السلام عليكم ورحمة الله وبركاته
معلش يا جماعة انا مظطر أكرر موضوع الختان تاني استحملوني شوية لأن الموضوع ده بجد معيشني ف حالة نفسية وحشة جدا
ودي حالة مش هتجدد عليها يعني ما انتو عارفين البير وغطاه
المهم انا بعرض الموضوع النهاردة بس بشكل مختلف شوية
في أخ فاضل رد عليه ف الموضوع السابق عن الختان وقاللي / متتفائلش بحكاية إن الناس مش بتسمع للكلام اللي بيتقال .. ده الزن على الودان أمَرّ من السحر
قلت لنفسي طب ما تشوف أراء الناس إيه ف الحكاية دي وهل هم مقتنعين فعلا بالكلام اللي الإعلام واجع دماغنا بيه ليل نهار ولا الناس متمسكة بالموضوع ؟؟
ودي محاولة بسيطة كده على أدي ياريت تساعدوني فيها بجد
طبعا أنا لا أملك إني أنزل ف الشارع واعمل استقصاء عن الموضوع
فقلت اعمل كده في إطار معارفي ومش ناقص دلوقتي من معارفي إلا حضراتكم يا زوار المدونة الكرام
وطبعا بردو انا عارف إن العدد اللي هيرد مش هو العدد الكافي اللي ممكن أكوّن بيه رأي إحصائي ف المسألة
( مع احترامي وتقديري الكاملين لكل زورا مدونتي المسكينة)
فأنا بحق افتخر واعتز بكم كلكم
لكن أهو اجتهاد أتمنى إنكم متكسفونيش فيه والكل يرد
يعني اللي محرج يكتب تعليق عن الموضوع ياريت يضيف صوته على الأقل
.....
وفي حاجة صغيرة كمان معلش انا طالبها منكم
ايه المانع لو كل واحد قرأ الموضوع ده إنه يقعد مع أهله أو مع أصحابه ويتناقشو ف الحكاية .. أكيد هتستفيد
ولو طلعت برأي جديد ياريت تدخل تاني على مدونتي وتضيف الرأي الآخر .. ومش شرط إنه يكون متوافق مع رأيك ..لا .. حتى لو كان مخالف لرأيك ادخل واكتبه بكل أمانه
وبكده نكون كسبنا عدد أكبر ف الاستقصاء
.... ....
واتمنى ان محدش يزهق مني ويقول إني مكبر الموضوع ع الفاضي
لا والله يا جماعة الموضوع كبير فعلا
وان شاء الله نتناقش ف التعليقات لو حد عندو أي اعتراض أو استفسار
-------------------------
تحديث
ـــــ
نتيجة الاستقصاء
اجمالي عدد الاصوات 51 صوت
2% عرف اجتماعي لا يمكن الاستغناء عنه
43% الامر مستحب ما لم يصحبه ضرر
35% عادة سيئة لابد التخلص منها
16% واجب شرعي بحكم الدين
4% اللذين لم يفكرو في هذا القضية
-->
معلش يا جماعة انا مظطر أكرر موضوع الختان تاني استحملوني شوية لأن الموضوع ده بجد معيشني ف حالة نفسية وحشة جدا
ودي حالة مش هتجدد عليها يعني ما انتو عارفين البير وغطاه
المهم انا بعرض الموضوع النهاردة بس بشكل مختلف شوية
في أخ فاضل رد عليه ف الموضوع السابق عن الختان وقاللي / متتفائلش بحكاية إن الناس مش بتسمع للكلام اللي بيتقال .. ده الزن على الودان أمَرّ من السحر
قلت لنفسي طب ما تشوف أراء الناس إيه ف الحكاية دي وهل هم مقتنعين فعلا بالكلام اللي الإعلام واجع دماغنا بيه ليل نهار ولا الناس متمسكة بالموضوع ؟؟
ودي محاولة بسيطة كده على أدي ياريت تساعدوني فيها بجد
طبعا أنا لا أملك إني أنزل ف الشارع واعمل استقصاء عن الموضوع
فقلت اعمل كده في إطار معارفي ومش ناقص دلوقتي من معارفي إلا حضراتكم يا زوار المدونة الكرام
وطبعا بردو انا عارف إن العدد اللي هيرد مش هو العدد الكافي اللي ممكن أكوّن بيه رأي إحصائي ف المسألة
( مع احترامي وتقديري الكاملين لكل زورا مدونتي المسكينة)
فأنا بحق افتخر واعتز بكم كلكم
لكن أهو اجتهاد أتمنى إنكم متكسفونيش فيه والكل يرد
يعني اللي محرج يكتب تعليق عن الموضوع ياريت يضيف صوته على الأقل
.....
