Saturday, July 26, 2008

وتتجدد الآلام


هل شعرت قبل ذلك أنك غير الشخص الذي كنت تظنه؟
هل تفاجئت بنفسك وبما أنت عليه في موقف من المواقف؟

حينما يصعقك أحدهم بكلمة .. تخترق سمعك .. وتنطلق إلى قلبك فتزلزله .. وتشعر برعشة في صدرك من هول مفاجأة هذه الكلمة .. ثم تأخذ طريقها بداخلك فتستقر بعقلك .. وتظل تفكر .. وتفكر .. وتحدث نفسك

يااااااه .. ده انا كنت واخد مقلب كبير اوي
معقول الوقت ده كله مكنتش واخد بالي من نفسي
مكنتش واخد بالي وكنت فاكر اني صح .. كان فين عقلي
!! هو مكنتش أنا ولا ايه

حسنا حسنا .. فقط إهدئ قليلا

.
.
.

ها؟ بماذا تشعر الآن؟
هل تشعر الآن أنك أحمق؟ أم غبي؟ أم تشعر بالندم على ما فات؟
هل تسترجع ذكريات مضت وتتذكر ما كنت تفعله وكيف كنت تتصرف؟
هل تسخر من نفسك؟ هل تحتقرها؟

مممممم .. أراك تبحث لنفسك عن أعذار ومبررات لتصرفاتك الماضية
هل حقا ترى أنك كنت معذور؟

لا يا صغيري .. دعك من كل هذا .. فما حدث بالأمس حدث وانتهى الأمر .. ولاسبيل للعودة لتصحيحه .. واعلم أنه لو لم يحدث لما كنت وقفت لتحاسب نفسك الآن .. وما دمت تحاسب نفسك فأنت أدركت أن هناك شيء ما خطأ .. أو أشياء
فلتشكر الله أنه أمهلك وعلَّـمك وبصَّـرك بخطأك

كفاك بكـاء على الماء المسكوب .. ارفع رأسك وانهض وفكر كيف تحافظ على ما بقي في الكوب .. فقط اجتهد وابحث عن منبع آخر واملئ الكوب من جديد

واستعن بالله ولا تيأس
:)

55 comments:

alwani said...

بصرااااحة كلام جميل ....حاسب نفسك قبل أن يحاسبوك الناس

لابد من محاسبة النفس والصدق في محاسبتها
والبحث عن الأعذار لا ينفع بشيء ما هو إلا هروب من الغير وموجهة صعبة مع النفس

لأنك لو كذبت على غيرك صعب جداً تكذب على نفسك

مشكوووور يا كاسبر على كلامك الجميل والحكيم ده

http://kasperb4.blogspot.com/ said...

العفو
وصدقت في كلامك
فالبحث عن الأعذا هو الهروب بعينه

انا زرت مدونتك وحبيت اعلق معرفتش
الظاهر في مشكلة في نافذة التعليقات
ياريت تشوفيها وتصلحيها
ورسمك حلو اوي ما شاء الله
:)

سمر الشافعى said...

ايوه حصل نعايا الموقف دا من يومين واتفاجات بالكلمه اللى زلزلتنى زى ماقلت وفضلت افكر وافكر وزعلت جدا من نفسى بس بعد شويه خلاص اللى حصل حصل وانا غلطت والكلمه دى كانت نتيجه غلطى واتعلمت منها زى مابتعلم من كل موقف بيوجعنى عشان مش اكرره تانى

تحياتى

صاحب المضيفة said...

تدوينة رقيقة فعلا


بوركت على ما خطت يمناك


تحياتي

Unknown said...

نعم أخى محمود لا بد أل ننظر إلى اللبن المنسكب فقد أخذ طريقه على الأرض أما نحن ففى الأعلى فىلم نترك التوافه تحطمنا

شكرا على التدوينة الرائعة

مصطفى

فوكيره said...

