انا خلاص مليت من حكاية المدونات دي بقى وزهقت وشكلي كده هعلن اعتزالي قريب
ليه بس ايه اللي حصل؟
مفيش حاجة حصلت .. بس معظمها بقى كلام ممل وخناقات وده واحد بيهاجم وده واحد بيدافع والواحد بصراحة مش ناقص فقعة مرارة
أيوة كلامك مظبوط .. بس بردو الواحد ساعات بيستفيد من وجهات النظر المختلفة دي
أنا معاك فعلا ومقلتش ان مفيش إفادة .. بس القضية هنا ان معظم الناس اللي بتهاجم فكرة معينة او اللي بيدافع عن نفس الفكرة بيتكلمو بناء على خبرتهم الشخصية .. وده للأسف مش بيكون مفيد في كل الأحيان .. ومش مع كل الأشخاص .. والأخطر من كده ان الموضوع ساعتها لا يقتصر على رأيين وبس او وجهتين نظر وخلاص .. لكن ده بيكون على الملأ
طيب جميل اوي وكلامك فيه جانب كبير من الصحة بس معلش انا عايز اقولك حاجة مهمة
اوي اوي اتفضل يا سيدي
المدونات بالنسبالي انا بشوفها من زاوية تانية خالص
إزاي يعني؟
أقولك ازاي بس صلي على النبي صلى الله عليه وسلم
عليه الصلاة والسلام
انا النهاردة لما ازور مدونة وتعجبني .. هو ف الحقيقة وفي الواقع مش مجرد الكلام اللي على المدونة هو اللي عجبني .. إنما أكيد عجبني أكتر شخصية صاحب المدونة .. طريقة تفكيره .. كده يعني .. ومن هنا بينشأ نوع من أنواع الصداقة الإلكترونية
ايه يا عم الفلسفة والكلام الأفلاطوني ده هههههههه
ههههههه والله ولا فلسفة ولا حاجة .. وعايز اقولك كمان ان الموضوع أحيانا بيكبر وبيوصل عند ناس كتير لأبعد من كده بشوية ويمكن العملية تتطور وتقلب على حب وارتباط وجواز .. وحصلت فعلا أكتر من مرة
اقصد اقولك ان كتير من المدونات مش مجرد كلام على صفحات نت وخلاص .. مش مواقع إخبارية او مجرد تسلية او رغي .. وخلاص .. لاء الموضوع أعمق من كده بكتير .. وانا لما بدخل أزور مدونة انا ف الحقيقة بكون داخل اطمن على صاحبها واشوف ايه اخباره .. إيه الجديد ف حياته .. ايه اللي شاغل تفكيره .. وهكذا
عرفت بقا ان الموضوع أكبر من مجرد خناقات واختلافات في وجهات النظر وشتايم ونفوس مريضة والذي منه؟
ها؟
BUZZ!!!