وفي حاجة صغيرة كمان معلش انا طالبها منكم
ايه المانع لو كل واحد قرأ الموضوع ده إنه يقعد مع أهله أو مع أصحابه ويتناقشو ف الحكاية .. أكيد هتستفيد
ولو طلعت برأي جديد ياريت تدخل تاني على مدونتي وتضيف الرأي الآخر .. ومش شرط إنه يكون متوافق مع رأيك ..لا .. حتى لو كان مخالف لرأيك ادخل واكتبه بكل أمانه
وبكده نكون كسبنا عدد أكبر ف الاستقصاء
.... ....
واتمنى ان محدش يزهق مني ويقول إني مكبر الموضوع ع الفاضي
لا والله يا جماعة الموضوع كبير فعلا
وان شاء الله نتناقش ف التعليقات لو حد عندو أي اعتراض أو استفسار
-------------------------
تحديث
ـــــ
نتيجة الاستقصاء
اجمالي عدد الاصوات 51 صوت
2% عرف اجتماعي لا يمكن الاستغناء عنه
43% الامر مستحب ما لم يصحبه ضرر
35% عادة سيئة لابد التخلص منها
16% واجب شرعي بحكم الدين
4% اللذين لم يفكرو في هذا القضية
-->
17 comments:
ارى ان الدين لم ينكر الختان وعليه يكون الاصل فى الامر هو الختان ما لم يوجد عارض معين
فهناك بعض الحالات ربما يرى الطبيب انها لا تستحق ختانا
فاعتقد ان الامر كله اصبح فى يد الطبيب وهو الذى يقرر ان كان الامر لابد منه ام لا مع الاخذ فى الاعتبار ان الاصل هو الختان
والله تعالى اعلى ةاعلم
inksarat.blogspot.com
اسف مضطر اعلق تانى
اعتقد انه ليس من حق احد ان يحرم شيئا اقره الشرع حتى وان لم يامر به الشرع صراحة الا لضرورة ما
والله تعالى اعلى واعلم
السلام عليكم
كنت مش عارف أضيف تعليق يبدو التعليقات كانت مقفولة
بارك الله فيك فكرة استقصاء الآراء دي جميلة بس مش لقيت رأيي في الاختيارات
حيث أن الموضوع يتفاوتمن بنت لبنت ومن بلد لبلد فيتراوح بين واجب ومستحب واحيانا يكون ليس له داع والطبيب هو من يقرر الحاجة لذلك
أما موضوع الزن ده انت ممكن تعرفه لو لفيت المدونات وخاصة مدونة لفتيات يعارضن هذا الأمر بعنف
صوتت بأعلى صوتي
:)
المشكلة ان طلاب الازهر بيدرسوا ان الختان حلال ما لم يصاحبه ضرر
وتخرج علينا الافتاءات وتقول انه حرام شرعا
ايهما اصدق
الله اعلم
لكن انا من وجهه نظري
ممممممممممم
بصراحة
شايفة انه مش بيضيف
فى البدايه احييك عى اهتمامك بالموضوع ده و فكرة الاستفتاء دى كويسه فعلا
انا شاركت بصوتى رغم ان ولا رأى منهم كان مطابق لرأى
الختان للاناث فى وجهة نظرى اشبه بالعلاج الذى لا يوصف الا لمن يحتاجه ولابد ان يكون بالقدر الذى يرفع الضرر لا يسببه
اما عادة ختان الاناث عموما فهى عرف اجتماعى تفرضه تقاليد حضاريه وثقافيه وليس واجب او فرض شرعى على الاطلاق والا كان الرسول الكريم فعل ذلك مع بناته حثا لنا على التأسى به
الخلاصة: لست ضد الختان للانثى ولكن كحل استثنائى فى حالات استثنائيه وبالقدر الذى لا يؤذيها، اما ان نجعله فريضه واجبه على كل اللاناث فهذا ليس من ديننا
والله اعلم
السلام عليكم ورحمة الله
أولا مدونتك جميله فى شكلها ومضونها
ثانيا أسلوبك فى الكتابه جميل