في بدايه البوست ... كنت بفكر في التعليق

و بلاقي ردود في نهيه البوست كنت انت وصلت للنتيجه
نتيجه التفكير السليم الي كنت حكتبهولك في التعليق

الخطأ الي اتعلمت منه ...ميبقاش فشل

لو حتعلم من كل حاجه في دنيتى يبقا مفيش حاجه اسمها فشل اصلا ...

lonlysmily said...

قريت مرة ان شخصيه الانسان بتتغير كل 3 سنين
وعقبال ما يتعود الانسان او يكتشف دا اذا اكتشف اصلا انه اتغير بيحتاج وقت والمرحله دى بتبقى صعبه اوى لانك مش بتكون عارف انت انهى واحد وانهى كان احسن انا زمان ولا انا دلوقتى
بس بيتهيالى انت اختتمتها باحسن حاجه
ان الندم عمره ما بيفيد ولا بينفع
المفروض اننا نعيش وندى امل لورحنا ولغيرنا
الدنيا مش عايزة غير كدا:)

سلوى said...

جميله محاسبه النفس هذه

وجملتك

كفاك بكـاء على الماء المسكوب .. ارفع رأسك وانهض وفكر كيف تحافظ على ما بقي في الكوب .. فقط اجتهد وابحث عن منبع آخر واملئ الكوب من جديد

واستعن بالله ولا تيأس

رائعه ... تلخص كل شئ

ربنا يوفقك دايما

ساعد نسرين الايمن said...

تدونية ذكية فعلا
سلمت يداك يا اختي

فى القلب said...

أذا حدث وكنت أنا من سأحاسب نفسى فتلك خطوه إيجابيه نحوذاتى
ولكن لن أتفاجاء بما كنت عليه سابقا فكل أنسان يخطئ يعلم جيداً أنه يخطئ

و الله يستر و يتوب على من أراد

و القادم....أجمل said...

:)

عايزة أقولك إنها جاية في وقتها بجد
ربنا يجازيك كل خير

الله المستعان

دعواتك

:)

تقديري و إحترامي

زى الهوا said...

كلام جميل ,بس ممكن تتوجع شوية علشان تتعلم , بس ماتخليش فترة الوجع تطول , بس لازم يبقى في عقاب علشان الغلطة ماتتكررش , ويارب بس نتعلم من اخطاءنا

abo salah said...

بعد السلام عليكم

تسلم إيدك بجد يا محمود

بوست جميل

وعجبتنى الجزئية دى بالذات

كفاك بكـاء على الماء المسكوب .. ارفع رأسك وانهض وفكر كيف تحافظ على ما بقي في الكوب .. فقط اجتهد وابحث عن منبع آخر واملئ الكوب من جديد

واستعن بالله ولا تيأس

جزاك الله خيرا

وتحياتى

انسااااااااانة....غريبة said...

كتيييييييير حصل كده وفعلا الواحد بيعد فترة مضايق من نفسه بس المشكلة انه بعد كده وكان شيئا لم يكن وخلاص ويمكن احيانا بيقول انه محتاج يعد مع نفسه ويراجعها بس شوية وينسى انه محتاج كده

فعلا الحل ان الواحد مش يضايق بس يفكر ازاى يطور نفسه ويراجعها اولا باول

لا تبينى على اللبن المسكوب صح كده

جزاك الله خير على التذكرة

أنسانة-شوية وشوية said...

كتير بتحصل يا محمود لاننا مش بنبقا وخدين بالنامن نفسنا زى مبناخد بالنا من الناس اللي حوالينا لو اخدنا بالنا كنا دايما ننتقد روحنا زى ما بننتقد الناس ونكتشفها

د/اجدع بنوته said...

كتير بتحصل

ف موقف ف رد فعل

واقف واقول مين دى اللى كانت بتتكلم

لا مش انا

فعلا محدش خالص بياخد باله م نفسه

ولا بيراقب نفسه ويحطها تحت الميكرسكوب

زى مابحط كل اللى حواليه

تحياتى

Selfmeaning said...

