يوسف ده يبقى ابن اخوية عندو حوالي 6 سنين كده بس ما شاء الله عليه واد ذكي اوي .. لما تبصله كده من اول وهلة تحس انه طفل عادي جدا وبريء جدا جدا( او بمعنى تاني يعني تحس انه عبيط )ههههه.. لكن الحقيقة غير كده خالص .. أبوه وأمه ما شاء الله عليهم هما كمان بيسيبوه يقعد ع الكمبوتر والنت تقريبا أكتر من يجي 8 ساعات ف اليوم .. انا عايزكم تتخيلو طفل عندو 6 سنين، ونص يومه تقريبا كمبيوتر ونت .. طبعا هو غلط كبير وانا شخصيا ضد ده .. هو قريب ان شاء الله حنعملو نضارة خلاص
المهم عشان مطولش عليكو بس .. يوسف قرر ف يوم انه ينزل يلعب مع العيال ف الشارع ( وياريته ما قرر ) .. طبعا هو دايما قبل ما ينزل لازم مامته تديله حباية حماية على كام قرص انتي بايوتك ضد العيال اللي تحت وتقوله : ( اللي يضربك اضربه وخد حقك بايدك .. واللي يشتمك قوله ربنا يسامحك .. ومتعملش مشاكل مع حد ) ويبصلها يوسف بزاوية مايلة وهو نازل وكأنه عايز يقولها متخافيش عليا ده انا واد جامد اوي .. وهو أصلا شبه القلم الرصاص اللي لسة مبري ههههههه
نزل يوسف وقعد فترة في الشارع لحد ما نسينا تقريبا انه تحت
وفجأة
لقينا يوسف طالع بيفتح باب الشقة وحاطط وشه في الأرض ومكشر كده وتحس انه عايز يعيط بس نفسه مش مطاوعاه
مالك يا يوسف في ايه
يوسف .. لسة حاطط راسه في الأرض وبيحاول يعيط بس بردو معيطش
يا حبيبي في ايه شكلك عملت مصيبة
يوسف .. بدأ بقى في سيمفونية العياط التمثيلي .. احنا عارفين الأفلام دي كويس اوي
وبدأ يتكلم بس طبعا قال جملة متفهمش منها حاجة عبارة عن مجموعة حروف متقطعة
طب بس تعالى كده واهدى وقوللي في ايه بالراحة
!! يوسف .. كسرت العربية بتاعة الواد
أمه بقى .. عربية مين يا ولا يخرب بيتك وكسرتها ازاي انت كان معاك سواريخ قبل ما تنزل
يوسف .. لا حدفتها بالطوبة
!! امه بردو .. طوبة
يوسف .. لسة حاطط راسه في الأرض وبيحاول يعيط بس بردو معيطش
يا حبيبي في ايه شكلك عملت مصيبة
يوسف .. بدأ بقى في سيمفونية العياط التمثيلي .. احنا عارفين الأفلام دي كويس اوي
وبدأ يتكلم بس طبعا قال جملة متفهمش منها حاجة عبارة عن مجموعة حروف متقطعة
طب بس تعالى كده واهدى وقوللي في ايه بالراحة
!! يوسف .. كسرت العربية بتاعة الواد
أمه بقى .. عربية مين يا ولا يخرب بيتك وكسرتها ازاي انت كان معاك سواريخ قبل ما تنزل
يوسف .. لا حدفتها بالطوبة
!! امه بردو .. طوبة
المهم انا جريت ع البلكونة عشان اشوف في ايه
واول ما عيني شافت وقعت على المنظر الرهيب
وعشان مطولش عليكو أكتر من كده لأني بصراحة مش بحب المواضيع الطويلة بردو
المرة الجاية اقولكم ايه اللي حصل مع الواد ومع صاحب العربية واللي لسة يا عيني ملحقش يفرح بيها
:D :D
45 comments:
حتحكي إيه ما البقية معروفة
آلام الدفع
وآمال ربنا يخلف عليكم
ربنا يسترها على اللى حصل بعد كدا
هههههههههههههههههههههه
هههههههههههههه
ابن اخوك يعمل كل دا؟؟؟
وبعدين يا سيدى كنت كمل انا بحب المواضيع الطويلة
لسه هنستنى للمرة الجاية ؟؟؟
عموما انا عاوزة الموضوع يوصل القسم
يوسف يكسر براحته واللى يحاول يكلم اخبطه وروح فيه القسم
ههههههههه
وانا هبقى ابعتلك فول وطعمية عشان الحلاوة غالية اليومين دووول
هههههههه
واوعى تخلى يوسف يعيط تانى قوله ياد كسر ولا يهمك
تحياتى
ربنا يسمحك اهو رئيسة قسمي قفشتني وانا بضحك وعرفت اني بتابع مدونات يالا مش مهم حصل خير وكل سنة وانت في صحة وسلامة وسعادة
