Friday, July 13, 2007

متغاظ ودمي محرووق


حسبي الله ونعم الوكيل في كل بني آدم يضل الناس من اجل عرض من الدنيا قليل

ربنا ينتقم من كل انسان يفتي ف الدين من أجل رغبات شخصية لا من أجل إظهار شرع الله

هقول ايه بس ؟؟

انا مش هتكلم عن الختان ولا عن اي مسألة فقهية لأني لست من أهل الفقه

لكن انا اللي مجنني وجايبلي شلل .. هو الاستخفاف بعقول الناس
انا نفسي افهم يعني ايه اللي اتغير في جسم الانثى من عهد النبي صلى الله عليه وسلم إلى عهدنا الحالي حتى نقول ان الوضع حاليا لا يسمح بل ويحرم سنة من سنن الشرع
انا مؤمن ان الختان شرعا ليس بواجب لأن العلماء ( بس العلماء الربانيين ) كلهم قالو كده
! لكن في نفس الوقت هو ليس محرما
كل ده من أجل بنت ماتت بخطأ دكتور ؟؟
طبعا ربنا يرحمها ويصبر أهلها والدكتور غلطان مفيش كلام
لكن تتحول المسألة لقضية قومية ونجدد فتنة الختان من تاني
طب ما هو كل يوم ناس تموت بسبب أخطاء دكاتره .. اشمعنى بقى دي اللي نقوم الدنيا عليها
بس انا بردو بقول الحمد لأن الناس معظمهم مش مقتنعة بالكلام الفارغ اللي عايزين يملو دماغنا بيه
وانا بسجلها ورزقي على الله
-

الختان ليس محرما

-
وياريت نرجع لكلام العلماء واللي اجمعو على أنه مستحب
وهناك ايضا فتاوى لعلماء افاضل مفادها انه لايجوز لنا ان نشارك في مثل هذه الحملات العقيمة على تحريم الختان
وياريت اللي مش متأكد من كلامي يقوللي وانا بعت له عناوين الفتاوى دي

انا بجد مش عارف اقول ايه بس حبيت اسجل حرقة دمي واقول اللي ف نفسي قبل ما الشلل يتسرب على بقية انحاء جسمي

بس احنا نستاهل كل اللي بيجرالنا لأن احنا اللي بعدنا عن شرع ربنا واتلهينا ف الدنيا الزائفة وكل واحد فينا بيقول يالا نفسي ويا حيطة داريني .. ياعم احنا ورانا كوم لحم خلينا ماشيين جمب الحيط .. ودلوقتي كمان بقينا نمشي جوه الحيط

حسبي الله ونعم الوكيل

آآآآآآآآآآآآه على الاسلام

وألف آآآه على أمة الاسلام



لنا الله

13 comments:

Anonymous said...
This comment has been removed by a blog administrator.
Anonymous said...

بص يا كاسبر باشا..

انا معاك ف موضوع لنا الله ده و متفقه معاك تماما فيه.

أما بخصوص موضوع الفتاوى ف احنا بنعيش عصر فتوى لكل مواطن و الفتوى اللى مش على مزاجك فى شيخ تانى يقدر يقيفهالك على مزاجك و بالظبط كمان.. طول ما فى فتوى مدايقاك تدايق ليه و تحرم نفسك؟؟ عيش و واحد تانى يحلل مزاجك و قانونى و شرعى كمان.

أما بخصوص موضوع الختان بقى انا مقدرش اتكلم فيه بجد اعذرنى معنديش معلومات كافيه سواء طبية أو فقهيه تخلينى أجادل فيه لكن وعد منى حاقرا كويس وان شاء الله نتفاهم سوا ف البوست ده.

ربنا يخليلك مناخيرك و متتشلش.سلام

ولــــــــــو said...

والله ياعم انا خلاص مش بقى عندي ثقه ف ناس كتير كنت احسبهم ناس كويسه وعلى درجه من العلم والتقوى بحيث انه يراعي ربنا ف كلامه بس للاسف الناس اتغيرت
واحنا مش قدامنا اننا ندور على اهل العلم الحقيقيين ونستقى منهم المعلومه والا هايحصل لغط كبير ف وقت كل الناس بقت فيه بتتكلم بدون رقيب
تحياتي

عصفور المدينة said...

إذا أردت أن تقيم كلامهم في أي موضوع فانظر
السياق الذي يقال فيه الكلام والطريقة الدراماتيكية التي يصاغ بها القرار
وأيضا التوقيت الذي تثار فيه المواضيع
وأيضا جوقة المشجعين
وأيضا وجود المفتي في الموضوع
وأيضا
وأيضا
وأيضا
هدي أعصابك وقد كنت أقول مثلك إن ثقتي في الناس وإنهم قادرين على إفشال مثل هذه المشروعات ولكن قال لي أخي ما علينا الزن على الودان أمر من السحر

المجاهدة said...

للأسف بقى عادي دلوقتي نسمع فتاوى غريبة ليس لها اي صلة بالإسلام من شخص بيقولوا عليه "عالم"

ربنا يستر على البقية الباقية و يثبتهم و يحفظهم و يبين لنا جميعاً امور ديننا


مدونة جميلة ماشاء الله اول مرة ازورها :)

ftataljanna said...

