Thursday, July 17, 2008

أنا وقريني

من الصعب انك تكون طول الوقت صريح وواضح مع الناس
يعني ايه عايزني أكدب ولا ايه
لا مقلتلكش اكدب .. انتي هتلبسني تهمة يا عم انت
مش انت اللي بتقول اهو ان الصراحة مش نافعة
لا مقلتش مش نافعة انا بقولك صعب تفضل صريح وواضح طول الوقت
اااااااه فهمتك يا لئيم .. يعني عايزني ألف وادور كده واظبط أموري عشان الحياة تمشي
ههههههههههه لا وانت جامد بصراحة وبتعرف تلف وتدور .. يا عم اجري كده
مممممممم ده انت بتتريق بقا وشكلي كده هحبسك تاني وأذلك
طب وحد كان قاللك طلعني؟ .. مانت اللي محتار ومش عارف تتصرف
:( ?/
بص انا مش عايزك تتعب نفسك وتحيرني معااك
انا لا بقولك اكدب ولا لف ودور ولا تعمل حوارات واشتغالات على البشر
انا بس عايزك تمشي أمورك بالعقل


اتصرف بقا

36 comments:

مـحـمـد مـفـيـد said...

شفت يا عم محمود الوضوح بقي تهمه

بنات افكارى said...

السلام عليكم

يعني اولا جزاكم الله خيرا على زيارتك اللي اسعدتنا رغم ضيق وقتك ربنا يكرمك يارب ان شاء الله

بالنسبة بئا لقرينك اللي بيتهيئلي مش اول مرة تطلعه :)
هو صعب فى دنيتنا دي تفضل صريح بس مش صعب انك تتعود تقول اللي ليك واللي عليك ومش صعب كمان انك تعود الناس على صراحتك طول مانت مقتنع بانك صح قد تكون صراحتك دي امر بمعروف او نهي عن منكر يبئا ترضى الناس ولا ترضي ربنا اولا طبعا انت اكبر من اني اقولك كلام زي دا سواء انت او قرينك
بس نصيحة ماتخليهوش يضغط عليك كتير خليك بطبيعتك افضل دنيتنا دي صعبة
بس لو خضعنالها مش عارفين هاتكون اخرتنا ايه ربنا يجعلها اخرة خير

شد حيلك عايزة اجوزك انت واحمد فى يوم واحد مش انتو واحد بردو؟
ولا اقولك بلاش يوم واحد كدا مش هاعرف احضر لمين وماحضرش لمين ماتنساش تقولي قبلها اعمل حسابي ان كان لاذال لي وجود على قيد الحياة علشان اظبط اموري

اللهي ربنا يجوزك قريب ياااااااارب
ويعينك ويوفقك ويرزقك من حيث لا تحتسب بالرزق الحلال اللهم امين وينجحك ان شاء الله ويصلحلك حالك وييسرلك جميع امورك انه على مايشاء قدير
وماتنسناش من دعائك الفترة دي كتير

السلام عليكم

بنات افكارى said...

صحيح كان لي كام استشارة كومبيوترية ونحتاج لمساعدتك بعد مالويندوز الله يرحمه ضيعلي حاجات فامش عارفة اسال فى المدونة التانية ولا ايه ولا انت مش فاضي خالص ممكن ناجلها وياريت تطمنا على اخويا لو سمحت علشان بتفشل محاولاتي الخاصة بقالي فترة
فى الاطمئنان عليه
ولا اعلم السبب قد تكون مشكلة الكترونية بردو؟؟؟؟
الله اعلم

محمد عبد الغفار said...

يعنى يعمل دماغه عجله مثلاً ولا يحط اموره ادامه ويزقها بدماغه

Unknown said...

ولم اخرج من الحيرة فى هذا الموضوع ابدا

http://kasperb4.blogspot.com/ said...

مـحـمـد مـفـيـد
-----------------
شوفت والله يا محمد ياخويا شوفت بعيني كمان محدش قاللي
:D

http://kasperb4.blogspot.com/ said...

بنات افكارى
--------------
وعليكم السلام ورحمة الله وبركاته

واولا بردو جزاك الله خيرا على سؤالك دايما ومتابعتك

المشكلة يا بنات أفكاري ان الصراحة ف بعض الأحيان ومع بعض الأشخاص بتكون مضرة أكتر ما بتكون نافعة
انا طبعا آسف وانا بقول كده بس للأسف دي الحقيقة
وانا بحاول اقنع قريني ان الكدب مش هو الحل
وده اللي بحاول بردو اتعلمه من خلال احتكاكي بالناس ومعاملة كافة انواع البشر المختلفة
هي معادلة صعبة انا عارف
وحاجة تحير كمان
والواحد بصراحة مش ناقص ذنوب عشان يزودها بالكدب والاشتغالات على الناس

وربنا المستعان

http://kasperb4.blogspot.com/ said...