مبروك الشكل الجديد للمدونه جميله قوى
ومنتظرين الجزء التانى
انا عارفه ومجربه برائه الاطفال
كان الله في العون
الا هو يوسف منين بالضبط
عشان بس منحطش العربية هناك
كل سنة وانت طيبة
دمتِ بخير
السلام عليكم
ايه ده مين الواد اللي عنده
عربية من دلوقت يستاهل
وبعدين معقول طوبة تعمل
فى الازاز كده شكلها كانت
طوبة قاسية ياما يوسف ربنا
يخليهولكم الم رصاص بس قوي
ماشاء الله ماكنت تكمل احنا
لسه هانستنى عايزين نطمن على
العربية قصدي على يوسف
واضح انه طالع لحد كده ولا كده
ياريت تسلملي عليه وقله
تسلم ايدك واوعى حد يزعله
احب انا شقاوة الاطفال العفوية دي
السلام عليكم
ربنا يبارك فى يوسف ويعيش ويكسر
شكل اللى اشترى العربية مطلعشى فلوس لله او مدبحشى حاجة
قله اللى ييجى فى الشيش بقشيش
الحمد لله
ثم الولد مسكين طالع بيعيطلكو عاوزين ايه تانى
كل سنة وانت والاسرة بخير
تحياتى
هبة
يانهار كل ده من يوسف
وتقول اللي يشوفه
يقول شكله عبيط
عبيط ايه بس
لالا المفروض صاحب العربيه
يمسكه يضربه عشان يحرم:)
ربنا يخليهولكم
يا خساره الفورد
من اولها كده هتغير برابريز
ده كلام يعني
لسه هنستنى
يا سيدي ربنا يخلي يوسف ويكسر
والحمد لله إنها جت على قد كده
أي شئ ممكن يداوى بالفلوس يبقى بسيط
دى أخرة اللى يضربك اضربه.
معترضة تماما على القرصين اللى نص العيال بياخدوهم ف التربية.. أنا لو عندى ابن عمرى ما حاقول له اللى يضربك اضربه أبدا ما هو أصل احنا مش عايشين ف غابة كل واحد بيخلص حقه بدراعة..معترضه تماما.
ده غير ان مينفعش العيال الصغيرة تلعب ف الشارع أو تقعد ع النت بالساعات كده.محدش ضامن إيه ممكن يحصل ف الحالتين.
مش عاجبنى اللى حصل يا محمود و اللى يقول ل يوسف كسر براحتك يبقى بيفسده.
أنا لو منكو أرن يوسف علقة عشان لما يكبر شوية ميعملش حاجة أنقح و يفكر كويس انه لو غلط حيتعاقب.6 سنين ف الزمن ده مبقاش صغير.ده تلاقيه بيفهم أكتر منك و منى.لازم يتعاقب و من غير هزار.
أنا ضميرى مماتش ولا احساسى اتعدم بس عشان مصلحته و عشان يطلع بنى ادم كويس لازم كده.
مش ممكن لا متقولشى ان يوسف هو الى عمل كدة
ياريتك كنت كملت الموضوع مره واحده .. طويل طويل مش مشكله .. نلحق نعرفه قبل ما يوسف يعمل حاجه تانيه
:D :D
من بعد موضوعك بقى يوسف " مسجل خطر " لو مر جنب أي جراج عربيات
هههههههههههههههههههههه
تحفة يوسف ده..ربنا يحفظه يارب
بس ابقى طمنا ايه اللي حصل بعد كده
والاطفال كلها كده..الواحد هيعملهم ايه..ربنا يهدي
تحياتي
النت والكومبيوتر أرحم بكتير
والنضارة كمان أرحم
هو ده التغير الى احنا عاوزينه
شوفته الضغط والكبت والهقر بيودى لايه
فيها ايه يعنى لما تسيبوه قاعد ع الكومبيوتر
أديه نزل للشارع ما شاء الله دشدش العربية
لا ومش أي عربية فورد
خايف والله لحسن يوسف ياخد من صاحب العربية فلوس هههههههههه
تحياتى ليك ولمدونتك الجميلة
اوباااااااااااااااا
كده مش حلو ومش كميييييل خالص
كده السيد والد الطفل حيتطقمله في يجي 700
جنيه تمن الازاز اللي ادشش ده
واعتقد ان المحروس ماهوش نازل الشارع تاني ابدااااااااااااااااااااااا
عصفور المدينة
------------
هههههه
ربنا يكرمك والله تعليقك ضحكني فعلا من قلبي وربط رائع
:D
ZaHrAt El3eN
-------------
خير الحمد لله كل اللي بيجيبه ربنا كويس
:)
Hadota ..
