في الحقيقة البرنامج ده عاجبني وجذب انتباهي من اول حلقة شوفتها .. هو بيتكلم عن الرائعين أبو بكر الصديق وعمر بن الخطاب رضي الله عنهما .. وطبعا سيرتهم تجذب الانتباه من غير حاجة .. لكن الجميل ف البرنامج ده ان ابراهيم عيسى يتوغل بشكل جديد وفريد داخل حياتهم من خلال قراءاته في كتب التاريخ والسير .. وبيتكلم عن تفاصيل قلما نجد حد بيتكلم عنها .. بدءا من طفولتهم وقبل طفولتهم كمان .. بيتكلم عن النشأة ومراحل تكوين الشخصية وازاي ابو بكر الصديق بقى ابو بكر الصديق .. وازاي عمر بن الخطاب بقى عمر بن الخطاب .. مرورا بفترة ما قبل إسلامهم وحياة وعلاقات كل منهم وتصرفاتهم في المواقف المختلفة
التحليل الجميل اللي بيتبعه إبراهيم عيسى في تقديم الشخصيتين الرائعتين يخليك تسبح بخيالك وتتجول بحرية داخل كل منهم ويجسدلك الشخصيتين من خلال المواقف اللي بيحكيها وكأنك بالفعل شايفهم أدامك وبتتعلم منهم
وما زلت اتابع البرنامج وبدعوكم انتو كمان لمتابعته وهيعجبكم ان شاء الله
ومن الواضح ان هناك رسالة رائعة وعظيمة البرنامج عايز يوصلها لينا .. ياريت نكتشفها كلنا
البرنامج بيجي ف معادين .. انا بصراحة معرفش المعاد الأول بس بتفرج على الإعادة وبتكون الساعة 3.30 صباحا واحنا بنتسحر
تابعوه معايا وياريت اللي بيشوفه يقوللي رأيه
:)
---- -----
الصورتين اللي فوق دول من فيس بوك
23 comments:
انا بصراحة مبشوفش البرنامج لكن بعد رمضان ادور عليه على النت و انزله
ان شاء الله وهيعجبك على فكرة
:)
انا ماشفتوش الصراحه
بس شكله كده حلو
انا شوفت لاقطة
منة
بس مكملتش وبابايا قالي علية
بس فعلا ماكنش اعرف مواعيدة
بس هحاول اتفرج
بس زعلتني
كنت نفسي
اشوفة من الاول
لو تعرف تجيب الحلقات يبقي جزاك الله خير
او تقولي اجبهم ازاي
واصلا عمربن الخطاب
دة الصحابي المفضل لدي
انا بموت فية
وفي شخصيتة
ونفسي اتجوز واحد زية و ابني يطلع زية
شخصية جبارةةةةة
ان شاء الله
يلا
سلام
إن شاء الله حتبعه شكله برنامج حلو اوى و أنا عموما بحب أسلوب إبراهيم عيسى جدا و بحب طريقته فى الكلام و بحب أكتر عمر و أبو بكر فأكيد لما يجتمعوا كلهم حيكون برنامج حلو جدا جدا جدا
على الرغم من تحفظي على بعض طريقة ابراهيم عيسى الا ان الرجل له بينا في الكلام فعلا
لكن لا ضير من المتابعة الحذرة على كل حال
تحياتي
انا مشوفتوش صراحه
بس طالما بيحكي عن شخصيتين
عمرو بن الخطاب
وابو بكر
يبقي لازم يكون رائع
هحاول اشوفه :)
كل سنه وانت طيب
السلام عليكم
لما سمعت عنه بدات اتابعه مشفتش منه كتير بس اللى شفته يجذبك انك تكمل لانه فعلا ذكر حاجات مش اللى بنسمعها علطول ف السيرة حاجات بتقربك اكتر لحياتهم وتشوف هما كانوا ايه وبئوا ايه وبالذات سيدنا عمر اد ايه كان بعيد عن اى ملمح من ملامح الاسلام لغاية ماربنا من عليه وعلينا باسلامه
ع فكرة اسمح لى اضيف مواعيد الاعادات التانية بيتعرض الساعة9 صباحا و5 عصرا غير معاد السحور
جزاك الله خيرا وتقبل مروروى
وهل هناك اروع
من الصديق والفاروق
بوست ججميل
كل عام وانتى بخير
شكلك منقطع ؟؟
السلام عليكم
انا مش متابع البرنامج بس شكلي كده هاتابعه بعد وصفك دا
كل عام وانت بخير
خالص تحياتي
