يعني هـ تقف على صــــوتي؟!!ـ

.

.

لما اشتركت في الجروب ده على فيس بوك عجبتني الفكرة ..ـ

بعد كام يوم جتلي رسالة من الجروب قلت ادخل اشوف إيه الحكاية

وقريت الكلام ده واستفدت منه جدا والموضوع استقر في دماغي تمامااا

وفي نفس اليوم قريت المقال ده، وكان من مدونة أستاذ هشام علاء

وقررت فعلا إني هبدأ في الإجراءات المطلوبة .. وهخلي عندي ـ صوت ـ

طب هتخسر إيه لما تستخرج بطاقتك الانتخابيه وتستغلها صح؟؟

وبلاش تقول إنها مش هـ تقف على صوتك

لا هـ تقف على صوتك

لأن أنا وانت محتاجين

صوتي وصوتك وصوت صاحبك واخوك واختك وزميلك ف الشغل أو زميلتك

وجارك وزوجتك/خطيبتك وأبوك وأمك

مش دول هما إحنا؟ وانا وانت منهم؟ يبقا لو موقفتش علينا اومال حـ تقف على مين؟

واللي منهم مش واخد باله لازم تبلغه

وتعرفه يعمل إيه وتخليه يبقا عنده ـ صوت ـ هو كمان

وخد بالك الوقت مش كتير .. الفرصة لحد آخر شهر يناير

يعني تبدأ من بكرة الصبح .. أو دلوقتي لو تقدر

يعني لازم نخلي عندنا شوية ـ أصوات ـ لأن مفيش وقت

وانشر الموضوع وعرّف ولو حتى ـ واحد من الناس ـ مكانش يعرف

خلي عندك ـ صووووت ـ

ادخل على صفحة الجروب على فيس بوك عشان تعرف كل الخطوات اللي لازم تعملها لأستخراج بطاقتك