اتخنقت اوي لما شوفته
وياريتني ما كنت شوفته
ومنصحش حد انه يشوفه
فقط تزيد عندك الحسرة على ما وصلنا إليه
ويزيد عندك الشعور بالذل من كثرة المشاهد المرة
اللي كنا بنشوفها
ومازلنا بنشوفها كل يوم
بس هو جمعهالك كلها في فيلم واحد وسماه عمل فني
اي كانت التسمية اوبريت او عمل فني
مش هتفرق
المهم انه حاجة لا تفيد ولا بيقدم ولا بيأخر
لاء .. فيه حاجة معلش
ده جايب فيه وجوه جديدة
ايوه وجوه جديدة
من المغنيين والمغنيات
أصل احنا ناقصين يعني وجع قلب
فكانت وما زالت كرامتنا تنتهك
وأطفالنا ونساءنا تشرد
على مرأى ومسمع من العالم كله
ولم يتغير شيء
ولن يتغير أي شيء
ما دامت الموازين مقلوبة
ومادام الصح أصبح غلط والغلط بقى هو الصح
ومادمنا لسة بنغني ونقول مواويل
فسيظل الحلم .. مجرد حلم
! وسيظل أيضا الضمير العربي .. مجرد اوبريت
وياريتني ما كنت شوفته
ومنصحش حد انه يشوفه
فقط تزيد عندك الحسرة على ما وصلنا إليه
ويزيد عندك الشعور بالذل من كثرة المشاهد المرة
اللي كنا بنشوفها
ومازلنا بنشوفها كل يوم
بس هو جمعهالك كلها في فيلم واحد وسماه عمل فني
اي كانت التسمية اوبريت او عمل فني
مش هتفرق
المهم انه حاجة لا تفيد ولا بيقدم ولا بيأخر
لاء .. فيه حاجة معلش
ده جايب فيه وجوه جديدة
ايوه وجوه جديدة
من المغنيين والمغنيات
أصل احنا ناقصين يعني وجع قلب
فكانت وما زالت كرامتنا تنتهك
وأطفالنا ونساءنا تشرد
على مرأى ومسمع من العالم كله
ولم يتغير شيء
ولن يتغير أي شيء
ما دامت الموازين مقلوبة
ومادام الصح أصبح غلط والغلط بقى هو الصح
ومادمنا لسة بنغني ونقول مواويل
فسيظل الحلم .. مجرد حلم
! وسيظل أيضا الضمير العربي .. مجرد اوبريت
35 comments:
عارف أفلام الكرتون اللى فيها بلوتو (الكلب) واخد دور البطولة؟؟ دى بقى بيبقى فيها نملة صغيرة و دقيقة أوى اسمها الضمير..ماسكة شمسية و لابسه بدلة اخر شياكة..تقعد تتنطط على قفا بلوتو عشان تقوله لأ متاخدش عضمة مش بتاعتك و تجرى و كده يعنى..عمرها ما فلحت انها تخليه يبقى كويس أو ينصلح حاله..باين كل الضمائر أوبريتات..
