عارفين أغنية ـ رمضان جانا .. وفرحنابه ـ ؟
طبعا كلنا حافظينها وليها مع كل واحد فينا أحاسيس جميلة
دلوقت انا بقيت أكره الأغنية دي
ومبقتش بحب أسمعها
والسبب انها بقت مرتبطة بكمية رهيبة من الإعلانات عن مسلسلات وبرامج تلفزيونية هاتيجي ف رمضان
هو إيه اللي بيحصل ف القنوات الفضائية ده؟
مش ممكن التحضير والتجهيز لوجع القلب ده ياخد كل المساحة دي من وقتنا
ليه؟
للدرجادي الفلوس والمكسب والتجارة تنسي الناس دي قدسية الشهر المعظم ده؟؟
وتنسيهم وتخليهم يشغلونا ويشغلوا ملايين البشر معاهم بكل التفاهات اللي بتتقدم وبيتجهزلها من سنة فاتت؟
عارفين لو الناس دي مش مسلمين
انا مكونتش اتعجبت وكنت قلت خلاص ليهم مبررهم ف اللي بيعملوه
أو ميفرقش معاهم شهر رمضان من شهر شوال حتى
لكن الغريبة إن 90 % من القائمين على الأعمال دي ناس مسلمين
طيب هما مش فاهمين إن كل واحد هينشغل بحاجة زي دي عن عبادة ربنا .. عليهم مثل ما عليه من الوزر؟
طب كام واحد با هيتفرج؟
ولا حول ولا قوة إلا بالله
يا اجماعة انا بذكر نفسي وبذكركم
لازم نستغل الأيام الجاية دي أحسن استغلال ممكن في طاعة ربنا وعبادته
ومش عايزين نسيب الفرصة للشيطان وأعوانه إنهم يشغلونا
وياخدوا وقتنا اللي ربنا أنعم علينا بيه
..
ربنا يهدينا كلنا لما يحب ويرضى
15 comments:
جزاك الله خير على التذكرة
بس أحب ااقولك ان جنود ابليس وأعوانه من البشر بيسخنوا من شهرين
اول سنه اجد الاعلانات عن مسلسلات وبرامج رمضان قبله بشهرين
يعنى من بدرى بيجهزوا الناس
احنا بقى محتاجين جهد مضاعف علشان نعمل رد فعل مضاد..وان كنت اشك ان اعوانه اكثر منا..ولكن فلنحاول
انا دخلت عالمدونة بتاعتك وعجبتني جدا وديما هتابعها ان شاء الله ياريت تشوف مدونتي انا كمان وتقول ايه رايك
www.kanhelm-a3eesh-meshmesh.blogspot.com
السلام عليكم
كل عام وانت بخير
بالنسبة للفضائيات بيعتبرو ان ده موسم الشغل بالنسبة ليهم
اما بالنسبة لينا احنا نتمني من ربنا اننا نقضي الشهر في طاعة ومجاهدة نفسنا علي الطاعة
عجبتني قوي التدوينة ربنا يبارك لك
شجعتني أدون أنا كمان
يا رب بلغنا رمضان وأعنا على طاعتك فيه
والله مشكلة
ان الخطر جاي مننا
من مسلمين زينا
ربنا يصلح الحال يارب
ويعينا على استثمار رمضان فى طاعة الله
اللهم بلغنا..
جزاكم الله خيرا على التذكرة
يارب يكرمنا بالشهر ده
ويجعلنا من العتقاء فيه يارب
والله مااعرف هما بيعملوا ايه انا بقالي قرن مقاطعه التليفزيون وبعدين دا اسمه شهر عباده مش شهر ذنوب
ربنا يهدي
السلام عليكم
كل سنة وانت بخير
وكل سنة وجميع أحبابك بخير وصحة وسعادة
وكل سنة وكل المسلمين علي شريعة الله وسنة الحبيب المصطفي رضي الله عنه وأرضاه
وان شاء الله نستفيد من رمضان بكل السبل
ونخرج منه أفضل مما ولجنا به
يا رب أعنا علي القيام والصيام والصلاة
ووفقنا لما فيه الخير للجميع يا رحيم يا كريم
وارزقنا العفاف والرضا - والمحبة واهدينا يا عظيم
وأعنا علي القيام والصيام والصلاة والارتقاءالي جنة الفردوس
واجعلها لنا ميراث خير وسعادة
واجعلنا من عتقاءك في هذا الشهر يا معطي يا وهاب
وارزقنا حلاوة القرآن و حسن تلاوته
زتدبر معانيه وفهم علي النحو الصحيح
ورطب ألسنتنا بذكر يا الله
أكيد لازم يسترعي إنتباهنا إن فيه هجمة إعلامية كبيرة وضخمة في شهر رمضان .. اللي هو المفروض يكون للعبادة والسكينة أكتر من أي وقت تاني
وبالتالي لا تستبعد أبدا نظرية المؤامرة واللي الهدف منها إلهاء الناس عن جوهر شهر رمضان
الفكر من أعداء الخارج والتنفيذ من أعداء الداخل
والله فعلا بقت مشكله مالهاش حل
ربنا يرحمنا
السلام عليكم ورحمة الله
ربنا يكرمك يا رب
على فكرة مش كل الناس بتنساق ورا البرامج دى وتتفررج عليها .. لسة فى ناس عندها وعى وايمان وفاهمة ان دة الشهر الكريم اللى لازم تستغلة فى الطاعة والعبادة .. بس الناس بس محتاجة اللى ينبها كل شوية .. أفادكم الله
Happy 3id
كل سنة وأنت طيب يا محمود
وعيد سعيد عليك وعلي أسرتك أن شاء الله
بارك الله فيك
موضوع ممتاز
منتديات
http://www.56waat.com/vb
منتدى
http://www.56waat.com
دليل
http://dalil.56waat.com
قران كريم
http://www.56waat.com/quran
قصايد
http://www.56waat.com/hair
منتديات نسائيه
http://www.fr7ty.com/vb
فيديو مقاطع
http://www.fr7ty.com
ربنا يهدينا جميعا يارب
اللهم امين
Post a Comment