بنات افكارى
-------------
بصراحة مفهمتش تقصدي ايه
بس ممكن توضحي أكتر
:D

http://kasperb4.blogspot.com/ said...

محمد عبد الغفار
----------------
ههههههههه
والله انا كمان محتار ومش عارف اتصرف ازاي
ياريت حضرتك تفيدني انا وقريني الخايب ده
:D

http://kasperb4.blogspot.com/ said...

ايوية
-------
:(
للأسف هو ده االواقع ولازم نتعلم نتعايش معاه من غير ما نغضب ربنا
وهو ده مربط الفرس والمعادلة الصعبة

Unknown said...

دا قرينك ده متعب أوى يا محمود

اوعى تسمع كلامه وتمشى أمورك زى ما بيقولك

تحياتى مصطفى

عاشــــــ النقاب ـقــــة"نونو" said...

السلام عليكم
للاسف بيتحسب دلوقتي الصريح الواضح الطيب انه حاجة تانية
بصبر نفسي بس واقول العيب مش فيا انا لاني كدة ومش عارفة ابقى غير كدة
وبالعند في النوعيات دي بقى
تحياتي

Anonymous said...

فكرتنى بحكاية الملك اللى جاب عراف عشان يقراله الطالع
العراف قاله هاتشوف كل أهلك بيموتوا وانت هاتغسلهم كلهم
الملك زعل وغضب وامر بسجن العراف وجاب واحد تانى
العراف التانى قاله ابشر يا مولاى بالعمر الطويل
دانت حتى هاتبقى اطول اهلك عمرا
الملك فرح وامرله بالعطايا
دا اللى فهمته من موضوعك

مؤمنه said...

السلام عليكم ورحمة الله وبركاته
حلو نمشى امورنا بالعقل
الرسول عليه الصلاة والسلام كان كيس فطن
ياريت نبقى كلنا كده
جزاك الله كل خير على هذه التدوينه
والسلام عليكم ورحمة الله وبركاته

فى القلب said...

للأسف أيوه

بس ارجع و أقول المؤمن كيس فطن إذا احس بعدم الأمان يأخذ حزره بذكاء

نـــــــور said...

بوست جميل

بارك الله فيك

shaimaa samir said...

اتابع مدونتك فى صمت
كلما اهم بالتعليق
تنشطر الافكار
علىالرغم منانك لا تكتب تلكالكلمات ذات اللغة العربية
ولكن احيانا تصل بك البساطة الى حد التجريد
فتقف
قررت اليوم ان اعلق وقد علقت

تحياتى لافكارك
اعزك الله وثبتك على الحق

أسوور said...

جريدة الأسرة العربية
قرر رئيس مجلس ادارة الجريدة مشكورا أن يتبنى كل ما يكتبه المدونون
وان يفرد مساحة لا بأس بها لبوستات البلوجرز
كما وافق على نشر البوستات المرشحة بتوقيع كتابها
وسوف يفتح باب التدريب الصحفى لهواة الصحافة من المدونين
وذلك ايمانا منه بقوة التدوين وبأنها صوت المصريين
***
على كل مدون يرغب فى نشر مقالات - تحقيقات - قصص - نقد - ادب - شعر - سياسة او أى كتابات لم يرد ذكرها
ان يرسل البوست المرشح مذيل بتوقيعه وعنوان المدونة والإسم الحركى ان اراد
مرفق بصورة شخصية له
على الإيميل التالى

amyasser@hotmail.com

أو بتعليق على هذا البوست نفسه
يترك لينك البوست اللى عايز ينشره الجرنال له
تحت عنوان جريدة الأسرة العربية
الشـــــــــــــــــروط
-مراعاة الصحة اللغوية والنحوي والإملائية قدر الإمكان.
-مراعاة الا يزيد البوست المراد نشره فى الجريدة عن صفحة ايه فور.
- أولوية النشر تكون للبوستات التى فيها موضوعات عامة تهم قراء الصحف.
-اولوية النشر للبوستات التى ترسل على الميل المذكور أعلاه كفايل وورد مرفق.
الجريدة تصدر الإثنين من كل أسبوع

http://kasperb4.blogspot.com/ said...

egyboy
---------
اه والله يا مصطفى متعب وغلس كمان ربنا يسترها معانا
:)



نونو
-------
وعليكم السلام ورحمة الله وبركاته
والله هي كل المشكلة فعلا ان الواحد يقدر يحافظ على صدقه وصراحته ف وسط كل هذا الكم من الأقنعة والكدب

لك تحيتي

http://kasperb4.blogspot.com/ said...