كلامك جه فى الصميم

لانى كنت لسه بفكر فى موقف حصل معايا

النهاردة

و كنت بفكر فى انى اعيد ترتيب نفسى من

اول و جديد

ميرسى جدا على البوست

حزيــــــــــــــــــن said...

جميعنا يعيش بشخص بداخله انه الهروب من المثاليه الى ضعف الهمه
ما جعل الله لرجل من قلبين فى جوفه
ولكن نحن من نخلق ذلك القلب الضعيف
احمد مهنى

وميــــض أمــــل said...

دوينة حساسة وأد إيه هى جميلة دخلت جوانا بسرعة
جزاكم الله خيرا
للأمام


وووووميض أمل
يشرفنى اطلاعك على مدونتى

وميــــض أمــــل said...
This comment has been removed by the author.
مؤمنه said...

السلام عليكم ورحمة الله وبركاته
من منا لم يكن هذا الشخص يوما
موضوع راااائع
واستعن بالله ولا تيأس
قدمت لنا الحل
جزاك الله كل خير
والى القادم دوما
والسلام عليكم ورحمة الله وبركاته

ذو النون المصري said...

مرات كثيره حاولت فيها اصحح بعض خطواتي لكن القدر بيكون اسبق في انهاء الموقف علي غير ما تمني
و احيانا يحدث العكس
لكنه غاليا ما يتم وفقا لترتيبات قدريه ايضا لا دخل لي فيها

Desert cat said...

اصدقائى الاعزاء
الاثنين 4/8/2008 يتم إذاعة التعليقات الخاصة ببوست سمك القرش

فى برنامجنا الإذاعى
أنت تسأل والكمبيوتر يجيب
http://netonradio.blogspot.com
الذى يذاع يوميا الساعه 9.10 صباحا على اذاعة البرنامج العام ماعدا يوم الجمعه
ويتم اذاعة تعليقات كل من

آلام وآمال
جيهان على
هانى ميشيل
حنان الشريف

يمكنكم سماع الحلقة فى نفس موعد اذاعتها الساعه 9.10 صباحا من خلال موقع البرنامج
http://dear.to/cairo

تمنياتنا للجميع بدوام التواصل

maha zein said...

كلمات لا نمل من سماعها
صدقني
دايما بنكون محتاجين الكلام ده
يقوينا
ويشيل من جوانا ضيق وندم
سلمت
ربنا يسعدنا كلنا
تحياتي ليك

bastokka طهقانة said...

فعلا انا اتفاجئ بنفسي عندما اثور
اكون انسانة بغيضة
لذلك احاول العمل بامر الرسول صلى الله عليه و سلم
لا تغضب
و الله المستعان


تحياتي

سين said...

احيك على هذه المدونه الرائعه وهذا التفكير العميق دمت بود

Unknown said...

كفاك بكـاء على الماء المسكوب .. ارفع رأسك وانهض وفكر كيف تحافظ على ما بقي في الكوب .. فقط اجتهد وابحث عن منبع آخر واملئ الكوب من جديد

واستعن بالله ولا تيأس

بس مين اللي يسمع الكلام؟؟

Unknown said...

كل واحد فينا بتيجى علية لحظة فعلا يحاسب نفسة فيها وبيكتشف اشياء غريبة دة لو حاسب نفسة بموضوعية
المهم انة لو فية شى عملة يقدر يغيرة يحاول انما لو صعب يحاول انة ميكرروش ويكمل حياتة تانى ولا يقف عند ذلك
تحياتى

Anonymous said...

thx 3ll post

good post

فوكيره said...

فينك يا محمود من زمان

دنيتى الجميله said...

فلتشكر الله أنه أمهلك وعلَّـمك وبصَّـرك بخطأك
جمله جميله جدا جزاك الله خيرا عليها
اللهم لك الحمد والشكر كما ينبغى لجلال وجهك وعظيم سلطانك
موضوع رائع جدا

دنيتى الجميله said...

على فكره الانشوده رائعه جدا

http://kasperb4.blogspot.com/ said...