This person is not available at this time
:S
-------
ملحوظة يعني: المحادثة دي على فكرة حقيقية .. مع بعض الإضافات لزوم الحبكة الدرامية .. بما لا يخل بالفكرة الرئيسية
:D
ليه بس ايه اللي حصل؟
مفيش حاجة حصلت .. بس معظمها بقى كلام ممل وخناقات وده واحد بيهاجم وده واحد بيدافع والواحد بصراحة مش ناقص فقعة مرارة
أيوة كلامك مظبوط .. بس بردو الواحد ساعات بيستفيد من وجهات النظر المختلفة دي
أنا معاك فعلا ومقلتش ان مفيش إفادة .. بس القضية هنا ان معظم الناس اللي بتهاجم فكرة معينة او اللي بيدافع عن نفس الفكرة بيتكلمو بناء على خبرتهم الشخصية .. وده للأسف مش بيكون مفيد في كل الأحيان .. ومش مع كل الأشخاص .. والأخطر من كده ان الموضوع ساعتها لا يقتصر على رأيين وبس او وجهتين نظر وخلاص .. لكن ده بيكون على الملأ
طيب جميل اوي وكلامك فيه جانب كبير من الصحة بس معلش انا عايز اقولك حاجة مهمة
اوي اوي اتفضل يا سيدي
المدونات بالنسبالي انا بشوفها من زاوية تانية خالص
إزاي يعني؟
أقولك ازاي بس صلي على النبي صلى الله عليه وسلم
عليه الصلاة والسلام
انا النهاردة لما ازور مدونة وتعجبني .. هو ف الحقيقة وفي الواقع مش مجرد الكلام اللي على المدونة هو اللي عجبني .. إنما أكيد عجبني أكتر شخصية صاحب المدونة .. طريقة تفكيره .. كده يعني .. ومن هنا بينشأ نوع من أنواع الصداقة الإلكترونية
ايه يا عم الفلسفة والكلام الأفلاطوني ده هههههههه
ههههههه والله ولا فلسفة ولا حاجة .. وعايز اقولك كمان ان الموضوع أحيانا بيكبر وبيوصل عند ناس كتير لأبعد من كده بشوية ويمكن العملية تتطور وتقلب على حب وارتباط وجواز .. وحصلت فعلا أكتر من مرة
اقصد اقولك ان كتير من المدونات مش مجرد كلام على صفحات نت وخلاص .. مش مواقع إخبارية او مجرد تسلية او رغي .. وخلاص .. لاء الموضوع أعمق من كده بكتير .. وانا لما بدخل أزور مدونة انا ف الحقيقة بكون داخل اطمن على صاحبها واشوف ايه اخباره .. إيه الجديد ف حياته .. ايه اللي شاغل تفكيره .. وهكذا
عرفت بقا ان الموضوع أكبر من مجرد خناقات واختلافات في وجهات النظر وشتايم ونفوس مريضة والذي منه؟
ها؟
BUZZ!!!
This person is not available at this time
:S
-------
ملحوظة يعني: المحادثة دي على فكرة حقيقية .. مع بعض الإضافات لزوم الحبكة الدرامية .. بما لا يخل بالفكرة الرئيسية
:D
23 comments:
لا بجد محادثه ظريفه جدا وواقعيه
وبجد كجميل انك نشرتيها على الملأ
انا قبل ماعرف المدونا ماكنتش عارفة انا مين كنت تايهه المدونات اقدر أقولك انها عرفتنى نفسى
او لاقيت نفسى عرفت بفكر ازاى
غير انها ملت وقتى اه ساعات بنشعر بالملل ممكن نريح يومين ونرجع لها تانى بأشتياق
بجد المدونات دى حياة
تحياتى لكى ولموضوعك
:)
مش كل الناس بتاخد بمنطقك يا محمود
المدونات عالم زي العالم الواقعي
فيه فعلا اللي بيزورك علشان يطمئن عليك ويعرف جديدك
وفيه اللي بيردلك الزياره
واللي بيجامل
واللي داخل يشتم
عالم فيه كل أنواع النفس البشريه
بس إنت بطبق بيت الشعر اللي قال
كن جميلا ترى الوجود جميلا
:)
أما انا فاقول مثل ما تقول
:)
رؤية جديدة للتدوين
