واحد جارنا قرر انه يعمل فرحه ف الشارع
جمب بيته بقى عشان ينجز أوام أوام
وخمستاشر سماعة دي جي شغالين دلوقت تحت بيتنا
خمستاشر سماعة منهم خمسة بمقاس تلاتين بوصة تقريبا
أيوة والله انا عديتهم .. ومن غير مبالغة
انا بكتب والكيبورد تحت ايدي بيتهز ويترعش
فضلا عن اهتزاز الحيطان اللي جمبي وإزاز الشبابيك
وطبعا مهانش عليا أفوت اللحظة التاريخية دي
من غير ما ادونها
مين عارف .. مش يمكن تكون آخر حاجة اكتبها
وكمان شوية يبقى انا والكمبيوتر تحت الأنقاض ههههههه
وطبعا مش من حقك تعترض .. ده فرح بقى وخليك فريش كده
:S والناس لبعضييها
جمب بيته بقى عشان ينجز أوام أوام
وخمستاشر سماعة دي جي شغالين دلوقت تحت بيتنا
خمستاشر سماعة منهم خمسة بمقاس تلاتين بوصة تقريبا
أيوة والله انا عديتهم .. ومن غير مبالغة
انا بكتب والكيبورد تحت ايدي بيتهز ويترعش
فضلا عن اهتزاز الحيطان اللي جمبي وإزاز الشبابيك
وطبعا مهانش عليا أفوت اللحظة التاريخية دي
من غير ما ادونها
مين عارف .. مش يمكن تكون آخر حاجة اكتبها
وكمان شوية يبقى انا والكمبيوتر تحت الأنقاض ههههههه
وطبعا مش من حقك تعترض .. ده فرح بقى وخليك فريش كده
:S والناس لبعضييها
34 comments:
السلام عليكم
كنت جاية اعلق على التدوينة اللي فاتت اللي كل ماجي اعلق عليها تحصل حاجة دي ودلوقتي سبحان الله لقيت تدوينة جديدة يلا لعله خير ومعلش بئا اصله فرح وكدا والناس لبعضيها وان شاء الله يعدي اليوم بدون اي خسائر فى الارواح ان شاء الله ربنا يحميك يافندم
ويحفظك ويارب تكون بخير حال ان شاء الله
وياريت ماتنسناش من دعائك
السلام عليكم
يلا
خلي الناس تفرح
عقبالك
ياعم بس متعملهوش في الشارع بقي علشان الازعاج
هههههه
احلي حاجة ان عندنا مفيش افراح ف الشارع
لكن في كتب كتاب في المسجد والناس بتبيجي بزفة طبل وهيصة بس بكون مبسوطة مش مضايقة
وكل يوم اسمع خطبة اللي بيقولها للعريس والعروسة
احساس جميل قوي
خلي بابالك انزل تحت المكتب لو السقف وقع احنا مش لاقينك
سلام
بنات افكارى
--------------
وعليكم السلام ورحمة الله وبركاته
المهم انك نورتي المدونة وشرفتيني بتعليقك
وانا بردو بقول معلش خليها عليا انا المرادي والناس لبعضيها يعني هعمل ايه هههههه
My Hope$
----------
لا ان شاء الله مش ناوي اعمله ف الشارع
وبردو ده النظام اللي بيحصل عندنا
بس فيه ناس بتستسهل وبدل ما تكلف فرح في نادي او غيره يعملوه ف الشارع
ويوجعو دماغ جيرانهم مش مشكلة هههههه
ايه يا عم
ما تخلي الناس تهيص
ده انت حقود اوي
:))
أنا بستغرب أوى من الناس اللى بتعلى الصوت أوى كده .. هى ودانهم مش بتوجعهم ولا أيه .. وبعدين كده غلط عليهم هيروحوا البيت دماغهم مصدعه .. الناس اللى بتعلى صوتها بتستفزنى جداً .. ما بالك انت اللى قاعد وسط 15 سماعه .. ربنا يكون فى عونك بجد
الجحيم بعينه ... انه يكون تحت بيتك محل دي جي افراح ...