وينكى
------
والله كلامك جميل بس ده في حالة ما إذا كنت انا فعلا راضي عن اللف والدوران والكدب وعايز ضميري كمان يوافقني على كده
وف الحقيقة الموضوع مش كده
لأني فعلا مش حابب اني اكون كداب او خبيث وبلف وادور
هي بس الحكاية محتاجة فطنة ف التعامل مع البشر
مش أكتر
:)

http://kasperb4.blogspot.com/ said...

مؤمنه
-------
وعليكم السلام ورحمة الله وبركاته
وصلى الله على نبينا محمد
جزاك الله خيرا
:)

http://kasperb4.blogspot.com/ said...

فى القلب
---------
يسلم فمك والله
هو ده مربط الفرس
الفطنة والذكاء
ودول حاجتين بردو مش عند أي حد

وربنا المستعان
:)

http://kasperb4.blogspot.com/ said...

نـــــــور
------------
الف شكر يا نور
نورتي والله
:)

http://kasperb4.blogspot.com/ said...

shaimaa samir
---------------
والله اسعدتيني واخجلتيني بكلامك
ومش عارف اقولك ايه
اتمنى اكون عند حسن ظنك

bastokka طهقانة said...

شيزوفرينيا برانويا


ههههههههههههه

واحد من زمن الرسالات said...

السلام عليكم هذه اول زيارة
في اكثر من صوت داخل الانسان
ده بيقول حاجة وبعد شوية دخه يقول حاجة تانية
قال الله(ولقد خلقنا الانسان ونعلم ما توسوس به نفسه)

alwani said...

هههههههههههههههههههههه

والله يا عم حوار رائع وظريف

من جد نفسي تكثر من الحوار دا طالما إنت بارع في كتابة الحوار للدرجة دي

تقبل مروري :)

abo salah said...

بعد السلام عليكم

شكل قرينك دا هيتعبك يا محمود
ههههههههه

بس برضه شكله حكيم لأمه قالك فى الأخر
مشى أمورك بالعقل

وربنا يوفقك يامحمود ويرزقك سواء السبيل

وشكلك الفترة دى مشغول لأنك بقالك فترة مابتزورش مدونتى زى زمان

يالا ربنا يعينك وتشرف فى أى وقت

تحياتى

abo salah said...

لأنه*

مؤمنه said...

السلام عليكم ورحمة الله وبركاته
هى الامور مع حضرتك مشت ولا وقفت ولا ايه
فين الجديد
مستنين القادم
دومت بخير
والسلام عليكم ورحمة الله وبركاته

http://kasperb4.blogspot.com/ said...

bastokka طهقانة
------------------
هههههههههه احتمال بردو



واحد من زمن الرسالات
---------------------
وعليكم السلام ورحمة الله وبركاته
وانا تشرفت بزياتك
وصدقت فيما قلت
:)

http://kasperb4.blogspot.com/ said...

alwani
---------
ولا بارع ولا حاجة والله ده من ذوقك بس
:)
شرفتيني بالزيارة والتعليق

http://kasperb4.blogspot.com/ said...

abo salah
-----------
أبو صلاح حبيب قلبي والله انا عارف اني مقصر بس فعلا والله برجع م الشغل متأخر جدا يادوب على النوم
وبشكرك والله على متابعتك وسؤالك وربنا يكرمك يا أبو صلاح

انت اللي شرفتني والله
:)

http://kasperb4.blogspot.com/ said...

مؤمنه
-------
وعليكم السلام ورحمة الله وبركاته
الحمد لله الأمور ماشية بفضل الله وتوفيقه

جزاك الله خيرا على سؤالك ومتابعتك
:)

Unknown said...

أحييك و قرينك

:)

تحياتي

ياسمين

http://kasperb4.blogspot.com/ said...

عاقلة علي ارض الجنون
-------------------
شكرا ليكي يا ياسمين
:)

Total Pageviews