كل اللي احنا فيه دلوقت مش لاقي له إلا تعبير واحد
وهو اللي واقف ف زوري بصراحة ونفسي اطلعه
اللي احنا فيه ده
ـ قُصر ديل ـ
شكلنا وحش اوي واحنا بنعمل زي المثل اللي بيقول
ـ لما العجل يقع بتكتر سكاكينه ـ
ومش فاهم ازاي مش واخدين بالنا من حاجة زي دي
وقد أثبتنا بجدارة أننا شعب وأمة لا تجيد إلا الكلام
والهوجة
وكأن ضرب بوش بالجزمة ده مثلا هيرجعلنا فلسطين
أو هيحرر العراق وبقية الدول العربية من الطغيان الأمريكي
أو يمكن مثلا إسرائيل تخاف على نفسها من جزم العرب
وتقرر إنها تنسحب من غزة بقواتها وبحصارها خوفا من الجزم؟
!!
اه انا شايف إن إهانة بوش على مرأى ومسمع من العالم كله
تعتبر شيء يشفي غليلنا إلى حد ما
لكنها أبدا ليست انتصارا منا على الكيان الأمريكي
أو الصهيوني بمعنى أدق
بيتهيألي نوفر الفرحة العارمة دي لليوم اللي نقدر نعلن فيه للعالم كله
إن احنا امة لا يستهان بها
لافكريا أو علميا
ولا اقتصاديا أو عسكريا
--- --- ---
وده رأيي في الموضوع
مع كامل احترامي لكل المدونين اللي عبروا عن رأيهم واتكلموا عن الموضوع ده
وهو اللي واقف ف زوري بصراحة ونفسي اطلعه
اللي احنا فيه ده
ـ قُصر ديل ـ
شكلنا وحش اوي واحنا بنعمل زي المثل اللي بيقول
ـ لما العجل يقع بتكتر سكاكينه ـ
ومش فاهم ازاي مش واخدين بالنا من حاجة زي دي
وقد أثبتنا بجدارة أننا شعب وأمة لا تجيد إلا الكلام
والهوجة
وكأن ضرب بوش بالجزمة ده مثلا هيرجعلنا فلسطين
أو هيحرر العراق وبقية الدول العربية من الطغيان الأمريكي
أو يمكن مثلا إسرائيل تخاف على نفسها من جزم العرب
وتقرر إنها تنسحب من غزة بقواتها وبحصارها خوفا من الجزم؟
!!
اه انا شايف إن إهانة بوش على مرأى ومسمع من العالم كله
تعتبر شيء يشفي غليلنا إلى حد ما
لكنها أبدا ليست انتصارا منا على الكيان الأمريكي
أو الصهيوني بمعنى أدق
بيتهيألي نوفر الفرحة العارمة دي لليوم اللي نقدر نعلن فيه للعالم كله
إن احنا امة لا يستهان بها
لافكريا أو علميا
ولا اقتصاديا أو عسكريا
--- --- ---
وده رأيي في الموضوع
مع كامل احترامي لكل المدونين اللي عبروا عن رأيهم واتكلموا عن الموضوع ده
24 comments:
يا محمود .. يا محمود
كلام واتكلمنا
مشاهد تدمي القلب في كل القنوات على مرأي ومسمع من العالم
ولا حياه لمن تنادي
معاهدات وكلام بالمنطق وشجب واستنكار
ولا حياة لمن تنادي برضه
صحيح ضرب بوش بالجزمه لن يحرر أرض عربيه
ولكنه حدث غير وله مذاقه
بوش إنضرب بالجزمه في العراق ومش عايز الناس تفرح :))
تلاقيك إنت كمان فرحان والله :)
ربنا يحفظك ودمت بكل الخير
السلام عليكم
بسم الله
نبدأ الرد
اه انا شايف إن إهانة بوش على مرأى ومسمع من العالم كله
تعتبر شيء يشفي غليلنا إلى حد ما
هي دي الفكرة
الإهانة
و أدام العالم
و دا مش شوية
لكنها أبدا ليست انتصارا
لا طبعا مش إنتصار
بيتهيألي نوفر الفرحة العارمة دي لليوم اللي نقدر نعلن فيه للعالم كله
إن احنا امة لا يستهان بها
يا أخ محمود
إحنا عندنا مقدار من الفرحة
المقيدة
اللي نفسها تخرج بأي شكل
لأي سبب
و يا سلام لو سبب سياسي
و كمان جت في الغالي
بوش