أما بالنسبه لموضوع الختان
سألت فيه شيخ أقر الناس له بمصدقيته
ومعلومات عن الشيخ أسمه محمد عبد العال
فهو كان يقف على المنبر من سن الخامسه عشر وللعلم أيضا هو و أبوه وجده شيوخ وكلهم خريجى الأزهر الله يبارك فيه ويعز بيه الأسلام
المهم
رأيه وأنا أقتنعت بيه
أن الاسلام لم ياتى بشء إلا لمصلخه البشر فكان ذلك إما فى كتاب الله أو فى سنه النبى صلى الله عليه وسلم
وورد عن النبى أنه راى الأحباش يتسارعون ويلعبون فأقر لنا عيدين
عزم على الطعام فأكل إلا مره واحده فرفض الطعام ولكن لم يحرمه فقال إن أهلى لم يأكلوا ذلك
وأما بمساله الختان فقد أقرها النبى صلى الله عليه وسلم فقال للمختنعه
أشيمى ولا تحفى
فهو مكرمه وأنضج للوجه
ولكن لم يفرض كالحجاب والملبس للنساء
سوف احاول على الأتيان بمتن الحديث
انا صوت في خانت
مستحب مالم يصحبه ضرر
لانها الاقرب لرأيي
وهو ان انا شيفاها على قد
فهمى لجوانب الموضوع
انه الدكاتره هما الى يفصلوا في الموضوع ده من الاخر
لو ثبت انه له ضرر حقيقي
وده الى يفتى فيه الدكاتره
اسألوا اهل الذكر ان كنتم لا تعلمون
يبقى مفيش داعى
ولا ضرر ولا ضرار
والاهم من اى حاجه في الدنيا
هو تقويم السلوك
والاخلاق
بتعاليم دين الاسلام
السلام عليكم
بارك الله فيك أولا على هذا الاهتمام الكبير بالموضوع
واما بخصوص رأيى فأرى حتى الأن أن الأمر يدور بين الوجوب والاستحباب مع أخذ الاعتبار فى رأى الطبيبة
ولكن
تجد الذين ليس لهم من الدين الا ما يسمعون فهو ونصيبه سمع من يقول بالوجوب فهو معه سمع من يقول بالاستحباب فهو معه سمع من يقول بالتحريم فهو معه دون ان يتحقق من الأمر بنفسه
ولكن فى نفس الوقت تعذر هؤلاء العامة وذلك لأنهم يرون ما يجعل الحليم حيران فعلا
هدانا الله وأياكم وجميع المسلمين الى ما يحبه ويرضاه
وجزاك الله خيرا
أنا أساسا عمرى ما فكرت فى الموضوع غير فى الفترة الأخيرة لما ظهر إعلاميا ... و قلت يبقى أكيد شئ مش كويس ماداموا بيتكلموا عليه بالصورة دى .. بس حقيقة أنا فعال لا أعرف هو إيه و لا إيه أضراره و إيه منافعه .. عامة أنا هاعمل زى ما أنت اقترحت و اطرح الموضوع ده على أصحابى و يمك، آجى تانى بعد مدة و أغير رأيى
السلام عليكم
علشان متقولش محرج
احب اقولك اني صوت بانه امر مستحب ما الم يصحبة ضرر
واحب اقولك كمان
اني عملت الاستفتاء بين عائلتي من قبل
وكانت النتيجه 60% شايفينه واجب ديني
والباقي نصهم شايفة مستحب ولازم برأي الطبيب
واللنص التاني شايف رأي ماما سوزان واونكل شيخ الازهر هو اللي صح
تحياتي
السلام عليكم
ياخي العزيز اشكر لحضرتك جراتك في عرض الموضوع المهم ده ولوهاتكلم عن رايي هاقول لحضرتك ماهو لو الناس لاقيه اللي يزن على دماغهم في امور دينهم مش هايسمحه بعد كده باي زن من نوع اخر وهايقدروا يتخذوا قرارتهم على حسب مرجعيتهم الدينيه وبعدين ماكن لمؤمن ولا مؤمنة اذا قضى الله ورسوله امرا ان يكون لهم الخيرة من امرهم يعني ماعلينا الا السمع والطاعة لله ورسوله ورسولنا صلى الله عليه وسلم قال ان الامر مستحب وروي انه ختن بناته
