Wednesday, February 11, 2009

آل انتخابات آل

أتابع أخبار الانتخابات الاسرائيلية
واضرب كف على كف من الدهشة
واقول لنفسي معقول؟
معقول اليهود اصبح ليهم دولة
وبقت أمر مُسلّم بيه للدرجادي؟
وكمان بيعملوا انتخابات بشكل متحضر
زي بقية دول العالم المحترمة؟
!!

27 comments:

mohamed ghalia said...

للأسف هو ده الى بيحصل دلوقتى

maioya said...

معلش بكره كله يتصلح

الفقيرة إلى الله أم البنات said...

إللى يغيظك مش اننا بنتعامل مع المحتل على إنه دوله
لاء وبنحلل كمان توجهات العناصر اللى بتنتخب
اصل دول مش بشر
وللأسف

doaa said...

اه طبعاً وأكتر من كده كمان
يهود ياابني يهود

Anonymous said...

المثل بيقول ايه يامحمود قالوا لفرعون ايه فرعنك قال ايه ... شي طبيعي قدام السلبية وربنا يستر بقى ومتبقاش فلسطين هي الي غير شرعية أسال الله أن يرينا الحق حق ويرزقنااتباعه

Anonymous said...

و الله نفس الكلام االلى كنت بقولوا لنفسى إمبارح بس حقهم ميعملوش إنتخابات ليه إذا كانت أكبر دولة فى العالم معترفة بيهم دولة و أحنا و لا سألين و عادى يعملوا اللى يعملوا

أحنا لسة عايشين فى وهم إنهم ملهومش حق فى حاجة و عمالين نغنى و نرد على نفسنا
هما بالنسبة ليهم الموضوع و منتهى و متاكدين إنهم بقوا دولة مستقله و ليهم حق فى الإنتخابات دى

بنت الصالحين said...

والله يامحمود لو احنا صحصحنا شويه كله هيتصلح
مش كفايه نضرب كف علي كف

Kiara said...

جاي تضرب كف علي كف دلوقتي

الكف علي كف المفروض يتضرب من زمااااااااااااان

Unknown said...

اها شفت يامحمود

واحنا لسه مش عارفين نعمل انتخابات واحده نزيهه

للأسف عشان كده هم مفيش حد بيعرف يأثر عليهم

لأنهم جاين بموافقة شعوبهم

kochia said...

المؤسف في الامر مش انهم يعملوا انتخابات زي الدول المتحضرة
لا
المؤسف لما تتفرج علي انتخاباتنا احنا كدول عريقة ومتحضرة بتتم ازاي ؟؟
ده اذا كان فيه انتخابات متحضرة اصلا

يلا
لما نشوف اخرتها

Medo said...
This comment has been removed by the author.
Medo said...

اول مره امر بمدونتك وعجبتنى
ولكن زاويه رؤيتك فى هذا البوست ليست فى محلها فى تقديرى
المفروض على الرغم من كرهى الشديد للدولة الاسرائيليه-وليس اليهوديه كدين-أقول المفروض نتعلم منهم احترام الصوت الانتخابى وكيف ان مقعد واحد يفرق فى حقوق من هو رئيس الوزارة المكلفه حتى ولو كانت حكومه ائتلافيه
عموما المدونة بتاعتك رائعه ونادرا ما يكون فيه مدونات تستحق المتابعه
تقبل يا سيد محمود زهرة الياسمين

نبض اسكندرية said...

وعجبى......


المدونة وحشتنى قوى

http://kasperb4.blogspot.com/ said...

mohamed ghalia
---------------
والله الواحد تعب ييا محمد
ربنا يصلح حالنا


maioya
--------
يارب يا مي


الفقيرة إلى الله أم البنات
------------------------
فعلا والله حاجة تغيييظ



doaa
-----
ربنا يهدهم



قلب ينبض بالحب
---------------
معاكي حق فعلا
يارب ربنا يصلح حالنا

http://kasperb4.blogspot.com/ said...