لأ وصحابه قللات الأدب هما في الحقيقه
قللات كـل حاجه
الادب والزق والانسنيه
ومين يزود
و24 ســاعه بيتدربوا على الرقصه الجديده
(الي هي هي نفسها )
بس لزوم الفرفشه ... و24 ساعه فرجه على الي رايح والي جاى
والي في الشبابيك كمان
بردو لزوم الفرفشه
والعنب والبلح وكـل ما يخطر على بالك
بردو لزوم الفرفشه
بــس اييه عيال متربيه قبل ما بيبدأوا الليله بيفتحوا قـرأن وبيقفلوا الاغنيه وقت الاذان ... بس ده اخرهم يعنى
عايزينهم كمان يروحوا يصلوا
احنا عالم مفتريه اصلا انا عارفه
فكرتنى بـايام ثانويه عامه
كان للفزياء 3 ايام مذاكره
الحمد لله ... كان فيهم 3 تنجيد
الله يلعن الي بدع الفكره دي
او يسامحه بقا ...
حـــــــــــــــــــسبي الله ونعم الوكيل
اهو يوم وحيعدى يا سيدنا ...انت غريب اووى مش عايز الناس تفرح
وان مكانش في 15 سماعه
الناس تفرح ازاى يعنى
ده ايه ده
بداية متشكرين على ألبوم مشاري
جزاك الله خيرا
وبخصوص البوست أنا مرة حفظت أغنية شعبان عبد الرحيم
من فرح الجيران
اه فعلا اصله فرح وكده
طيب ده يعني نعمه
تخيل من 3 ايام
لقينا فرح بيبتدي الساعه 11
والله بدون ادني مبالغه
ومابالك بقي بالناس اللي في الثانويه
والناس اللي عايزة تنام
مفيش اي احساس
والعريس اما الناس كلمته
قال انا واخد تصريح من الحكومه لو اي حد عنده اعتراض يتكل من شقته
السلام عليكم ورحمة الله وبركاته
معلش يا محمود وخد في الواسع
عقبال فرحك
بس اوعي تجيب اقل من 50 سماعه
:))))))))))))))))))))
Excellent post, my friend, excellent!
Happy weekend.
ليه 15 سماعه نفسى اعرف
بصراحه ا باتعصب من الافراح الل زى دى باكون عاوزة اطفش من المكان كله
بس هما شكلهم عاوزين يفرحوا الجيران معاهم مش بالهم فيه حد حزين او عاوز ينام او عاوز يذاكر او تعبان
ربنا يهدينا ويهديهم
بعد السلام عليكم
هههههههههههه
والله حاسس بيك عانيت كتير من الحكاية دي
أنا لما بيحصل كده عندى مش باطيق اقعد في البيت من الوت العالى وهزة الحيطان
وبأنزل وارجع الاقيهم لسه شغالين
هههههههههههههه
يالا محمود قلبي عندك بقي
تحياتي
انا بكرهه الإزعاج ده بس مبعملش زيك
انا بسيب البيت لحد البوليكا تخلص
ان شاء الله اما اكون رئيسه للجمهورية هعاقب اى حد يعلى صوت الكاسيت بتاعه
مابالك بالافراح
لو فرح هيقولوا لك خليك فريش
ولو مأتم لا قدر الله هيقولوا لك انت مش مقدر احزان الناس ولا ايه؟
شعب عجييييييييييب
انا اعرف ان في اوروبا والدول المتقدمة الازعاج دة جريممممممممممممممممه جريمة بجد
ليه يا ربي مش زيهم
تحياتي
والله الف مبروك
هو حد يكره
كان كام ديسيبل علشان نبقي عارفين
مـحـمـد مـفـيـد
------------------
ههههههه
وانا اقدر اتكلم بردو يا محمد
منتا عارف يا صاحبي دي حرية شخصية بقى وكده والجيران تولع مش مشكلة
:))
Banota
---------
تستغربي أكتر بقى يا منى لنوعية الأغاني العجيبة اللي شغالة طول الليل ونص كلامها مش مفهوم
يعني هي الحكاية حكاية ظيطة وبسسس
وخلي العريس والعروسة والمعازيم يهيصوا
:D
فوكيره
--------
يا خبر ابيض
طب تصدقي والله يا فوكيرة انا من كام يوم كنت معدي من جمب سنتر كده بتاع تأجير ديجيهات وكده
