إمبارح حضرت حفل توقيع كتاب البنات عايزة إيه
أول مرة أحضر حفل توقيع وأول مرة اقعد مع مدونين
روحت متأخر جدا بس الحمد لله لحقت ناس كتير
قابلت احمد الصباغ والراجل عمل معايا واجب تمام اوي
وقابلت أحمد مهنى سلمنا على بعض ف السريع عشان كان ماشي، ونضال اللي طلع ساكن جمبي وانا معرفش، وزهرة الجنة ـ المفروسة جدا ـ وقامت ييجي سبعتاشر مرة ف عشر دقايق بس، وشوفت إيناس لطفي ـ دنيا محيراني ـ بس متعرفناش على بعض انا كنت عارفها عشان شوفتها كذا مرة ف صورها على فيس بوك لكن هي مكانتش عارفاني، وشوفت كمان عسقول، وطارق عميرة صاحب مدونة كورارث وكتاب ناثر البخور وبردو طلع جاري هو كمان، وسحر غريب صاحبة كتاب حماتي ملاك بس للأسف معرفتش اخد الكتاب عشان كان آخر واحد ف المكتبة على حظي يعني، وحسام شاهين صاحب مدونة عالمي الافتراضي
كانو 3 ساعات حلوين واتشرفت بالناس اللي قابلتها جدا
ولأنها المرة الأولى بالنسبالي
حسيت انه حدث يستحق تدوينة للذكرى
شكر خاص لـ المدونة والصحفية بدرية طه
بجد اتشرفت جدا بمقابلتك
وألف مبروك على الكتاب
11 comments:
السلام عليكم
اول تعليق بعد غياب :)
يارب تكون بخير يامحمود
واضح انه كان يوم جميل فعلا
ويستحق تدوينة للذكرى ربنا
يباركلكم جميعا ويجمعكم دائما
على خير ومبروك لصاحبة الكتاب
وعقبال يارب لما نشوفلك فى يوم
من الايام حفل توقيع كتاب واكيد
كلنا هانحضرلك ربنا يوفقك ويوفقك
الجميع للخير يارب اللهم امين
الف مبروك لبدرية
واضح السعادة فى كلامك
دايما يارب
تحياتى
الحمد لله إنك بخير ابقى ادخل طمنا عليك وغيب براحتك
ألف مبروك لصاحبة الكتاب
إممممممممممممم
بقى كده تروح من غير ما تقولنا
عشان آجي معاك , وأتعرف عليكم أكتر
يللا سماح عشان انت اتبسطت بس
بس المرة الجاية هزعل بجد
بنات افكارى
---------
وعليكم السلام ورحمة الله وبركاته
الحمد لله فعلا هوكان ربع يوم جميل لأني مكملتش 3 ساعات
ودايما منورة المدونة بتعليقاتك وزياراتك
:)
السلام عليكم
اول تعليق بعد غياب :)
يارب تكون بخير يامحمود
واضح انه كان يوم جميل فعلا
ويستحق تدوينة للذكرى ربنا
يباركلكم جميعا ويجمعكم دائما
على خير ومبروك لصاحبة الكتاب
وعقبال يارب لما نشوفلك فى يوم
من الايام حفل توقيع كتاب واكيد
كلنا هانحضرلك ربنا يوفقك ويوفقك
الجميع للخير يارب اللهم امين
نبض اسكندرية
------------
فعلا انا مبسوط وناوي اكررها يوم التلات ان شاء الله
منورة يا أسماء
:)
doaa
------
ادخلي هنا يا دعاء هتعرفي معاد ومكان اللقاء الجاي ان شاء الله
هحاول بقدر المستطاع اني احضره
وان شاء الله نتقابل كلنا هناك
http://www.facebook.com/home.php?ref=home#/event.php?eid=66887783440
لسة ادامك اربع أيام اهو يعني ملكيش حجة
:)
سلام عليكم
ازيك يا محمود
دي زيارتي الاولي
وان شاء الله مش الاخيرة
انا فرحت برضه بالقعدة والصحبة الجميلة
واللي ان شاء الله تتكرر كتير
سلام
ربنا يوفقكم و تتجمعوا على خير دايما
فكرة حلوة
وفعلا الاشتراك في التجمعات اكيد هيكون مفيد
خطوة جديدة وجميلة ليك يامحمود واكيد تجربة هتفضل فاكرها دايما
ياتري فاكرني ولالا
الله اعلم علي العموم
اتمني تكون بخير
سلام
أية دة .. محدش قالى .. أنا بحب احضر الحاجات دى .. كان نفسى ابقى معاكم
انت فين يا محمود طمنا عليك ، الحمد لله انه كان يوم حلو ربنا يسعد لك كل ايامك
أنا كمان الأسبوع اللي فات كان أول مرة أحضر حفل توقيع كتاب
:)
كتاب"أنا أنثى"!! مكنتش أعرف إن البنات سيطروا على الدنيا كدة!! حفلين لكتب عن البنات؟؟ :). هقول لكم يا رجال العالم اتحدوا عشان كدة الموضوع خطر
أكيد أي تجربة جديدة بيبقى فيها حاجات لذيذة
أتمنالك التوفيق و السعادة في حياتك دايما
الف مبروك للاستاذه بدريه
وانشاء الله من نجاح لنجاح
ويديم الموده بين المدونين انشاء الله
تحياتى
Post a Comment