سمر الشافعى
-------------
اهم حاجة فعلا ان الواحد يتعلم من الي بيمر بيه
بس يكون بجد مش مجرد انفعالة من الموقف وبعدين نكتشف ان احنا متعلمناش

ولك تحيتي
:)



صاحب المضيفة
-------------
ربنا يكرمك والله ده من ذوقك
:)


egyboy
--------
العفو يا مصطفى والف شكر على زياراتك الدائمة
منحرمش منها ولا من طلتك
:)

http://kasperb4.blogspot.com/ said...

فوكيره
-------
حلوة اوي الجملة اللي قلتيها
لخصت كلام كتير
تسلم ايدك
:)


lonlysmily
------------
والله الدنيا دي اكتر حاجة وحشة ف حياتنا
ربنا يخرجنا منها على خير بئا
:)



سلوى
-------
الله يكرمك يا سلوى وربنا يبارك فيكِ
ده بعض ما عندكم يعني
:)

http://kasperb4.blogspot.com/ said...

ساعد نسرين الايمن
------------------
شكرا على ذوقك وتعليقك الرقيق
بس على فكرة انا اسمي محمود
:D



فى القلب
----------
هو فعلا كل واحد بيغلط غالبا بيكون عارف انه بيعمل حاجة غلط
بس الأكيد انه اثناء فعله للخطأ بيكون غير مدرك لعواقبه
وهي دي المشكلة الحقيقية
:)


و القادم....أجمل
-----------------
طب الحمد لله ده رزقك بئا وقدر ربنا

ربنا يبارك لك ويوفقك ويعينك ويهديك للخير ولما يحبه ويرضاه
:)

http://kasperb4.blogspot.com/ said...

زى الهوا
---------
يارب
ويوفقنا كلنا لكل خير دايما
نورتيني يا سماح والله
وشرفتي المدونة
:)



abo salah
------------
وعليكم السلام ورحمة الله وبركاته
الله يكرمك يا ابو صلاح يا ذوق
ودايما كده منور المدونة زياراتك يا حبي قلبي
:)



انسااااااااانة....غريبة
-------------------------
وجزاك خيرا على تعليقك الواقعي
هو المشكلة الحقيقية فعلا ان الإنسان بينسى دايما أخطاؤه السابقة وميفتكرش الا لما يقع فيها تاني
:)

http://kasperb4.blogspot.com/ said...

أنسانة-شوية وشوية
--------------------
كلامك كله صح والله
وزي الفل ومقدرش اقول عليه حاجة
:)



د/اجدع بنوته
---------------
يبدو ان الآراء واحدة ف الموضوع ده
بس المهم انك نورتيني يا دكتورة
:D



Selfmeaning
--------------
العفو العفو
واهلا بيك منور المدونة
ويارب نشوفك على طوووول
:)



حزيــــــــــــــــــن
------------------------
كلمتين ف الصميم يا احمد
تسلم ايدك

http://kasperb4.blogspot.com/ said...

وميــــض أمــــل
-------------------
وانا كمان يشرفني انط اطلعتي على مدونتي
وانا ف الطريق لمدونتك اهو بس مسافة السكة
:D






مؤمنه
-------
وعليكم السلام ورحمة الله وبركاته
الف شكر على ذوقك ربنا يكرمك
ودايما منورة المدونة يارب
:)

عاشــــــ النقاب ـقــــة"نونو" said...

السلام عليكم
الحمد لله ان لسة فيه فرصة
كلام صحيح
ماذا سيفيد البكاء على اللبن المسكوب
مواجهة حامية مع النفس باحييك عليها
كل عام وحضراتكم الى الرحمن اقرب
تحياتي

mohamed ghalia said...

الله المستعان وعليه التكلان
كل سنة وحضرتك طيب
دمت بود
تقبل تحياتى

Anonymous said...

الكلام معبر جدا و رائع و مفيش حاجة لو غلطنا بس الغلط اللى بحقيقى هو أننا نهرب من غلطنا و نكابر و نقول مغلطناش...بالعكس الغلط ده دايما يكون خطوة للطريق الصح ..فالواحد لازم يحاسب نفسه و يقف معاها بصدق

Ehab said...