وسألت نفسي وقولت هو الناس اللي ساكنين هنا دول مستحملين الدوشة دي ازاي
بجد حاجة صعبة جداا والله يكون ف عونكم بجد
والله كلامك ده خلاني أحمد ربنا من قلبي واللي يشوف بلاوي الناس تهون عليه دوشته
:D
معلش يا فوكيرة قلبي عندكم
عصفور المدينة
--------------
العفو يا باشمهندس وجزاك الله خيرا
والله الواحد قلبه وجعه وودانه وجعته وأعصابنا كمان باظت من كتر الدوشة والظيطة اللي ملهاش اي لزمة وكل الفرح عبارة عن كمية معاصي ترتكب تحت اسم فرح
عاشقه الفردوس
---------------
غريبة انه واخد تصريح من الحكومة دي أول مرة اسمعها بصراحة
وأول مرة اعرف ان الحكومة بتدي تصريحات بالدوشة والصداع والقلق هههههههه
دنيا عجايب صحيح وياما لسة هنشوف
آلام و آمال
♥ ♥ ♥ ♥ ♥ ♥
مساء الفل
عقبال فرحك يا ستي
هههههههههه
هي صحيح بقت ظاهرة زمش مستحبة هو صحيح الفرح حلو و الناس لبعضيها و الجمل اللي تفرس دي
بس بجد لازم الواحد يراعي الجار و الجيرة بس حتقولي لمين في ناس ما عادش عندها حبة من الاحمر
ههههههههههههه
خالص تحياتي
مجرد موجة
أحمـــــد
خمسة فضفضة
-----------
وعليكم السلام ورحمة الله وبركاته
ازيك يا دكتورة
هههههههه
بقى انا تعبان من خمستاشر سماعة
اروح اجيب للناس خمسين
لا انا ان شاء الله مش نناوي اجيب سماعات خالص
:D
david santos
---------------
u r welcome Mr.David
رفقة عمر
-----------
الأول حمدا لله على سلامتك يا رفقة والله كنا مفتقدينك بجد
وربنا يهدينا جميعا
وعقبال كل الناس بس تكون أفراح في طاعة الله
:)
abo salah
-----------
ماهو انا ف الغالب بردو بنزل يا ابوصلاح بس مهما انزل يعني هفضل قاعد ف الشارع لحد بعد الساعة اتنين مثلا؟ هههههههه
فممضطرين اننا نستحمل بقا هنعمل ايه
:D
هوندا
-------
طيب يا هوندا شدي حيلك يللا وادخلي انتخابات الرئاسة اللي جاية ان شاء الله
مين عارف مش يمكن تضرب معاكي وتبقي تورينا بقا ازاي هتمشي البلد زي الألف
:D
A.SAMIR
---------
تصدق فعلا والله بردو نفس المشكلة في المياتم ونفس الإزعاج
بس بيتهيألي بدري علينا جداا لسة على بال ما نبقى زي برة في أوروبا والدول والمتقدمة
:S
fahd
-------
لا للأسف معرفتش لقيس قوة الصوت عشان اطلعه بالدسيبل هههههههه
نورت المدونة يا فهد وشرفتني بتعليقك يا باشا
:)
موجة
------
ههههههههههههه
منور يا أحمد والله
بس هو اسم آلام وآمال اسم أنثوي أوي كده؟ هههههه
محمود
انا بقرا وانا بضحك علي الصدف انا كمان بيفتح تحت بيتنا محل والصوت ايه بقى مقولك يا ابنى دى ثقافة شعب نعمل ايه
يارب نفهم
الدعوة لحظر الحزب الوطنى
لماذا لا نقوم بعمل حملة قومية من أجل حظر وحل ما يسمى بالحزب الوطنى
ولماذا لا نقوم برفع دعوى قضائية امام المحاكم المختصة
نتهم فيها الحزب الوطنى بأنه حزب يهدد الدستور ويعطل الدستور
وبأنه حزب يزور ارادة الشعب ويستغل ما لديه من سلطات ونفوذ من أجل البقاء فى الحكم لأجل غير مسمى
قد يقول قائل من الصعب أو من المستحيل أن يحدث هذا الأمر ومن المستحيل أن ننجح فى حظر الحزب الوطنى
وانا غرضى ليس حظر الحزب كأجراء قانونى .. وإن كان هذا ممكن .. ولكن غرضى هو مهاجمة هذا الحزب الفاسد الفاشى الفاشل المزور
