كلمة .. نفسك تقولها وخايف تبوح بيها .. فقط لأنك متأكد إنك مش أدها
وحتى وانت بتتحدى نفسك وبتحاول تقولها وتبقى حاسس بالعجز والخجل .. بردو لأنك بتحاول متضحكش على نفسك
وقلتها فعلا .. عشان يتحول احساسك من احساس بالعجز لإحساس بالندم وخيبة الأمل
....
لما تبني لنفسك دنيا في خيالك وتعيش فيها بأوهامك بس لأنك عاجز إنك تبنيها في الواقع
لما تقف أمام أحلامك وطموحاتك شوية تقاليد وأعراف ملهاش لزمة
لما يكون قصاد عينك جوهرة ومش قادر تظفر بيها فقط لأنك مش معاك تمنها .. فقد يظن البعض أنك تتألم من أجل رغبتك في امتلاكها وبس .. لكن الحقيقة انك بتتألم لأن تمنها هو اللي بيمتلك طموحك
....
بتقول الآه بصوت خافت ملهوش صدى خارجي ولكن صداه يتتردد في اعماقك ولا يشعر به إلا قلبك
وتكتم أنفاسك في صدرك برغم احتراقها .. فلا يشعر بها أيضا إلا أنت
لما تتألم لدرجة إن كلمة الألم تفقد معناها عندك وتصبح جزء من حياتك
فتتنفس ألم .. وتتكلم ألم .. وتتحرك ألم .. وتبكي ألم .. وتضحك ألم .. وتعيش ألم
فتتلفت من حولك لا تجد إلا الألم
.
.
فيشعر بك الألم
.
.
اللهم إني أشكو إليك ضعف حالي وقلة حيلتي
21 comments:
أعانك الله
لئن لم نلتقي في الأرض يوما وفرق بيننا كأس المنون
فموعـدنا غـدا في دار خلد بها يحيا الحنون مع الحنونٍ
ياه
انت شايل كتير قوي
انا مش هاقول ان اي حاجه ف الدنيا مش تسوى اننا نبكي عليها او ان كله هايبقى تمام وكده لكن هاقولك فكر ان ربنا مش كاتبلك اللي انت بتتمناه عشان اكيد كاتبلك حاجه احسن
ربنا مش بيظلم حد ابدا وان شاء الله على قدر الالم اللي انت حاسس بيه دلوقت تاكد ان الفرح هايكون اكبر
بس اصبر واحتسب
ربنا يفرج كربك ويجزيك عن صبرك خير الجزاء
تحياتي
السلام عليكم
اولا بشكر لحضرتك زيارتك وتعليقك كم اسعدني ولما ياخي كل هذا الالم حضرتك المتنا معك ياخي الا بذكر الله تطمئن القلوب وحل كل ذلك فى اخر دعاء ذكرته فى اخر البوست قادر ربنا يخفف الامك وييسر لك تحقيق امالك ولعل كل ذلك خير وعسى ان تكرهوا شىء وهو خير لكم
انا مش عارفة اقول ايه لحضرتك بجد البوست كله الم ربنا يزيح عنك الهموم ويكشف لك الكروب وتاكد ياخي ان ربنا لما بيريد عمر الظروف او الناس او اي شىء مهما كان هايقدر يوقف امام قدرة ربنا بس حضرتك ارمي كل حمولك عليها
وان شاء الله خير
السلام عليكم
أولا: تعليقى على عنوان البوست هوه جمله واحده: ده يبقى يوم المنى بجد.
ساعات كتير أوى ناس تبقى لازقه فيك بس محدش فيهم حاسس بحاجة. و لو فعلا ممكن الألم يحس باللى جوانا ده يبقى يستاهل العشرة اللى اتفرضت علينا.