جزاك الله عني خيرا

بجد كلامك جاي في وقت مناسب تماما

اتمنى ان استفيد منه حقا
سلااااااااااااااااااااام
اخوك ايهاب

ولــــــــــو said...

صاحبي محمود اتمنى تكون بخير ويكون غيابك بسبب انشغالك
كل سنة وانت طيب ورمضان كريم
اتمنالك كل الخير

kochia said...

موضوع جميل
فعلا يمر الوقت ونحاسب انفسنا
احيانا نقسو عليها جدا واحيانا نلتمس لها اتفع الاعذار

احيانا نراعي غيرنا واحيانا لا نراعي الا انفسنا

فليعيننا الله علي انفسنا اولا

تحياتي

مؤمنه said...

السلام عليكم ورحمة الله وبركاته
ايه يا استاذ محمدود
فين الجديد كل مره افتح مالاقيش جديد
عل المانع خير
ما تتأخرش علينا كده
وكل عام وانت بخير والى الله اقرب وفى طاعته ادوم
ورمضان كريم عليك وعلينا
وفى انتظار الجديد سريعا
والسلام عليكم ورحمة الله وبركاته

جنّي said...

السلام عليكم ورحمة الله وبركاته

كل عام وأنتم بخير
كل عام وأنتم صائمون
كل عام وأنتم مصلون
كل عام وأنتم قائمون
كل عام وأنتم قانتون
كل عام وأنتم متصدقون
كل عام وأنتم مغفور لكم
كل عام وأنتم معتمرون
كل عام وأنتم قائمون ليلة القدر
كل عام وأمتكم الإسلامية منتصرة

اللهم بلغنا رمضان وأهلّه علينا بالسلامة والإسلام واليمن والبركات والنصر والتمكين

أخوكم
سعيد

dr. Ahmed Sakr said...

تقبل الله منا ومنكم صالح الأعمال

وكل عام وأنتم بخير

Jana said...

كل عام وانت بخير
والى الله أقرب
تقبل الله منك صالح العمل
وانعم عليك برحمته وعتقه وغفرانه

Unknown said...

أسأل الله الذي لن تطيب الدنيا إلا بذكره
ولن تطيب الآخرة إلا بعفوه
ولن تطيب الجنة إلا برؤيته
أن يديم ثباتك ويقوي إيمانك وصحتك
ويرفع قدرك ويشرح صدرك
ويسهل خطاك لدروب الجنة
وأن يجعلك من عتقائه من النار
ومبروك عليك شهر رمضان

كـــيــــــــارا said...

بوست رائع

لو ركزنا فمحتواه
اكيد كتير هيتغير

كل سنه وانت طيب

رمضان كريم

انا مش معاهم said...

كل سنه وانتم الي الله اقرب
رمضان كريم
اخوكم سيف الاسلام

رفقة عمر said...

كل سنه وانت بخير
رمضان كريم
تقبل الله منا ومنكم صالح الاعمال

Unknown said...

كم جميل ان ارى كلماتك تنظوى بين طياتى

كم جميل ان اراك بتلك الدهشة تحاسب نفسك

كم نفتقر الى المحاسبة

انت جميل .. استمر

لك منى اشد احترام

من بعيد اوى .. بكتبلك

http://kasperb4.blogspot.com/ said...

عاشــــــ النقاب ـقــــة"نونو"


mohamed ghalia


انا ودماغي


الشنكوتي الكبير


ولــــــــــو

kochia


مؤمنه


جنّي


الحشرى - سيد يونس


Jana


نهر الحب


كيارا


انا مش معاهم


رفقة عمر
-----------

ربنا يبارك فيكم كلكم وميحرمنيش من تعليقاتكم ابداا ولا زياراتكم
:)

مجلة نفحات المدينة العدد السابع said...

مقال جيد جدا. لا توجد كلمات المديح
كلماتك رائعة يا حبذا زدنا من معلوماتك

Total Pageviews