شكرا يا فنان
تحياتى
فى طرف من المتحادثين عنده حق لما قال ان المدونه دى من خلالها بقدر أعرف أخبار صاحبها و كمان بيفكر فى أيه وكده .. على فكره الأغنيه اللى أنت حاطتها دى حلوه أوى ... وبالمناسبه .. بما أنك بتعشق مسرح العرائس فأنا بدعوك لدخول الجروب بتاعى بتاع المسرحيه على الفيس بوك .. وده الينك بتاعه .. هناك هتلاقى مقاطع فيديو للمسرحبه وكمان صور لفريق العمل كله ومرحلة البروفات وتسجيل الصوت .. وملحوظه اخيره صوت بينوكيو اللى فى الفيديو اللى على اللينك هو صوتى انا
:$
http://www.facebook.com/home.php?#/group.php?gid=20365322125
http://www.facebook.com/home.php?#/group.php?gid=20365322125
مبروك تصليح المدونة كلامك حلو بس مش مع كل الناس كنت قلقانةعلي؛ وسبتلك مسج انا مش بعرف افتح ،شكلك انت كمان المهم مبروك النيولوك عقبالي مع اني شيفاهاصغيرة علشان قاعدةعالنت من موبايلي اشوفك عخير سلام
كلامك مضبوط انا اللى بيعجبنى غى صاحب المدونه هوا نفسه وبعرف ده من اسلوبه فى الكتابه وشخصيته التدوينيه
مصطفى
الام و امال
***********
المدونه هى الحياه الموازايه التى نريد ان نعيشها و يتقاسم هذا الحلم باقى المدونين و يتآلف المتشابهون و المتشاركون فى الافكار و الشخصيات ...و تأتى الصداقه الالكترونيه التى يجب ان نعلم تماما ان مانمر به هو صداقه فى الحياه الموازيه التى نحلم ان نعيشها....وهنا يجب الحذر
تحياتى
جزاك الله خيرا يا محمود على الموضوع الهادف
بالفعل نحن نعاني اليوم من أزمة بشأن مفهوم الحجاب والاعتقاد فيه ، يعني أصبحت هناك كثير من الفتيات غير مهتمات غير بالشكل والموضا فقط ، وظهر ما يسمى بحجاب الموضه ، المشكلة إن البنت فاكرة إنها بمجرد إنها تلبس طرحه خفيفه وتحط مكياج خفيف وتلبس بلوزه قصيرة وبنطلون ضيق تبقى كده عملت كل اللي عليها في الدين وتبقى كده محجبة ، وللأسف لغياب القدوة والتوجيه عند بعض الأسر اليوم وفي ظل غياب الوعي الدينيي أصبح الحال هكذا
عموما الكلام في الموضوع ده كتير جداً جداً ولن ينتهي ، ولكني أويدك في كلامك ، وأدعي الله بالثبات لنا ولكل المحجبات المسلمات القانتات
وللفتيات الضالات نسأل الله لهم الهداية
طريقه جميله للدفاع عن التدوين
الانسان هو من بيده ان يجعل الامر جميل او قبيح
لازم نرتقي بفكرنا ونتجاهل البلاده والتفاهه
ربنا يكرمك
السلام عليكم ورحمة الله وبركاته
فعلا التدوين ليه ابعاد كتير ه اوى
انا نفسى مش بيربطنا بالتدوين كتابة بوستات وبس لا دى كان علاقاتى مع الاخوة المدونين لما بغيب عن المدونه بحس انى غيبت عن البيت
جزاك الله كل خير على هذا الموضوع الجميل
والسلام عليكم ورحمة الله وبركاته
حلوه اوى ده يا محمود
وجهه نظري ان التدوين
علاقات بين البشر
اصحاب المدونات
فيهم الى بتحبهم
وفيهم الي تعتز بصداقتهم
بقلق عليهم
وبحب اتطمن عليهم
بحب اعرف اخبارهم
واستشيرهم
ولما يكون حد عنده مشكله بدعيله
اوووى
انت في الواقع بتبقا عارفه(صاحب المدونه الى بتابعها) اووى بس مشفتوش مش اكتر
وفــى ناس مش بحبهم كـ اشخاص لكن احيانا بحترم اراءهم
وفي الي احب كتابتهم الادبيه