مهاجمته قضائياً وشعبياً وإعلامياً
فلنتخيل سوياً هذا الخبر على صدر صفحات الجرائد وفى مقدمة النشرات الأخبارية
قوى حزبية وشعبية واعضاء معارضين بمجلس الشعب المصرى
يطالبون بحظر الحزب الوطنى الحاكم ومحاكمة اعضائه
ان مثل هذا الخبر كفيل بزلزلة عروش وقصور
هذا الخبر فقط يستطيع أن يفكك أوصال السادة اعضاء هذا الحزب وقياداته
اتمنى أن نناقش هذه الفكرة وأن نبحث فى سبل تحقيقها
والباب مفتوح لتقديم مقترحات وأفكار أخرى من أجل أنجاح هذه الفكرة
ومعاً من أجل حظر الحزب الوطنى ( الديمقراطى )
عليك الاستحمال يامحمود ولو جيت تتكلم هتسمع الكلمة دى خليك كول كدا وأصلا الناس ساعات بتستهبل فى الأفراح يعنى مثلا يكون عارفين إن جيرانهم عندهم امتحانات ويعملوا فرح ودجى وهيصه مفروض نراعى شعور الآخرين برضوا
مصطفى
السلام عليكم ورحمه الله
اذكر مرة عانيت من افتتاح معرض
جايبين فرقه مزمار صعيدي
وخمس ساعات متواصل على نفس اللحن
اتصلت بالشرطه لما عرف العنوان قالى
مش الفرقة الصعيدي ديه
قلتله ايوة يا فندم
قالى ليييييه دي جميلة
!!!!!!!
بجد قمة الاستفزاز والسلبية وعدم مراعاه الشعور
انا ارى ان سكوتنا ده سبب ما يجرى كل يوم
لو فكرنا ان ده فرح ومعلش بقى ويوم ويعدى
لن تتغير تلك التقاليد وسيظل هناك من لا يهتم بالاخرين ولا يراعى شعورهم
..
ربنا يكون في عونك
انا جربت اللحظات دي بجد ومش قادر اقولك احساس الواحد بيكون عامل ازاي
ربنا معاك
علي فكرة كلامك عجبني اوي رصد حالة سلس وسهل وبتختصر وبتجيب م الاخر وبتكتب لما بتكون عايز تكتب او تلاقي حاجه تستاهل الكتابة
في توافق كبير اوي في افكارنا ورؤيانا
خالص تحياتي وتقديري ليك
السلام عليكم
ههههههههههههههههههههههههههه
بعد الشر عنك
خليك فريش بقى
فرح بقى وكدة
ونكح احنا تراب
ههههههههههههههههههههه
تدوينة دمها خفيف بتقول وضع مخزي للاسف
ربنا يهدي يارب
تحياتي
egyboy
--------
مستحملين والله يا مصطفى وأمرنا لله
:D
امنية
-------
وعليكم السلام ورحمة الله وبركاته
هههههههههه
طب كويس ده كده يبقى افتتاح تحت حماية الشرطة اللي ف خدمة الشعب بردو
:D
بصي هي فعلا سلبية بس الواحد بردو بيقول ان مهما كان دول جيران وكده والواحد مش حابب انه يتسبب لهم في أذى فبنضطر نسكت ونستحمل
صاحب المضيفة
------------
الله يكرمك ويباركلك
وربنا يهدينا جميعا لما يحب ويرضى
Amgad
--------
انا زرت مدونتك بردو يا أمجد وفعلا لقيت مواضيعك مختصرة وجايب م الآخر
والف شكر ليك على كلامك
ووجودك وتعليقك شرفني والله
نونو
-------
وعليكم السلام ورحمة الله وبركاته
اللهم امين وربنا يسمع منك
جزاك الله خيرا يا عاشقة النقاب
يا محمود يا ولدى
خلى الناس تفرح وتزقطط
عارف فى ناس بتاخد خطوة ايجابيه وتقولك انا مش هسكت على تلك المزهله ويقوموا بقى مبلغين مش عارفه بصراحه الهيئه المختصه بالافراح فى الشوارع
يقوم الراجل جاى يعملك محضر وبتاع تديله خمسين جنيه فى ايده يبوس ايده شعر ودقن ويمشى
والعروسه للعريس والجرى للمتاعيس
والصداع للجران
وعقبالك ان شاء الله:)
هههههههههه
فما بالك لما يكون جارك ده في الشقه اللي تحتك بالزبط
وعندك في اليوم اللي بعده إمتحان ..
يا حسره عليها
Post a Comment