الحلم العربى كان أحلى..الحاجة لما تتكرر أو بتبوخ زيادة حتى لو كان فيها بواخة الدنيا لوحدها..أنا بكرهه
اولا بشكر صاحب البوست دى
لكت ابريت الضمير العربى اصلا انا ما اقتنعتش بيه
ازاى اقتنع بكلمات خرجت من افواه لا زم تكون من اول الناس اللى بتعمل بيه لكن دول اول ناس هايهربوا لما يحصل اى حاجة ودول اول ناس بيغدروا بوطنا العربى وبيخربوا فيه بكليباتهم وباغانيهم
اسفه بس دة راى ووجهه نظرى
وتقبلوا تحيتى
روز
ماشوفتوش
وبجد مش عايزة اشوفه
بلاد مش هتبطل تغني
كل حاجه يغنو ويقرفونا
لكن فعل مافيش
السلام عليكم
عندك حق فى كل كلمة انا شوفته
مرة واحدة بس وماكنتش بقدر اشوف المناظر الصعبة تعرف كان من تاثير المشاهد دي ايه كمان غير نشر حالنا وضعفنا قدام العالم كله كان من اهدافه كمان انه يموت قلوبنا يخلي المناظر دي عادية قدامنا شوية شوية قلوبنا هاتتحجر زي ماعقولنا وضمائرنا اتحجرت زمان كان منظر الدم بس بيرعبنا دلوقتي لا بنتفرج على بعض واحنا اشلاء مرمية فى كل حتى واكترنا اطفال للاسف بجد حاجة توجع اووووي ربنا يرحمنا وماتفهمش ليه كل دا علشان نصعب عليهم ولا علشان تصعب علينا نفسنا كمان وكمان لا لاسف عمرهم ماهيحسوا بينا ولا هانصعب عليهم طول ماهما شايفين ان احنا نستاهل اللي بيجرالنا وعلشان كدا هاتفضل حياتنا فعلا مجرد اوبريت
ربنا يباركلك على الملحوظة دي
والكلام كتير بس للاسف كله مؤلم فعلا
السلام عليكم
ولعل من أضرار ذلك يا محمود أن يتم تطبيع هذه المشاهد وتصير طبيعية وعلى أنغام الأوبريت حتى تموت القلوب من كثرة مشاهدتها وينغرس الانهزام
انا شفته مرتين و بعد كدة بقيت بقلب لما اشوفه
ما انكرش انى بكيت رغم ان انا نادرا لما ببكى تأثرا
بس الموضوع كله ملخص فى كلمة واحدة بس:
ابتذااااااااال
ماتت قلوب الناس،احنا برضه اللى قلوبنا ماتت؟
طيب ما تتبرعوا بشوية من الاكوام اللى شايلينها؟
الاوبريت بقاله سنتين بيتجهز
ليه؟
مش حرام الفلوس دى كلها
وبصوا فى الاخر الكلام على لسان مين
بجد الكليب دا فظيع انا شفته مره واحده بس ومحبتش أكررها تانى بسمعه وبس من غير ما اشوف
لأنه محزن جدا بس المشكله ان العرب عارفين وساكتين مش محتاجين حاجه زى دى عشان تفوقهم
الله المستعان
احنا منعرفش غير اننا نبكي علينا انما ناخد قرار بالتغيير ده مستحيل هو ده حال الامة العربية وسوف يظل كذلك الي ان نتحرك مش بالاغاني انما بالعمل للاسف احنا نعرف اوي نبكي علبي اللبن المسكوب انما منعرفش نحافظ عليه او نعمل غيره
تحياتي
لكن من وجهة نظري
انه عمل رائع
على الأقل حسست الواحد انه لسه في فنانيين ممكن يعملوا احجه علدة بدل المسخرة اللي الواحد بيشوفها كل يوم في التليفزيون
يعني لا حاجه عدلة ولا هدف
تحياتي
صراحه انا كنت كرهت العرب والعالم كله
ولما شوفت الاوبريت كرهتهم اكتر
الناس بتموت وتتشرد واحنا قاعدين نضحك ونغني وفرحانيين قوي باننا فوزنا بطوله فى ماتش
زي مانكون احنا في عالم وهما في عالم
زي مايكون احنا عرب وهما لا
الحلم العربي كان قبل الاوبريت بعشر سنين وانا شايفه ان الوضع بقى اوحش ومافيش حاجه اتعدلت
هل ياترى هنستنى عشر سنين تانيين وكل اللى نعمله مجرد اوبريت ونسيب اهلنا يموتوا وارضنا تغتصب؟؟!!
مش دة الرد الاغاني الرد نار وحديد فقط
يا سيدي
كل واحد بيدور علي رزقه مش عيب
بس ميبقاش علي حساب الضمير
الله يكون في عون الجمهور
اكتر حاجه حرقة دمي في الاوبريت
كل اتنين بيغنوا سوا بيبصوا لبعض ومبتسمين
ههههههههههههههههه
دنيا والله
عمر ما المشكله هتتحل بأغنيه او كلمه
و المشاهد اللى موجوده فى الاغنيه ( مع انى ماشوفتهاش ولا هاشوفها) هى هى اللى بنشوفها كل يوم على قناه الجزيره
بصراحة ياجماعة أنا فضلت في البداية أقرأ أراء الناس اللي قبلي قبل ما أعلق .. عشان الواحد يكون رأيه فيه مصداقية أكثر
................................