وفي الي تحس انه صابك جدا مع انك عمرك ما سيبت تعليق في مدونته
وفي الي بيجاملك
في وفي وفي
انا موافقه وجهه النظر الي بتقول انها علاقاات ببشر وادمغه
علاقات من كل الانواع
التدوين عرفنى حقيقه نفسي و حقايق كتتير
عن ناس كتير
كونلى مجتمع تانى ... فيه ناس بحبهم اووى
وناس بحترمهم اوى
تحياتى بجد على نقلك للمحادثه
(سوري على الديليت الى فات فتكرت حطيت التعليق في لبوست الى قبل ده وطلعت حطيته صح ) ما علينا يعنى
:))
والله عندك حق يا محمود
بقيت احس ان المدونين مش مجرد ناس بحب اقرالهم وخلاص
لا كأنهم جيرانى مثلا وعايزة اطمن عليهم وعلى اخبراهم
وهما مبسوطين ولا لا
ودا بيبان من نوع البوستات اللى هما بيكتبوها
وطالما عرفت ناس وتبعتهم لازم استحملهم فى كل حاجه زى ما هما اكيد استحملونى كتير
التدوين بقى جزء منك طالما قررت تدخله
مش ينفع تشيل الجزء دا خلاص مهما حصل
انا كمان معاك فى كلامك
اصبح التدوين بيالنسبه لى بيربطنى بناس باطمن عليهم من مدونتهم مجرد انى ادخل والاقى المدونه مهجوره باكون حزينه جدا
يااااااااااه
كل يوم والتاني أنا و ليكوريكا زميلي نقعد نتجادل في الموضوع ده
و مش عارف و الله أوصل لرأي محدد
بس ....
هو أكيد التدوين ليه لازمة
و كل واحد بيدون لمتعة بيلاقيها في التدوين
أما أنا فعلشان ما بزهقش م الرغي
الموضوع كبير يا محمود يا خويا
اهه , انا بالنسبالى المدونة عبارة عن فضفة , حاجة يعنى كتماها فى نفسى ولازم اقولها علشان ما اطقش , دى مدونتى
ومدونة الناس التانين , بالنسبالى برده انى بابقى عرفت الشخصية دى من كتابتها خلاص , وزى مابتقول كدة بالظبط باحب اطمن عليها من ان لاخر , بالإضافة انى بحب اسمع التجارب والاضافات علشان استفاد بارأهم , واحيانا بعرف منهم ايه اللى بيجرى فى البلد
بس حكاية الارتباط من خلال المدونات متهيألى صعبة جدا , ودا لكذا سبب اهمه إن الشخصية النتية فى بعض الاحيان بتبقى مختلفة عن الشخصية الحقيقة , وانا ايه يضمنلى إن الشخصية دى مش متغيرة
يعنى على وجه المثال , انا كنت اعرف شخصية ما من منتدى شمساوى بتاع الجامعة , وكنت بحب اقرأ تعليقاتها لأنها رغاية زيى , بس لما قابلتها على الحقيقة حسيتها انطوائية ومش بتبادلنى الكلام بثقة
رغاية انا اوى , مش عارفة الاقى حل للرغى دا نوهائى
:))))
حلوه دي
فعلا
بس اقولك حاجه
انا اتخنقت فعلا من التدوين
فقدت الحماسه والهمه بسبب الفتور اللي بشوفه
الله المستعان
رأيك جميل يامحمود وصح
الموضوع مش ناس بتكتب وبس
البوستات مش مجرد كلام اتكتب
البوستات جزء من روح صاحبها
هوالتعليق مش بيظهر ولا أيه أنا بعت تعليق ومش شيفاه
وكان محتواه المؤمن كيس فطن وكلامك فيه جزء كبير منالصحه ولا يتعارض مع تعاليم الدين إذا احس المؤمن بالخطر
والله إنتِ رهيبة في كتابة الحوار
والله مش مجاملة خالص
كلامك عفوي ويلقط الأهم من وسط المهم
أتمنى ما توقفي نشر حواراتك
لأنها بجد ....حاجة مميزة ماشفتها غير في مدونتك والله
أتمنى أشوف لك حوارات أكثر
وحتى أطمن إني مراقبة مدونتك وكل جديد فيها
راح أحفظها في المفضلة ومدونتي
رجاء ما تتأخري
ترى ما ضحكني اليوم غير كلامك الظريف ده
Post a Comment