السلام عليكم

موضوع الختان ده فالكلام كتر فيه اوى

اما لو عن الفتاوى بتاعت زمنا ده

فدى عرض لمرض نقص الدين

huda gamal said...

للاسف الشديد نحن نعيش فى زمن الفتن ..بجد والله مش كلام انشاء
انا لما بشوف احوال المشايخ والدعاه دلوقتى_طبعا مش كلهم_بفتكر حديث الرسول عليه الصلاة والسلام عن الدعاه على ابواب جهنم ...
الدين أصبح وسيله للتكسب وارضاء حكام والمسؤلين والهاء عقول العامه ،
اما بقى ثورة الفتاوى العجيبه فهى نتاج للحالة السابق ذكرها
وأصبحت الفتاوى بدل من كونها وسيلة للارتقاء بالبشر وسلوكياتهم وتفكيرهم عن الرذائل والتفاهات وسيله لاغراق الناس فى التفاهات والقشور
وتحولت من أداة للفصل البين بين الحق والباطل الى وسيله لاثارة البلبله والتخبط والسخريه ...
بجد ومن كل قلبى لنا الله ،لا حول ولا قوة الا بالله ربنا يصلحنا
تحياتى لك يا كاسبر
واسفه على الاطاله

سكتم بكتم said...

وأنا بضم صوتي لصوتك

تحريم الحلال لا يقل في حرمانيته عن تحليل الحرام

يعني لو جه حد قال أن أكل الخبز حرام كأنه بالظبط قال أن الخمر حلال

لأنه أعطي لنفسة سلطة تحريم ماأحل الله

أول مرة ليا عندك وإن شاء الله مش الأخيرة
السلام عليكم

خمسة فضفضة said...

السلام عليكم ورحمة الله وبركاته

حسبنا الله ونعم الوكيل في كل اللي باعوا آخرتهم علشان شوية مناصب او جاه زايل

وربنا يهديهم ويهدينا ويهدي الجميع

maioya said...

والله بقي عادي جدا تسمع اي حاجه
من اي حد
ماهي الفتوي ببلاش
وبعدين اللي ححصل للفتنه دي
انهم اختاروا توقيت صح
اتكلموا فيه بتاع البنت اللي حصلها كده علي ايد واحد دكتور
لازم طبعا تبقي قضيه راي عام ومواضيع
بس سيبك والله الناس اللي ملتزمين
باحاديث الرسول موجودين طبعا
وبيعملوا زي ماجه في السنه
سيبك بقي من فتاوي القرن ال21
ومن الللي بيقلدوا الغرب
في حاجات خايبه دول

http://kasperb4.blogspot.com/ said...

كوين
ـــــــ
شكرا على تعليقك
ومعاكي حق احنا ف عصر فتوى لكل مواطن
:)

"""""""""""""""""""""""""

ولو
ـــــ
انت جبت مربط الفرس
اهل العلم الحقيقين
لكن للاسف
اصبح اهل العلم اليوم يطلق عليهم المتشددين والمتعصبين
وانا لله وانا اليه راجعون

""""""""""""""""""""""""

عصفور المدينة
ــــــــــــ
اولا انا اتشرفت جدا بمرورك على مدونتي
ويارب الزيارة تدوم

ومش عارف اقول ايه فعلا ازن على الودان امر من السحر
ولكن عزائنا الوحيد هو حديث النبي صلى الله عليه وسلم والذي تحدث فيه عن القابضون على الجمر
فنسأل الله جل وعلا ان يثبتنا على دينه

http://kasperb4.blogspot.com/ said...

المجاهدة
ـــــــ
شرفتي المدونة
وربنا يستجيب دعائك
وشكرا على ذوقك وكلامك الجميل عن مدونتي

"""""""""""""""""""""""

فتاة الجنة
ــــــــــ
مرض نقص الدين

اللهم عافنا واعف عنا
شكرا على مرورك وتعليقك يا فتاة الجنة
شرفتي المدونة

"""""""""""""""""""""""""

هدى
ــــــــ
هنقول ايه بس يا هدى غير حسبنا الله ونعم الوكيل
اضافتك جميلة جدا
وكالعادة بقولك طولي براحتك ولا يهمك المدونة بتاعتك

http://kasperb4.blogspot.com/ said...

سكتم بكنم
ــــــــــ
ان شاء الله متكنش الزيارة الاخيرة
انا اتمنى هذا فعلا

وجزاك الله خيرا على القاعدة اللي ذكرتها ف تعليقك
معاك حق طبعا

"""""""""""""""""""""

خمسة فضفضة
ــــــــــ
جزاك الله خيرا يا دكتورة على زيارتك المدونة
وربنا يتقبل دعائنا

""""""""""""""""""""""

may
ــــ
اولا اهلا بيكي ف مدونتي المسكينة
اهو انا بقى فعلا اللي غايطني اكتر هو استغلالهم للواقعة بتاعة البنت دي عشان يدخلو علينا بحيلهم ومكرهم وتحريمهم للمسألة كلها
حاجة فعلا تغيظ
وتدل على شيء مهم وهو انهم يفعلون ما يحلو لهم وفي اي وقت
ومش مهم الناس تقتنع ولا لاء
المهم انهم ينفذو مخططهم وبس
حسبنا الله ونعم الوكيل

Total Pageviews