للجميع حق يفرح فيه
-------
و إن شاء الله
كل واحد منا يعمل اللي عليه
و يثبت و لو لنفسه فقط
إنه مسلم
متميز في مجاله
قادر على الإبداع
و التحدي و الصمود
تقديري لك
و رأيك يحترم
:)
اعتقد ان الفرح الاساسى ان لسه فى حد عنده غيرة على بلده
مش اننا انتصرنا عليهم
و ان لسه فى امل اننا نقدر نعمل حاجه فعلا
بس عايزين شويه عزيمه و نكون ايد واحده
انا كمان مش شايفة داعي لكل الهوجة دي
اه الواد طلع شجاع وعمل اللي الحكام مش قاديرين يعملوه
بس مصيره ايه
هنشجب وندد لما يموت ونقول والله كان واد بطل
وهنفضل عايشين علي ذكري جزمة
عندك حق هي مش انتصار ولا حاجة
بس يمكن تكون بشرى خير لبداية أحسن أو تغيير منتظر
وحتى لو مفيش تغيير ولا أمل
كفاية شعور الإهانة أمام العالم
بيتهيألي نوفر الفرحة العارمة دي لليوم اللي نقدر نعلن فيه للعالم كله
إن احنا امة لا يستهان بها
لافكريا أو علميا
ولا اقتصاديا أو عسكريا
هو ده فعلاً يوم النصر الحقيقي
ازيك ياحودة
ههههههههههه عامل اية
بص يابني تكتر سكاكينة تكتر شوكة
انا بردة لسة مصرة اني زعلانةةةةةةةةةةة
الجزمة مجتش فييةةةةةةةةةةة
وااااااااااااااء
وبعدين الراجل دة زي مايكون عايز يقول
اعملو حااجة انا اهو اتدمت خطوة
وبعدين الجزمة كانت خسارة فيةة
المفروض يعملولة زي
شجرة الدر
بالاوبأب
والله
انا سعيدة بمنتظر الراجل مكانش منتظر من منتظر انة يعمل كدا
تسلم ايدة ورجلة وجزمتة وشرابة كمان
وياريت ياريت نفرح ونعتبرة خطوة اولي
وانا متوقعة
ان شاء الله ان نهاية الراجل
دة هبتقي وحشة
بالجرايم اللي عملها استحالة يموت معزز مكرم
وان شاء الله جسمانة هيضيع ومش هنلاقيلة طريق جرة
ههههههههههههه
اية القسوة دي بس هو يستاهل
بلا رحمة بلا شفقة وعلي النار حدف ان شاء الله
سلام
بصراحة مقدرش اختلف معاك فى الرأى
بس انا عن نفسي يعنى الاحداث دى بتستفزنى انى اكتب عنها بشكل ساخر بيشوبه مرارة مش هتنتزع منى غير لما اشوف فعلا حدث يستحق اننا نفرح ليه
ومانكرش ان اللى اتعمل دا شىء بطولى عالاقل هو عارف اللى هيحصله بعدها
هو مجرد اشعل شرارة بس انا مش متفائلة
لان لحد دلوقت مفيش شرارة كملت اشتعالها واصبحت نار متوهجة قدام كل اللى بيعادينا
ربنا قادر على كل شىء
خالص تحياتى
انا معاك يا محمود
اللي اتعمل ده مش حايخوف مننا حد وقصر ديل
فعلا
ومعناه ضعفنا و قهر حكامنا ليه
مش حايحل ولا يربط في اي حاجة
لكن هو تصرف ارضى نفوسنا
كلنا فرحنا لان شفنا شخص عمال يهين فينا و يستخف بينا و بحياتنا و بلادنا بيتهان
ده احساس طبيعي
أنا معاك ان ماينفعش نسميه بطل
لكنه انسان شاف قداه انسان داقت منه بلاده و ناسه أمر الظلم
استفزه وجوده ف ارضه اللي خربها و ووسط أهل بلده اللي اكيد مستفز منهم هم كمان ومن البارد ده اللي حاطط ايده فايد بوش
تصرف منطقي جدا
ومفرح
لما تلاقي المظلوم شتم الظالم و طلع جرا
حاتفرح
أكيد حاتفرح
الفرحة فرحة شماته من اهانته امام العالم اجمع
مش فرحة انتصار
عقبال فرحة الانتصار ياااارب
السلام عليكم
شوف يا عم محمود طبعا من حقك ان تعبر عن وجهة نظرك وان تحلل الموضوع برؤية تخالف البعض ..