---------
معلش بقى يا حدوتة قريب اوي ان شاء الله هتعرفي بقية القصة
وبعديم من ناحية العياط فهو عيط لحد ما استكفى من كتر الرعب اللي شافو
:D
قلوب حائرة
----------
معلش امسحيها فيا انا دي
وعندي انا لو في اي خصم او حاجة
ابقي طمنيني بس
:D
رفقة عمر
--------
ربنا يبارك فيكي يا رفقة والله رأيك ده شرف ليا
واحيانا براءة الأطفال بتوقع الكبار في مشاكل مش ظريفة ابدا
:)
السلام عليكم ورحمة الله وبركاته
عاوزه اعرف بس هي الصوره اللي بره دي حقيقية ، يعني هو ده اللي حصل فعلا للعربية الفورد ...؟؟؟
لو كده فعلا يبقي ربنا يستر علي الباقي
ههههههههههههه
القلم السكندري
--------------
لا متقلقش يوسف مش على طول كده يعني دي حالة طارئة بس
حط عربيتك مطرح ما تحب ولا يهمك
:)
بنات افكارى
-----------
هههههههه
على فكرة انتي فهمتي غلط يا بنات افكاري
هي مش عربية الواد دي عربية ابوه
ان شاء الله هتعرفي التفاصيل المر الجاية
وبعدين الحمد لله هو مش طالع للحد اللي كده ولا اللي كده
ده من فضل ربنا عليه انه مطلعش زيه
:D
Doba
----
والله مش عارف هو دبح عليها ولا لاء
اصله مش مشتريها في مصر
:D
وربنا يكرمك على دعائك وكل سنة وانتي طيبة
may
---
ههههههه
اه والله لو شوفتيه تقولي عليه اكتر من كده كمان
لكن ياما تحت السواهي
نورتيني يا مي والله وربنا يكرمك
Mohamed_sobhy84
---------------
شوفت بقى النصيب
الحمد لله هنعمل ايه بس قردنا بقى
:)
Salwa
-----
هو فعلا الحمد لله انها جت على اد كده
بس الموقف متتخيليش صعب ازاي وانتي واقفة ادام صاحب العربية كده وابنك عامل البلوة دي
ههههههه
Queen eraser
------------
ايه يا مي مالك داخلة فيا شمال كده
:D
براحة عليا شوية
ومين قالك ان احنا راضيين عن الأسلوب ده اصلا هو انتي عرفتي بقية الحكاية طيب
وبعدين معلش انا بختلف معاكي في موضوع الضرب ده
معلش العلقة والضرب ده ممكن يجيب نتيجة عكسية وغالبا هو ده اللي بيحصل
في اساليب تانية كتير غير اضرب نقدر نحل بيها المواقف دي والحمد لله بتجيب نتيجة هايلة
اسأليني انا بقى لأننا ما شاء الله لا قوة الا بالله خبرة اوي في الحاجات دي
:)
شرفتيني يا مي وبراحة شوية مش كده
هههههه
ايوية
-----
تصدقي بقى يوسف هو اللي عمل ده
:)
Zo0oZ
-----
ينهار ابيض
مسجل خطر مرة واحدة
ده انا باين عليا بهدلت الواد
:D :D
قوت القلوب
----------
ربنا يكرمك
واطمني الحمد لله اللي حصل خير اوي وحاجة مش متوقعة كمان
مرورك على مدونتي شرف ليا ونورتيني وانا شوفت تعليقك على البوست اللي فات ربنا يكرمك
Monzer
------
شكرا يا منذر يا جميل على ذوقك
بس انا بصراحة مش راضي ابدا على قعدة الكمبيوتر بتاعته دي
بجد حاجة فظيعة فعلا ده بقى مدمن
ربنا يستر عليه
اسكندراني اوي
-------------
بص هو فعلا من ساعتها منزلش الشارع تاني
بس الحمد لله المبلغ كان اقل من كده
ونورتني يا محمد والله
خمسة فضفضة
---------
لا يا دكتورة ده اللي حصل للباب اكتر من كده فعلا ومتعرفيش بقى ازاي الطوبة تعمل كده
سبحان الله
على فكرة الصورة دي قريبة جدا للي حصل في العربية