وبصراحة أكثر لقيت إن فيه موجة هجوم قوية على الكليب .. وإن كنت ناوي أبدأ بشيء من النقد .. بس قلت انتو وفرتو النقد فخلينا في الإيجابيات
ـ أولا : لو بصينا لموضوع الكليب وأهميته فبصراحة أنا رأيي ان كل واحد له دور في المقاومة أيا كانت مهنته ، ومن المهن المهمه المغني لو صدق في عمله وحب يوصل رسالة
ـ ثانيا : الناس اللي بتغني في الكليب احنا متعودين على معظمهم في حاجات مسخرة فمتهيألي كويس انهم عملوا حاجة كويسة لها معنى ورسالة
ـ ثالثا : وأعتقد أنها الأهم إن نوعية الجمهور اللي بيسمع الأغاني تغيرت وأصبحوا يبحثوا عن الحاجات الهادفة وبذلك أجبروا المغنيين إنهم يبحثوا عن الهادف ، وده شيء كويس جدا
................................
وأخيرا أحييك على مدونتك وعلى شكلها المعبر جدا
وأنتظر إطلالتكم على جديد مدونتي
في ذكرى الميلاد ... احتفال أم حداد
تحياتي
انا عجبنى الاوبريت جدا يا محمود
ويمكن نقدر نقول كل واحد له دور فى الحياه وفى الجهاد
مننساش ان ام كلثوم كان لها دور فى ايام الحرب
ومننساش ان عبد الحليم
والابنودى والموجى كان ليهم دور
تحياتى لك
محمود
الايميل اللي انت اتكلمت عنه في موضوع الاساءه للرسول
انت كتبت تعليق عند اه يادماغي تقريبا بتقول انك قريت عن الموضوع ده
ياريت تديني فكره اكتر
هو السؤال اللي كان في دماغي لما بشوف الكليب وأنا شوفته مرتين ومقدرش أتفرج عليه تاني لانه فيه مشاهد مفيش كلام يقدر يوصفها من قساوة واهانة لأدمية الانسان
السؤال بقه هما عاملين الكليب ده لينا ليه ؟؟؟ طيب ماحنا عارفين وشايفين الاهانات والمشاهد دي كتيير أوي
وكنت متابعه حلقة البيت بيتك فالمذيع ساله نفس السؤال قاله المفروض تعمله للكليب ده ترجمه وينزل في القنوات الاجنبية وفعلا الفكرة دي في دماغهم وبيعملوا فيها
فطالما الخطوة دي اتخدت انا شيفاها خطوة كويسة لان الغرب بتوصلهم الصورة بالعكس ان الاسرائلين هما الضحايا وهما المظلومين لكن يمكن الصورة بالكليب ده
تتغير
وأنا مع رأي عمر في ان الكليب ده على الاقل هادف من المسخرة اللي بنشوفها كل يوم يعني زي ما بيقولوا نص العمى ولا العمى كله
فده شئ بسيط أحسن من مفيش
تسلم يا محمود على المدونة الجميلة دي
في امان الله وحفظه
انا مش شوفته ولا هشوفه
مالها يعنى قناة الحكايات
بسم الله
جالي نفس الشعور - بجد- لما شفت الاوبريت برضه
تحياتي
رغم كل الإعلانات عنه
والضجه التي تصاحبه حتى من قبل عرضه
إلا إني ما قدرتش أشاهده
كم المشاهد المحزنه فيه فظيعه بجد
مشاعر تشعرك بالمقت وكل الحيله
تحياتي
ض م ي ر
هل ما زال هناك تواجد لهذه الكلمة في قواميس المجرميــن؟؟؟
المشكلة ان كل متحصل حاجة كبيرة فى فلسطين
نجيب مطربين ويلبسوا اسود فى اسود ويعملوا اغنية ويعيطوا ويجبوا مشاهد للعنف واطفال ميتة انتم بتكلموا مين بتكمونا احنا طيب محنا عارفين متروحوا تكلموا الى برة الى مش شايفين ولا عارفيين
بيقولا الاوبريت دة اتكلف كذا مليون مش كان اولى بيهم الى بيموتوا هناك يروحلهم بية ادوية او اكل او سلاح
والله حرام
هو انا للأسف شفته
المألم فيه كله على بعضه
شوفية فنانين جايين بأحلى منظر ( استعراض )
و كلمة مستوها مش لائق كمان بحاجة زى دى
و الأصعب ما وراء الكلمة
وكمان التسمية
( الضمير العربي )
اخطئ من اسمه بهذا
بصراحة يا محمود انا لسه شايفاه شوفته بالصدفة توشيبا العربي كان مشغله في المعرض شوفت لقطات منه ومقدرتش اكمله مناظر لا ترى واللي استغربت منه هو اصلا الاوبريت ده موجه لمين يعنى الغلابة اللي زينا كل يوم بيستنكروا ويعيطوا وينهنهوا ويدعواما باليد حيلة اما بقي... خلينا نربي العيال كل سنة وانت طيب
السلام عليكم
معاك حق والله
للأسف حالنا أصبح محزي لدرجة إن الأغاني اللي من النوع دا بتسبب إحباط مش دفعة للأمام .