المضمون اللي وراء البحث في سير هؤلاء السابقون هو المقارنة بينهم وبين ناس معاصرين أقل منهم بكتير لكنهم متكبرين وظالمين
والعظمة لله وحده
برنامج كويس حاحاول أشوفه
السلام عليكم
كل عام وانت فى طاعة يارب وربنا يتقبل منك الصيام والقيام ويجعلك من عتقائه اللهم امين
البرنامج جميل فعلا بس غير اللي انت ذكرته لفت انتباهي كمان الديكور بتاع البرنامج اد ايه يعيشك فى الجو اوي وتحس ان في كدا ريح من ايامهم طبعا مش هانوصلها بس احساس كدا جالي يعني كمان الاغنية فعلا احلى وصف ليهم الشمس والقمر ابو بكر وعمر ربنا يعينا على اتباعهم يارب
انا بتابع الاعادة اللي قبل السحور وكمان لما بيجي الساعة 5 قبل الفطار
ملحوظة بئا كان في بوست بعد دا وعلقت عليه وشكله طار او ذهب مع الريح مش مشكلة بس رخامة يعني هاقول اللي قولته تاني :))
كنت بقولك ان انت عندك حق ماينفعش نثق فى كل الناس وماينفعش نعتبر كل الناس ملايكة والا زي مابيحصل فى الاخر بنخسر كتير وقولت كمان ان رسولنا صلى الله عليه وسلم نهانا عن دا بطريق غير مباشر لما قالنا ( احبب حبيبك هونا ما عسى ان يكون بغيضك يوما ما وابغض بعيضك هونا ما عسى ان يكون حبيبك يوما ما ) يعني ماينفعش نفرط فى مشاعرنا لازم يكون كل شىء بتئني خصوصا فى تعاملتنا مع اللي حوالينا
كل الناس قالتلك ان فعلا الكلام جاي على الجرح انا هاقولك حاجة تانية من جوايابئا ماتملكش روحك لحد الا للي هايقدر يحافظ عليها ويحميها ويارب ان شاء الله يرزقك البصيرةويبعد عنك شر الناس وشر الدنيا اللهم امين معلش طلع عريضة مش تعليق انت الكبير وهاتستحمل :)
السلام عليكم
السلام عليكم
تقبال الله منا ومنكم الصيام والقيام ايمانا واحتسابا لوجه الله الكريم
وعفا الله عنا وعنكم في ليلة القدر
انا مش بشوفهم الحقيقه
بس هحاول اتابعهم
:)
esraa
-------
هو فعلا حلو يا إسراء
:)
My Hope$
-----------
ان شاء الله انا ناوي ادور عليهم على النت ولو قدرت ارفعهم هبئا اقولك ان شاء الله
فعلا شخصية رائعة رائعة
ربنا يكرمك باللي بتتمنيه ياارب
انا ودماغي
------------
معاكي حق
ونورتيني وكل سنة وانتي طيبة ومبروك انضمامك لعالم التدوين
:)
صاحب المضيفة
--------------
انا معاك تمتم ف رأيك
واهو الواحد بياخد باله بردو بس المهم الاستفادة من خبرته ف التاريخ
وقراءاته فيه
:)
كل سنة وانت طيب ودايما منورني
maioya
---------
ان شاء الله يا مي
وكل سنة وانتي ططيبة
:)
اللى تشوفه
------------
شكرا جداا على المواعيد والله ربنا يكرمك
كل سنة وانت طيبة
:)
نهر الحب
--------
وانتي بالصحة والسلامة
:)
علاء سالم
---------
ياريت تكون تابعته فعلا وربنا يفك كرب ابراهيم عيسى وكرب كل المكروبين
شكرا لذوقك وكل سنة وانت طيب
يا مراكبي
-----------
صدقت والله يا باشمهندس
مهندس مصري
------------
شكرا لمرورك يا باشمهندس
نورتني
:)
بنات افكارى
-------------
انا مش عارف والله اشكرك ازاي على كل كلامك وعلى دعائك الجميل ده ربنا يكرمك ويتقبل منا ومنكم
وكل سنة وانتي طيبة
الف شكر على تعقيبك على الموضوعين
ده من كرمك
:)
جنّي
------
اللهم آمييييين
ربنا يكرمك ونورتني والله وربنا يتقبل منا ومنكم
وكل سنة وانت طيب
:)
catroz
--------
اوك حاولي
وكل سنة وانتي طيبة
:)
Post a Comment