لكن انا برده مع الراي اللي بيقول لو فيه ضرر صحي للفتاه او لو هي مش محتاجة للختان يبقى خلاص غلب راي الطب على الدين لانه فى مصلحة المسلم ودي حاجة دينا مامنعهاش يعني زي ماخونا عصفور قال ان الموضوع يختلف من بنت لبنت يعني انا اخترت الاختيار التاني
حاجة اخيرة جزاكم الله خيرا على الموضوعات الطيبة وانا شايفة ان المدونه ماتبقاش مسكينه ابدا بكل اللي فيها ده ربنا يزيد حضرتك علم ويجعلك مسلم نافع لغيره اللهم امين
عفوا على الاطالة
السلام عليكم
انا شاركت وصوت بالصوت الحيانى كمان
اول زياره لمدونتك واحييك على هذه المدونه المحترمه والثريه
مساء الخير
وبما انك طلبت رأي البنات
وبما اني بنت
فأنا صوت وقلت انه عاده سيئه ويجب اسأصالها من المجتمع تمام
ومش مع اي حد يقول انه واجب ولا مكرمه ولا واجب ولا شرعي
انا هرغي شويه معاك بس استحملني بقي
فيه وجهتين نظر للموضوع دا
اولا بما اني طبيبه احب اعرض عليك وجه النظر الطبيه
طبعا ملوش اي صفه صحيه ولا يضيف اي شيء من هذه الناحيه بل بالعكس ضرر اكبر من نفعه دا اذا افترضنا انه ليه نفع من الاساس
وكتير جدا بيؤدي والي توشوهات وامراض وانتقال امراض خطيره جدا زي فيروس سي
الي بيصيب الكبد والي بينتقل من الادوات الي مش متعقمه
لانك اكيد عارف ان المواضيع دي بتم في ظروف صحيه سيئه تشابه التعامل مع الحيوانات
اما من وجه النظر الانسانيه فدا يعتبر اعتداء صارخ علي حقوق المرأه
معناها ايه العفه
وهل هيا العفه فعلا بقي كل ارتباطها بموضوع الختان؟
هو دا الي يضمن عفه البنت في زمانا دا؟
مش من حقها انها تعيش كمخلوق كامل بكل احاسيسه وبكل متطلباته
بشكل سليم ومتوازن
اكيد سمعت عن كميه المشاكل الزوجيه الي بتحصل بسبب البرود الجنسي في حياتهم الزوجيه بسبب الموضوع دا
بامانه وبكل صراحه انا شايفه انه موضوع غلط من كل النواحي
بس للاسف احنا عشان نغير حاجه بقالها مليون الف سنه
عايزين مليون الف سنه تانيه عشان نقتنع
ومليون عشان نفكر ننفذ واحتمال اما ننفذ او لا كمان
الموضوع كلبير جدا يا عزيزي
بشكرك انك طرحته
ويارب كنش رغيت كتير
تحياتي ليك كتير جدا
حاجه تانيه احب اضيفهالك ونسيتها
فيه فرق مكبير بين القراهن والسنه
القران احكامه وقوانينه شامله لكل زمان ومكان
والحديث الشريف اكيد كدا برضه
لكن بعض الاحاديث كانت بتقال لظروف معينه كانت سائده في هذا الوقت و
يعني كل حديث وله وضعه يا اخي الكريم
وما يصلح في زمانهم ليس بضروره ان يصلح في زمانا
عارفه اني ممكن اتعرض لهجوم شديد بسبب راي دا
بس حتي لو اختلفنا
دا اكيد لا يفسد للود قضيه بينا
تحياتي ليك مره تانيه
موضوع قيم
وفكرة الاستقصاء اكثر من رائعة
تحياتي
انا بهلول
انا شاركت فى الاستقصاء
وفكرتها اكثر من رائعه
اتمنى لك التوفيق
Post a Comment