb4.blogspot.com/ said...

رفقة عمر
--------
فعلا يا رفقة الدنيا مليانة وأشكال وألوان
وسبحان الله العظيم الذي يدبر شئون الخلق كلهم



اسكندراني اوي
-------------
ربنا يبارك فيك ودايما منورني كده والحمد لله على نعمة الاسلام



ذو النون المصري
--------------
وأشكرك يا اخي على مرورك
وانا بردو اول ما سمعت عنهم ربطتهم بالسامري وعشان كده قلت اكتب المعلومة دي كمان
حضرتك شرفتني بالزيارة


ايوية
-----
كلامك مظبوط فعلا والحمد لله على نعمة الاسلام وربنا يثبتنا حتى الممات



Ahmed Essawy
------------
الحمد لله



Desert cat
----------
وجزاكي يا قطة الصحراء والحمد لله

http://kasperb4.blogspot.com/ said...

عاشقه الفردوس
-------------
على رأيك ماهيش ناقصاهم
:D
وهما بردو كافيين خيرهم شرهم وملهمش علاقة بحد على فكرة


لولا الملامه
----------
أشكرك على الحديث
وصدق النبي صلى الله عليه وسلم


مروة الزارع
-----------
الحمد لله على نعمة الاسلام
وشكرا على كلامك وذوقم يا مروة ووان شاء الله ازور مدونتك
ودايما منوراني


ولــــــــــو
------------
ازيك يا حاتم منورني والله
الحمد لله الذي هداني لهذا
وله الحمد كثيرا على نعمة الاسلام



غمض عينيك
---------
ازيك يا محمد والله شرفتني بجد وشكرا على اهتمامك وتعليقك والحمد لله انك استفدت

http://kasperb4.blogspot.com/ said...

البنت الشلبية
-------------
حاضر طبعا انا تحت أمرك ولو قدرت اساعدك باي حاجة مش هتأخر ابدا
بس ياريت توضحيلي أكتر ايه هو مجال بحثك بالتحديد عشان اقدر افيدك وايه بردو اللي وصلتيله عشان لو هو نفس اللي وصلتله يبقى نبحث تاني
وانا تحت أمرك في اي وقت


Hannoda
--------
شكرا ليكي يا هنودا مرتين
اولا عشان ملاحظاتك اللي دايما بتسعدني وتأكدلي انك مش بتقري وخلاص فعلا

وثانيا على متابعتك اللي بردو بتسعدني وتشرفني



أبو دجانة
----------
وجزاك الله خيرا ابو دجانه على المعلومة وياريت تعرفنا اكتر على الحضارة السامرية في الشام قديما ولك تحيتي وتقديري

Unknown said...

صدق اللى قال

اللى يعيش ياما يشوف .. واللى يتفرج على القنوات الإخبارية يشوف أكتر
:D

أفادكم الله .. جزاك الله خيرا

البنت الشلبية said...
This comment has been removed by the author.
البنت الشلبية said...

اشكرك على حماسك لمساعدتى
مهند جزاه الله كل خير
عمل بحث ساعدنى كتير فى معرفتى
http://world.kbs.co.kr/arabic/korea/korea_history_detail.htm

وانا عامة كنت محتاجة بحث عن الحياه الاجتماعية فى التاريخ الكورى
انا هبص فى السايت الى بعته مهند ولو احتجت اى مساعدة تانى اسمحلى انى اطلبها منك

شكرا وجزاك الله خير

أميرة محمد محمد محمد said...

معلومات قيمه
ربنا يكرمك يااخي
ربنا يوفقنا واياك في الامتحانات

رفقة عمر said...

اخبارك ايه يارب تكون بخير
وتكون عملت كويس فى الامتحانات
ربنا يوفقك يارب وييسر لك كل امورك
ونسمع اخبار مفرحه عنك
مفتقدينى تدويناتك ومشاركاتك
كل سنه وانت بخير

smraa alnil said...

طب والله جزاك الله كل خير

انت وضحتلي حاجات مش كنت واخدة بالي منها خالص

اول مرة اعرف المعلومة دي
بس مش اعتقد انهم 700 نسمة دلوقتي
اكيد تزايدوا

son's egypt said...

السلام عليكم
شكرا جدا علي المعلومة المفيده ديه جدا

أنسانة-شوية وشوية said...

جزاك الله خيرا يا محمود علي المعلومات دى
بدعيلك في الايام الجميلة دى ربنا يوفقك وتكون الامتحانات سهلة وخفيفة يالا شد حيلك يا بطل

بنات افكارى said...

السلام عليكم
اولا كل عام وانت لربك طائع ولنبيك تابع ان شاء الله وتقبل الله طاعتكم
وربنا يوفقك ويكرمك فى الامتحانات ويجعلك من الناجحين دايما يارب
وجميل هذه المعلومات لاول مرة بسمع عن الطائفة دي نفع الله بك ياخي
معلش فاتني عندك كتير كان نفسي اعلق على كل اللي فاتني لكن ملحوقة ان شاء الله وياريت تدعيلي معاك كتير

السلام عليكم

أمــانــى said...