انا ودماغي
-----------
كلامك مظبوط جداا
اكيد احنا السبب في اللي وصلوله
يعني مش بتفوقهم نجحوا
لا ده بتخلفنا احنا



عاشقه الفردوس
-------------
ايوة معاكي
بس كمان الجهود الفردية لوحدها متعملش حاجة



كيــــــــــــارا
------------------
مش من زمان اوي على فكرة
لكن مهما طال الزمن احنا مؤمنين انهم إلى زوال بإذن الله
حتى لو مش بادينا احنا



esraa
------
فهمتي جانب كبير م الي كنت عايز اقوله من خلال البوست يا إسراء
الفكرة مش فكرة ان الاسرائيلين بيعملوا انتخابات وبس
الفكرة انهم بداو بعدنا بكااااااااااام سنة
ومع ذلك تفوقوا علينا ف دي

http://kasperb4.blogspot.com/ said...

kochia
--------
بالظبط ده جزء م اللي كنت بحاول اوصله يا كوتشيا
نورتيني





Medo
-------
انا متفق معاك ف وجهة نظرك
ومفيش ف كلامي ما يعبر عن خلاف لوجهة نظرك
تقبل تقديري واحترامي لذوقك وكلامك الراقي
:)



نبض اسكندرية
--------------
تصدقي يا أسماء كنت هكتب الكلمة دي ف آخر البوست فعلا؟

شكرا لذوقك ونورتي النت من جديد

Unknown said...

اه الصهاينة ليهم دولة وبكرة تكبر اكتر من كدة لو فضلنا احنا كدة طول عمرنا ساكتين ومقهورين وحتى معندناش انتخابات زى بتاعتهم

Wish I were a Butterfly ... said...

هي فعلا حاجة تضحك و تبكي
تحس إنك مش مصدق أصلا إزاي كدة؟؟

بس الحقيقة إن دي مش آخر القصيدة. لو مش اتصلحنا و صلحنا الدنيا اللي حوالينا أنا مش شايفاها بعيدة أوي إن بعد فترة يبقى ليهم نصف قارة مثلا
بعد الشر يعني

أول مرة أزور مدونة حضرتك بس هي فعلا مدونة راقية أوي،وعجبني موضوع "المسافات"جدا

تقبل مروري. تحياتي

يا مراكبي said...

لأ طبعا .. دولة مين وبتاع إيه؟
دي كلها إشاعات

أيوة طبعا منظمين ومتقدمين وكل حاجة .. أمال البجاحة اللي هما فيها دي جاية منين؟ من ثقتهم بقوة دولتهم .. وثقتهم بضعفنا

Anonymous said...

بص بقى.....بقالك قرن مش بتدخل المدونة و قلنا ماشى يمكن الأخ عنده ظروف.......لكن إنك متدخلش تباركلى ده اللى لا يمكن حسمح بيه......زيللا أدخل بارك و إلا.......

نـــــور said...

السلام عليكم
اه عادى هو حضرتك لسه واخد بالك النهارده

اصل حضرتك يمكن مخدتش بالك ان اكتر ناس بتتأخر فى كل حاجه هما احنا
ودول اسرع ناس تسعى لتحقيق النجاح بأسرع وقت فى الفساد
ربنا يهدينا
اول مره ازور حضرتك
ارجو اكون ضيف خفيف :)

د. ياسر عمر عبد الفتاح said...

سيدنا على بن أبى طالب كان بيقول
يقيم الله الدول العادلة ولو كانت كافرة
ويسقط الله الدول الظالمة ولو كانت مؤمنة

عرفت ليه بقى احنا تحت
وهمه بقوا فووووق

زى الهوا said...

اسرائيل البلاد كلها بلدها اصلا , وبكرة نديهم مصر سوفونير

maha zein said...

اومال ايه
انت فكرك ايه
دول مش بعيد اصلا يلغوا المنطقة العربية او منطقة الشرق الاوسط كلها ويعترفوا بأسرائيل
دول هما اصلا بيقولوا ان اسرائيل هي واحة من الديمقراطية وسط احراش من الديكتاتورية
يعني احنا الاحراش
بس ان جيت للحق هما فعلا ديمقراطيين مع نفسهم
لكن برة بلدهم اكلي لحوم بشر
اما احنا بقه غلابة مع الناس اللى بر واكلي لحوم بشر جوة ع نفسنا

هييييه...دنيا

نبض اسكندرية said...

ميرسى يا فنان

ويلا بقة فين الجديد

doaa said...

ممكن أعرف انت فين كل ده ؟؟

http://kasperb4.blogspot.com/ said...

هرد على بقية التعليقات ان شاء الله
وشكرا جدا أسماء ودعاء على سؤالكم
انا موجود يا دعاء وكويس الحمد لله بس ظروف الشغل والوقت ضيق جداا

متشكر ليكم ولذوقكم
:)

Total Pageviews