لكن مش دي العربية اللي حصل فيها كده
التانية كانت افخم من كده بكتير
ههههههههه
واد جدع وجاب من الاخر
ايوه عشان ماحدش يكلموا بعد كده
اهو من صغره خد شهره في المنطقة
ولو على حق الازاز
ياعم بيقولك الصيت ولا الغنى
تحياتي ليك
وربنا يحرسه
ويهديه
محمد سمير
لية انا بحب المواضيع الطويلة .. لسة هستنى المرة الجاية ولو أن الباقى معروف بس بردة مشدودة أوى أنى أعرف يوسف حصلة أية
إمتى هتنزل البوست التانى انا متشوق لبقية القصه
بس على العموم إيه يعنى لما يكسر العربيه فداه
السلام عليكم ورحمة الله
هقول ايه طالع لعمه محمود
وانا بتخيل اللي حصل علي هذا النمط
ولد يا يوسف في حد شافك اما كسرت العربيه
لا يا عمو مفيش غير واحد من اصحابي
يجيب عمه محمود قائلا/والولد ده راجل نضمنه ولا
يوسف يرد قائلا/ولا طبعا
عمه محمود/هياخد كام
يوسف/بسكوت وبنبوني وهينسي كل اللي حصل
هههههههه
بحب اوي الاطفال الاشقيه وخاصة اما يكونوا اذكياء
ربنا يخليه ليكم ويباركلكم فيه
السلام عليكم
يارب تكون بخير وكان عيد سعيد
هههههههه عموما أنا عارفه بقيت الحكايه
أنا حاسه أنك بتحكى عن الأمين أبن اختى والله بالضبط حتى نفس السن تقريبا وبرضه نفس حكايه النت والكمبيوتر وزى القلم الرصاص
ونفس تنبيهات مامته وهو نازل يلعب فى الشارع
يلا فداه مليون عربيه بى أم دبليو مش فورد
ربنا يخليهولكم
تحياتى
يالهوى ابن اخوك ده صعب اوى
بس بالنسبة للكمبيوتر والنت ابن اخويا نفس الموضوع تقريبا كل الاطفال دلوقتى كده
شكل اخوك ادبس فى مبلغ حلو
يارب يعيش ويكسر راس اي حد حتى
احنا لينا بركة غير الاستاذ يوسف
واوعى تخليه يعيط بعد كده فداه كل عربيات الدنيا
ربنا معاكم بقى في اللي بعد كده
ههههههههههههه
ده يوسف طلع حكاية
انا كن فاكره ابن اخويا بس اللى بيعمل المقالب دى
بس بالصلى على النبى كدا ابن اخويا سنتين ونص
اه والله ويخرج الشارع يضرب العيال وياخد حاجتهم ويرجع البيت
طبعا العيال الصغيرة اللى فى سنه
ولما حد يجى ياخدها منه تلاقيه مكلبش فيها ويصوت ويقولك بتااااااااااااااااااعتى
على شوية شتيمة باين ولا مش عارفه بيبقا يقول ايه
اصل ليه لغة خاصة لا يعلمها الا الله
المهم انا مش بعرف اميز غير كلمة بتاعتى وبس
وانا اللى كنت بقول على الواد شقى طلعت ظالماه اتارى فى يوسف اجدع واحد يكسر زجاج عربيات
متابعه يا فندم
علشان احط مشاكل ابن اخوك على مشاكل ابن اخويا ونعمل كوكتيل
السلام عليكم
كل سنه وانت طيب بس متأخره انا عارفه
انت زعلان ليه ياعم تلاقيك عملت اكتر منه لما كنت اده
يعيش ويكسر كمان بفلوسه
:D
ياعيني على العلقة اللي زمانك اكلتها يا يُوسُف
انا مستنية باقي القصة ما تتأخرش علينا الله يكرم حضرتك
هههههههههههههههه
بصراحة يوسف دة زي العسل
و كلنا كنا كدة و احنا صغيرين اية المشكلة دي طبيعة الحياة هو طفل يخرب و احنا الكبار نستحمل
هههههههههههههههه
اول مرة ادخل المدونة بس جميلة جدا
تحياتي
انا برضو ليا اخ صغير عندو 6 سنين برضو
و بيقعد علي النت تمام زي يوسف بتاعكو...
ينزل العاب و يقعد يلعب علي النت و كدا ...