(لما يكون قصاد عينك جوهرة ومش قادر تظفر بيها فقط لأنك مش معاك تمنها .. فقد يظن البعض أنك تتألم من أجل رغبتك في امتلاكها وبس .. لكن الحقيقة انك بتتألم لأن تمنها هو اللي بيمتلك طموحك)حلوة منك دى أوى بس انت مش شايف ان الطموح ده بردو رغبة ف التملك؟؟ أصله حيبقى طموح إيه؟؟
بوست تأملى أكتر من كونه مؤلم.عجبنى أوى و تصفيق حاد
كلامك صح والدنيا فعلا بقى كلها ألم
بنطلع من ألم لحزن وهكذا
بنلف فى دواير والدينا تلف بينا
ودايما نتهى لمطرح ما أبتدينا
بس أنت نفسك بتقول آلام وآمال يعنى مهما كانت الحياه لسه فيها أمل
أحنا بنفسنا اللى بنصنع الأمل والأحلام
وربنا معاك فى كل حياتك وتكون بدون أى آلام
تحياتى
al mo`men da2man 7zeen
ema lta3a fatatoh aw m3seya asabtoh
i love u for allah
بدل الله ألمك أملا وفرج الله كربك وكرب المسلمين
ويسر لك أمرك وأنزل سكينة على قلبك تمحو كل هم وتمسح كل دمعة
بارك الله لك فى عمرك وبغك الله رمضان
آلمتنى تدوينتك فقد نثرت على الجرح ملحا فتأجج الجرح لهبا
إن شاء الله أقرأ لك تدوينة جديدة مفعمة بالبشر مملوءة بالتفاؤل مزدحمة بمعانى الفرح ودمت طيبا أخى وفى رعاية الله وحفظه
مش عارف اعلق اقول ايه يا صاحبى كلامك المرة دى .... صعب
اعانك الله
وادخل السرور على حياتك
تحياتى
اشكرك
كل سنة وانت بالف خير
لو عرفت إن هي دي طبيعة الأشياء ممكن الأمر يهون عليك
لأن الإنسان ربنا خلقه في كبد .. والدنيا هي مكان للإختبار مش أكتر .. فما تتوقعش الراحة أبدا
المهم ننجح في إختبارات ربنا
يارب
كل سنه وانت طيب
ربنا يتقبل منك صالح الاعمال اللهم امين
رمضان كريم
لما تتألم لدرجة إن كلمة الألم تفقد معناها عندك وتصبح جزء من حياتك
اسمحلى اقتبس فى ردى تلك الجملة من موضوعك
اكيد احساس صعب قوى لما يصبح الالم جزء من حياتنا
مش هتكون حياة هتكون عبارة عن عملية تعذيب مستمرة
سطور بديعه
اعانك الله
وكل عام وانت اقرب والي الله أطوع
كل عام وانتم بخير
كل عام وانتم والامه الاسلاميه بخير
الانسان بيحس الالم والفرح
ولولاا الالم ما عرفنا طعم الفرح
ربنا يوفقك
وكل سنة وانت طيب
تحياتى
كل سنة وانت طيب
ورمضان كريم
حينما يشعر بك الالم
كفايه العنوان
البوست باين من عنوانه
رائع
رمضان كريم
شكرا علي زيارتك مدونتي بس كلامي مش يجي حاجة جنب كلامك انا اكتر حاجة هدمتني ضعفي و عجزي و كلمه "ما باليد حيلة"مش بتفرقني بس بقول اكيد ربنا شايفلي الخير و عاينهولي في ميعادة بس دايما خايفة من بكرة لان الي شوفتوا كافيني
بامبينوووووووووو
لن أتفلسف
فكلنا يمر بتلك اللحظات .. وتتأرجح حياتنا بين الحزن والفرح
ولكن
هل هناك شئ يحدث بدون علم الله ؟
هل باستطاعة أي أحد أن يأخذ ما كتبه الله لك ؟
هل يملك أحد أن يمنحك شئ لم يكتبه الله لك ؟
هل نعلم حكمة الله في كل شئ يحدث لنا
طبعا لأ
إذا فلاداعي للألم
ولنحمد الله على كل شئ
فهو يعلم ما لا نعلم
وفقك الله أخي لكل ما يحب ويرضى
Post a Comment