كـل سنة وحضرتك طيب وبالف خير وعافية يارب آمـــــين واعاده الله علينا وعلى الامة الاسلامية بالخير واليمن والبركات

نقطة مية said...

كل سنة و انتم طيبين و عيد اضحى مبارك و ان شاء الله ننال جميعا شرف الوقوف على عرفات

نسرين - أمة الله said...

كل سنه وانت طيب وربنا يجعله خير على المسلمين اجمع

http://kasperb4.blogspot.com/ said...

إنـســـانـة
----------
ايوة فعلا عندك حق
:D
وجزاك الله خيرا



البنت الشلبية
--------------
طيب الحمد لله
ومفيش شكر على واجب يا شلبية
انتي تشرفي في اي وقت والله
:)


أميرة محمد محمد محمد
------------------
جزاك الله خيرا يا أميرة وربنا يتقبل منك

http://kasperb4.blogspot.com/ said...

رفقة عمر
----------
انا بصراحة مش عارف اشكرك ازاي على سؤالك وعلى كلامك الجميل
ربنا يبارك لك ويحفظك ويسعدك
ده انا اللي مفتقدكم والله وحاسس بفراغ كبير
تعدي بس الاامتحانات ان شاء الله ونرجع تاني للدنيا الجميلة دي
:)
نورتيني بجد وشرفتيني وأسعدتيني بسؤالك والله
:)

http://kasperb4.blogspot.com/ said...

smraa alnil
------------
وجزاك خيرا يا انجي
الحمد لله
بصي هم كمان اقل من 700 والمعلومة دي من اكتر من مصدر وكمان في ويكيبيديا مكتوب عدد أقل من كده
:)

نورتيني وشرفتيني
:)


son's egypt
------------
العفو يا فندم
شرفتني ونورتني
:)

http://kasperb4.blogspot.com/ said...

أنسانة-شوية وشوية
------------------
ازي حضرتك وعاملة ايه والله مدونتك وحشاني جدا ومفتقدها بجد
وربنا يكرمك على دعائك واستمري الله يخليكي لحسن الوضع متأزم اوي
:D
شكرا لحضرتك بجد وأسعدتيني
:)



بنات افكارى
-------------
وعليكم السلام ورحمة الله وبركاته
نورتي المدونة ومعلش معاكي عذرك أكيد وملحوقة بردو
:)
جزاك الله خيرا على الدعاء وربنا يتقبل منا ومنك وكل سنة وانتي في طاعة وخير بإذن الله


أمــانــى
----------
وانتي طيبة يا أماني
وربنا يتقبل
:)

http://kasperb4.blogspot.com/ said...

نقطة مية
------------
وانتي طيبة يا نقطة
:)


نسرين - أمة الله
----------------
وانتي طيبة يا نسرين
ربنا يتقبل
:)

Banota said...

السلام عليكم ورحمة الله وبركاتة
حبيت أعيد على أصحابى .. كل سنة وأنت طيب .. وبعتزر عن عدم تعليقى عبى البوست دة .. انشاء الله هرجعلة تانى أعلق علية .. وكل سنة وأنت بخير يا رب دايما

Ahmed Al-Sabbagh said...

كل عــام وأنتم بخير

عـــيد سعـــيد

أعــادة الله عليكم بالخير والبركــات

تحياتى

http://kasperb4.blogspot.com/ said...

Banota
-------
وعليكم السلام ورحمة الله وبركاته
وانتي طيبة يا بنوتة ويارب تكوني بخير دايما




Ahmed Al-Sabbagh
------------------
اهلا بحضرتك وكل سنة وانت طيب وبخير دايما
:)

و القادم....أجمل said...

السلام عليكم

أنا فعلا اول مرة أعرف المعلومه دي
جزاك الله خيرا

و الحمد لله علي نعمة الإسلام

أكرر شكري مرة أخري
لحضرتك علي الموضوع الاكثر من رائع

تقديري

:)

riyad said...

في البداية انا شاكر للشخص الذي تطرق للموضوع وكتب عن الطائفة الاصغر والاعظم في العالم الطائفة السامرية

سيدي الفاضل صاحب المقال
اشكرك واقدر لك موضوعيتك في الكتابة معتمدا اسلوب التركيز في ايضاح المعلومة مبتعدا عن التكهنات او اصدار الاحكام السريعة لمن لا يعرف او متاكد من معلومة لم يحصل عليها من مصدرها

اخي الفاضل انا احد ابناء هذه الطائفة مستعد لاي معلومة انت او اي شخص من اصدقائق محتاج لها فانا مستعد
للاجابة على اي سؤال محترم يدل على احترام وذوق صاحبه
او شخص يريد ان يعرف ويفرق بين الصح والخطأ

ساكتب تعليقي هنا وانتظر منك ردا حتى اعطيك الايميل الخاص بي لتتوصل الى المعلومة الصحيحة وتوصلها لاصحابك

رياض الطيف
السامري

Total Pageviews