خالص تحياتي
وسيظل الضمير العربى مجرد اوبريت
مادمنا لانهتز ولايتحرك فينا ساكنا
سيظل الضمير العربى اوبريت مادام
هناك من يزرع فينا الهزيمة النفسية واليأس والامبالاة
سيظل الضمير العربى ميت
ومسجون فى هذا الاوبريت
مادمنا لانشعر بحب اوطاننا
ومادمنا
نختلف حتى نفترق ويتمسك كل صاحب راى برايه يتعصب له
ويسب من اجله
فقط ليس للوصول للحقيقة
بل
للكبر
فقط
تحياتى
أنتِ
نعم اعنيكِ انتِ
لماذا لم تأتِ بعد .. ؟
هذا طريق لا يعرفه الساسة
و لا الحكام
و لا الاصدقاء و لا الاعداء
هذا طريق لا يعرفه أحد
ولا يعرف أحد
طريق لم تعرفه أقدام المارّة ،
ولم تدنّسه من قبل عجلات سيارة فارهة تملأ خزان وقودها من عرقي ، وعرق الأغبياء
الذين يقفون في طابور طويل
يريدون خبزاً قبل أن ترتفع أسعار القمح
تعالي .. لماذا انتِ مرتبكة ؟
و لماذا ارتضيتِ ان تتدثرين في حزن مغشوش ؟
دع العالم يسمع صوتك
و إن لم يفعل .. !
فتأكدي انني انتظرك لتشتركين معنا في اسرار اون لاين
على الرابط ادناه
حتى اسمعك
http://asraronline.com/vb/register.php?referrerid=2
اهو ادينا بنحلم وبس
بس في فرق ناس بتحلم وتغني وناس بتحلم وتبكي وناس مش فاضيه تحلم اصلا اصلهم كده بيفكرونا بالي بيحصل قال يعني
سلام
بيروو
أعتقد انه اتعمل عشان يمكن يخلينا نثور
يمكن لما نضايق ونزعل من نفسنا اوي كده نعمل اي حاجه
فعلا الموزاين اتقلبت الصح بقه غلط والغلط بقه صح
الامه مش هينصلح حالها الا لما الناس تتغير بجد
تحياتى ولاء
مدونه جميله
و بندعوكى علشان تيجى تقول رايك عندنا و يمكن يكون فيه تعاون
أنا مش سمعت الأوبريت حتى الآن بس أسمع انه كويس
جزاكم الله كل خير
السلام عليكم
الوطن الاكبر
الحلم العربي
الضمير العربي
كلها مراثي على امة كانت في يوم من الايام اعظم الامم
كانت
للاسف
اوبريت اوبريت المهم قالو حاجة لان فعلا مافيش في اديهم حاجه و لا اي حد هايقدر يعمل حاجه و بالنسبه للتعليق الي قال ان الموغنيين اول ناس هايهربوا شئ عادي لان اعادهم مالوش اي لازمة و انت كمان هاتعمل ايه هاترمي الحجاره ارمي لحد ما يجي دور الرصاصة الي هاتخاليك تحت تراب بلدك و هما اعدين فوق ترابها و هاتموت حروب و هاتيجي حروب و هانفضل نكتب و هما يغنوا
نفس الشعور و نفس الطلب مش عايز حد يشوفها تاني
و انا مقدرش اشوفها تاني ...
بس بقول برضو الحمد لله ان الواحد شافها علشان تصحي حاجات كتير ماتت جوانا :
:(
Post a Comment