الفرق الوحيد بين يوسف بتاعنا و يوسف بتاعكو ان احنا منعينه يلعب في الشارع
:D
جيل اليومين دول مايعلم بيه الا ربنا
أشقيه وغلباويين ودماغهم توزن بلد
احكيلنا الباقي بقه
ههههههههههههههههههه
يوسف دة هيورطكم ورطات كتييييييييير
ابقي خلي جيبك دايما عمران علشان تدفع التعويض
مين اللي قل القعدة قدام الكمبيوتر و النت غلط؟؟؟؟
أظن بقى استوعبتوا الدرس اللي اداهولكم يوسف كويس و ده حاتكون آآآآخر مرة حد يقوله سيب الكمبيوتر
هههههههههه
ربنا يبارك فيه
ايه ياعم فينك خضتنا على الولد يوسف ايه الي حصله ياعمنا
ربنا يكرمك يارب وميرسي على تعليقك يارب يكرمك ورديت عليك شوف الرد وقوليردك
غمض عينيك
---------
ههههههه
نورتني والله يا محمد وربنا يسمع منك ويبارك فيه ويهديه
:)
Banota
------
معلش بقى يا بنوتة
واهو الحمد لله بقية القصة نزلتها
ان شاء اللع مستني مرورك
سى السيد
--------
نزل يا فندم والحمد لله وشكرا بجد على اهتمامك يا سي السيد باشا
:)
هكذا علمتني الحياة في ظل العقيده
-----------------------------
ههههههههههه
ربنا يبارك فيكي يا اخي
لاء والله اللي حصل غير اللي حضرتك قلته شوية
وان شاء الله منتظر مرورك
وجزاك الله خيرا
:)
حياة الأحلام
----------
ربنا يكرمك يا حياة الأحلام
ههههههههه
مليون عربية؟ وبي ام جبليو كمان؟
يا نهار ابيض ده انتي عايزانا نتحبس بقى
هههههههه
شكرا بجد على مرورك وردك الجميل ومنتظرك في بقية الحكاية
:)
yasmine
-------
اه والله فعلا معظم الأطفال كده اليومين دول مع اني معترض على فكرة ان الطفل يتساب لوقت كبير ادام الكمبيوتر والنت إلا انه بصراحة شيء مفيد جدا له بس طبعا لو كان فيه ترشيد من الأهل ومينفعش نسيب له الحبل على الغارب لأن النتيجة هتبقى عكسية خالص
شكرا بجد على مرورك الجميل على مدونتي
:)
sahr
----
منوراني يا سهر ومتخافيش محدش خلاه يعيط
هو الواد لحق نفسه اصلا وعيط مقدما
ههههههه
Desert cat
----------
هههههه
طيب طمنتيني والله على ابن اخوية
:D
كده بقى لما يعمل كده وهو عندو ست سنين يبقى طبيعي بالنسبة لأبن اخوكي اللي عندو سنتين ونص ومجننكم كده
ههههههه
نورتيني بجد وشكرا لمتابعتك ومستنيكي بإذن الله
soka
----
وانتي طيبة يا سوكا وربنا يبارك فيكي
شكرا على ذوقك والله
وميهمكيش انها جت متأخر المهم انها جت
:D
وعلى فكرة والله انا كنت طيب جدا وانا صغير
:(
نـــــــور
-----------
لا والله يا نور محدش ضربه جامد زي ما انتي متخيلة
عموما مستنيكي ان شاء الله في بقية الحكاية
ومنوراني والله
shams
-----
والله يا شمس انا عن نفسي مكنتش كده خالص وانا صغير
مش عارف الواد ده باين طالع لأبوه بقى
:D
مرورك بجد شرفني واتمنى الزيارة متنقطعش
Lemonada
---------
شكراااااا على ذوقك ربنا يكرمك والشرف ليا انا بجد والله
Ahmed Essawy
------------
ازيك يا احمد وعامل ايه
يارب تكون كويس
والله احنا مرضيناش نخليه ينزل الشارع إلا لما اتاكدنا انه نازل يلعب مع حد احنا عارفينه
بس منعرفش بقى انه هيعمل المشكلة دي
:D
الحمد لله بقى انها جت على اد كده واهي آخر مرة ينزل الشارع
بلا عنوان
--------
خلاص يا فندم حكينا الباقي والحمد لله
ومنتظرك ان شاء الله
:)
كراكيب عادل
----------
منورني والله يا استاذ عادل ربنا يكرمك
ههههههههه
وربنا يسترها معانا بقى ويهدي لنا يوسف
والحمد لله المرادي جت على خير
:)
Hannoda
--------
اطمني يا هنودة من ناحية استوعبنا الدرس احنا استوعبناه
لاء ومش بس كده ده احنا شربناه كمان
ههههههههه
truelove
--------
انتي المفروض تخافي علينا احنا مش على الواد
هههههههه
والحمد لله وشكرا على مرورك وذوقك والله
Post a Comment