ومن حق الآخرين ان يعبروا عن وجهة نظرهم أيضا .. وبالطبع الفرحة لاهانة كلب اهان العرب والمسلمين بقوته وجبروته واهانه فرد واحد بحذائه .. والفرحة الكبرى حينما يكون لنا شأن بين الامم كما ذكرت ..
سلام
والله انا كمان رايى من رايك يا حوده
بس اللى انت بتتكلم فيه ده فى ايد حكامنا
مش فايدينا احنا
اللى فى ايدينا اننا نديهم بالجزمه
ساعه لما يقولوا يللا حاربوا
واحنا نقول لا يبقى حد يجى يحاسبنا
انما للاسف الشعوب مافيش ف ايديها غير ضرب الجزمه!
انا شايفه ان اهانته بردو
يامحمود مش حاجه سهله
علي دوله زي دي وعلي مسمع ومرأي الجميع
هيا مش جايزه نوبل للعرب ولاحاجه
بس يكفي احساسهم بالمهانه
واكيد بتمني من ربنا ان احنا نتفوق عليهم اقتصاديا عسكريا .....الخ الخ
بس نسيبهم يفرحوا شويه
اعلنت جميع المدونات بما فيها مدونتى عن مقاطعتها مؤقتا مدونات مثل الام وامال ومدونة فشكول لتقليلهم من حجم الجزمه اللى خدها بوش فى دماغه وتستمر هذه المقاطعه حتى يرجع اصحاب المدونات عن اللى فى دماغهم.. تقبل تحيتى الغاليه
الحقيقة انا علقت علي الموضوع ده عند فشكول ورايي ان ده مجرد رمز للكره والرلافض
لكن طبعا مفيش نتائج فعلية في الموضوع خالص
الا ان شكله بس كان هيبقي احلي لو الجزمة جت فيه
تحياتي
وانا متفق معاك تماما في كل اللي انت قلته
اوكي كان ظريف ان احنا ننبسط ونفرح ونترييء براحتنا بس خلاص..خلصت يعني...ماندخلش بقا الكلاامة العربية والابطال العرب وجزمة مش عارف بكام مليون دولار وكلام كبير مالوش لازمة وبيهزئنا احنا قبل اي حد تاني
احنا كلامنجية وبس
الموضوع برمته عايز بس يتحط في إطار موضوعي
فهناك صراع غير عادي بين الفرحين لهذا الحدث (وده أمر معروف أسبابه وكلنا فرحنا به بالفعل) وبين المقللين من شأن الحدث
الحدث من وجهة النظر العاطفية طبعا بيدعوا للفرحة والشماته إلخ .. لكن من وجهة النظر الواقعية فهو لن يقدم شيئا ولا يؤخر شيئا لأنه ليس فعلا مؤثرا يمكنه تغيير الأمور
فلنضع كل شيء في حجمه الصحيح ولا نحول فرحتنا إلى إنتصار مدو وفتح جامح بل فقط نفرح بحدود ثم نعمل بجد كل منا في موقعه لتنهض أمتنا وتنتصر فعلا لا قولا
ازيك يامحمود وكل سنه وانت طيب
وسعيد يارب
اكيد دى مش فرحه انتصار زى ما انت قلت حاجه بتشفى الغليل واهانه لبوش
وتصرف تلقائى من مواطن شاف بلده بتحتل وبتتنهب وبيستباح نسائها وترمل وتيتم كتير كل ده وجاى يقول ماكنش قصدى ده واحد قلبه محروق وعبر بطريقته
لو انتصرنا كان الفرحه حاتبقى اقوى
الكل عايز يمسح اوجاع الزيدى يكفيه ما اخذه من ضرب هو شعوره وطنى وبوش يستاهلها
بطريقته وتأكد ان بوش مهما اظهر انه متماسك فهو يشعر بالمهانه وكم الكراهيه
واقوى من الف مقال مع انى مش مع الضرب بالجزمه بس لكل قاعده اسنثناء
أنا بقي شايفه إن محدش قبل كده ف تاريخ المسلمين أهان عدوه .. أنا شايفه إن تصرف زي ده عيب أصلا .. و بجانب إنه عيب .. مش هيحل حاجه .. و كمان منتصر مش بطل
للأسف إحنا أي حد بيعمل حاجه كان نفسنا فيها بنخليه بطل .. زي منتصر و نهي رشدي و السواق اللي تحرش بيها و غيرهم .. أي حد بيعمل حاجه بتبقي ف نفسنا بنعمله بطل لكن هو أصلا اللي عمله مش بطوله و مش عمل رائع يعني
آه يا أمة ضحكت من جهلها الأمم !!!
يا ابني انت دايما مكسر مقاديفنا
خلينا نفرح شوية
اي نعم لا حررنا العراق ولا فلسطين
بس هو يعني يا كله يا إما ولا شي
على الاقل الصحفي عبر شوية عن شعورنا كلنا
خلينا فرحانين الله يخليك
لا مخليني اتهنى في عملية ولا جزمة حرام عليك :))))))))
كانت اهانه كبيرة .. بس بوش قبلها بذكاء واستغربت أنه ما طلعش من القاعه وكمل كلامة بابتسامة .. مع ان أى حد مكانة كان زمانة جرالة حاجة من الكسفة والأهانة .. على فكرة أنا تمام الحمدلله .. كل يوم اجى وأكتب بوست عندى على البلوج وبعدين ما انشرهوش وامبارح كتبت بوست ونشرتة وبعدها بخمس دقايق مسحتة .. ومش عارفة لية .. بس امشاءالله ارجع تانى للتدوين واطمنكوا دايماً عليا
محمود
كلامك جد منطقي
لكن
الموقف يتساوي مع برجي التجارة
رمز الامريكان الاقتصادي
والبنتاجون
رمزها العسكرى
ومحاولة البيت الابيض
رمزها السياسي
اهانة بوش لا قيمة لها مثلها مثل اي اعتداءات
ولكنه مؤثرة جدا حين تلمس الرموز
تحياتي
السلام عليكم ورحمة الله وبركاته
معاك في اللي بتقوله
لكن بردو كفاية فكرة الاهانه
كفاية فكرة اهانة امريكا من العرب على مراى ومسمع من العالم كله، وبرده ما ترتب على الفعل ذاته من اثارة العالم كله والراي العام العالمي على امريكا وبوش وزي مايكون الكل كان مستني الحاجه اللي تفجره في وش الطغيان والظلم والفساد
كفاية ان الامريكان نفسهم هم كمان استغلوا الفرصه للهجوم على بوش ورسم الصور الكاريكاتيريه عليه بنفسهم
كل دا كرمز لاهانة الكيان الامريكي، والصهيوني ان جاز قول ذلك، من العرب كفاية على الاقل في المرحله الحاليه
وبعدين احنا كنا طايلين اصلا
:D:D:D
الا ماكنا لاقيين حد ينطق ولا يتكلم ولا يفتح بقه بكلمه يقوم لما واحد يفعل بقى ومش اي فعله كمان دا فرط في جزمته، مش اي حاجه يعني، نتبتر ونقول كخه
:D:D
اهو نعتبره دليل على اننا، كعرب، لسه فينا رجاله، يعني مُسكِّن كده لحد ما يتم المراد من رب العباد
:D
كلامك صح جدا..
هو يضرب المسلمين بالصواريخ
والقنابل..ويحاصرهم..واحنا نضربه بالجزمه!!!!!!!!!!!!!!!!!!!!
Post a Comment